Arxiv
2025-yilda qaysi soliqlar mahalliy budjetga yo‘naltiriladi?
2025-yil mahalliy budjetlar mustaqilligini oshirish uchun ular ixtiyorida qoladigan soliq tushumlarini ko‘paytirish rejalashtirilmoqda. Bu yuridik shaxslardan olinadigan mol-mulk va yer solig‘i, aylanmadan soliq hamda qisman jismoniy shaxslardan olinadigan daromad solig‘i hisobiga amalga oshiriladi.
“O‘zbekkonsert” tashkilotni ogohlantirmay xorijda konsert beradigan san’atkorlarning litsenziyasini to‘xtatishini ma’lum qildi
“O‘zbekkonsert” davlat muassasasi san’atkorlarga O‘zbekistondan tashqarida konsertlar o‘tkazishdan avval tashkilotni yozma ravishda xabardor qilish shartligini eslatdi. Talablarni buzganlarning litsenziyasi muddatidan oldin to‘xtatilishi mumkin.
Jizzaxda metan “zapravka” 8,6 mlrd so‘mlik elektrdan noqonuniy foydalandi
Jizzax viloyati Zarbdor tumanidagi metan “zapravka” elektr hisoblagichga tashqi ta’sir ko‘rsatish orqali 8,6 mlrd so‘mlik elektr energiyasidan noqonuniy foydalanib kelgani aniqlandi. Hujjatlar tegishli organlarga yuborildi.
“Mahalla yettiligi” tizimida 51 ming nafar xodim faoliyat yuritmoqda — Qahramon Quronboyev
Hozir O‘zbekistonda jami 9452 ta mahalla mavjud. Qahramon Quronboyevga ko‘ra, aholini boshqarish uchun yaratilgan “mahalla yettiligi” tizimi dunyoning birorta davlatida yo‘q. “Bugungi kunda 51 137 nafar xodim yettilikda faoliyat yurityapti”, — dedi O‘zbekiston mahallalari uyushmasi raisi.
2025-yilda jalb qilinadigan tashqi qarzning cheklangan hajmi 5,5 mlrd dollar bo‘lishi kutilmoqda
2025-yilda davlat nomidan va uning kafolati ostida tashqi qarzlarni jalb qilish bo‘yicha yillik imzolanadigan yangi bitimlarning cheklangan hajmi 5,5 mlrd dollar bo‘lishi kutilmoqda. Budjet to‘g‘risidagi qonun loyihasiga ko‘ra, mablag‘ning 3 mlrd dollari davlat budjetini qo‘llab-quvvatlash uchun ishlatiladi.
O‘zbekiston aholisining real daromadlari statistikasi yaxshilandi
To‘qqiz oy yakuniga ko‘ra, aholining real daromadlari 7,7 foizga o‘sdi, bu 2023-yilning shu davridagi ko‘rsatkichdan yuqori. Aholi jon boshiga umumiy daromadlar 15,5 foizga (inflyatsiyani hisobga olgan holda — 5,5 foizga) o‘sib, 17,4 mln so‘mni tashkil etdi.
Naim Qosim “Hizbulloh”ning yangi yetakchisi bo‘ldi
Naim Qosim “Hizbulloh” guruhining yangi bosh kotibi etib saylandi. 71 yoshli rahbar 30 yildan ortiq harakat yetakchisining o‘rinbosari bo‘lib ishlab kelayotgandi.
Xususiy bandlik agentliklari litsenziya olishi uchun zaxira mablag‘lari miqdori kamaytiriladi
Prezident qarori bilan xususiy bandlik agentliklari litsenziya olishi uchun zaxira mablag‘lari miqdori kamaytirilishi belgilandi. Agentliklar ushbu mablag‘ni tijorat banklarining depozitlariga joylashtirishi mumkin.
Bokschi Murodjon Ahmadaliyev vaqtinchalik WBA kamari uchun jang qiladi
O‘zbekistonlik sobiq jahon chempioni Murodjon Ahmadaliyev birinchi yarimengil vaznda vaqtinchalik WBA kamari uchun meksikalik Rikardo Espinosaga qarshi jang qiladi. Uchrashuv dekabr oyida Monakoda bo‘lib o‘tadi.
Yandex Eats Express24 aktivlarini sotib olgach, bozorning 87,5 foizini nazorat qiladi — Raqobat qo‘mitasi
Yandex Eats Express24 bilan tuzgan bitimdan so‘ng ovqat yetkazib berish agregatori xizmatlari bozorining 87,5 foizini nazorat qiladi. Raqobat qo‘mitasi mazkur bitim monopoliyaga qarshi organ bilan oldindan kelishish talabiga tushmasligini qayd etdi.
Elektroskuter va samokatlarda yo‘l harakati qoidalarini buzganlik uchun jarimalar joriy etildi
Elektroskuterlar, shuningdek, elektrosamokat, elektr skeytbordlar, segveylar, unitsikllar, monog‘ildirak haydovchilari tomonidan yo‘l harakati qoidalarini buzganlik uchun jarimalar kuchga kirdi. Bu vositalar yorug‘lik qaytargichlar va chiroqlar bilan jihozlangan bo‘lishi shart. Ularda yo‘lovchi tashish taqiqlandi.
Davr Bank tashqi reklamadagi kamchiliklar uchun moliyaviy jarimaga tortildi
Raqobat qo‘mitasi Davr Bank ATBga nisbatan mikrokredit bo‘yicha tashqi reklamada aniq ma’lumotlarni keltirmagani uchun moliyaviy jarima qo‘llashga qaror qildi.
Gruziyada parlament saylovlariga qarshi norozilik aksiyasi bo‘ldi
Gruziyada parlament saylovi natijalariga qarshi bir necha yuzlab kishilar norozilik namoyishini o‘tkazdi. Unda prezident ham qatnashib, xalqaro yetakchilar bilan gaplashgani va suhbatdoshlari ham natijalarni tan olmaganini aytdi. Aksiyada asosiy talab xalqaro tashkilotlar kuzatuvida yangi saylov o‘tkazish bo‘ldi.
Rodri “Oltin to‘p” sohibi bo‘ldi
France Football Rodrini yilning eng yaxshi futbolchisi deb e’lon qildi va unga “Oltin to‘p” sovrinini topshirdi. So‘nggi kunlargacha bu sovrinni Vinisius Junior olishi kutilayotgandi. Lamin Yamal eng yaxshi yosh futbolchi, Emiliano Martinez esa yana eng yaxshi darvozabon bo‘ldi.
Isroilda BMTning falastinlik qochqinlar bo‘yicha agentligi faoliyatini taqiqlovchi qonun ma’qullandi
Isroil parlamenti 90 kun ichida mamlakatda BMTning falastinlik qochqinlar bo‘yicha agentligi (UNRWA) faoliyatini taqiqlash to‘g‘risidagi qonunni ma’qulladi. Agentlik hamda xalqaro tashkilotlar bu harakat “xavfli pretsedent yaratishi” va “BMT nizomiga zidligi”ni bildirmoqda.
Sirdaryoda 13 yoshli bola qarindoshini pichoqlab o‘ldirib qo‘ydi
Sirdaryo viloyati Guliston shahrida 13 yoshli bola ruhiy nosog‘lom qarindoshini o‘ldirib qo‘ydi. Bosh prokuraturaga ko‘ra, marhum bolaning qo‘liga pichoq berib, uni o‘ldirishini so‘rab qo‘rqitgan. Jinoyat ishi qo‘zg‘atildi.
Uzum IT Community of Uzbekistan’ning strategik hamkoriga aylandi
IT Community of Uzbekistan va Uzum IT sohasida yosh mutaxassislarni rivojlantirishga qaratilgan hamkorlik boshlanganini e’lon qildi.
28-oktabr kuni e’lon qilingan eng muhim yangiliklar dayjesti
Siyosiy partiyalarning Qonunchilik palatasidagi yangi o‘rinlari, MDH missiyasining deputatlik sayloviga bahosi, o‘quvchilar uchun kuzgi ta’til muddatlari, Markaziy bank nomidan qilinayotgan firibgarlik holatlari va boshqalar — “Gazeta.uz"ning kunlik dayjestida.
Angrenda metan “zapravka” 1,1 mlrd so‘mlik elektrdan noqonuniy foydalangani aniqlandi
Toshkent viloyati Angren shahridagi metan “zapravka” elektr hisoblagichga tashqi ta’sir ko‘rsatish orqali 1,1 mlrd so‘mlik elektr energiyasidan noqonuniy foydalanib kelgani aniqlandi. Hujjatlar tegishli organlarga yuborildi.
Foydali qazilmalarni ruxsatnomasiz qazib olganlik uchun jinoiy javobgarlik belgilandi
Yangi qonun bilan foydali qazilmalarni takroran ruxsatnomasiz qazib olganlarga nisbatan jinoyat ishi ochiladi. Amaldagi qonunchilikda bu uchun ma’muriy javobgarlik belgilangan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting