Arxiv
Freedom House erkinlik reytingida O‘zbekiston 11 ballni qo‘lga kiritdi
Yangilangan Freedom House erkinlik reytingida O‘zbekiston 100 balldan 11 ball to‘plagan, bu o‘tgan yilgi ko‘rsatkichdan bir pog‘ona yuqori. Mamlakat «erkin emas» maqomini saqlab qolmoqda.
Samarqanddan Istanbulga aviaqatnovlar tiklandi
«Uzbekistan Airways» Samarqand-Istanbul-Samarqand yo‘nalishi bo‘yicha muntazam aviaqatnovlarni tikladi. Parvozlar 29 martdan boshlab amalga oshiriladi.
Markaziy Osiyo Ittifoqini tuzish haqida gapirishga hali erta — Sodiq Safoyev
«Markaziy Osiyo davlatlarida integratsiyaning asosiy tarkibiy qismi bo‘lmish umumiy tamoyillar, qadriyatlar va uyg‘un mexanizmlar mavjud emas», — deya hisoblaydi Senat raisining birinchi o‘rinbosari Sodiq Safoyev. U delimitatsiya va demarkatsiya jarayonlari tugamasdan, O‘zbekistonda mustaqil davlat shakllanishining yakunlanishi haqida gapirishga erta ekanligini ham ta’kidladi.
«Xalqaro hamjamiyatga har qanday qo‘shilish suverenitetni cheklashdir» — Sodiq Safoyev JST va YeOII haqida
Sodiq Safoyev Alter Ego loyihasiga bergan intervyusida YeOII yetarlicha o‘rganilmaganligi, shuning uchun avval kuzatuvchi bo‘lishga qaror qilinganligini aytdi. U shuningdek, xalqaro hamjamiyatga har qanday tarzda integratsiya qilish shaxsiy suverenitetni cheklashni anglatishini ta’kidladi.
Turkiya tashqi ishlar vaziri O‘zbekistonga tashrif buyuradi
Turkiya tashqi ishlar vaziri Mevlut Chavusho‘g‘lu 6 — 9 mart kunlari O‘zbekistonga tashrif buyuradi. Turk delegatsiyasi Samarqandda mamlakat Bosh konsulxonasining ochilish marosimida ishtirok etdi.
Yo‘l nosozligi sababli YTH sodir bo‘lsa, haydovchining zarari qoplanadi — Transport vazirligi
Transport vazirligi idora inspektorlari qanday vakolatga ega ekanligi to‘g‘risida ma’lumot berdi. Bundan tashqari, yo‘l nosozligi sababli sodir bo‘lgan YTHlar bo‘yicha zarar yo‘l qaysi tashkilot balansida bo‘lsa, o‘sha tashkilot tomonidan qoplab berilishi aytildi.
Buxoroda muhtoj oilalarga biznes uchun 1000 ta konteyner ajratiladi
Buxoroda yordamga muhtoj oilalar uchun 1000 ta konteyner ajratiladi, ularni biznes ob’ekti sifatida ishlatish va aholiga xizmat ko‘rsatish mumkin bo‘ladi. Modulli bloklar 24 mln so‘mga baholanmoqda, ularni imtiyozli kredit asosida sotib olish mumkin. Bundan avval, prezidentga bunday konteynerlardan qanday foydalanilayotganining namunalari ko‘rsatilgan edi.
Qirg‘iziston prezidenti 11−12 mart kunlari O‘zbekistonga tashrif buyuradi
Qirg‘iziston prezidenti Sadir Japarov 11−12 mart kunlari O‘zbekistonga rasmiy tashrif bilan kelishi kutilmoqda.
Gretsiyada kuchli zilzila qayd etildi
Gretsiyaning markazida 6,9 balli zilzila qayd etildi. Kuchli zarbadan so‘ng, yer osti silkinishlari sodir bo‘lgan. Tabiiy ofat ko‘plab uy va binolarga zarar yetkazgan. Hozircha faqat bir nafar fuqaroning vayronalar ostidan qutqarib olingani haqida ma’lumot bor.
«Shavkat Mirziyoyevdan boshqa nomzod ko‘rmayapman». Sodiq Safoyev — prezident saylovlari to‘g‘risida
Senat raisining birinchi o‘rinbosari Sodiq Safoyev 2021 yilgi prezident saylovlari oldingi yillarda o‘tkazilgan islohotlarga baho beruvchi referendum bo‘lishini aytdi. U davlat rahbari lavozimiga Shavkat Mirziyoyevdan boshqa loyiq nomzodni ko‘rmayotganligini ta’kidladi. O‘z o‘rnida, senator alternativ dastur va nomzodlarsiz «saylovlar to‘laqonli, adolatli va haqqoniy deb baholanmasligini» bildirdi.
«2021 yilda 54 ming oilani uy-joy bilan ta’minlashimiz zarur» — prezident
Prezident Shavkat Mirziyoyev aholining ehtiyojini qondirish uchun yiliga 100−150 mingta uy-joy qurish kerakligini aytdi. Shu sababli, 2021 yilda 54 ming oilani uy-joy bilan ta’minlash mo‘ljallanmoqda. Davlat ipoteka dasturi asosida 45 mingta uy quriladi.
«Tashmore» da dam olish maskani barpo etiladi
O‘rta Chirchiq tumani hududida joylashgan, xalq tilida «Tashmore», ya’ni «Toshkent dengizi» deb ataluvchi Tuyabo‘g‘iz suvomborida dam olish maskani bunyod etilishi rejalashtirilmoqda. Loyihaning birinchi bosqichida xitoylik investor tomonidan 2,5 mln AQSH dollari miqdorida investitsiya kiritilishi ko‘zda tutilgan.
Qozog‘iston bilan mehnat migrantlarining huquqlarini himoya qilish to‘g‘risidagi bitim tasdiqlandi
Prezident O‘zbekiston va Qozog‘iston hukumatlari o‘rtasida mehnat faoliyati va mehnat migrantlari huquqlarini himoya qilish to‘g‘risidagi bitimni tasdiqladi. Hujjat 2019 yil aprel oyida imzolangan.
Toshkentda o‘qdan yaralangan it topildi
Poytaxtning Uchtepa tumanida quroldan otilgan o‘qdan yaralangan it topildi. Jonivor shifoxonaga olib kelingan va u intensiv terapiyalar olmoqda.
Shavkat Mirziyoyev IHT sammitida nutq so‘zlaydi
O‘zbekiston prezidenti Iqtisodiy hamkorlik tashkilotining COVID-19 dan keyin mintaqada amaliy hamkorlikni rivojlantirishning dolzarb masalalariga bag‘ishlangan sammitida ishtirok etib, nutq so‘zlaydi.
«Davlat bojini to‘lash yoki to‘lamasligimizni hozir ayta olmayman» — «O‘zavtosanoat» raisi o‘rinbosari
«O‘zavtosanoat» raisi o‘rinbosari Azizbek Shukurov UzAuto Motors kompaniyasi inomarka xorij avtomobillari importi vaqtida bojxona boji to‘lash yoki to‘lamasligini ayta olmadi. Biroq, kompaniya «mavjud qonun doirasida faoliyat olib borishini» ta’kidladi. UzAuto Motors rahbari Rustam Rajabov ST-1 sertifikatiga ega bo‘lgan Lada, Hyundai va boshqa avtomobillarni Rossiyadan import qiluvchilar bilan teng shartlarda faoliyat yuritmoqda.
Jahon yangiliklari dayjesti
Ilon Maskning Texasda yangi shahar yaratishga qaror qilgani, Norvegiyada vaksinatsiyadan keyin o‘lim holatlarining o‘rganib chiqilishi, Avstraliyada noma’lum yo‘nalishdagi parvozlar va boshqa yangiliklar — «Gazeta.uz»ning jahon yangiliklari dayjestida.
Muhtoj oilalar uy olish uchun dastlabki badalning faqat 5 foizini to‘laydi
Prezident boshchiligida o‘tayotgan videoselektorda muhtoj oilalar uy olish uchun dastlabki badalning faqat 5 foizini to‘lashi aytildi. Bundan tashqari, kredit olgan aholi uchun foiz to‘lovlarining Toshkent shahrida 12 foizi, boshqa hududlarda 10 foizidan yuqori qismiga subsidiya beriladi.
NNTni qayta ro‘yxatdan o‘tkazish muddati 1 oydan 15 kungacha qisqartirildi
2021 yil 1 martdan NNTni qayta ro‘yxatdan o‘tkazish muddati 1 oydan 15 kungacha qisqartirildi. Endi nogironligi bo‘lgan shaxslar, faxriylar, nuroniylar, xotin-qizlar, bolalar jamoat birlashmalari ramzlarini davlat ro‘yxatidan o‘tkazish uchun davlat boji bekor qilindi.
«1 kv. metr uy narxi 4 mln so‘mdan oshmasligi kerak» — Shavkat Mirziyoyev
Prezident raisligida o‘tayotgan videoselektorda muhim masalalardan biri — uy-joylarning narxini adolatli shakllantirishga e’tibor qaratildi. «Hokimlar bir kvadrat metr uy narxini 4 mln so‘mdan oshirmaslik choralarini ko‘rishi kerak» — Shavkat Mirziyoyev.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting