Arxiv
Mashina boshqarayotganda telefondan foydalanishga ruxsat berish taklif qilinmoqda
Adliya vazirligi haydovchilarga quloqchin va boshqa uskunalar orqali telefondan foydalanishga ruxsat berishni taklif qilmoqda. Salonga monitor o‘rnatganlik uchun jarimani bekor qilish ham taklif etilmoqda. Bundan tashqari, haydovchilik guvohnomasi, sug‘urta polisi va texpasport olib yurmasdan avtomobildan foydalanishga ruxsat berish rejalashtirilmoqda.
«Odamlar svet bo‘yicha, ayniqsa gaz bo‘yicha bizdan juda norozi» — prezident
Shavkat Mirziyoyev joriy yilda O‘zbekiston 917 million kub metr gaz import qilganligini ma’lum qildi. «Bu juda katta raqam. Ikkinchidan, biz valyutaga import qilyapmiz. Kelajakda nima bo‘ladi?», — dedi u. Prezidentning so‘zlariga ko‘ra, neft va gaz sohasi uchun so‘nggi uch yilda ajratilgan 1,4 mlrd dollar o‘z natijasini bermayapti.
«Hech qachon bunday adolatsiz hakamlikni ko‘rmaganman» — bosh vazir Olimpiada o‘yinlari haqida
Bosh vazir Abdulla Aripov Tokiodagi Olimpiada o‘yinlarida o‘zbekistonlik bokschilarga nisbatan adolatsizlik bo‘lganligini ta’kidladi. «Shu yoshga kirib, hech qachon bunaqangi adolatsiz hakamlikni ko‘rmaganman… Ularning maqsadi bokschilarimizning irodasini sindirish edi», — dedi u.
Endi deputatlarning yordamchilari bo‘ladi
Qonunchilik palatasida deputat yordamchisi institutini joriy etishga oid qonun loyihasi muhokama qilinmoqda. Bu orqali deputat va saylovchi o‘rtasidagi muntazam aloqani yaxshilashga erishish maqsad qilingan. Tashabbus «Milliy tiklanish» partiyasi tomonidan ilgari surildi.
Jahon yangiliklari dayjesti
Belarus rahbarining «tez orada» prezident lavozimidan ketishi mumkinligi, «Tolibon»ning 6 ta viloyat markazini egallab olgani, Kubada kichik va o‘rta xususiy tadbirkorlikka ruxsat berilgani va boshqa yangiliklar — «Gazeta.uz»ning jahon yangiliklari dayjestida.
«Odamlarning xohish-istaklari inobatga olinishi kerak». Deputat — mahallalarni obodonlashtirish haqida
Deputat Nodir Abduvaliyev Toshkent aholisi mahallalarni obodonlatirish borasida bekorda shikoyat qilmayotganini ma’lum qildi. Uning fikricha, ayrim holatlarda qurilish ishlaridan keyin «mahallalar bor fayzu tarovatidan mahrum bo‘lmoqda».
Chorvoq atrofi hududlari o‘rmonlashtiriladi
Hukumat qarori bilan Chorvoq suv ombori atrofidagi va unga tutash hududlarda, o‘rmon bilan qoplangan va o‘rmon barpo qilish mumkin bo‘lgan qishloq xo‘jalik yerlari chorvachilikka taqiq qo‘yilgan holda o‘rmon fondiga o‘tkaziladi. 2023 yilgacha ushbu hudud o‘rmonlashtiriladi.
Xitoy-o‘zbek vaksinasi dozalari orasidagi interval qancha bo‘lishi kerak?
Koronavirusga qarshi ZF-UZ-VAC2001 vaksinasining dozalari orasidagi interval qancha bo‘lishi kerak? Koronavirusning «delta» shtammi qanday aniqlanadi? Biotexnolog, biologiya fanlari doktori Alisher Abdullayev «Gazeta.uz»ning ushbu savollariga batafsil javob berdi.
Koronavirusdan tuzalgan odam vaksina olishi kerakmi?
Kasallik yoki vaksinadan so‘ng organizmda «antitanachalar» paydo bo‘lmasligi mumkin, lekin xotira hujayralari oldinroq virusga duch kelganligini eslab qoladi. Koronavirusdan tuzalgan odam nima sababdan emlanishi kerak? «Gazeta.uz»ning shu va boshqa savollariga biotexnolog, biologiya fanlari doktori Alisher Abdullayev javob berdi.
Dollarning rasmiy kursi biroz pasaydi
Dollarning rasmiy kursi 11,79 so‘mga pasaydi va jami 10 628,00 so‘m etib belgilandi. Shuningdek, yevro va rubl kurslari ham biroz pasaydi.
OIV va Gepatit S tashxisi uchun mobil laboratoriya ishga tushirildi
«Chegarasiz shifokorlar» va OITSga qarshi kurashish markazi OIV, Gepatit S va teri-tanosil kasalliklari tashxisi uchun mobil laboratoriyani ishga tushirdi. U Toshkent shahri va viloyatida faoliyat ko‘rsatadi.
Yangi o‘quv yilida maktablarda darslar gibrid shaklda davom ettiriladi
Xalq ta’limi vazirligi yangi 2021−2022 o‘quv yilida maktablarda dars jarayoni gibrid shaklda davom ettirilishiga tayyorgarlik ko‘rayotganini ma’lum qildi. Bunda maktabda yuzaga keladigan vaziyatga qarab ayrim maktablar karantinga yopilib masofaviy tizimga o‘tkazilishi mumkin.
AQSh O‘zbekistonga qiymati $330 mingdan ziyod bo‘lgan tibbiy niqoblar yubordi
AQShdan beg‘araz ko‘mak sifatida qiymati 330 ming dollardan ziyod bo‘lgan 240 ming dona tibbiy niqoblarning birinchi qismi O‘zbekistonga olib kelindi. Mazkur insonparvarlik yuki «Global Jewish Assistance and Relief Network» jamg‘armasi va Buxoro yahudiylari jahon kongressi tomonidan yetkazilgan.
Xitoy-o‘zbek vaksinasining ikkinchi va uchinchi dozalari bilan emlash vaqtincha to‘xtatildi
9 avgustdan boshlab bir hafta davomida O‘zbekistondagi barcha emlash punktlarida xitoy-o‘zbek vaksinasining faqat birinchi dozasi bilan emlash ishlari amalga oshiriladi. Shu muddat ichida ushbu vaksinaning ikkinchi va uchinchi bilan emlanilmaydi. Bu ish vaksinatsiya jarayonini to‘g‘ri rejalashtirish va emlash bo‘yicha hisob-kitobni to‘g‘rilab olish uchun qilinganligi aytildi.
Toliblar Afg‘oniston shimolidagi muhim shahar — Qunduzni egalladi
Afg‘oniston shimolidagi strategik ahamiyatga ega bo‘lgan Qunduz shahri «Tolibon» harakati vakillari tomonidan egallandi. Shahardagi janglar oqibatida halok bo‘lganlar orasida tinch aholi qurbonlari, ayollar va bolalar borligi aytilmoqda. Juma kuni harakat vakillari Zaranj va Shibarganni egallashgan.
IIV Qalampir.uz jurnalisti Feruza Najmiddinova ishi bo‘yicha qo‘shimcha ma’lumot berdi
Qalampir.uz jurnalisti Feruza Najmiddinovaga tuhmat qilish uchun tarqatilgan videoda rasmiy nikohdagi er-xotin, chet el fuqarolari bo‘lganligi ma’lum qilindi. Ularning harakatida qonun buzilish holatlari aniqlanmagan. Videolavhani yasab, ijtimoiy tarmoqlarda tarqatish orqali jurnalistning obro‘sini to‘kishga qilingan harakat bo‘yicha jinoyat ishi qo‘zg‘atildi.
Hafta oxirida issiq havo biroz pasayishi kutilmoqda
Haftaning katta qismida respublika hududlari bo‘yicha asosan kam bulutli ob-havo bo‘ladi. Payshanba kuni O‘zbekistonga salqin havo kitib keladi. Havo harorati kunduz kunlari +30…+35 darajagacha pasayadi.
Mislsiz islohotlar o‘z-o‘zidan bo‘lmaydi — Abdulla Aripov
«Biz juda tez amalga oshirilayotgan o‘zgarishlarga ko‘nikib qoldik. Ularning mohiyatini anglashga ulgurmayapmiz. Mislsiz islohotlar aynan shunday bo‘lishi kerakdek va shu ishlar o‘z-o‘zidan bo‘layotgandek qabul qilyapmiz» — dedi Abdulla Aripov O‘zLiDeP siyosiy kengashining navbatdagi majlisida. Barcha islohotlar zamirida Shavkat Mirziyoyevning qat’iyati mujassam, deya ta’kidladi u.
Shavkat Mirziyoyevning shu haftadagi ish rejasi ma’lum qilindi
O‘zbekiston prezidentining haftalik ish jadvalidan neft va gaz sohalari bo‘yicha yig‘ilish hamda Toshkent viloyatida ishlab chiqarish sohalarini rivojlantirishga oid taqdimot o‘rin olgan.
8 avgust kuni O‘zbekistonda 856 kishida koronavirus aniqlandi
Kecha kun davomida O‘zbekistonda 856 kishida koronavirus infeksiya qayd etildi. 6 nafar COVID-19 bemori vafot etdi. Shuningdek, shanba kuni 439 kishida pnevmoniya qayd etildi, 3 nafar pnevmoniya bemori vafot etdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting