Arxiv
“Xo‘p, xo‘p xo‘jayin”. Toshkentda YPX xodimi yana jarima yozmasdan haydovchini qo‘yib yubordi
Toshkent viloyatida yana YPX xodimi Malibu haydovchisiga protokol tuzmoqchi bo‘lganida, u haydovchining telefonida “xo‘jayin” bilan gaplashdi. Yakunda xodim haydovchini “ogohlantirib”, qo‘yib yubordi. Mazkur jarayon Toshkent telekanali efirida uzatilgan.
OTMlarga kirish imtihonlari o‘tkaziladigan xiyobon va stadionlar manzillari e’lon qilindi (ro‘yxat)
Respublika bo‘ylab 2021−2022 o‘quv yili uchun test sinovlari o‘tkaziladigan xiyobon va stadionlarning manzillari ro‘yxati ma’lum qilindi.
2 avgust kuni O‘zbekistonda 899 kishida koronavirus aniqlandi
Kecha kun davomida O‘zbekistonda 899 kishida koronavirus infeksiya qayd etildi. 7 nafar COVID-19 bemori vafot etdi. Shuningdek, dushanba kuni 516 kishida pnevmoniya qayd etildi, 3 nafar pnevmoniya bemori vafot etdi.
Ish beruvchilar vaksina olmagan xodimlarini ishdan chetlatishlari mumkin
Majburiy emlashni qonuniylashtirishga oid hujjat prezident tomonidan imzolandi. Qonun bilan karantinli va xavfli yuqumli kasalliklar tarqalishi tahdidi bo‘lganda Bosh davlat sanitariya vrachining qarori bilan aholini profilaktik emlashdan o‘tkazish joriy etilishi belgilanmoqda. Qolaversa, Mehnat kodeksiga xodim emlashdan o‘tishni rad etgan holda ish beruvchi uni ishdan chetlatishiga haqli degan norma kiritildi.
Rasman: Eldor Shomurodov Roma klubiga o‘tdi
Italiyaning «Roma» klubi «Jenoa» safida to‘p surgan o‘zbekistonlik hujumchi Eldor Shomurodov transferi uchun 17,5 mln yevro to‘ladi. Futbolchi rimliklar bilan 2026 iyunining oxirigacha shartnoma imzoladi. Shomurodov «bo‘rilar» safida 14 raqam ostida harakat qiladi.
Poytaxtda daraxtlarni sug‘orish bo‘yicha aksiya o‘tkazilmoqda
Poytaxtda 2 avgustdan 7 avgustgacha «Shahrimiz daraxtlarini birgalikda asraylik!» shiori ostida daraxtlarni sug‘orish aksiyasi o‘tkazilmoqda.
Senat o‘zbekistonliklarni xorijga ishga yuborishda kamchiliklarga yo‘l qo‘ygan rahbar ishdan bo‘shatilganini ma’lum qildi
Senat Tashqi mehnat migratsiyasi agentligining Andijon filiali Rossiyaga ishga jo‘natgan 41 nafar o‘zbekistonliklar va’da qilingan maosh to‘lanmayotganligi haqidagi murojaatni o‘rganish natijalarini e’lon qildi. Aniqlanishicha, fuqarolarning pasportlari rasmiylashtirish uchun olingan va ular bir soatlik ish haqini bir kunlik deb «noto‘g‘ri tushunishgan». Ushbu voqealar ortidan agentlikning Andijon filiali rahbari Ulug‘bek Yuldoshev ishdan bo‘shatildi.
Jahon yangiliklari dayjesti
Turkiyadagi o‘rmon yong‘inlarida «Olov bolalari» tashkilotining gumon qilinayotgani, Litva-Belarus chegara hududining noqonuniy muhojirlar bilan to‘lib ketgani, Eron sobiq prezidentining xalqdan kechirim so‘ragani va boshqa yangiliklar — «Gazeta.uz»ning jahon yangiliklari dayjestida.
2 avgust kuni O‘zbekistonda sodir bo‘lgan eng muhim xabarlar dayjesti
Shavkat Mirziyoyevning koronavirusga qarshi vaksina olganligi, YPX xodimi Malibu haydovchisiga protokol tuzmoqchi bo‘lgani, lekin buyruq asosida uni qo‘yib yuborishi, davlat rahbarining haftalik ish grafiki — “Gazeta.uz"ning 2 avgustdagi eng muhim xabarlari dayjestida.
Andijonda yo‘lni to‘sib qo‘ygan fuqarolarga sud hukm o‘qildi
Andijonda viloyat hokimi qabuliga kira olmagan 17 kishidan iborat guruh hokimiyat yaqinidagi avtomobil yo‘lini to‘sib qo‘ydi. Jinoyat ishlari bo‘yicha shahar sudi qarori bilan ularning 11 nafari 15 sutkagacha muddatga qamaldi, qolganlar jarimaga tortildi.
Samarqandda akasining ishini «ijobiy hal qilish» uchun IIB xodimiga $5 ming bermoqchi bo‘lgan shaxs ushlandi
Samarqandda PSR-testi natijasini soxtalashtirib sotayotgan shaxs qo‘lga olindi. Uning ukasi «holatni rasmiylashtirmaslik va ishni ijobiy tomonga hal qilib berish» uchun IIB xodimiga 5 ming dollar bermoqchi bo‘lganida ushlandi. Unga nisbatan jinoyat ishi qo‘zg‘atildi.
English Speaking Nation dasturi doirasida 420 dan ortiq ingliz tili o‘qituvchilari malakasi oshiriladi
Xalq ta’limi vazirligi va AQShning Toshkentdagi elchixonasi tomonidan amalga oshirilayotgan English Speaking Nation yozgi treninglar dasturi doirasida respublikaning turli hududlarida 420 dan ortiq ingliz tili o‘qituvchilari intensiv mashg‘ulotlarda qatnashib, pedagogik va psixologik bilimlarini takomillashtirishadi.
DXX va prokuratura Farg‘ona, Namangan va Surxondaryoda noqonuniy yer sotish holatlariga chek qo‘ydi
DXX va prokuratura tomonidan o‘tkazilgan tezkor tadbirlarda Farg‘onaning Beshariq tumanida 35 sotix, Oltiariqda 20 sotix, Bog‘dodda 4,75 gektar yerni, Namanganning Chortoq tumanida 8 gektar va Surxondaryoning Bandixon tumanida 2 gektar maydonni sotmoqchi bo‘lgan shaxslar qo‘lga olindi. Ularga nisbatan jinoyat ishi qo‘zg‘atildi.
Hyatt Regency Tashkent, Premier Hall va boshqa davlat aktivlari sentyabrda savdoga qo‘yiladi
Sentyabrdan yana 12 ta davlat aktivi, jumladan «Toshkent» va Hyatt Regency Tashkent mehmonxonalari, Premier Hall kinozali, Matbuot uyi, «Chotqol» dam olish zonasi, ikkita kichik sanoat zonasi va boshqalarni savdoga chiqarish rejalashtirilmoqda.
Dollarning rasmiy kursi yana ko‘tarildi
Dollarning rasmiy kursi 11,57 so‘mga ko‘tarildi va jami 10 654,00 so‘m etib belgilandi. Shuningdek, yevro va rubl kurslari esa biroz ko‘tarildi.
Aholi Toshkent markazidagi bog‘ taqdiridan xavotirda — uning bir qismi biznes-markaz qurish uchun ajratilgan
Toshkent markazi aholisi Le Grande Plaza mehmonxonasi yaqinidagi katta yashil hududining taqdiridan xavotirda. Bu yerda 2019 yilda biznes-markaz qurish rejalashtirilgan edi. «Gazeta.uz» ushbu yer uchastkasi ajratilgan kompaniya rahbari va bu yerda har qanday qurilish bo‘lishiga qarshi aholi bilan gaplashdi.
Qirg‘izistonning sobiq prezidenti Askar Akayev Bishkekka olib kelindi
«Kumtor» loyihasini amalga oshirishdagi korrupsiya faktlarini tergov qilish doirasida qidiruvga berilgan Qirg‘izistonning birinchi prezidenti Askar Akayev Bishkekka olib kelindi.
Tokio-2020: Olimpiadaning o‘ninchi kunida ham O‘zbekiston medallarsiz qoldi
Tokioda bo‘lib o‘tayotgan Olimpiya o‘yinlarining o‘ninchi kunida o‘zbekistonlik sportchilar yengil atletika hamda yunon-rum kurashi bellashuvlarda qatnashishdi. Ammo musobaqaning navbatdagi kuni ham O‘zbekiston uchun medallarsiz yakunlandi.
Prezident va tadbirkorlar uchrashuvi qoldirilganiga izoh berildi
Prezident matbuot kotibi Sherzod Asadov davlat rahbarining tadbirkorlar bilan kutilayotgan uchrashuvi nima sababdan qoldirilganiga izoh berdi. Uning so‘zlariga ko‘ra, hozirga qadar 10 mingga yaqin murojaat kelib tushgan va ularning 40 foizi hal etilgan. Murojaatlar dinamikasidan kelib chiqib, uchrashuv kuni qoldirilgan va takliflarni qabul qilish 5 avgustgacha davom etadi. Bosh vazir o‘rinbosari Sardor Umurzoqov esa uchrashuvda ishbilarmonlarning qaysi qatlami ishtirok etishini ma’lum qildi.
Surxondaryoda 5 nafar yigit IIB xodimlarini kaltakladi
Surhondaryoda voyaga yetmagan bolani do‘pposlayotgan besh nafar yigitni ogohlantirgan IIB xodimlari kaltaklandi. Ichki ishlar organlari xodimlarga qarshilik ko‘rsatgani va yengil tan jarohati yetkazgani uchun ularga nisbatan jinoyat ishi ochildi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting