Tanlov asosida saralab olinadigan beshta oliy ta’lim muassasasiga tajriba tariqasida kontrakt asosidagi talabalar sonini belgilash va imtihonlarni mustaqil o‘tkazishga ruxsat beriladi.
Ramzan Qodirovning Fransiya prezidenti haqidagi fikri, Yaponiyaning AQSH tufayli jabrlanganlarga moddiy yordam ko‘rsatishi, AQSHda 65 mln fuqaroning muddatidan aval ovoz berishi va boshqa yangiliklar — «Gazeta.uz»ning jahon yangiliklari dayjestida.
Prezident Shavkat Mirziyoyev va Turkiya milliy mudofaa vaziri Xulusi Akar ikki mamlakat o‘rtasidagi harbiy sohadagi hamkorlikning holati va istiqbollarini muhokama qilishdi.
Xitoyning Guanchjou shahrida O‘zbekiston Bosh konsulxonasining rasmiy ochilish marosimi bo‘lib o‘tdi.
Rossiyada aholiga jamoat transportida, odamlar ko‘p bo‘lgan joylarda, liftlarda niqob taqish tavsiya etildi. Ko‘ngilochar maskanlarning faoliyati to‘xtatilishi kerakligi xaqida aytilgan bo‘lsa ham, Moskva meriyasi tungi klublar va barlar yopilmasligini ta’kidladi.
Prezident Toshkent shahar hokimi Jahongir Ortiqxo‘jayev taqdim etgan Nukus markaziy qismining istiqbolli loyihasi bilan tanishdi. Ko‘chalarni kengaytirish va ko‘kalamzorlashtirish, ko‘llar va bog‘lar yaratish, turar joy binolari, IT-parklar va boshqa ob’ektlar qurilishi rejalashtirilgan.
Oyning Quyoshga qaragan tomonida birinchi marta suv izlari borligi aniqlandi. Suv molekulalari osmon jismining janubiy qismidagi Klavius krateridan topilgan.
«Issiqlik ta’minoti to‘g‘risida"gi yangi qonun loyihasida «jamoaviy issiqlik ta’minoti tizimida issiqlik energiyasi iste’molchisi xonadonning bir qismini issiqlik ta’minoti tizimidan uzib qo‘yishga haqli emas» mazmunidagi avvalgi norma saqlanib qoldi.
Shavkat Mirziyoyev 20 xonadonga mo‘ljallangan besh qavatli bitta podyezdli turar-joy binosining namunaviy loyihasini tasdiqladi. Bunday uy-joylar mamlakatning aholisi zich joylarda quriladi. Bu uylar avval qurilganlariga qaraganda 33 foizga arzonroq bo‘ladi, dedi Qurilish vazirining birinchi o‘rinbosari Sherzod Hidoyatov.
Prezident Administratsiyasining Davlat rezidensiyalariga xizmat ko‘rsatish va tadbirlarini tashkillashtirish boshqarmasi «Ko‘ksaroy qarorgohi» davlat muassasasi tashkil etildi. Direksiya hududini obodonlashtirish uchun avtotransport va maxsus texnika xaridiga 2 mlrd so‘mdan ko‘proq mablag‘ ajratiladi.
Yaqin Sharqdagi ayrim mamlakatlarda aholi fransuz mahsulotlarini boykot qilmoqda va «islomofoblar kampaniyasiga» qarshi choralar ko‘rmoqda. Bu reaksiyaga Fransiya prezidentining mamlakat so‘z erkinligi, shu jumladan karikaturalardan voz kechmaydi degan so‘zlari sabab bo‘ldi. U bu haqda o‘quvchilarga Muhammad payg‘ambarning Charlie Hebdo karikaturasini ko‘rsatgan va kelib chiqishi chechen millatidan bo‘lgan immigrant tomonidan o‘ldirilgan o‘qituvchi bilan vidolashish marosimida aytgan edi.
Apreldan shakar importiga bojxona to‘lovlari va aksiz solig‘i stavkalari nolga tenglashtirilishi oqibatida mahalliy ishlab chiqaruvchilar «Angren shakar» va «Xorazm shakar» faoliyatini to‘xtatishga majbur bo‘ldi. 2000 dan ortiq ishchi daromadsiz qolishi mumkin.
KoronaPay mobil ilovasi orqali Yevropadan O‘zbekistonga pul jo‘natmalarini komissiyasiz amalga oshirish mumkin. Buning uchun faqat KoronaPay mobil ilovasini smartfonga o‘rnatish kerak bo‘ladi. Xizmat orqali O‘zbekistonda chiqariladigan barcha turdagi kartalarga o‘tkazmalarni amalga oshirish mumkin. Bu oddiy va qulay, pandemiya sharoitida esa — yana xavfsiz ham.
Yil boshidan buyon O‘zbekistonning doimiy aholisi 477,5 ming kishiga yoki 1,4 foizga o‘sdi va 34,38 million nafarga yetdi.
Shavkat Mirziyoyev videoselektorda elektr energetikasi sohasi transformatsiyasi orqali tannarx kamaytirilishi lozimligini ta’kidladi. Soha transformatsiyasini esa tannarxga ta’sir qilmagan holda, harajatlarni kamaytirish evaziga amalga oshirish bo‘yicha topshiriqlar berdi.
Ma’muriy javobgarlik to‘g‘risidagi kodeksdagi yangi o‘zgartirishlarga ko‘ra, karantin talablari buzilganda avtomobil jarima maydonchasiga majburiy joylashtirilishi mumkin. Bundan tashqari, epidemiyalarga qarshi kurashish qoidalarini buzish bilan bog‘liq ma’muriy ishlar ichki ishlar organlari tomonidan ham ko‘rib chiqilishi mumkin.
Yanvar-sentyabr oylarida O‘zbekistonga xorijdan 82 ta elektromobil olib kelingan. Shundan 52 tasi Xitoydan import qilingan.
2007 yilda o‘zbekistonlik Doniyor Shamuzafarov milliy kibersport tarixidagi birinchi medalni qo‘lga kiritdi va doping testidan o‘tdi. Bugun u Toshkentda kichik pitseriyaga egalik qiladi, deyarli kompyuter o‘yinlarini o‘ynamaydi. Doniyor Shamuzafarovning hikoyasi — beparvo yoshlik go‘zalligi va ulg‘ayish jasorati haqida. Kibersport nimani o‘rgatadi, yaqin-qadrdonlar qo‘llab-quvvatlashining ahamiyati va g‘alaba shukuhi — Sabina Bakayeva reportajida.
Keles yo‘li (Toshkent xalqa yo‘li) ko‘prikdan 9-maktab oldigacha bo‘lgan yo‘l qismida ta’mirlash ishlari olib borilishi munosabati bilan vaqtincha yopiladi. Xaritada haydovchilar harakatlanishiga qulay bo‘lishi uchun ikkita yo‘l ko‘rsatilmoqda.
Sardoba hamda Mirzaobod tumanlari tajribasi asosida besh qavatli uylar loyihasi ishlab chiqildi. Xonadonlar joylashuvi va xonalar ichki maydonini maqbullashtirish, qurilish materiallarini loyihaga mos o‘lchamda ishlab chiqish hamda hovli va yo‘laklarga sensorli elektr chiroqlari o‘rnatilishi hisobiga uylarning narxi 30 foizgacha arzonlashishi ta’kidlandi.
Qo‘shimcha imkoniyatlarga ega bulish uchun saytda ro‘yxatdan o‘ting