Sog‘liqni saqlash vaziri o‘rinbosari — Respublika shoshilinch tibbiy yordam ilmiy markazi bosh direktori lavozimi tugatilib, sog‘liqni saqlash vaziri o‘rinbosari — Toshkent shahar sog‘liqni saqlash bosh boshqarmasi boshlig‘i lavozimi joriy etildi. Sog‘liqni saqlash boshqarmalari rahbari hokimlar bilan kelishilgan holda lavozimlariga tayinlanadi.
Surxondaryo viloyatida 6,5 mlrd so‘mga qurilgan va bir yarim yildan so‘ng qulab tushgan ko‘prik 9,6 mlrd so‘mga ta’mirlanadi. Ko‘prikning qulashiga tabiiy ofat sababchi qilib ko‘rsatildi.
Qirg‘izistonda Jogorku Kenesh deputatlari saylovi bo‘lib o‘tdi. Dastlabki ma’lumotlarga ko‘ra, o‘rinlar uchun kurashgan 16 partiyadan atigi 4 tasi parlamentga kira oldi. Aholining saylovda ishtirok etish ko‘rsatkichi 56,2 foizni tashkil etdi.
OTMlarga kirish imtihonlarida eng yuqori ball to‘plagan abituriyentlar «byudjet»ga o‘tkazildi. Respublika va xalqaro tanlovlar g‘oliblari uchun qo‘shimcha grant o‘rinlari ajratilmoqda.
Dollarning rasmiy kursi 18 so‘mga qimmatlab, jami 10 339 so‘m etib belgilandi. Shuningdek, yevro va rubl kurslari ham ko‘tarildi.
Samarqand viloyatida Tacuma avtomobili haydovchisi yo‘l o‘rtasidagi beton to‘siqqa borib urilishi oqibatida 3 nafar shaxs vafot etdi yana 2 nafari shifoxonaga yotqizildi.
USAID, XMT va Inson huquqlari bo‘yicha milliy markaz tomonidan amalga oshirilgan «Qadr-qimmat va huquqlar» dasturi doirasida 1700 dan ortiq odam savdosi jabrdiydalari O‘zbekistonga qaytib kelib, reintegratsiya yordamini olishdi. Bundan tashqari, 95 mingdan ortiq fuqaroga odam savdosi xatarlari bo‘yicha maslahatlar berildi.
Navbatdagi isitish mavsumidan boshlab issiqlik ta’minoti to‘lovining yangi tartiblari kuchga kiradi. Toshkentdagi tarif isitish davrida 1 kv. m isitilayotgan maydon uchun 142 so‘mni tashkil etadi.
Kinorejissyor va xizmat ko‘rsatgan san’at arbobi Zulfiqor Musoqov «Gazeta.uz»ga bergan intervyusida «O‘zbekkino» rahbariyati bilan yaqinda yuzaga kelgan mojaro, kino sohasidagi muammolar, kinematograflar uchun to‘siqlar, kinematografiyani davlat tomonidan qo‘llab-quvvatlashning ahamiyati, o‘zining yangi loyihasi va sevimli filmlari haqida gapirdi.
3 oktyabr kuni O‘zbekistonda 462 kishining koronavirusga chalingani tasdiqlanib, jami holatlar soni 58 mingdan oshdi.
Kuzning eng mazali, xushbo‘y va noodatiy pishiriqlari retseptlarini Zira.uz tayyorlab qo‘ygan ro‘yxatdan topishingiz mumkin.
2 oktyabr kuni O‘zbekistonda 486 kishining koronavirus infeksiyasini yuqtirib olgani tasdig‘ini topdi va umumiy ko‘rsatkich 57776 taga yetdi.
Yevropa tiklanish va taraqqiyot banki bu yil O‘zbekiston YAIM hajmi 2 foizga qisqarishini kutmoqda. 2021 yilda iqtisodiy o‘sish prognozi 6,5%dan 4,5%gacha pasaytirildi.
Qoraqalpog‘istondagi 16 ta tumanning har birida 2 tadan faoliyat turi o‘ziga xos «o‘sish nuqta"si etib belgilandi. Ushbu faoliyat turlari bilan shug‘ullanuvchi tadbirkorlik sub’ektlari uch yil muddatga bir qator soliqlarni to‘lashdan ozod etildi.
Prezident qarori bilan Moliya vazirligining bir qator funksiyalari Soliq maslahatchilari palatasiga o‘tkazildi. Shuningdek, soliq maslahatchilari vakolatlari kengaydi.
Dushanbeda bosh vazir Abdulla Aripov tashrifi doirasida bo‘lib o‘tgan o‘zbek-tojik biznes forumi natijasida qiymati 724 mln dollarga teng bo‘lgan 308 ta investitsiya va savdo shartnomasi imzolandi.
Koronavirus pandemiyasi davrida tibbiyot xodimlariga talab yuqoriligini inobatga olib, Sog‘liqni saqlash vazirligi tizimidagi tibbiyot oliy o‘quv yurtlarida o‘qish jarayonlarini qisman an’anaviy shaklga o‘tkazishga ruxsat berildi.
Toshkent shahar ma’muriy sudida UzAutoMotors`ning Monopoliyaga qarshi kurashish qo‘mitasi maxsus komissiyasi qarorini haqiqiy emas deb topish to‘g‘risidagi shikoyat arizasini ko‘rib chiqish bo‘yicha sud jarayoni boshlandi.
Dam olish kunlari mamlakat hududida ob-havo yog‘ingarchiliksiz bo‘ladi. Faqat Toshkent viloyati va Farg‘ona vodiysi viloyatlarida 2−3 oktyabrda ayrim joylarga yomg‘ir yog‘ishi, baland tog‘li hududlarda yomg‘ir qorga aylanishi mumkin.
Namanganda 35 yoshli ayol MIB xodimlariga o‘z noroziligini bildirgan o‘ziga o‘t qo‘yib, halok bo‘ldi. Xabarlarga ko‘ra, marhum ikki yarim yil muqaddam sotib olingan uyidan MIB xodimlari tomonidan majburan chiqarilmoqchi bo‘lingan.
Qo‘shimcha imkoniyatlarga ega bulish uchun saytda ro‘yxatdan o‘ting