Arxiv
Ikki yoshli o‘g‘lini sotmoqchi bo‘lgan ayol qo‘lga olindi
Samarqand viloyatida ikki yoshli o‘g‘lini 2500 dollarga sotmoqchi bo‘lgan ayol qo‘lga olindi.
Tramp o‘z mag‘lubiyatini to‘liq tan oldi
Donald Tramp saylovlar natijalarini qayta ko‘rib chiqilishiga erisha olmaganini tan oldi va asosiy e’tiborini hukumatni Jo Baydenga opshirishga qaratishini ta’kidladi. U Kongress binosiga hujum uyushtirganlarni qoralab, aybdorlar qonun oldida javob berishini ta’kidladi.
Kasbiy malaka va bilimlarni rivojlantirish bo‘yicha kengash tashkil etiladi
Prezident qaroriga asosan Kasbiy malaka va bilimlarni rivojlantirish bo‘yicha kengash hamda hududiy kengashlar tashkil etilmoqda. Bundan tashqari, 1-aprelgacha kasbiy standartlarning yagona ochiq portali ham yaratiladi.
Nos chekish saratonga olib kelishi mumkin — SSV mutaxassisi
O‘zbekistonda 23 foizdan ortiq erkaklar nosvoy iste’mol qiladi. Nosga ruju qo‘yish shilliq qavatlarda saraton kasalligi rivojlanishi va boshqa ko‘plab salbiy oqibatlarga olib kelishi mumkin. Nosni iste’mol qilish zararlari hamda uni ishlab chiqarish va sotishni taqiqlash bo‘yicha qonun kerakligi haqida Sog‘liqni saqlash vazirligining tamakiga qarshi kurashish bo‘yicha bosh konsultanti Shuhrat Shukurov gapirdi.
O‘zbekistonda elektr energetikasi tizimi ishlash tartibi to‘liq tiklandi
Energetika vazirligi axborot xizmatining xabar berishicha, ayni damda issiqlik elektr stansiyalarining barqaror ishlash rejimi to‘liq tiklangan.
Prezident va bosh vazir ham daromadlar deklaratsiyasini to‘ldirishi taklif etilmoqda — qonun loyihasi
Korrupsiyaga qarshi kurashish agentligi quyidan tortib, yuqorigacha bo‘lgan barcha mansabdor shaxslar daromadlar deklaratsiyasini to‘ldirishni taklif etmoqda. Bu borada tegishli qonun loyihasi ishlab chiqilgan va hozirda tegishli organlar bilan kelishish jarayoni amalga oshirilmoqda.
Toshkentda 7 ta to‘lov terminali o‘g‘irlandi
Toshkent shahrida ikki nafar fuqaro bir necha bankomatlarni o‘g‘irlaganlikda gumonlanmoqda. Mazkur shaxslar bankomatlarni ortib olib ketib, ularni buzgan va pullarni sarflab yuborgani aniqlandi.
Vaksina sinovida qatnashmoqchi bo‘lganlarning 30 foizi koronavirusni alomatlarsiz o‘tkazgan
Xitoy vaksinasi sinovining uchinchi bosqichida qatnashmoqchi bo‘lganlarning 30 foizida COVID-19ga antitanalar aniqlangan. Ular kasallikni alomatlarsiz o‘tkazgan. 7 yanvar holatiga ko‘ra, 1328 kishi emlangan.
Xorazmda gaz portlashi oqibatida voyaga yetmagan qiz vafot etdi
Xorazm viloyatida uyning devorlari va tomining qulashiga olib kelgan gaz portlashi yuz berdi. Hodisa oqibatida voyaga yetmagan qiz vafot etgan, otasi kuyish tashxisi bilan kasalxonaga yotqizilgan.
8 yoshli haydovchi Lacetti bilan supermarket ichiga kirib bordi (video)
Toshkentda 8 yoshli haydovchi otasining qarovsiz qoldirgan Lacetti avtomobilini haydab, supermarket ichiga kirib bordi. Hodisada hech kim jarohatlanmadi.
Davlat geologiya qo‘mitasining sobiq rahbari Tulkun Shayakubov vafot etdi
Sobiq O‘zbekiston SSR geologiya vaziri va Davlat geologiya qo‘mitasining sobiq raisi (1991−1999) Tulkun Shayakubov 88 yoshida vafot etdi.
Mansabdorlar 2019 yilda 1 trln so‘m zarar yetkazdi
O‘zbekistonda mansabdorlar 2019 yilda 1 trln so‘m, 2020 yilning 11 oyida 346 mlrd so‘m zarar yetkazgani ma’lum qilindi. Qolaversa, korrupsiya holatlari bo‘yicha xabar berganlarni rag‘batlantirishga taxminan qancha mablag‘ sarflanishi ochiqlandi.
AQSH, O‘zbekiston va Kozog‘iston Markaziy Osiyo loyihalariga 1 mlrd dollar yo‘naltiradi
AQSH, O‘zbekiston va Qozog‘iston «Markaziy Osiyo investitsiyaviy sherikligi» tashabbusini e’lon qilishdi. Besh yil ichida kamida xususiy loyihalarni qo‘llab-quvvatlash uchun 1 mlrd dollar mablag‘larni jalb etish kutilmoqda.
O‘zbekistonda Winrock International filiali qayta ochiladi
Adliya vazirligi Amerika nodavlat notijorat tashkiloti Winrock International`ning O‘zbekistondagi filialini ro‘yxatdan o‘tkazdi. Tashkilot vakolatxonasi 2006 yilda yopilgan edi.
Xalq bankiga yangi rais o‘rinbosari tayinlandi
AT Xalq bankining Toshkent viloyati Chirchiq filiali boshqaruvchisi lavozimida faoliyat yuritib kelgan Gulzoda Rashidova aksiyadorlik tijorat Xalq banki Boshqaruvi Raisining ayollar tadbirkorligini qo‘llab-quvvatlash bo‘yicha o‘rinbosari etib tayinlandi.
Namanganda spirtli ichimlikdan vafot etganlar soni 6 kishiga yetdi
Bosh prokuratura To‘raqo‘rg‘on tumanida spirtli ichimlikdan zaxarlangan 6-bemor vafot etganini ma’lum qildi. Bir nafar bemor reanimatsiyada qolmoqda. Sotuvchi va yetkazib beruvchiga nisbatan jinoiy ish ochildi.
Bitiruvchisi OTMga kirmagan maktab direktorini ishdan olish foyda berdi — Sherzod Shermatov
Bitiruvchisining birontasi ham OTMga kirmagan maktablarda uzoq vaqt ishlagan rahbarlarni lavozimdan olish bo‘yicha choralar tufayli, bir yil ichida bunday maktablar soni 3 barobarga kamaygan. 2020 yilda Qashqadaryo viloyatida 16,4% maktabning birorta bitiruvchisi OTMga kirmagan. Bu bo‘yicha eng yaxshi natija Toshkent shahrida (0,3% maktabda) kuzatilgan.
Navoiyda tender buyurtmachisi rahbari oilasiga tegishli korxona bir necha milliardlik davlat buyurtmalarini olganligi aytilmoqda
Navoiy viloyat hokimligi «Yagona buyurtmachi xizmati» injiniring kompaniyasi rahbari Bahodir Mansurov oilasiga tegishli qurilish korxonasi bir necha milliardlik davlat buyurtmalarini olgan, tender va tanlov komissiyalari faoliyatida uning o‘zi faol ishtirok etgan. Bunga bloger Davletovuz e’tibor qaratdi.
Chaqaloq savdosiga sabab bo‘layotgan asosiy omillar e’lon qilindi
So‘nggi uch yil mobaynida O‘zbekistonda chaqaloq savdosi bo‘yicha 185 holat aniqlandi. Ushbu jinoyatlarning asosiy sabablari onalarning ijtimoiy-moddiy jihatdan himoyasizligi va nikohsiz bolalar tug‘ilishini yashirish istagi ekanligi ma’lum qilindi.
29 yil deganda ilk bor madaniyatga oid qonun ishlab chiqildi
Senatorlar madaniyat sohasiga oid qonunni ma’qulladi. Madaniyat vaziri Ozodbek Nazarbekovning ta’kidlashicha, «Avvallari bu sohada yakdil, uning hamma yo‘nalishlarini qamrab oluvchi qonun darajasidagi hujjat bo‘lmagan».
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting