Arxiv
Surxondaryoda sel tufayli 900 nafar fuqaro evakuatsiya qilindi
13 may kuni Surxondaryo viloyati Boysun va Oltinsoy tumanlarida kuchli yomg‘ir sababli sel kuzatilgan. “Oltinsoy” soyining suv hajmi sezilarli darajada oshganligi sababli, ushbu hududda istiqomat qilayotgan 900 nafar fuqaro xavfsiz hududga vaqtincha ko‘chirilgan. Sel oqibatida jabrlangan va halok bo‘lganlar to‘g‘risida ma’lumot kelib tushmagan.
Shavkat Mirziyoyev propiska to‘g‘risidagi qonunni imzoladi
«Doimiy propiska» tushunchasi o‘rniga «doimiy yashash joyi bo‘yicha ro‘yxatga olish» tushunchasi kiritildi. Er-xotinning nikohdan keyin 1 yil davomida birgalikda yashash sharti va 1 yil ichida nikoh bekor qilinganda propiska yo‘qotilishi haqidagi qoidalar bekor qilindi. Shu va boshqa yangi tartiblar prezident tomonidan imzolangan propiska to‘g‘risidagi yangi qonunda.
Koronavirus bemorlarining soni 2620 kishiga yetdi
Koronavirus infeksiyasi qayd etilganlar soni 8 nafarga ortib, 2620 nafarni tashkil qilmoqda. Mamlakatda davolanayotgan 533 nafar bemordan 11 nafari og‘ir ahvol.
UzAuto Trailer «KAMAZ» texnikalariga aksiya e’lon qildi
UzAuto Trailer kompaniyasi 30 foizdan 60 foizgacha birlamchi badal bilan muddatli to‘lovga «KAMAZ» texnikalarining butun assortimentini taklif qilmoqda.
Koronavirus aniqlangan hududlar va kunlik COVID-19 holati (13-may)
O‘zbekistonda tasdiqlangan koronavirus holatlari soni 2612 (+16) taga, sog‘ayganlar esa 2076 nafarga yetdi. Koronavirus aniqlangan hududlar, koronavirus statistikasi, kunlik holat.
Samarqand uchta chegaradosh tuman hisobiga kengaytiriladi
Samarqandning turar joy fondi va infratuzilmalari cheklangani sababli shaharni uchta chegaradosh tuman hisobiga kengaytirish rejalashtirilmoqda. Prezident ishtirokidagi majlisda Samarqand va Qashqadaryo misolida korxonalarni qayta tiklash muhokama qilindi.
Prezident biznes va aholini qo‘llab-quvvatlash bo‘yicha yangi choralarni e’lon qildi
Kichik biznes va fermer xo‘jaliklariga ijtimoiy soliq stavkasining tushirilishi, yer va mol-mulk solig‘idan ozod qilish, bojxona to‘lovlarini 120 kungacha kechiktirib to‘lashga ruxsat berish, nafaqa oluvchilar sonini ko‘paytirish, Toshkent shahrida aholiga yakka tartibda uy-joy qurish va ta’mirlash uchun kredit berish tajribasini joriy etish va boshqa choralar. Shavkat Mirziyoyev tadbirkorlarni va aholini qo‘llab-quvvatlash bo‘yicha yangi choralarni e’lon qildi.
Pensiya va oyliklar naqd pulda beriladi
Aholi murojaatlarini hisobga olib, ish haqi, nafaqa va pensiyalarning, karantin qoidalariga to‘liq amal qilgan holda, naqd pulda tarqatilishi belgilandi.
Koronavirusdan yana bir bemor vafot etdi
Samarqandda koronavirus infeksiyasiga chalingan bemor o‘tkir nafas va yurak qon -tomir yetishmovchiligidan vafot etdi. Vafot etganlar soni 11 nafarga yetdi.
Samolyot va poyezd qatnovlari qisman tiklanadi
O‘zbekistonda Toshkent bilan Nukus, Urganch va Termiz o‘rtasidagi aviaqatnovlar, shuningdek, ayrim viloyatlarda poyezdlar harakatini qayta tiklash rejalashtirilmoqda. Xizmat ko‘rsatishga bosqichma-bosqich ruxsat beriladi. Shaharlarda shaxsiy avtomobilda harakatlanish cheklovlarini olib tashlash masalasi o‘rganilmoqda.
Hindiston O‘zbekistonga koronavirusga qarshi dori vositalarini taqdim etdi
Hindiston O‘zbekistonga koronavirusga qarshi kurash uchun dori vositalari, jumladan avvalroq mamlakat hukumati so‘ragan gidroksixloroxin hapdorilarini taqdim etdi.
Yana 28 kishida koronavirus aniqlandi (jami — 2596)
O‘zbekistonda yana 28 kishida koronavirus aniqlanib, jami holatlar 2596 taga yetdi. Infeksiya aniqlanganlarning barchasi xorijdan kelgan yoki karantinga olingan fuqarolardir.
Xitoy O‘zbekistonga navbatdagi insonparvarlik yordamini jo‘natdi
Xitoy Xalq Respublikasi O‘zbekistonga jami 2,5 tonnaga yaqin 13 turdagi tibbiyot vositalaridan iborat navbatdagi insonparvarlik yordamini jo‘natdi. Ular asosan yuqumli kasalliklardan himoyalovchi tibbiyot niqoblari, ko‘zoynaklar, maxsus kiyimlar, masofadan turib tana haroratini o‘lchovchi termometr, dezinfeksiyalovchi apparat kabi eng zarur buyum va vositalardir.
Xorazmda 4 yoshli bola YTH oqibatida vafot etdi
Xorazm viloyati Yangibozor tumanida katta yo‘lga yugurib chiqqan bolani katta tezlikda harakatlanayotgan Matiz haydovchisi urib ketdi. Bola tan jarohatlari og‘irligi sababli shifoxonada vafot etgan.
“O‘zbekneftgaz” AI-92 markali benzin narxini 500 so‘mga arzonlashtirdi
UNG yoqilg‘i quyish shoxobchalarida 15 may kunidan boshlab Ai-92 markali benzin narxi yana 500 so‘mga arzonlashtirildi va 5000 so‘m qilib belgilanadi.
Buxoro viloyatida kuchli shamol yetkazgan zarar 141,6 mlrd so‘mni tashkil etmoqda
Buxoro viloyatida 27 aprel kuni sodir bo‘lgan kuchli shamol natijasida ko‘rilgan zarar 141,6 milliard so‘mni tashkil etmoqda. Aholi turar joylari va ijtimoiy soha ob’ektlariga yetkazilgan zararni bartaraf etishda jami 32 530 nafar quruvchilar va maxsus texnika jalb etilgan. Viloyatda elektr energiyasi, tabiy gaz va ichimlik suvi ta’minoti tiklangan.
34 kishiga koronavirus yuqtirgan tibbiyot xodimiga jinoiy ish ochildi
Samarqand viloyatida tibbiyot xodimi koronavirus infeksiyasi belgilarini his qilgani holda, tibbiy tekshiruvdan o‘tmasdan uy sharoitida davolana boshlaganligi aniqlangan. U bilan doimiy muloqotda bo‘lgan turmush o‘rtog‘i va boshqa qarindoshlari, o‘zi davolagan bemor va hamkasblaridan 11 nafariga, ular orqali yana 23 nafar shaxsga COVID-19 infeksiyasi yuqishiga sababchi bo‘lgan. Tibbiyot xodimiga nisbatan jinoiy ish ochilgan.
Rossiyada og‘ir ahvoldagi o‘zbekistonliklarga bir martalik pul mablag‘lari to‘lab beriladi
Rossiyada og‘ir ahvolga tushib qolgan o‘zbekistonlik nogironlar, 2 yoshgacha bolali va homilador ayollar, talabalar hamda COVID-19 bemorlariga bir martalik pul mablag‘lari to‘lab beriladi. Homiylar orasida Alisher Usmonov ham bor.
Sherzod Kudbiyev — Soliq qo‘mitasi raisi, Bexzod Musayev — bosh vazir o‘rinbosari etib tayinlanishi kutilmoqda
«Milliy tiklanish» demokratik partiyasining Oliy Majlis Qonunchilik palatasidagi fraksiyasi Sherzod Kudbiyevni Davlat Soliq qo‘mitasining raisi lavozimiga ma’qulladi. DSQning sobiq rahbari Behzod Musayev esa bosh vazirning ijtimoiy rivojlantirish masalalari bo‘yicha o‘rinbosari lavozimiga nomzodi ma’qullangan.
Charter reyslar bilan 1200 nafardan ortiq fuqaro olib kelindi
8 maydan boshlangan charter reyslari orqali xorijiy mamlakatlardan 1200 nafardan ziyod O‘zbekiston fuqarosi mamlakatga olib kelindi. Boshqa davlatlardan charter reyslarni amalga oshirish bo‘yicha ishlar davom ettirilmoqda — yangilangan ro‘yxat.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting