Arxiv
2024-yil yakunigacha my.gov.uz`dagi xizmatlarning 75 foizdan ortig‘i mobil ilova orqali ko‘rsatiladi
Keyingi yil oxirigacha my.gov.uz portalidagi raqamli xizmatlar soni 700 taga oshadi, ularning kamida 75 foizi mobil ilova orqali ko‘rsatiladi. Shuningdek, yashil hududlar, poytaxtdagi jamoat transporti harakati kabilar haqida ma’lumot beruvchi portallar ishga tushadi.
Shavkat Mirziyoyev JST bosh direktori bilan tashkilotga a’zolik masalasini muhokama qildi
O‘zbekiston prezidenti Nyu-Yorkda Jahon savdo tashkiloti bosh direktori bilan uchrashib, tashkilotga a’zo bo‘lish bo‘yicha ishlarni muhokama qildi. Unda ishchi guruh yig‘ilishiga tayyorgarlikni tezlashtirish, mutaxassislar malakasini oshirish va qonunchilikni JST talablariga uyg‘unlashtirish yuzasidan kelishuvga erishildi.
Shavkat Mirziyoyev Nyu-Yorkda Janubiy Koreya prezidenti bilan uchrashdi
Nyu-York shahrida Shavkat Mirziyoyev Koreya Respublikasi prezidenti Yun Sok Yol bilan uchrashdi. Unda ikki davlat o‘rtasidagi alohida strategik sheriklik munosabatlarini kengaytirish masalalari ko‘rib chiqildi. Uchrashuv yakunida Shavkat Mirziyoyev Janubiy Koreya rahbarini O‘zbekistonga taklif qildi.
“Yakkalab qo‘yish va sanksiyalar afg‘on xalqi ahvolini yanada og‘irlashtirmoqda” — O‘zbekiston prezidenti
Xalqaro xavfsizlik Afg‘onistondagi jarayonlar bilan bevosita bog‘liq. Uni o‘z muammolari bilan yana yolg‘iz qoldirish katta xato bo‘ladi, dedi Mirziyoyev BMT Bosh assambleyasida. U insonparvarlik yordamini davom ettirish, Afg‘onistonning muzlatilgan aktivlarini ijtimoiy muammolarni hal etishga yo‘naltirishga chaqirdi.
“JSTga to‘laqonli a’zo bo‘lish — O‘zbekistonning ustuvor yo‘nalishlaridan biri” — prezident
“Yaqin orada JSTga to‘laqonli a’zo bo‘lish O‘zbekiston iqtisodiyotini liberallashtirish yo‘lidagi ustuvor yo‘nalishlardan biridir”, — dedi Shavkat Mirziyoyev BMT Bosh assambleyasidagi nutqida.
“Markaziy Osiyoda hamkorlikni kengaytirishdan boshqa yo‘l yo‘q” — O‘zbekiston prezidenti
Shavkat Mirziyoyev BMT Bosh assambleyasi minbarida so‘zlarkan, Markaziy Osiyo mintaqasida “mintaqaviy o‘ziga xoslikni anglash” tuyg‘usi kuchayib borayotganini ta’kidladi. “Bizning tarix va kelajagimiz ham, hayotiy muhim manfaatlarimiz ham umumiydir. Mintaqaviy hamkorligimizni kengaytirishdan boshqa yo‘limiz yo‘q!”
Shavkat Mirziyoyev mamlakatlar rahbarlarini “umumiy manfaatlar yo‘lida jipslashish”ga chaqirdi
O‘zbekiston prezidenti BMT Bosh assambleyasida so‘zlagan nutqida “ishonch inqirozi” va “xalqaro huquq me’yorlaridan chekinish” tufayli dunyoda keskinlik ortib borayotganini ta’kidladi. U mamlakatlarni “umumiy manfaatlarni mavjud ziddiyatlardan yuqori qo‘ygan holda” jipslashishga chaqirdi.
Shavkat Mirziyoyev “Markaziy Osiyo — AQSh” sammitida ishtirok etdi
Prezident Nyu-Yorkda Markaziy Osiyo davlatlari va AQSh rahbarlarining “S5+1” formatidagi birinchi sammitida ishtirok etdi. Unda “butun mintaqa taraqqiyoti uchun strategik ahamiyatga ega” hamkorlikning ustuvor yo‘nalishlari, jumladan, transport yo‘laklarini rivojlantirish va boshqalar ko‘rsatib o‘tildi.
O‘zbekiston deputatlari IMEI-kodlarini klonlash va noqonuniy mayning uchun javobgarlik to‘g‘risidagi o‘zgartirishlarni qabul qildi
Qonunchilik palatasi O‘zbekiston kodekslariga IMEI-kodlarini qonunga xilof ravishda o‘zgartirish yoki nusxalash, shuningdek kriptoaktivlar aylanmasi va noqonuniy mayning sohasidagi qonun hujjatlarini buzganlik uchun javobgarlikni belgilovchi o‘zgartishlarni qabul qildi.
Qonunchilik palatasida majlisda qatnashmayotgan uch deputat nomidan ovoz berildi
Qonunchilik palatasi majlisida qatnashmayotgan uch nafar deputat nomidan ovoz berildi. Jumladan, kun tartibini tasdiqlashda ovozlar inobatga olindi. Spiker deputatlarning yo‘qligini payqagach, ularning ovozlarini hisobga olish to‘xtatildi.
19-sentabr kuni O‘zbekistonda sodir bo‘lgan eng muhim voqealar dayjesti
Yetishmayotgan maktab darsliklari, bukmekerlikni targ‘ib qiluvchi 27 ta sayt bloklangani, 3 soatda Cobalt, Lacetti, Damas va Labo`ga 28 mingdan ortiq shartnoma tuzgan UzAutoMotors, Shavkat Mirziyoyevning AQShda o‘tkazgan uchrashuvlari tafsiloti va boshqalar — “Gazeta.uz”ning kun dayjestida.
O‘zbekiston Senati qo‘mitasida davlatning dunyoviyligini mustahkamlovchi tuzatishlar muhokama qilindi
Senat qo‘mitasida jinoiy va ma’muriy kodekslarga davlatning dunyoviy maqomini mustahkamlovchi qo‘shimchalar kiritish masalasi muhokama qilindi. Qayd etilishicha, ijtimoiy tarmoqlarda diniy blogerlarning faqat diniy qarashlarini aks ettiruvchi va adovatni qo‘zg‘atishga qaratilgan chiqishlari ko‘paygan.
Milliy PR-markazi DUK direktori Dilfuza Samandarova tadbirkorlik bilan ham shug‘ullanayotgani aniqlandi
Turizm qo‘mitasi huzuridagi Milliy PR-markazi direktori Dilfuza Samandarova bir vaqtning o‘zida tadbirkorlik bilan shug‘ullanib kelayotgani aniqlandi. Avvalroq u LBOS Jewellery do‘koni asoschisi ekanini ma’lum qilgandi. Antikorrutsiya agentligi holatni bartaraf etish bo‘yicha qo‘mitaga taqdimnoma kiritdi.
Iqtisodingiz har bir fuqaro ishtirok etsagina o‘sishi mumkin — Anjali Kaur
USAID`ning O‘zbekistondagi maqsadlari qanday? Agentlik mamlakatda qaysi sohalarda ish olib boryapti? Nima uchun barcha bolalar yaxshi o‘qituvchilari va o‘quv dasturi bor maktabda o‘qishi muhim? “Gazeta.uz” USAID administratorining Osiyo byurosi yordamchisi o‘rinbosari Anjali Kaur bilan shular haqda suhbatlashdi.
O‘zbekiston hukumati hokimiyatlarga kommunal xizmatlar tariflarini qayta ko‘rib chiqishni tavsiya qildi
Vazirlar Mahkamasi hokimiyatlarga issiqlik ta’minoti, suv ta’minoti va kanalizatsiya, shuningdek, shahar yo‘lovchi transporti tariflarini qayta ko‘rib chiqishni tavsiya qildi.
Gaz va issiqlik ta’minotining arzon tariflarini qoplash uchun davlat budjetidan 10 trln so‘mdan ortiq mablag‘ ajratildi
Ayrim xizmatlar uchun tariflarni pasaytirish sabab yetkazilgan zararni qoplash maqsadida davlat budjetidan 10 trln so‘mdan ortiq mablag‘ ajratildi. Issiqlik ta’minoti korxonalari 901,9 mlrd so‘m oldi, buning 92 foizi poytaxt hissasiga to‘g‘ri keladi. Gaz narxidagi farqni qoplash uchun 8,8 trln so‘m ajratildi.
Ijtimoiy tarmoqlar foydalanuvchilari: Maktab darsliklari qani?
So‘nggi haftalarda tarmoqlarda ota-onalar va o‘qituvchilar maktablarda darsliklar yetishmayotgani, shu bois ularni o‘zlari chop etib olayotganini yozmoqda. Darslikni qo‘lga kiritganlar bolalar uchun juda qiyin va javobsiz vazifalarni tanqid qilishyapti. Maktab ta’limi vazirligi esa sukut saqlamoqda.
Turkiyadagi zilzilalarda jabr ko‘rgan bir guruh nuroniylar O‘zbekistonga keldi
Fevral oyida Turkiyada ro‘y bergan zilzilalarda jabr ko‘rgan bir guruh nuroniylarning 30 nafari O‘zbekistonga keldi. Ular bir hafta davomida mamlakat bo‘ylab sayohat qiladi. Bu tashabbus Shavkat Mirziyoyevning Turkiy davlatlar tashkilotining navbatdan tashqari sammitida ilgari surilgandi.
Ozarbayjon Qorabog‘da “aksilterror tadbirlari” boshlanganini e’lon qildi
Ozarbayjon “konstitutsiyaviy tuzumni tiklash uchun” Tog‘li Qorabog‘da “aksilterror tadbirlari” boshlaganini e’lon qildi. Tan olinmagan respublika poytaxti Stepanakert artilleriyadan o‘qqa tutilmoqda. Mudofaa vazirligi bayonotida fuqarolik obyektlari va tinch aholi nishonga olinmayotgani aytilgan.
Uzbekistan’s Club xorijda o‘qiyotgan o‘zbekistonlik talabalar haqidagi yangi loyihani taqdim etdi
Uzbekistan’s Club jamoasi O’zbekistonlik.Students loyihasini boshladi. Unda nufuzli xorijiy oliy o‘quv yurtlarida tahsil olayotgan o‘zbekistonlik talabalar haqida hikoya qilinadi. 1-son qahramonlari Oksford universitetidan Mushtariy Madrahimova va Sharqiy London universitetidan Azizbek Ahmadjonov bo‘ldi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting