Arxiv
8-iyul kuni e’lon qilingan eng muhim yangiliklar dayjesti
O‘g‘itlar narxini asossiz oshirgan Maxam-Chirchiq, Toshkentda ochiladigan Yandex Uzbekistan ofisi, Yunusobodda “reyd” o‘tkazgan hokim, “Mening bog‘im” loyihasi g‘oliblari va boshqalar — “Gazeta.uz"ning kunlik dayjestida.
Uchinchi Bukhara Night Race tungi poygasi 24-avgustda bo‘lib o‘tadi
24-avgust kuni Buxoroda Bukhara Night Race xalqaro tungi poygasi bo‘lib o‘tadi. O‘tgan yili unda dunyoning 20 davlatidan 1600 dan ortiq sportchi qatnashgandi. Bu yil ikki barobar ko‘proq ishtirokchi kutilmoqda.
Senatning 54-yalpi majlisi 10-iyulda bo‘ladi
Senatning 54-yalpi majlisi 10-iyul kuni chaqiriladi. Senatorlar Shaharsozlik kodeksiga o‘zgartirishlar kiritish, Turkmaniston va Turkiya bilan tuzilgan bitimlarni ratifikatsiya qilish to‘g‘risidagi qonunlarni ko‘rib chiqadi. Shuningdek, ekologiya sohasiga oid parlament so‘rovi natijalari tinglanadi.
“Fransiya o‘zbek fotosuratchisi nigohida” nomli ko‘rgazmadan reportaj
Toshkent Fotosuratlar uyida balet san’atini suratga tushirishi bilan tanilgan Bobur Alimxo‘jayevning “Fransiya o‘zbek fotosuratchisi nigohida” nomli ko‘rgazmasi ochildi. Bunda ijodkorning faqat plyonkali fotoappartda olingan 44 ta ishi namoyishga qo‘yilgan.
Andijonda Cobalt “peshexod"dan o‘tayotgan 10 yoshli qizni urib yubordi
Andijon shahrida Cobalt haydovchisi tartibga solinmagan piyodalar o‘tish joyidan o‘tayotgan voyaga yetmagan qizni urib yubordi. Jabrlanuvchi shifoxonaga yotqizildi.
Prezident Xitoy parlamenti rahbarini qabul qildi
Shavkat Mirziyoyev va Xitoy parlamenti rahbari Chjao Letszi Toshkentda bo‘lib o‘tgan uchrashuvda XXR O‘zbekistonning islohotlar dasturini qo‘llab-quvvatlashi, mamlakatlarning ta’lim sohasidagi hamkorligi kabi masalalarni muhokama qildi.
Tojikistonda yuz bergan zilzila kuchi O‘zbekiston janubida ham sezildi
Tojikistonda soat 18:04 da sodir bo‘lgan zilzila kuchi Surxondaryo viloyati tumanlarida ham sezildi (2−3 ball).
“Mening bog‘im” loyihasining 1-mavsumi g‘oliblari e’lon qilindi
Open Budget tarkibidagi “Mening bog‘im” loyihasining 1-mavsumida 215 ta tashabbus g‘olib bo‘ldi. Ularni moliyalashtirishga 48,6 mlrd so‘m yo‘naltiriladi.
Rossiya Ukrainaga yalpi hujumlar uyushtirdi, Kiyevdagi bolalar shifoxonasiga zarar yetdi
Rossiyaning Ukraina shaharlariga uyushtirilgan keng ko‘lamli raketa hujumi oqibatida kamida 20 kishi halok bo‘ldi, 65 dan ortiq kishi jarohatlandi. Kiyevda mamlakatdagi eng yirik bolalar shifoxonasiga jiddiy zarar yetdi.
Olti oyda 550 mlrd so‘mlik gaz va elektrdan noqonuniy foydalanildi
O‘zbekistonda olti oyda 550 mlrd 290 mln so‘mlik gaz va elektrdan noqonuniy foydalanilgani aniqlandi. O‘tkazilgan nazorat tadbirlarida 4537 ta iste’molchi qoidabuzarlik holatlariga yo‘l qo‘ygan.
“SES, soliq qani?” Toshkent hokimi — do‘kondagi sifati buzilgan mevalar haqida
Toshkent shahri hokimi Shavkat Umurzoqov ishchi guruh bilan birga Yunusobod tumanidagi Sobirobod mahallasiga bordi va obodonlashtirish ishlari bilan tanishdi. Hokim do‘konlardan biriga kirib, sifati buzilgan mahsulotlar va yong‘in xavfsizligi qoidalariga amal qilinmayotganidan noroziligini bildirdi.
Navoiyda 8 yoshli qiz vafotiga sabab bo‘lgan YTH ortidan 2 nafar haydovchi qamoqqa olindi
Xatirchida 8 yoshli qizning vafotiga sabab bo‘lgan YTH ortidan 2 haydovchi qamoqqa olindi. Ikkisi ham yo‘lda bir-birini quvib o‘tishga uringan. Ulardan biri olti oyda 12 marotaba tezlikni oshirib haydagan. Piyodalar o‘tish joyiga esa pul ajratilmagani sababli tugmali svetofor qurilmasi o‘rnatilmagan bo‘lgan.
Fransiyadagi parlament saylovlarida so‘l koalitsiya g‘alaba qozondi
So‘l partiyalarning “Yangi xalq fronti” koalitsiyasi Fransiyadagi parlament saylovlarining ikkinchi bosqichida g‘alaba qozonib, 182 o‘rinni qo‘lga kiritdi. Birinchi turda g‘alaba qozongan o‘ta o‘nglar uchinchi bo‘ldi.
Andijon viloyati SSBga yangi rahbar tayinlandi
Shohruxmirzo Mamajonov Andijon viloyati sog‘liqni saqlash boshqarmasi boshlig‘i etib tayinlandi. Tayinlovga qadar u SSV Fan-ta’lim va innovatsiyalar boshqarmasi Malaka oshirish va qayta tayyorlash bo‘limi boshlig‘i sifatida faoliyat ko‘rsatib kelayotgan edi.
Avtomobillar uchun ekostikerlar joriy etish 2025-yil 1-martga qoldirildi
Hukumat avtomobillar uchun ekostikerlar joriy qilish vaqtini o‘zgartirdi. Ularni chiqarish 1-iyundan boshlanishi rejalashtirilgandi, biroq 2025-yilning 1-martiga qoldirildi.
Seshanbadan harorat ko‘tarila boshlaydi
O‘zbekistonda seshanbadan havo harorati ko‘tarilib, ish haftasi oxirigacha +35…+39 daraja atrofida bo‘ladi. Tog‘li hududlarda 12-iyulgacha qisqa muddatli yomg‘ir yog‘ishi, momaqaldiroq bo‘lishi mumkin.
O‘g‘itlar narxi asossiz oshirilgani yuzasidan Maxam-Chirchiq korxonasiga ish ochildi
Raqobat qo‘mitasi Maxam-Chirchiq mahsulotlari narxini belgilashda me’yoriy hujjatlarga rioya etilmagani uchun mineral o‘g‘itlar narxi 10−15 foizga oshganini ma’lum qildi. Korxonaga nisbatan ish qo‘zg‘atildi.
Samarqanddagi qurilish maydonida qimmatbaho daraxtlar kesib tashlandi
Samarqand shahridagi qurilish maydonida 4 tup qimmatbaho va 1 tup kam qimmatli daraxtlar ildiz qismi bilan qazib tashlab, yo‘q qilindi. Holat bo‘yicha tegishli hujjatlar rasmiylashtirilib, qonuniy chora ko‘rish uchun huquqni muhofaza qiluvchi organlarga taqdim etildi.
Yandex Uzbekistan Toshkentda o‘z ofisini ochadi
Yandex Uzbekistan kuzda mamlakatdagi biznesini rivojlantirish va xizmatlarni kengaytirish maqsadida Toshkentda ofis ochishni reja qilmoqda. Kompaniya o‘zbekistonlik dasturchilar uchun IT-amaliyot dasturini ham ishga tushiradi.
“Bunday tezlikda haydash mumkin emasligini bilmasdim” — soatiga 157 km tezlikda harakatlangan haydovchi
Angren shahrida 157 km/soat tezlikda harakatlangan haydovchi 3,4 mln so‘m jarimaga tortildi. U “bunday tezlikda haydash mumkin emasligini bilmaganini” aytdi. U Instagram`da bolalar yo‘lda nobud bo‘layotgani haqidagi izohlarga javoban ularning taqdiri tug‘ilgunga qadar belgilab bo‘linganini ta’kidlagandi.
Eng ko‘p o‘qilgan xabarlar | So‘nggi yangiliklar
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- O‘zbekistonda chorva hayvonlarini identifikatsiya qilish rejalashtirilmoqda
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting