Arxiv
Jizzaxda Jiguliga o‘rnatilgan gaz balloni portlab ketdi
Jizzax viloyati Sharof Rashidov tumanida gaz quyish shoxobchasida yoqilg‘i to‘ldirilayotgan «VAZ-2106» rusumli avtomobilning gaz ballonida portlash sodir bo‘ldi. Bunga mashinadagi nosozlik sabab bo‘lgani aytilmoqda. Viloyat FVB hech kim jarohat olmagani va yong‘in kelib chiqmaganini ma’lum qildi.
Ijtimoiy tajriba: Andijonda nogironlik aravachasidagi yigit avtobuslarga chiqarilmadi
Farg‘onalik blogerlar viloyat markazida o‘tkazgan ijtimoiy tajribada avtobus haydovchilari nogironlik aravachasidagi yigitga panduslarni tushirib berishdan bosh tortishdi yoki uni ishlatishni bilishmadi. O‘nta avtobusdan faqat uchtasiga yo‘lovchilar yordami bilan chiqishga muvaffaq bo‘lindi.
Inson a’zosini ko‘chirib o‘tkazishga majburlaganlar 8 yilgacha qamalishi mumkin
Jinoyat kodeksiga kiritilgan o‘zgartishlarga ko‘ra, insonni a’zolarini ko‘chirib o‘tkazishga rozilik berishga majburlaganlik uchun 5 yildan 8 yilgacha ozodlikdan mahrum qilish jazosi belgilandi. Qolaversa, tana a’zolari oldi-sotdisi va ularni mamlakatdan tashqariga olib chiqishga ham javobgarlik tayinlanmoqda.
Namangan, Andijon va Surxondaryoda muammoli kreditlar ulushi yuqori — Hisob palatasi
Hisob palatasi Namangan, Andijon va Surxondaryoda muammoli kreditlar ulushi yuqoriligicha qolayotganini ma’lum qildi. Jumladan, ushbu hududlardagi jami 149,4 mlrd so‘m muammoli kredit undirilmagan. 69% muammoli kredit «umidsiz» deb tasniflanib, balansdan chiqarilgan va bank zaxira mablag‘idan qoplangan.
Payshanba kuni Farg‘ona va Xorazmdan tashqari barcha hududda kovid aniqlandi
Payshanba kuni yana 94 kishining kovidga topshirgan PZR-testi musbat natijani qayd etdi. Kun davomida 12 ta hududda virus yuqtirib olish holati kuzatilgan, shundan eng ko‘pi Toshkentda — 41 ta. Avvalroq, O‘zbekistonda omikronning eng yuqumli varianti — «Stels-omikron» aniqlangani ma’lum bo‘lgandi.
Andijonda avtomaktab o‘qituvchisi «prava» olib berishga uringanlikda gumonlanmoqda
Andijonda avtomaktab o‘qituvchisi mashg‘ulotlarda qatnashmasdan haydovchilik guvohnomasini olib berishga uringanlikda ayblanmoqda. Gumondor buning evaziga 5,8 mln so‘mni olganida qo‘lga tushdi. Unga nisbatan jinoyat ishi qo‘zg‘atildi.
14 ta tuman va shaharda elektr energiyasini sotuvchi xususiy kompaniyalar tashkil etiladi
O‘zbekistonda energetika bozorini boshqarishning yangi tizimi joriy etiladi, xususan, «O‘zbekiston MET» kompaniyasining elektr energiyasini yagona xarid qilish va magistral tarmoqlarni boshqarish vakolatlari xususiy korxonalarga o‘tkaziladi. Dastlab 14 ta tuman va shaharda xususiy kompaniyalar tashkil etiladi.
O‘zbekistonda «Stels-omikron» aniqlandi
O‘zbekistonda koronavirus omikron-shtammining eng yuqumli deb aytilayotgan Stealth-Omicron BA.2 varianti aniqlandi. SES rahbari COVID-19 bilan kasallanish dinamikasida sezilarsiz o‘sish kuzatilgani, biroq vaksinatsiya va revaksinatsiya jarayonlarini tezlashtirish muhimligini qayd etdi.
23 iyun kuni O‘zbekistonda sodir bo‘lgan eng muhim xabarlar dayjesti
Tagiga dizel quyib ketilgan Toshkent daraxtlari, yopiq binolarda o‘tkazilishi kutilayotgan kirish imtihonlari, yig‘ilish vaqtida DXX hibsga olgan 8 nafar davlat xizmatchisi, soliq to‘lashdan qochish sxemalari, Plug and Play markazi va boshqalar — «Gazeta.uz» ning 23 iyundagi eng muhim xabarlari dayjestida.
MOQ raisi o‘rinbosari endi «Olimpik» futbol klubini boshqaradi
MOQ raisi o‘rinbosari, O‘zbekiston boks federatsiyasi raisining birinchi o‘rinbosari Saken Polatov «Olimpik» futbol klubiga rahbar bo‘ldi. U bungacha «Lokomotiv»ni ham boshqargan.
XVJ iyun oxirigacha davlat xizmatchilarining daromadlari deklaratsiyasi to‘g‘risidagi qonun tasdiqlanishini kutmoqda, ammo bu dargumon
O‘zbekistonda davlat xizmatchilarining daromadlari va mol-mulkini deklaratsiyalash to‘g‘risidagi qonun iyun oxirigacha tasdiqlanishi rejalashtirilgan. Prezident farmonida tizimni 2022 yil 1 yanvardan joriy etish ko‘rsatmasi berilgan edi.
DSQ qurilishda soliq to‘lashdan qochish sxemalarini o‘rgandi
Xodimlarning real soni, bajarilgan ishlarning haqiqiy hajmini yashirish, xarajatlarni sun’iy ravishda oshirib ko‘rsatish — Soliq qo‘mitasi tomonidan Fiskal institutida qurilish sohasida soliq to‘lashdan qochishga urinish hamda boshqa sxemalar fosh etildi.
O‘zbekiston FIFA reytingida olti pog‘onaga yuqoriladi
FIFAning iyun oyi uchun yangilangan reytingida O‘zbekiston terma jamoasi o‘z o‘rnini olti pog‘onaga yaxshilab, 77-o‘ringa ko‘tarildi.
Toshkentda startaplarni qo‘llash uchun Plug and Play markazi ochiladi
Toshkentda startaplarni qo‘llab-quvvatlash uchun Plug and Play markazi tashkil etiladi. AKT vaziri Sherzod Shermatovning so‘zlariga ko‘ra, ushbu markaz startaplarni saralab, ularni o‘sishiga yordam beradi, katta korporatsiyalar bilan bog‘laydi hamda venchur kapital sarmoyalarini jalb etishga ko‘maklashadi.
Xorazmda 40 sotix yerni $100 mingga olib berishga uringan shaxslar qo‘lga olindi
Gurlan tumanida ikki fuqaro tanishlari orqali 100 ming dollar evaziga 40 sotix yer maydonini omborxona qurish uchun olib berishga uringanlikda ayblanmoqda. Gumondorlar oldindan 25 ming dollar va 65 mln so‘mni olganida ushlangan. Ularga nisbatan jinoyat ishi qo‘zg‘atildi.
Senatorlar Kinematografiya agentligi faoliyatini tanqid qildi
Senatorlar Kinematografiya agentligi rahbari hisobotini tinglab, uning faoliyatini tanqid qildi. Aytilishicha, qaroqchilikka qarshi kurash va mualliflik huquqi himoyasida muammolar bor, Kinematografiya akademiyasi va hududiy kinoteatrlar tashkil etilmagan, «Kinematografiya to‘g‘risida»gi qonun ishlab chiqilmagan.
Pokiston, Eron va Qatar Afg‘onistonga gumanitar yordam yubordi
Afg‘onistonda chorshanba kuni sodir bo‘lgan kuchli zilziladan talofat ko‘rgan aholiga Pokiston, Eron va Qatardan gumanitar yordam yuklari yetib keldi. Shifoxonada jabrlanuvchilardan biri oilasining 19 nafar a’zosini yo‘qotganini so‘zlab berdi. Bundan tashqari, Paktikada suv toshqini ham kuzatildi.
Yuriy Shatunov vafot etdi
“Laskoviy may” guruhining sobiq solisti, 48 yoshli rossiyalik qo‘shiqchi Yuriy Shatunov vafot etdi. Uning o‘limiga o‘tkir yurak yetishmovchiligi sabab bo‘lgani aytilmoqda.
Tug‘uruqxonaga $1400 evaziga ishga kiritib qo‘yishga uringan mansabdor qo‘lga tushdi
RSHTTYOIM Samarqand filiali direktorining o‘rinbosari fuqaroni tug‘uruqxonaga hamshira lavozimiga ishga kiritib qo‘yishga uringanlikda gumonlanmoqda. U buning evaziga 1400 dollarni olgan vaqtida ushlandi. Unga nisbatan jinoyat ishi qo‘zg‘atildi.
O‘zbekistonda kadrlar bilan ishlash tizimi to‘liq raqamlashtiriladi
Davlat tashkilotlarining shtat tuzilmalari, ish jadvali, kadrlar zaxirasi, mukofotlar, xizmat safarlari xarajatlari va boshqalardan iborat hrm.argos.uz platformasi yaratildi. Davlat xizmatini rivojlantirish agentligi platforma yordamida kadrlar bilan ishlash tizimini to‘liq raqamlashtirishni ko‘zlamoqda.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting