Prezident Shavkat Mirziyoyev texnikumlar bo‘yicha dastur ishlab chiqish topshirig‘ini berdi. Bunda agrar sohadagi barcha texnikumlar Qishloq xo‘jaligi vazirligi tizimiga o‘tkazilib, ulardagi o‘quv dasturlar, metodologiya, darsliklar va amaliyot tizimi butkul qayta ko‘rib chiqiladi.
Qorako‘lchilik mahsulotlarini yetishtiruvchilar uchun soliq va bojxona imtiyozlari 2026 yil 1 yanvargacha uzaytirildi.
Andijon viloyatida aholini parrandachilikka keng jalb etish dasturi amalga oshirilmoqda. Davlat OAVlari har 100 ta tovuqdan 80 tasi tuxum tug‘ib, 2 mln so‘m (tuxum narxi 1500 so‘m bo‘lsa) sof foyda keltirishi mumkinligi haqida xabar bermoqda. Biroq ayrim aholi vakillari tovuqlar 30 donadan ko‘p tuxum qo‘ymayotgani, ba’zilari o‘lib ketayotgani va tuxum 700 so‘mdan sotilayotgani, shuning uchun ham zarar ko‘rayotganini aytishmoqda. Andijon hokimligi ushbu holatlar bo‘yicha munosabat bildirdi.
Kiyevda ishlayotgan o‘zbekistonlik shifokor Temurbek Yusupov «Gazeta.uz»ga bergan intervyusida Ukraina poytaxtida vaziyat ancha yaxshilangani, komendantlik soati qisqargani, jamoat transporti ishi tiklanganini aytdi. Biroq, uning so‘zlariga ko‘ra, rasmiylar hozircha shaharga qaytishni tavsiya etmayapti, chunki vaziyat keskin yomonlashishi mumkin. Shuningdek, u Polsha bilan chegarada sodir bo‘lgan YTHda yana bir o‘zbekistonlik halok bo‘lganini ma’lum qilib, Ukrainadagi «banderovchilar va natsistlar» haqidagi xabarlar bo‘yicha fikr bildirdi.
1-maydan respublikadagi to‘xtab turish va avtomobil qo‘yish joylarida turli ko‘rinishdagi yo‘l belgilari o‘rnatiladi. Avvalgi yo‘l harakati qoidalarida to‘xtash joyi belgisi faqat bir ko‘rinishda edi.
YHXX hududiy boshqarmalarida umumiy o‘rta va o‘rta maxsus ta’lim muassasalarining hamkorlikda ishlovchi katta inspektor lavozimi joriy etildi. U, jumladan, o‘rta maxsus ta’lim dargohlarida yoshlar o‘rtasida targ‘ibot-tashviqot ishlarini olib boradi, viktorina va turli musobaqalarni tashkil etadi.
Rossiyaning eng yirik farmatsevtika kompaniyalaridan biri «Farmasintez» O‘zbekistonda ishlab chiqarishni tashkil etish uchun 30 mln dollar miqdorida sarmoya kiritmoqda. Kompaniya 2023 yilda saratonga qarshi dori vositalarini ishlab chiqarishni boshlaydi.
Hukumat farmoyishiga ko‘ra, shanba kuni O‘zbekistonda umumxalq hayriya hashari bo‘ladi.
AQShda yashovchi sherigi bilan Samarqandda yashovchi fuqaroni 40 ming dollar evaziga Turkiya va Lotin Amerikasi davlatlari orqali AQShga yuborishni va’da qilgan shaxs qo‘lga olindi. Bunday holatlar hududda avval ham qayd etilgan edi.
Muddatli harbiy xizmatga chaqirilgan askarlar Vatanga sodiqlik qasamyodini qabul qildi. Marosimda “Gazeta.uz” fotomuxbiri Yevgeniy Sorochin ishtirok etib, chaqiriluvchilarning ota-onalari bilan suhbatlashdi.
Mualliflik va turdosh huquqlar sohasidagi qonunbuzilish holatlarini tizimli ravishda sodir etib kelgan veb-saytlar faoliyati vaqtincha cheklanadi. Intelektual mulk sohasida davlat nazorati kuchaytiriladi.
O‘zbekistonda shinalar, avtomobil ehtiyot qismlari va gilamlarga majburiy markalashni joriy etish imkoniyatlari o‘rganilmoqda. Rasmiylarga ko‘ra, bu sohalarda soxtalashtirish va kontrafakt darajasi yuqori.
Amazon kompaniyasining tematik reklamalarning avtomatlashtirilgan xaridi bo‘yicha konsultanti Irina Ablyazova — “Xorijdagi o‘zbekistonliklar” loyihasining navbatdagi mehmoni. Biz undan Amerikadan bo‘lmaslik ish topishga qanday yordam berishi, kompaniyaning qat’iy korporativ madaniyati, nima uchun rahbariyatga chuqur hurmat bilan munosabatda bo‘lish shart emasligi va AQShga qanday qilib borish mumkinligi haqida so‘radik.
BMT bosh kotibi Antoniu Guterrish Moskvada Rossiya prezidenti va tashqi ishlar vaziri bilan muzokaralar o‘tkazdi. Uchrashuvlar yakuniga ko‘ra, BMT Rossiyaning Mariupoldan tinch aholini evakuatsiya qilishda BMT va Qizil Xoch tashkilotining ishtirokiga «prinsipial» roziligini bildirdi. Payshanba kuni Guterrish Kiyevda Ukraina prezidenti bilan uchrashadi.
Senatda xotin-qizlar va bolalar huquqlarini himoya qilish, voyaga yetmaganlarga nisbatan nomaqbul harakatlarni sodir etganlik uchun javobgarlikni kuchaytirish bo‘yicha ishchi guruh tuzildi.
25 aprel kuni Qashqadaryo viloyatining Dehqonobod tumanida ekologlar ona qo‘ng‘ir ayiqni ikki bolasi bilan uchratib qolgan edi. Bir kun o‘tib ijtimoiy tarmoqlarda bolalarning bittasi o‘ldirilgani to‘g‘risida xabar tarqaldi. Holat yuzasidan olib borilgan tezkor qidiruv natijasida gumonlanuvchi aniqlandi. Uning uyidan bir dona ayiq bolasining terisi topilgan. Lekin gumondor ayiq bolasini o‘lik holda topganini aytmoqda.
Navoiy viloyati Xatirchi tumani hokimi Sayfiddin Nizomov maktab o‘quvchilarini kerak bo‘lsa urish mumkinligini aytdi. Uning so‘zlariga ko‘ra, «avval o‘qituvchilar bolalarni kaltaklashgan va bu uni hozirgacha kelishiga yordam bergan». Tuman hokimligi matbuot xizmati «ijtimoiy tarmoqlarda vaziyat boshqacha talqin qilinganini» ma’lum qildi.
2021 yilda huquqni muhofaza qiluvchi organlarga ayollar va qizlarga nisbatan tazyiq va zo‘ravonlik holatlari yuzasidan 39343 ta murojaat kelib tushgan. Ularning 34330 tasi yoki 87 foizi oilada sodir etilgan.
Adxamjon Sormonkulov va Sarvar Mamayusupov Milliy gvardiya qo‘mondoni o‘rinbosarlari etib tayinlandi.
Mass-mediani qo‘llab-quvvatlash jamg‘armasi rahbari Komil Allamjonov BMTning Inson huquqlari bo‘yicha Oliy komissari Mishel Bachelet bilan uchrashuvda OAV erkinligini ta’minlash uchun xalqaro tashkilotlarning ko‘magi zarurligini ta’kidladi. U BMT boshqarmasi bilan hamkorlik matbuotni rivojlantirish va «aholini agressiv va shafqatsiz xorijiy tashviqotdan» himoya qilish uchun muhim deb atadi.
Qo‘shimcha imkoniyatlarga ega bulish uchun saytda ro‘yxatdan o‘ting