Senat O‘zbekistondagi yo‘l harakati xavfsizligi bilan bog‘liq vaziyatni yana tanqid qildi. Qayd etilishicha, 5 oy davomida yo‘l-transport hodisalari oqibatida 65 nafar maktab o‘quvchisi halok bo‘lgan, 294 nafari jarohatlangan. 2023-yilda esa yo‘llarda 263 nafar bola halok bo‘lgan, 1568 nafari jarohatlangan.
Qonunchilik palatasi qo‘mitasi a’zosi Sherbek Buranov Samarqand viloyatining Narpay tumani hokimi etib tayinlandi.
Xususiylashtirilayotgan “Poytaxt bank”, bolasini noqonuniy diniy ta’limga majburlagan ota-onalar uchun jazo choralari, hovli uylar uchun tashkil etiladigan servis kompaniyalari, xorijliklarni nomaqbul deb topuvchi qonunni qabul qilgan deputatlar va boshqalar — “Gazeta.uz"ning kunlik dayjestida.
O‘zbekiston prezidenti va Rossiya ichki ishlar vaziri terrorizm, ekstremizm, narkotrafik, uyushgan jinoyatchilikka qarshi kurashish, kiberxavfsizlik va migratsiya sohalarida hamkorlik masalalarini muhokama qildi.
Yevropa Ittifoqi Ukraina va Moldovaning ittifoqqa qo‘shilishi bo‘yicha rasmiy muzokaralarni boshladi. “Oldindagi yo‘l oson bo‘lmaydi. Ammo u ulkan imkoniyatlarga ham to‘la”, — dedi Yevrokomissiya rahbari Ursula fon der Lyayen.
“Gazeta.uz” iyun oyi boshida notkoinni 800 ming so‘mga sotgani uchun 10 sutkaga qamalgan talaba Ismoiljon Normamatov bilan suhbatlashdi. U mazkur holat, bu uning o‘qishi va hayotiga qanday ta’sir qilgani haqida gapirdi, shuningdek, bunday jazoning qanchalik asosliligi haqida o‘z fikri bilan o‘rtoqlashdi.
O‘zbekistondagi hovli uylar joylashgan 208 ta mahallada tajriba tariqasida obodonlashtirish va kommunal tarmoqlarni ta’mirlash, chiqindilarni saralash va tashish xizmatlarini ko‘rsatuvchi “Mahalla servis kompaniyasi” tashkil etiladi. Ularga to‘lov qilish uchun har oy 20 mln so‘m mablag‘ ajratish ko‘zda tutilgan.
Prezidentga chorvachilikni rivojlantirishga doir takliflar berildi. AQSh hamkorligida parrandachilikka genetik texnologiyalarni joriy etish, parrandachilik korxonalarini 5 yilga yer solig‘idan ozod qilish, parranda go‘shti eksportiga ruxsat berish, aholini qorako‘l qo‘yi va echkilar bilan ta’minlash rejalashtirilgan.
Deputat Doniyor G‘aniyev O‘zbekistonning Jahon savdo tashkilotiga a’zo bo‘lishi, birinchi navbatda, mamlakat o‘zini o‘z ichidagi turli lobbi guruhlaridan himoya qilishi uchun kerakligini aytdi. “Erkin savdodan yutadiganlar doim yutqazadiganlardan ko‘p bo‘ladi”, — deya qo‘shimcha qildi u.
Enter Engineering va Saneg xodimlari maosh oylab kechikayotgani haqida muntazam xabar beryapti. Maosh berilishini talab qilayotgan ishchilarning foto va videolari internetda ham bir necha bor tarqaldi. “Gazeta.uz” xodimlar bilan vaziyat va ularni bu kompaniyalarda nima ushlab turgani haqida gaplashdi.
Avloniy nomidagi pedagoglarni kasbiy rivojlantirish va yangi metodikalarga o‘rgatish milliy-tadqiqot instituti negizida Abdulla Avloniy nomidagi pedagogik mahorat milliy instituti tashkil etiladi.
Gaagadagi Xalqaro jinoiy sud Rossiya Bosh shtab boshlig‘i Valeriy Gerasimov va mamlakat sobiq mudofaa vaziri Sergey Shoyguni hibsga olishga order berdi. Ular harbiy va insoniyatga qarshi jinoyatlarda gumonlanmoqda. Order uchun Ukrainadagi fuqarolik obyektlariga berilgan zarbalar asos bo‘lgan.
O‘zbekiston fuqarolari Hamster Kombat va shunga o‘xshash o‘yinlarda tangalarni qonuniy ravishda sotib olishlari va sotishlari mumkinmi, bunday o‘yinlar O‘zbekistonda qonuniymi, to‘plangan tangalar kriptoaktiv sanaladimi? ILMA mazkur savollarga javob berdi.
O‘zbekistonda 1-sentabrdan ixtisoslashtirilgan sport maktablari xodimlariga har oylik 100 foizgacha ustama to‘lash tartibi joriy etiladi. Shuningdek, ushbu maktablarda ikkinchi xorijiy tilni o‘rgatish yo‘lga qo‘yiladi.
WikiLeaks asoschisi Julian Assanj so‘nggi 5 yilini o‘tkazgan Britaniya qamoqxonasidan garov evaziga ozod qilindi. AQSh rasmiylari bilan kelishuv doirasida u josuslik ayblovlaridan biri bo‘yicha aybini tan oldi. Buning evaziga u Britaniyadagi qamoqda o‘tagan vaqtga teng muddatga qamaladi va ozod qilinadi.
O‘zbekistonda ota-onalar yoki ularning o‘rnini bosuvchi shaxslar tomonidan bolani qonunga xilof ravishda diniy ta’lim olish jarayoniga jalb qilganlik uchun ma’muriy javobgarlik belgilanmoqda. Tegishli qonun loyihasi deputatlar tomonidan qabul qilindi.
Davaktiv BAAning Bond Investments limited LLC kompaniyasi bilan “Poytaxt bank” ustav kapitalidagi 100 foiz aksiyalar paketini 10 mln dollarga sotish bo‘yicha kelishuvga erishdi. To‘lov biryo‘la amalga oshiriladi.
Deputatlar chet el fuqarolarining O‘zbekistonda bo‘lishini nomaqbul deb topish to‘g‘risidagi o‘zgartirishlarni qabul qildi. Bunga mamlakat suvereniteti, yaxlitligi va xavfsizligiga tahdid soluvchi, adovat qo‘zg‘atuvchi, xalq sha’ni, qadr-qimmati yoki tarixini kamsituvchi nutq va harakatlar sabab bo‘lishi mumkin.
Farg‘onada 1300 AQSh dollari evaziga o‘quv kurslariga qatnashmasdan haydovchilik guvohnomasini olib berishni va’da qilgan shaxs ushlandi. Shuningdek, Navoiy va Samarqandda ham shunday jinoyat bilan uch kishi qo‘lga olindi.
O‘zbek tili va adabiyot fani bo‘yicha milliy sertifikatda yuqori ball (A va A+) to‘plagan 14−30 yosh oralig‘idagi fuqarolarga imtihon topshirish xarajatlari to‘liq qoplab berilishi mumkin. Bu bo‘yicha loyiha muhokamaga qo‘yildi. Mablag‘ Yoshlar ishlari agentligi jamg‘armasi hisobidan moliyalashtiriladi.
Qo‘shimcha imkoniyatlarga ega bulish uchun saytda ro‘yxatdan o‘ting