Arxiv
2025-yildan madaniyat va san’at sohasi xodimlarining maoshlarini oshirish rejalashtirilmoqda
Prezidentga madaniyat va san’at sohasini rivojlantirishga oid takliflar taqdimot qilindi. Rejaga ko‘ra, hududlardagi teatr binolari mukammal ta’mirlanib, ta’lim muassasalarida teatr jamoalari tuziladi. 2025-yildan shu soha xodimlarining ish haqi oshirilib, moddiy manfaat KPI ko‘rsatkichlariga bog‘lanadi.
Haqiqiy detektiv: Piskentda nega itlar otildi va nima uchun bunga yo‘l qo‘yib bo‘lmaydi?
Piskentdagi dala-hovlilar mahallasida 12-noyabrda noma’lum shaxslar itlarni (xususan, egasi borlarini ham) o‘qotar quroldan otdi. Aholining aytishicha, otuv xonadonlarning birida itlar tomonidan yeyilgan ayol jasadi topilgach boshlangan. “Gazeta.uz” muxbiri Sabina Bakayeva vaziyatni o‘rganishga harakat qildi.
Foto: BYD O‘zbekiston bozori uchun yangi moddellarni taqdim etdi
BYD kompaniyasi Toshkentdagi festival doirasida o‘zining avtomobillari ko‘rgazmasi hamda O‘zbekiston bozori uchun yangi modellarini taqdim qildi. Ular 2025-yilda sotuvga chiqishi reja qilinmoqda. Namoyish 25-noyabrgacha davom etadi. Foto.
O‘zbekiston gaz eksportini oshirmoqda. Import ham o‘sib, qazib olish qisqarmoqda
Yil boshidan buyon O‘zbekistonga gaz importi 1,36 mlrd dollarni tashkil etdi, bu 2023-yil 10 oyidagi ko‘rsatkichdan 2,4 baravar ko‘p, deya xabar berdi Statagentlik. “Ko‘k yoqilg‘i” eksporti 540,4 mln dollargacha (+17,9%) oshdi. Hukumat avvalroq 2025-yilda gaz eksportini to‘xtatish rejasini e’lon qilgan edi.
Qirg‘izistonda 2025-yil iyuldan elektron sigaretlar taqiqlanadi
Qirg‘iziston prezidenti mamlakatga elektron sigaretlarni olib kirish, sotish va chekishni taqiqlash to‘g‘risidagi qonunni imzoladi. Hujjat 2025-yil 1-iyuldan kuchga kiradi. Tartibni buzish jismoniy shaxslar uchun 115 dollar (joriy kurs) jarima solishga sabab bo‘ladi.
Rossiya benzin eksportiga qo‘yilgan taqiqni muddatidan oldin bekor qilmoqchi
Rossiya yil oxirigacha benzin eksportiga qo‘yilgan taqiqni muddatidan oldin bekor qilishni rejalashtirmoqda. Yaqinda Energetika vazirligi eksport cheklovlarini olib tashlash mumkinligi, chunki narxlar va bozordagi vaziyat barqaror ekanini bildirgandi.
“Toshshahartransxizmat” va Toshkent shahri transport bosh boshqarmasiga yangi rahbarlar tayinlandi
Sanjar Sattarov “Toshshahartransxizmat” rahbari v.b. etib tayinlandi. Tashkilotining avvalgi rahbari Anvar Jo‘rayev ustidan sud ishi ketmoqda. Shuningdek, Mirakbar Ikramov Toshkent shahar transport va yo‘l-transport infratuzilmasini rivojlantirish bosh boshqarmasi boshlig‘i lavozimida ish boshladi.
Ta’lim vaziri o‘rinbosari Farhod Boqiyevni haqorat qilgan sobiq deputat Kobul Dusovning ozodligi 1 yilga cheklandi
Maktabgacha va maktab ta’limi vaziri Hilola Umarovaning o‘rinbosari Farhod Boqiyev sobiq deputat va bloger Kobul Dusov ustidan sudga ariza berdi. Birinchi instansiya sudi blogerni vazir o‘rinbosarini haqorat qilgani uchun 1 yilga ozodlikdan chekladi.
Braziliyaning sobiq prezidenti davlat to‘ntarishiga urinishda ayblanmoqda
Braziliyaning sobiq prezidenti Jair Bolsonaru 2022-yilgi saylovlarda mag‘lubiyatga uchragach, davlat to‘ntarishiga uringanlikda gumon qilinmoqda. Yana 36 nafar shaxsga, jumladan, sobiq vazirlar va iste’fodagi generallarga ayblov e’lon qilindi. Ular hozirgi prezidentni o‘ldirishni reja qilgan bo‘lishi mumkin.
Ichki ishlar organlari “kolyaska”, velosiped va samokatlarni o‘g‘rilikdan himoyalash uchun ularni o‘zlari olib ketib qolmoqda
Toshkentning turli tumanlaridagi IIB xodimlari “o‘g‘riliklarning oldini olish maqsadida” pod’ezdlardan bolalar aravachasi, velosipedlari va samokatlarini olib ketmoqda. Jamoatchilik bu harakatlarni ijobiy baholamadi.
O‘zbekiston jinoyat sodir etgan bolalar uchun ozodlikdan mahrum qilishning muqobil choralarini joriy etishni rejalashtirmoqda
Jahon bolalar kuni munosabati bilan UNICEF, Inson huquqlari bo‘yicha milliy markaz va bolalar ombudsmani ozodlikdan mahrum etish o‘rniga maslahat, vositachilik va qo‘llab-quvvatlash kabi bolalarga mo‘ljallangan muqobil sudlov choralarini joriy etishga chaqirdi.
Vebster universitetining qo‘shma dasturlari asosida o‘qishga qabul davom etmoqda
Endi AQShdagi Vebster universitetining O‘zbekistondagi hamkor oliygohlar bilan yo‘lga qo‘ygan qo‘shma dasturlariga hujjat topshirish mumkin.
O‘zbekistonda gaz, neft va benzin ishlab chiqarish kamayishda davom etmoqda
Oktabr oyida O‘zbekistonda gaz qazib olish ko‘rsatkichi pasayishda davom etib, 3,6 mlrd kubometrga yetdi (2023-yil oktabr oyiga nisbatan 5% kam). Benzin ishlab chiqarish ketma-ket uchinchi oy qisqarmoqda. Quyosh va shamol stansiyalari hisobiga elektr quvvati ishlab chiqarish ko‘paydi.
DXX 4 kishini Buyuk Britaniyaga noqonuniy jo‘natmoqchi bo‘lgan shaxsni qo‘lga oldi
Namanganlik shaxs 4 nafar samarqandlik fuqaroni mansabdor tanishlari orqali Buyuk Britaniyaga ishlash uchun yuborishga kelishgan. U buning uchun 12 ming dollar olgan vaqtida ushlandi. Uning ustidan tergov ishlari ketmoqda.
Dam olish kunlari Toshkentda qayerlarga borish mumkin? (23−24-noyabr)
To‘qqizta kinopremyera, fransuz filmlari festivali, modalar namoyishi, spektakllar, BYD festivali, ko‘rgazmalar, ijodiy mahorat darslari, bolalar uchun shou-dasturlar va dam olish kunlaridagi boshqa qiziqarli tadbirlar — Afisha.uz jamlanmasida.
Toshkentda 4 mln donadan ortiq pirotexnika buyumlari yo‘q qilindi
Toshkentning Yashnobod tumanidagi FVB qismida 4 mln 65 ming donadan ziyod salyut va petardalar dastlab suvda bo‘ktirilib, yaroqsiz holatga keltirildi va maxsus xandaqqa ko‘mib yuborish yo‘li bilan yo‘q qilindi.
Issiqxonalarga gaz yetkazib berishda cheklovlar yo‘q — Energetika vazirligi
Energetika vazirligi issiqxona xo‘jaliklariga gaz yetkazib berishda cheklovlar mavjudligini rad etdi. “Issiqxona egalari belgilangan to‘lovlarni amalga oshirgan holda tabiiy gazdan foydalanish imkoniyatiga ega”, — deyiladi xabarda.
O‘zbekistonda daraxtlarni qasddan quritish va noqonuniy ov uchun belgilangan jazolar kuchaytirildi
Kimyoviy, biologik va bakteriologik vositalardan foydalangan holda qasddan daraxtlarni quritish, ularga shikast yetkazish endilikda BHMning 75 baravarigacha jarimaga sabab bo‘ladi. Elektr toki hamda portlovchi va kimyoviy moddalar bilan ov qilganlar esa 5 yilgacha ozodlikdan mahrum qilinadi.
Germaniya kansleri Olaf Shols ikkinchi muddatga saylanmoqchi, uning potensial raqibi nomzodini qo‘yishdan bosh tortdi
Germaniya mudofaa vaziri Boris Pistorius bo‘lajak saylovlarda Sotsial-demokratik partiyadan kanslerlikka nomzodini ko‘rsatishdan bosh tortdi va amaldagi kansler Olaf Sholsni qo‘llab-quvvatladi. Partiya a’zolari avvalroq Pistoriusni o‘z nomzodini ko‘rsatishga chaqirgandi.
Xorijdagi faol o‘zbekistonliklarni rag‘batlantirish uchun “Vatandosh” guvohnomasi joriy qilindi
Xorijda yashab O‘zbekistonning iqtisodiy, ijtimoiy hayotida faol bo‘lgan vatandoshlarni rag‘batlantirish uchun “Vatandosh” guvohnomasi joriy etildi. Guvohnoma olgan nomzod va uning oila a’zolariga mamlakat vizasi, ayrim davlat xizmatlari va turar joy bo‘yicha ro‘yxatdan o‘tish masalalarida imtiyozlar beriladi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting