Arxiv
Farg‘onada viloyat bayram tadbirlarida fonogrammada qo‘shiq aytish taqiqlandi
Farg‘onada viloyat bayram tadbirlarida fonogrammada qo‘shiq aytish taqiqlandi. Endi ijrochilar sahnada cholg‘uchilar bilan birga jonli ijroda kuylaydi. Shuningdek, viloyatda o‘tkaziladigan barcha tadbirlarda sahnaga chiqadigan qo‘shiqchilar ochiq tanlov asosida tanlab olinadi.
Pensiyani hisob-kitob qilishning yangi tartibi joriy etiladi
Senatning 32 yalpi majlisida 2023 yil 1 yanvardan pensiyani hisoblashda bazaviy miqdorni 12 barobariga (3,8 mln so‘m) oshirish taklifi ma’qullandi. O‘zgarishlarni amalga oshirishda Pensiya jamg‘armasidan qo‘shimcha ravishda 1,5 trillion so‘mdan ortiq mablag‘lar talab etiladi.
Mirzo Ulug‘bek tumanida avtobus yonib ketdi
Mirzo Ulug‘bek va Do‘rmon yo‘li ko‘chalari chorrahasida ketayotgan avtobusda ertalab yong‘in chiqdi. Uni o‘chirishga 2 ta yong‘in-qutqaruv ekipaji yetib keldi va 3 daqiqada vaziyatni bartaraf etdi. Avtobusning, asosan, motor qismi yonib zararlangan.
Maqom qo‘riqchisi
«Gazeta.uz» ofisi yonidagi xonadan vaqti-vaqti bilan qorovul Obidjon Rasulov ijrosidagi jonli maqomni eshitib qolishingiz mumkin. U boshlang‘ich maktabda musiqa o‘qituvchiligidan Islom Karimov qarorgohida qorovullikkacha bo‘lgan yo‘lni bosib o‘tgan. Noyob hayot torlariga ega oddiy inson hikoyasini so‘zlab beramiz.
Elektron firibgarlik yoki o‘g‘rilik uchun 8 yilgacha ozodlikdan mahrum qilish jazosi belgilanmoqda
Senatda elektron firibgarlik va o‘g‘rilik uchun 5 yildan 8 yilgacha ozodlikdan mahrum qilish jazosini belgilashga oid qonun ma’qullandi. Ular qayd etishicha, bu kabi jinoyatlar ortib bormoqda. Masalan, firibgarlik bilan bank kartalaridan pulni talon-toroj qilish bo‘yicha 7 oyda 1812 ta jinoyat ishi qo‘zg‘atilgan.
Toshkentda o‘tkaziladigan kinofestival sabab uchta ko‘cha yopiladi
14 sentabr kuni «Ipak yo‘li durdonasi» XIV Toshkent xalqaro kinofestivali o‘tkaziladi. Shu munosabat bilan Chilonzor, Alisher Navoiy ko‘chalari qisman, Paxtakor ko‘chasi esa to‘liq yopiladi.
Toshkent hayvonot bog‘idagi jirafaning o‘lim sababi ma’lum qilindi
Toshkent hayvonot bog‘i Alatau laqabli jirafaning o‘lim sababini ma’lum qildi. O‘limga o‘n ikki barmoqli ichakning tug‘ma nuqsoni tufayli hosil bo‘lgan timpaniya natijasida yuzaga kelgan miya ishemiyasi sabab bo‘lgan.
13 sentabr kuni O‘zbekistonda sodir bo‘lgan eng muhim xabarlar dayjesti
Gulnora Karimovaning Shveysariya banklarida qolgan mulklari, PZR-test topshiradigan SHHT sammiti delegatlari, avtomobilni boshqarish uchun elektron ruxsatnoma, Senat raisiga o‘rinbosar bo‘lgan Amanbay Orinbayev, SSV rahbari o‘rinbosariga tanbeh bergan Tanzila Norboyeva va boshqalar — «Gazeta.uz»da kun dayjesti.
«SHHTning maqsadi — yangi devorlar emas, yangi ko‘priklar qurish» — Sodiq Safoyev
Senat raisi o‘rinbosari Sodiq Safoyev SHHTning asosiy kuchi uning qandaydir blok yoki yopiq tuzilma bo‘lishdan yiroqligida ekanini ta’kidladi. Uning so‘zlariga ko‘ra, Samarqand sammiti tashkilot xalqaro o‘zaro tushunish, ishonch va hamkorlik barpo etish uchun platforma ekanini isbotlashi kerak.
Toshkent viloyatida Innovatsion vaksinalar markazi ochiladi
Toshkent viloyatida Markaziy Osiyoda yagona bo‘lgan Innovatsion vaksinalar markazi ochiladi. Loyiha qiymati 100 mln dollarni tashkil qiladi. Markazda yiliga 2 mlrd dollarlik gepatit A-B, papilloma, qizamiq, qoqshol va boshqa kasalliklarga qarshi 10 xil vaksina ishlab chiqariladi.
Bir qator tovarlarni olib kirishdagi miqdoriy cheklovlarni bekor qilish taklif etilmoqda
Maishiy, oshxona va kompyuter uskunalari bo‘lmagan tovarlar uchun muddat va miqdor bo‘yicha bojsiz import cheklovini bekor qilish taklif etilyapti (umumiy qiymati bo‘yicha esa cheklovlar saqlanib qoladi). Maqsad — jahondagi oziq-ovqat tanqisligi sharoitida aholini ijtimoiy ahamiyatga ega tovarlar bilan ta’minlash.
«Qanday qilib bitta firma 20 tadan obyektni yutib olishi mumkin?» Senat raisi Shaffof qurilish tizimini tanqid qildi
Senat raisi Tanzila Narbayeva Shaffof qurilish platformasidagi kamchiliklarni tanqid qildi. «Qanday qilib bitta firma 15 tadan, 20 tadan obyektni yutib olishi mumkin?», — deya savol berdi u. Qurilish vaziri o‘rinbosari esa pudratchilarga obyekt olish bo‘yicha limit o‘rnatmoqchiligini ma’lum qildi.
SHHTning Samarqanddagi sammitida olti davlat hamkor maqomini oladi
Shanxay hamkorlik tashkilotining bo‘lajak sammitida tashkilotga muloqot bo‘yicha oltita yangi hamkorni qabul qilish to‘g‘risidagi qaror ma’qullanishi kutilmoqda, ulardan to‘rttasi arab davlati hisoblanadi.
Talabalar Tashkent Index kompleksida o‘quv yili yakunigacha yashaydi — fotoreportaj
Yangihayot tumanidagi Tashkent Index majmuasida 10 ming talaba uchun vaqtinchalik yotoqxona hozirlanmoqda, ehtiyojga qarab joy 20 mingtagacha ko‘paytiriladi. Bu yerda oshxona, hammom va kir yuvish xonalari ham tashkil etilyapti. Ijara narxi, transport masalasi va qachon ko‘chib o‘tilishi — «Gazeta.uz» fotoreportajida.
Senat tashqi mehnat migratsiyasiga oid qonunni rad etdi
Senatorlar yalpi majlisda tashqi mehnat migratsiyasiga oid qonunni rad etdi. Unda migrantlar o‘zini o‘zi band qilgan shaxslar qatorida bo‘lishi va ularni soliqqa tortish qayd etilgandi. Qonunning biror moddasida esa fuqarolarni kasb yoki chet tillariga o‘qitish kiritilmagan, deya qayd etdi Senat.
O‘zbekistonning Kiyevdagi elchixonasi Ukraina TIVdan hibsga olingan o‘zbekistonliklar haqida ma’lumot so‘radi
Ijtimoiy tarmoqlarda Ukrainada jang qilgani aytilayotgan ikki o‘zbekistonlik qo‘lga olingani aks etgan video tarqalgach, O‘zbekistonning Kiyevdagi elchixonasi «batafsil va ishonchli ma’lumot» olish uchun mamlakat Tashqi ishlar vazirligiga nota yubordi.
«Sud hali yakuniga yetmadi». Adliya vazirligi Gulnora Karimovaning advokatlari sudda g‘alaba qozongani haqida
Adliya vazirining o‘rinbosari Muzraf Ikramov Gulnora Karimovaning advokatlari sudda g‘alaba qozongani va $303 mlnlik mablag‘ni qaytarib olishi mumkinligiga munosabat bildirdi. Uning so‘zlariga ko‘ra, sud hali yakuniga yetmadi va O‘zbekiston tomoni Shveysariya organlari bilan tegishli choralarni ko‘rmoqda.
Dunyo bo‘yicha 770 mlndan ortiq aholi o‘qish va yozishni bilmaydi — YUNESKO
YUNESKO bosh direktori Odri Azule dunyoda 770 milliondan ortiq voyaga yetganlar o‘qish va yozishni bilmasligi haqida ma’lum qildi. Ularning 60 foizi ayollar hisoblanadi. Shuningdek, pandemiya natijasida 24 millionga yaqin o‘quvchi hech qachon maktab va boshqa ta’lim muassasalariga qaytmasligi mumkin.
Qozog‘iston prezidenti poytaxtni Ostona deb qayta nomlashni ma’qulladi
Qozog‘iston parlamenti deputatlari poytaxt nomini Nursultondan Ostonaga o‘zgartirishni taklif qilishdi. Prezident Qasim-Jomart Toqayev shaharni avvalgi nomiga qaytarishni qo‘llab-quvvatladi. Endilikda konstitutsiyaviy qonun loyihasiga o‘zgartirish kiritiladi.
SHHT sammiti delegatlaridan kovidga qarshi PZR-testi olinadi — SSV
Samarqandda o‘tadigan SHHT sammiti mehmonlariga zaruriy tez tibbiy yordam ko‘rsatish uchun “1303” qisqa raqamli Call-markaz ishga tushirildi, mehmonlarga 50 ta tibbiy brigada xizmat ko‘rsatadi. Shuningdek, chet ellik rasmiy delegatlar mehmonxonalarga joylashishidan oldin kovidga qarshi PZR-test topshiradi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting