Arxiv
Abdulaziz Kamilov xorijda davolanmoqda — TIV
O‘zbekiston tashqi ishlar vaziri Abdulaziz Kamilovning «ixtisoslashgan tibbiy ko‘rikdan o‘tish va tegishli muolajalarni olish maqsadida» xorijda davolanayotgani xabar qilindi.
Toshkentda bo‘yalayotgan mozaikalar
Toshkentda ko‘p qavatli uylarda aka-uka Jarskiylar loyihalari asosida yaratilgan mozaikalarni yo‘qotishga urinishlar davom ettirilmoqda. Furqat va Bobur ko‘chalarini rekonstruksiya qilish jarayonida bir qancha uylar bo‘yashga tayyorlangan, biroq jamoatchilik noroziligidan keyin ishlar to‘xtatib qo‘yildi.
Ukrainaning urush natijasidagi iqtisodiy yo‘qotishlari 564,9 mlrd dollarga yetgani aytildi
Ukrainadagi urush natijasida bir martalik iqtisodiy yo‘qotishlar qiymati 564,9 mlrd dollarga yetdi, deya ma’lum qildi Ukraina iqtisodiyot vaziri. U «raqamlar o‘sishda davom etishini» ta’kidladi. Shuningdek, Xalqaro valyuta jamg‘armasining dastlabki hisob-kitoblariga ko‘ra, urush natijasida Ukraina iqtisodiyotining 35 foizga pasayishi kutilmoqda.
Qizini ayiq qafasiga tashlab yuborgan ayolga nisbatan qo‘zg‘atilgan jinoyat ishi sudga yuborildi
Prokuratura Toshkent hayvonot bog‘ida qizini ayiq qafasiga tashlab yuborgan ayolga tegishli jinoyat ishini unga nisbatan tibbiy yo‘sindagi majburlov choralarini qo‘llashni hal qilish uchun sudga yubordi. Ayol «umrbod ruhiy xastalik bilan betoblanib kelgan», shu bois u tergov va sudda to‘g‘ri ko‘rsatmalar berish qobiliyatiga ega emas, deb ma’lum qildi Bosh prokuratura.
Abdulaziz Isroilov Toshkent shahar hokimiga o‘rinbosar bo‘ldi
Toshkent shahar hokimligi Munitsipal aktivlarni boshqarish markazi bosh direktori o‘rinbosari Abdulaziz Isroilov shahar hokimi o‘rinbosari lavozimiga tasdiqlandi. Uning vazifalari doirasiga shaharda suv toshqini va yog‘ingarchilik bilan bog‘liq muammolarni bartaraf etish ham kiradi.
Bosh vazir o‘rinbosari tadbirkor va eksportchilarni sust qo‘llab-quvvatlayotgan rahbarlarni tanqid qildi
Bosh vazir o‘rinbosari — investitsiyalar va tashqi savdo vaziri Sardor Umurzakov tadbirkor va eksportchilarni sust qo‘llab-quvvatlayotgan rahbarlarni tanqid qildi. 12 ta hududdagi tuman va shaharlar hokimlarining 31 nafar o‘rinbosari, «O‘zto‘qimachiliksanoat» va «O‘zsanoatqurilishmateriallari» uyushmalarining tarmoq rahbarlari intizomiy javobgarlikka tortildi.
Ukrainadagi urush kambag‘al mamlakatlarda oziq-ovqat tanqisligiga olib kelishi mumkin — JST rahbari
JST bosh direktori Ngozi Okonjo-Iveala Rossiyaning Ukrainadagi harbiy operatsiyasi oziq-ovqat narxlari va ochlikka sezilarli darajada ta’sir qilishini ta’kidladi. U Afrikaning ko‘plab mamlakatlari Qora dengiz mintaqasidan keladigan oziq-ovqat ta’minotiga bog‘lanib qolganini qayd etdi. Rossiya va Ukraina butun dunyo bug‘doy ta’minotining 24 foizini, kungaboqar yog‘i va kunjara eksportining taxminan 80 foizini tashkil qilishadi.
Rossiyaning «Azimut» aviakompaniyasi O‘zbekistonga parvoz qilish uchun ruxsat oldi
Rossiyaning «Azimut» aviakompaniyasi O‘zbekistonga muntazam parvozlarni amalga oshirishga ruxsat oldi. Parvozlar Sukhoi Superjet 100 samolyotlarida amalga oshiriladi.
Markaziy osiyolik qizlar stratosferaga uchta nano sun’iy yo‘ldosh uchirishdi
O‘zbekiston, Qozog‘iston va Qirg‘izistondan bo‘lgan 150 nafar qiz stratosferaga o‘zlari yasagan uchta nano sun’iy yo‘ldoshni uchirdi. UniSat ta’lim dasturi doirasida ishlab chiqilgan mazkur ultrazamonaviy sun’iy yo‘ldoshlar havo ifloslanishini tahlil qilishga mo‘ljallangan.
Poytaxtdagi 150 dan ortiq mozaikali uylar davlat himoyasiga olinishi mumkin
Madaniy meros agentligi Toshkentdagi 150 dan ortiq fasad qismida tarixiy-badiiy ahamiyatga ega mozaikalar bo‘lgan uylarni davlat himoyasiga olish ishlari amalga oshirilayotganini ma’lum qildi. Mozaikalar madaniy meros obektlari ro‘yxatiga kiritilgach, ularga zarar yetkazganlar jazolanadi.
Galina Saidova savdoni liberallashtirish bo‘yicha iqtisodchilarning fikrlariga javob qaytardi
Prezident maslahatchisi o‘rinbosari Galina Saidova iqtisodchilar Behzod Hoshimov, Botir Qobilov va Otabek Bakirovning Toshkent investitsiya forumidagi uning nutqi yuzasidan fikr-mulohazalari bildirilgan “Gazeta.uz” materialiga javob qaytardi. “Darslikdagi normalar hech bir davlatda bevosita ishlamaydi”.
Fevral oyida O‘zbekistonda banklarning muammoli kreditlari 265 mlrd so‘mga kamaydi
1 mart holatiga ko‘ra, banklarning muammoli kreditlari (NPL) miqdori 265 mlrd so‘mga pasayib, 17 trln 212 mlrd so‘mga teng bo‘ldi. NPL kamayishida «Ipoteka-bank», «O‘zsanoatqurilishbank» va «Xalq banki» ushbu kreditlarning bir qismidan halos bo‘lgani asosiy rol o‘ynadi.
28 mart kuni O‘zbekistonda sodir bo‘lgan eng muhim xabarlar dayjesti
O‘zbekistonga kelayotgan Turkiya prezidenti, «Ochiq budjet» portalida mablag‘ ajratishga ovoz berish jarayonini «tilanchilik» deb atagan «Adolat» partiyasi vakili, Surxondaryoda kartoshkaga o‘xshatib qadoqlangan 154 kg «gashish», Ukrainadagi urush barchani birlashtirganini aytgan Xarkovdagi «Navro‘z» restorani boshqaruvchisi, Qarshi shahar hokimi har ikki kunda o‘zi qabul qilgan bitta qarorni bekor qilishi va boshqalar — «Gazeta.uz» ning 28 martdagi eng muhim xabarlari dayjestida.
Dollarning rasmiy kursi pasaydi
Dollarning so‘mga nisbatan rasmiy kursi 12,57 so‘mga pasayib, 11 474,30 so‘mni tashkil qildi. Shuningdek, yevro kursi ham pasaydi, rubl kursi esa ko‘tarildi.
«O‘zbekiston uchun noyob iqtisodiy imkoniyatni boy bermasligimiz kerak» — Zafar Hoshimov
Yirik kompaniyalar Rossiyani tark etishi fonida O‘zbekiston mintaqaviy sanoat va tijorat habiga aylanish uchun noyob imkoniyatga ega, deb hisoblaydi tadbirkor Zafar Hoshimov. «„Xavf va tahdid sotuvchilari“ bizni yana qo‘rqitishiga va o‘tmishga qaytarishiga yo‘l qo‘ymasligimiz kerak», — dedi u.
2021 yilda 19 nafar sudya ishdan olingan, 220 nafari esa intizomiy jazoga tortilgan
Sudyalar oliy kengashi 2021 yilda 19 nafar sudyaning vakolati muddatidan ilgari tugatilgani, yana 220 nafar sudya kamchiliklarga yo‘l qo‘ygani uchun intizomiy javobgarlikka tortilganini ma’lum qildi. 2022 yilning birinchi choragida esa, 22 nafar sudya ishdan olingan, 80 nafariga intizomiy chora qo‘llanilgan.
O‘zbekistonda qaysi hokim o‘z qarorlarini tez-tez bekor qilib turadi?
28 mart holatiga e-qaror.gov.uz elektron tizimida 221 ta viloyat, tuman, shahar hokimiyatlari qabul qilgan 76 mingga yaqin hokim qarorlari haqida ma’lumot mavjud. Ushbu ma’lumotlarga ko‘ra, O‘zbekistonda hokimiyatlar bir yil ichida kuniga o‘rtacha 177 ta qaror qabul qilgan. Qarshi shahar hokimi esa o‘rtacha har ikki kunda o‘zi tomonidan qabul qilingan bitta qarorni bekor qiladi.
«Adolat» partiyasi vakili «Ochiq budjet» portalida mablag‘ ajratishga ovoz berish jarayonini «tilanchilik» deb atadi
«Adolat» partiyasi vakili Gulniso Saidova «Ochiq budjet» portalida fuqarolar muammolar yechimi bo‘yicha tashabbuslarni taklif etib, bunga ovoz to‘plash jarayonini tanqid qildi. Uning so‘zlariga ko‘ra, «bu o‘zlariga qadrdon bo‘lgan tashkilot, maktab, bog‘cha va hokazolarga davlatning mablag‘ ajratilishi uchun tilanchilikdir». So‘nggi uch oyning o‘zida platformada 69,7 ming tashabbusga 5,9 mlnta ovoz berilgan.
Shveysariya kompaniyasi suvni virus va bakteriyalardan 99,99 foizgacha tozalaydigan texnologiyalarni taklif qildi
Shveysariya kompaniyasi Davlat ekologiya qo‘mitasiga elektroliz orqali suvni 99,99% gacha viruslar, shu jumladan COVID-19, bakteriyalar va boshqalardan tozalaydigan texnologiyalarni joriy etish bo‘yicha taklif berdi. Ekoqo‘mita hamkorlik imkoniyatlarini tegishli vazirlik va idoralar bilan ko‘rib chiqishini ma’lum qildi.
Surxondaryodagi chegara bojxona postida kartoshka orasidan 154 kg «gashish» topildi
Surxondaryo viloyatidagi «Ayritom» chegara bojxona postida qo‘shni davlatdan kirib kelgan yuk mashinasiga ortilgan 22 tonna kartoshka orasiga 154 kg «gashish» yashirib qo‘yilgani aniqlandi. Ushbu giyohvandlik moddasi kartoshkalar ko‘rinishida qadoqlangan.
Eng ko‘p o‘qilgan xabarlar | So‘nggi yangiliklar
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- O‘zbekistonda chorva hayvonlarini identifikatsiya qilish rejalashtirilmoqda
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting