Shavkat Mirziyoyev payshanba kungi yig‘ilishda bojxona xodimlari va ularning farzandlari uchun oliy o‘quv yurtlariga kirishda alohida kvota ajratilishini ma’lum qildi. Qolaversa, har yili uy-joyga ehtiyoji bor 100 nafar xodimga imtiyozli ipoteka krediti beriladi.
O‘zbekistonga yil boshidan beri 364 kg giyohvandlik vositasi hamda 181 mlrd so‘mlik tovarlar noqonuniy kirib kelishining oldi olingan. Shavkat Mirziyoyev kontrabandaga qarshi kurashish maqsadida 80 foiz tovar kirib keladigan 22 ta bojxona postini 3D-skaner, rentgen apparati, videokuzatuv kamerasi, transport tarozisi kabi uskunalar bilan jihozlashga ko‘rsatma berdi. Buning uchun esa 370 mlrd so‘m yo‘naltiriladi.
Andijon viloyati Asaka tumanidagi fermer xo‘jaligining uch yollanma ishchisi is gazidan vafot etdi. Ular qo‘lbola sandalga yoqilgan ko‘mirdan chiqqan is gazidan zaharlanishgan. Tuman prokuraturasi tergovga qadar tekshiruv o‘tkazmoqda.
Tezkor shaxmat bo‘yicha jahon chempioni Nodirbek Abdusattorov Meltwater Chempionlar turida ilk o‘yinini o‘tkazadi. U birinchi bo‘lib gollandiyalik grossmeyster Anish Giriga qarshi o‘ynaydi, shuningdek, Magnus Karlsen, Din Lijen, Yan Nepomnyaiy, Levon Aronyan va boshqa shaxmatchilar bilan ham bellashadi.
Prezident payshanba kungi yig‘ilishda bojxonachilarning halol ishlashini ta’minlash maqsadida bitta postda 3 yil ishlagan xodimlar rotatsiya qilinishini aytdi. Qolaversa, tizimdagi xodimlar daromadi va mol-mulki deklaratsiya qilinadi, 1 martdan esa barcha bojxona xodimlari faqat ochiq tanlov asosida ishga qabul qilinadi.
Prezident bojxona ma’murchiligini yanada takomillashtirish masalalariga bag‘ishlangan yig‘ilishda «Bojxona boshqa davlat idoralariga namuna bo‘lishi kerak», deya qayd etdi. Prezident topshirig‘iga ko‘ra, yil yakuniga qadar bojxona ko‘rigi jarayonlarini to‘liq qamrab olgan elektron tizim ishga tushiriladi.
Ijtimoiy tarmoqlarda tarqalgan 20 raqami tushirilgan namuna Markaziy bank tomonidan emas, balki «Davlat belgisi» korxonasi tomonidan 2014 yilda chiqarilganligi ma’lum qilindi. U reklama mahsuloti sifatida chiqarilgan va hech qanday qiymat o‘lchoviga ega emas.
Navoiy viloyatining Uchquduq tumanida umumiy maydoni 1,2 mln ga bo‘lgan «Markaziy Qizilqum» milliy tabiat bog‘i, Tomdi tumanida umumiy maydoni 40 ming ga bo‘lgan «Oqtog‘-Tomdi» davlat qo‘riqxonasi tashkil etilmoqda.
Xonqa tumani Davlat soliq inspeksiyasi xodimi 720 mln so‘mlik soliq to‘lovini kamaytirib berish evaziga tadbirkordan 5 ming dollar pora olganida qo‘lga tushgani aytilmoqda. Xorazmdagi boshqa bir holatda esa ikki nafar shaxs tadbirkorga noqonuniy yo‘l bilan 10 mlrd so‘m kredit olib berishga uringanlikda gumon qilinmoqda.
2020 yilda pandemiya davrida baxtsiz hodisalar hamda ularda halok bo‘lgan va jarohatlar soni bo‘yicha statistik ma’lumotlar kamayganidan so‘ng, 2021 yilda bu ko‘rsatkichlar keskin oshdi. Baxtsiz hodisalarning asosiy sabablari tezlikni oshirish va harakatni noto‘g‘ri tashkil etishdir. Piyodalar o‘tish yo‘laklarida qancha odam urib yuborilgan bo‘lsa, belgilanmagan joylarda ham shuncha odam qurbon bo‘lgan.
2019 yilning may oyidan beri Milliy olimpiya qo‘mitasi raisi sifatida ishlab kelayotgan Rustam Shoabdurahmonov o‘z arizasiga binoan ishdan bo‘shatildi.
Qashqadaryo viloyatining to‘rtta tuman sudyalari hamda Angren shahar sudi raisi mas’uliyatsizligi va ishda yo‘l qo‘ygan kamchiliklari uchun intizomiy jazoga tortildi.
11-fevral kuni Buxoro viloyati Qorako‘l tumanidagi mahalladan oqib o‘tuvchi kanaldan ayol kishining jasadi topildi. Holat yuzasidan tuman prokuraturasi tergovga qadar tekshirish ishlarini olib bormoqda.
Jizzax davlat pedagogika institutining ta’lim sifatini nazorat qilish bo‘limi boshlig‘i fakultetlardan birida aniqlangan kamchiliklar dekanga salbiy ta’sir qilmasligi va uni lavozimida qolishini ta’minlash evaziga 100 ming dollar olganida qo‘lga tushgani aytilmoqda. Unga nisbatan jinoyat ishi ochildi.
Rossiyaning S7 Airlines aviakompaniyasi Yekaterinburg shahridan Farg‘onaga reyslarni yo‘lga qo‘ymoqda. Ta’kidlanishicha, parvozlar haftada bir marta — chorshanbadan payshanbaga o‘tar kechasi amalga oshiriladi. Parvoz vaqti 3 soatni tashkil etishi aytilmoqda.
Denov tumanida tez tibbiy yordam muassasasi hodimi fuqaroni o‘zi ishlayotgan joyga ishga kiritib qo‘yish evaziga 1300 dollarni olgan vaqtida qo‘lga tushgani aytilmoqda. Gumondorga nisbatan jinoyat ishi qo‘zg‘atildi.
Toshkentning Yashnobod va Shayhontohur tumanlarida «Zardeks» «Regapen» va boshqa kuchli ta’sir qiluvchi dori vositalarini noqonuniy sotib kelgan dorixonalar faoliyati fosh etildi. Holatlar yuzasidan jinoyat ishlari qo‘zg‘atilib, tergov harakatlari o‘tkazilmoqda.
Chorshanba kuni O‘zbekistonda 241 nafar fuqaro koronavirus yuqtirib olgani ma’lum bo‘ldi, bu bir kun oldingi holatga qaraganda 55 taga kam (296). Toshkent shahrida ham kunlik holat 100 dan kamaydi. 47 kishida esa pnevmoniya aniqlandi.
Qashqadaryo viloyatining Yakkabog‘ tumanida xavfsizlik kamarini taqmagan Nexia-3 haydovchisi va YPX xodimlari o‘rtasida tortishuv yuzaga keldi. Haydovchi 14 sutkaga qamaldi, tortishuvda qatnashgan boshqa fuqarolarga ham jazo tayinlandi.
Toshkentdagi Bobur ko‘chasini rekonstruksiya qilish rejalashtirilmoqda. Yakkasaroy tumani hokimi Anvar Sayfutdinov fuqarolarni binolar fasadini yangilash, velosiped yo‘laklarini tashkil etish, piyodalar yo‘laklarini ko‘kalamzorlashtirishni o‘z ichiga olgan dastlabki loyiha bilan tanishtirdi. Rekonstruksiya moddiy madaniy meros obektlari, jumladan, tuman hokimligi, «ToshkentboshplanLITI» ITI va 7-uyga ham taalluqli.
Qo‘shimcha imkoniyatlarga ega bulish uchun saytda ro‘yxatdan o‘ting