Arxiv
AQSh geologlari O‘zbekistonda slanets gazi va neftini qidiradi
AQSh Geologiya xizmati (USGS) guruhi Samarqand, Jizzax va Surxondaryoda slanets nefti va slanets gazining potensial konlarini aniqlash uchun O‘zbekistonga keladi. Shuningdek, amerikalik mutaxassislar bilan gidrometrik tarmoqlar, statistika, suv resurslarini rivojlantirish infratuzilmasi, toshqin va ko‘chkilar tarixi, qor qoplamini birgalikda o‘rganish bo‘yicha hamkorlik yo‘lga qo‘yiladi.
Jahon yangiliklari dayjesti
Ukraina atrofida sodir bo‘layotgan so‘nggi yangiliklar, Londonda shahzoda Charlzga aloqador saudiyalik tadbirkorga nisbatan tergov boshlangani, Tailand potaxti Bangkok shahrining rasmiy nomi o‘zgargani va boshqa yangiliklar — «Gazeta.uz»ning jahon yangiliklari dayjestida.
1-sinf o‘quvchilari fevralda ta’tilga chiqmaydi
Xalq ta’limi vazirligi maktablarda qishki ta’til kunlari 24 yanvarga qadar uzaytirilgani munosabati bilan 1-sinf o‘quvchilari uchun fevral oyida belgilangan qo‘shimcha bir haftalik ta’til berilmasligini ma’lum qildi.
16 fevral kuni O‘zbekistonda sodir bo‘lgan eng muhim xabarlar dayjesti
1999 yil 16 fevralda Toshkentda sodir bo‘lgan portlashlar, 3,5 yil ichida bir so‘mga ham xiyonat qilmaganini aytgan Jahongir Ortiqxo‘jayev, rekonstruksiya loyihasi ma’qullangan Kosmonavtlar maydoni, vakolatlari kengaytirilgan Madaniy meros agentligi, Navoiy ko‘chasiga qaytmaydigan tramvay, Pekin-2022 qishki olimpiadasida ishtirokini yakunlagan o‘zbekistonlik yagona sportchi va boshqalar — «Gazeta.uz» ning 16 fevraldagi eng muhim xabarlari dayjestida.
Dollarning rasmiy kursi ko‘tarildi
Dollarning so‘mga nisbatan rasmiy kursi 7,92 so‘mga ko‘tarilib, 10 845,08 so‘mni tashkil qildi. Shuningdek, yevro va rubl kurslari ko‘tarildi.
Kosmonavtlar maydonini obodonlashtirish loyihasi ma’qullandi
Madaniy meros agentligidagi Ilmiy-ekspert kengashi Toshkentdagi Kosmonavtlar maydonini ta’mirlashga ruxsat berdi. Loyiha «obyektning tarixiy va badiiy qiymatiga ta’sir ko‘rsatmagan holda» amalga oshirilishi kerak.
Chegara rejimini buzgan xorijliklar jarima to‘lasa, O‘zbekistondan chiqarib yuborilmasligi mumkin
Ma’muriy javobgarlik to‘g‘risidagi kodeksga kiritilgan o‘zgartishga ko‘ra, endilikda davlat chegarasi rejimini buzib o‘tganda qo‘llanilgan jarimani to‘lagan xorijliklar va fuqaroligi bo‘lmagan shaxslar O‘zbekistondan ma’muriy tarzda chiqarib yuborilmasligi mumkin. Shuningdek, chegara zonasini buzishga oid ishlar DXX Chegara qo‘shinlari tomonidan ko‘rib chiqiladi.
O‘rtachirchiqda bo‘sh bankomatni o‘g‘rilab, daryoga tashlab yuborgan shaxslar qo‘lga olindi
O‘rtachirchiqda «Kapitalbank» bankomatini o‘g‘rilab ketgan shaxslar ushlandi. Tergovda ma’lum bo‘lishicha, gumondorlar bankomatni buzib ochishganda, ichida pul yo‘qligini ko‘rib, uni Chirchiq daryosiga tashlab yuborgan. Ushbu uskunaning bahosi 145 mln so‘m ekani aytildi.
Prezident Madaniy meros agentligi vakolatlarini kengaytiruvchi qonunni imzoladi
Endilikda Madaniy meros agentligi ko‘rsatmalariga rioya qilmagan shaxslarga nisbatan ma’muriy huquqbuzarlik to‘g‘risida bayonnoma tuzilishi mumkin. Buning uchun jarima fuqarolarga BHMning — 5 baravarigacha, mansabdor shaxslarga — 7 baravargacha etib belgilandi. Shuningdek, moddiy madaniy meros obyektlarini yo‘q qilish va ularga zarar yetkazish uchun jinoiy jazo kuchaytirildi.
«Tramvay zamonaviy va jamiyat oldida mas’uliyatli»
Tramvayning afzalliklari borasida hech qaysi mutaxassis shubha qilmaydi. «Dunyoda bu masala „yopilgan“», deydi jurnalist Valentin Bogdanov. Tramvayning yo‘q qilinishi sun’iy ravishda unga nisbat berilgan muammolarning hech birini hal qilmadi. Jamoat transporti o‘zining bashoratliligi va hammabopligini yo‘qotdi, ko‘chalar esa yanada xavfliroq bo‘ldi. Tramvay qaytadigan bo‘lsa, «g‘ildirakni qayta kashf qilishning hojati yo‘q» — barcha liniyalar yaxshi rejalashtirilgan edi, deb ta’kidlaydi u.
Navoiy ko‘chasiga tramvay qaytarilmaydi — Toshkent hokimining birinchi o‘rinbosari
«Navoiy ko‘chasiga tramvay qaytarilmaydi», — deya ma’lum qildi Toshkent hokimining birinchi o‘rinbosari Baxtiyor Rahmonov. «Gazeta.uz» e’lon qilgan maqoladan keyin hokimlik ko‘chani rekonstruksiya qilish loyihasiga o‘zgartishlar kiritdi — u yerga avtobuslar uchun yo‘lak qo‘shildi va chorrahalardan biri o‘zgartirildi.
Aholiga 350 ming bosh qo‘y va echki tarqatiladi
Shavkat Mirziyoyev chorvachilik tarmog‘ini rivojlantirish masalalariga bag‘ishlangan yig‘ilishda o‘n kun muddatda kooperatsiya asosida aholiga 350 ming bosh qo‘y va echkini tarqatish ishlarini boshlashga topshiriq berdi. Bu maqsadlarga 100 million dollar yo‘naltiriladi. Undan tashqari, soha mutasaddilariga viloyat va tuman hokimlari bilan birga bir hafta muddatda 67 ta yirik qo‘y va echkichilik xo‘jaliklarini tashkil etish ishlarini boshlash vazifasi qo‘yildi.
Mirziyoyev chorvachilik tarmog‘ida ortda qolayotgan hududlarni sanab o‘tdi
Shavkat Mirziyoyevning aytishicha, pandemiya va iqlim o‘zgarishi sharoitida dunyo bo‘ylab oziq-ovqat mahsulotlari narxi ko‘tarilib borayotgan bir vaqtda, ayrim tuman hokimlarida aholining oziq-ovqatga bo‘lgan talabini qondirish uchun qanday tizimli ishlarni amalga oshirish kerakligi haqida aniq tasavvur yo‘q. Shu sababli, viloyat hokimlariga bir oyda o‘zgarish qilmagan tuman hokimlarini ishdan olish bo‘yicha taklif kiritish topshirig‘i berildi.
«3,5 yil ichida bir so‘mga ham xiyonat qilmadim». Toshkent hokimi homiylik, Akfa va Artel haqida
Toshkent hokimi oldin ishlagan kompaniyalari Artel va Akfa tomonidan shaharga ko‘rsatilayotgan homiylik yordami haqidagi savollardan charchaganligini ta’kidladi. Uning so‘zlariga ko‘ra, kompaniyalar ba’zi aktivlarini sotib, mablag‘larni shahardagi loyihalarga homiylik qilishga yo‘naltirmoqda. Jahongir Ortiqxo‘jayev qilgan savob ishlari haqida hech kimga aytmaganligini, bu haqida afsuslanishini bildirdi. «3,5 yil ishlagan bo‘lsam, davlatning bir so‘m puliga ham xiyonat qilganim yo‘q», — dedi u.
Namangan viloyatiga yangi prokuror tayinlandi
Buxoro viloyati prokurorining birinchi o‘rinbosari Bektosh Sayipov Namangan viloyati prokurori etib tayinlandi.
Diniy masalada munosabat bildirganda xolis bo‘lishni so‘raymiz — Din ishlari qo‘mitasi
Din ishlari bo‘yicha qo‘mita ayrim diniy soha vakillari O‘zbekistonning din sohasidagi davlat siyosatini noto‘g‘ri tushunishi va baholashini, yangiliklarni o‘z manfaatlariga moslab talqin qilishini ta’kidladi. Oldinroq Toshkent shahar imom-xatibi Rahmatulloh Sayfutdinov adliya vaziri Ruslanbek Davletovning «do‘zaxga kirish-kirmaslik tanlovini odamlarning o‘ziga qo‘yib beringlar» degan so‘zlariga qarshi chiqqan edi.
O‘zbekistonda Davlat moliyaviy nazorat inspeksiyasi tashkil etilmoqda
O‘zbekistonda Moliya vazirligi huzurida Davlat moliyaviy nazorati inspeksiyasi tashkil etiladi. Inspeksiya Davlat budjeti mablag‘larini sarflash samaradorligini oshirish, budjet qonunchiligi buzilishining profilaktikasini kuchaytirish va masofaviy moliyaviy nazoratni kengaytirish, shuningdek, davlat moliyaviy nazorati organlari faoliyatini takomillashtirish yo‘nalishida ishlaydi.
G‘afur G‘ulom bog‘ini yozda foydalanishga topshirish rejalashtirilmoqda
G‘afur G‘ulom bog‘ini 49 yilga ijaraga olgan BMP Smart Decision Management kompaniyasi vakilining aytishicha, bog‘ni 2022 yil yozida ochish rejalashtirilmoqda. Uning so‘zlariga ko‘ra, loyihaga 4 mln dollar sarmoya kiritilgan. Avvalroq Toshkent hokimi Jahongir Ortiqxo‘jayev kompaniyani sarmoyaviy majburiyatlarni bajarmayotgani uchun tanqid qilgan edi.
Buxoro neft bazasida 22 mlrd so‘mdan oshiq xato-kamchiliklar aniqlandi
«O‘zbekneftgaz» tomonidan amalga oshirilgan tekshiruvlarda «Buxoro neft bazasi»da 22 mlrd 58 mln so‘mlik xato-kamchiliklar aniqlandi. Holatlarning asosiy qismi bazaning sobiq bosh hisobchisi ishtirokida amalga oshirilgani aytilmoqda. Shuningdek, neft bazasida 5,5 mlrd so‘mlik manfaatlar to‘qnashuvi, qarindosh-urug‘chilik va 3,4 mlrd so‘mlik talon-taroj qilish holatlariga yo‘l qo‘yilgan.
Pekin-2022: Komiljon To‘xtayevning natijasi inobatga olinmadi
Pekin-2022 qishki Olimpiya o‘yinlarida tog‘ chang‘isi sportining slalom yo‘nalishida Komiljon To‘xtayev 42-natijani qayd etdi. Biroq, dasturdagi texnik xato tufayli uning natijasi hakamlar tomonidan hisobga olinmadi. Shu bilan uning Olimpiadadagi ishtiroki yakunlandi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting