Arxiv
Andijonda fuqarolar IIB xodimlarini tosh bo‘ron qilgani haqidagi xabarlarga izoh berildi
Andijon viloyati IIB ijtimoiy tarmoqlarda tarqalgan Baliqchi tumanida fuqarolar IIB xodimlarini tosh bo‘ron qilgani haqidagi xabarlarga munosabat bildirdi. Mazkur holat tuman Suvoqavaga qarashli suv qazib chiqarish inshootini xonadoniga qo‘shib olgan oila hamda ularning mahalladoshlari o‘rtasidagi nizo oqibatida sodir bo‘lgan. Ta’kidlanishicha, «otilgan toshlar IIB xodimlari va fuqarolarga tegmagan».
Firdavs Abduholiqov Elektron ommaviy axborot vositalari milliy assotsiatsiyasi raisligidan ketdi
Firdavs Abduholiqov O‘zbekiston Elektron ommaviy axborot vositalari milliy Assotsiatsiyasi boshqaruv raisi lavozimidan ketdi. Uning o‘rniga Xalqaro press-klub raisi Sherzodxon Qudratxo‘ja assotsiatsiya rahbari bo‘ldi.
Shifoxonalarda yuritiladigan tibbiy hisob jurnallari va tibbiy kartalar soni qisqartirildi
1 fevraldan tibbiyot muassasalarida yuritiladigan tibbiy hisob jurnallari 26 tadan 14 tagacha qisqartirildi, ulardan 10 tasi soddalashtirildi. Shuningdek, 33 turdagi tibbiy karta va blankalar ham 14 tagacha qisqartirildi. «Endi shifokor va hamshiralar asosiy vaqtini bemorlarni davolashga yo‘naltiradi», — deyiladi SSV xabarida.
Shaxmat federatsiyasida mojaro. Antikorrupsiya agentligi Malibu sotilishi va klubga pul o‘tkazilishini tekshirmoqda
Korrupsiyaga qarshi kurash agentligi Malibu avtomobilining shubhali sotilishi va Shaxmat federatsiyasidan 1,8 mlrd so‘mdan ortiq mablag‘ning federatsiya rahbarining birinchi o‘rinbosari, iste’fodagi DXX generali Husan Turdialiyev direktor bo‘lgan xususiy shaxmat klubiga o‘tkazilishini o‘rganmoqda. Shaxmatchi Sergey Qayumov «Husan Turdialiyevning so‘nggi 20 yildagi diktaturasi» haqida gapirgan bo‘lsa, Gulruhbegim Tohirjonova federatsiya rahbarining birinchi o‘rinbosarining xatti-harakatlari AQShga ketishiga sabab bo‘lganini ma’lum qildi.
Kovid va pnevmoniya bilan kasallanish statistikasi pasayib bormoqda
22 yanvardan beri koronavirusning kunlik holati kamayib bormoqda — dushanba kuni virus 1015 kishida aniqlandi. Toshkent shahrida kasallanish holatlari ortgan, viloyatlarda esa kamaygan. Qolaversa, 196 nafar fuqaroda pnevmoniya qayd etildi.
2022-yilda poytaxtga $3,8 mlrdlik investitsiya jalb qilinishi rejalashtirilgan
2022-yilda Toshkent shahrida umumiy qiymati 3,8 mlrd dollarlik 738 ta loyihani amalga oshirish reja qilingan. Shundan 500 ta loyiha joriy yilning o‘zidayoq ishga tushishi, buning natijasida 27 mingta yangi ish o‘rni yaratilishi kutilmoqda. Prezident Toshkentning moliyaviy va iqtisodiy imkoniyatlar kengligini, har bir tumanga qo‘shimcha 100 mln dollar jalb qilish mumkinligini ta’kidladi.
Farg‘onadagi savdo kompleksining 25 ta do‘koni yonib ketdi
1-fevral kuni ertalab Farg‘ona viloyatining Quva savdo kompleksida 25 ta kiyim-kechak do‘konida yong‘in sodir bo‘ldi. Voqea joyiga 11 ta yong‘in-qutqaruv ekipaji jalb etildi. FVV ma’lum qilishicha, hodisa oqibatida tan jarohati olgan yoki halok bo‘lganlar qayd etilmagan.
5 yilda prezident Xalq qabulxonalariga 5,7 mlndan ortiq murojaat kelib tushdi
2017−2021 yillar davomida prezident virtual qabulxonasi va Xalq qabulxonalariga 5 mln 780 mingdan ziyod murojaatlar kelib tushgan. Shundan 3 mln 288 mingdan ortig‘i qanoatlantirilgan.
Toshkentda Inson qadri indeksi joriy etiladi
Toshkent mahallalarida aholi muammolarini o‘rganish orqali poytaxtda inson qadri indeksi joriy qilinadi. Prezident indeks mezonlarini ishlab chiqish va joriy etish bo‘yicha ilmiy asoslangan tizim yaratishni buyurdi.
Jahon yangiliklari dayjesti
Britaniya hukumatining Rossiya kompaniyalari va jismoniy shaxslari aktivlarini muzlatib qo‘yishi mumkinligi, OIVga chalingan Janubiy Afrika fuqarosida koronavirusning 21 mutatsiyasi aniqlangani, Polsha Milliy xavfsizlik byurosining Ukrainaga harbiy yordam jo‘natilishini tasdiqlagani, Yevropa Ittifoqi Rossiyadan gaz yetkazib berish to‘xtatilgan taqdirda qaysi davlatlardan gaz olib kelishni muhokama qilayotgani va boshqa yangiliklar — «Gazeta.uz» ning jahon yangiliklari dayjestida.
31 yanvar kuni O‘zbekistonda sodir bo‘lgan eng muhim xabarlar dayjesti
Pekin qishgi Olimpiadasi ochilishida qatnashadigan Shavkat Mirziyoyev, UZIMEI`ni «byurokratik va noqulay», deb atagan Jahon banki eksperti, 100 maqsadni jamlagan Taraqqiyot strategiyasi, 2021 yilda import qilingan $588 mlnlik «inomarka» lar, shovqinga qarshi kurashni tartibga solishni taklif qilgan Adliya vazirligi, yangi tayinlangan hokimlar va boshqalar — «Gazeta.uz» ning 31 yanvardagi eng muhim xabarlari dayjestida.
Prezident 63 nafar mahkumni afv etdi
Prezident farmoni bilan ozodlikdan mahrum etish jazosini o‘tayotgan, qilmishiga pushaymon bo‘lgan va tuzalish yo‘liga o‘tgan 63 nafar shaxs afv etildi. Ularning ikki nafari 60 yoshdan oshgan shaxslar hisoblanadi.
Ikkilamchi bozordan uy sotib olish uchun ipoteka kreditlarini qayta moliyalashtirish vaqtinchalik to‘xtatildi
Ikkilamchi bozordan uy-joy sotib olish uchun ajratiladigan maqbul ipoteka kreditlarini qayta moliyalashtirish vaqtincha to‘xtatildi. Bunga ikkilamchi bozor uchun kreditlarga talab yuqori bo‘lganligi bois OTBning 150 mln dollarlik mablag‘lari muddatidan oldin o‘zlashtirilishi sabab qilib ko‘rsatildi.
Toshkentdagi DXMlar ID-kartalarni rasmiylashtirishni boshladi
Endi ID-kartani ichki ishlar bo‘limlaridan tashqari Toshkent shahrining tumanlari hamda Nurafshon shahridagi davlat xizmatlari markazlaridan olish mumkin.
2021-yilda O‘zbekiston avtomobil bozorida holat qanday bo‘ldi?
2021-yilda mamlakat bo‘ylab 691,9 mingta avtotransport vositalari oldi-sotdisi amalga oshirilgan. Bu 2020-yilga nisbatan 12 foizga ko‘proq hisoblanadi. Shundan 194,4 mingtasini yengil avtomobillar tashkil etgan. Shuningdek, o‘tgan yilda O‘zbekistonda jami 13 mingta “inomarka” sotilgan va ularning yarmidan ko‘pi Toshkent shahri hisobiga to‘g‘ri kelgan.
Muzey yashaydi. Poytaxtdagi parovozlar muzeyi rekonstruksiyasi qanday kechmoqda?
2021 yil iyun oyidan buyon Toshkent temir yo‘l texnikasi muzeyida ta’mirlash ishlari olib borilmoqda. Muzey rekonstruksiya paytida atayin tashrif buyuruvchilar uchun yopilmadi. «Gazeta.uz» muxbiri Natalya Silkina muassasa direktori bilan muzey fondini to‘ldirish, uning rekonstruksiyasi va kelajagi haqida suhbatlashdi.
3−4-fevral kunlari Senat yalpi majlisi bo‘lib o‘tadi
Senatning yigirma uchinchi yalpi majlisida “Geografik ko‘rsatkichlar to‘g‘risida"gi qonun, ikkita xalqaro hujjatni ratifikatsiya qilish masalasi va qator qonunlarga o‘zgartirish kiritish muhokama qilinadi. Shuningdek, 2021-yilgi davlat dasturi ijrosi bo‘yicha hukumat hisoboti eshitiladi.
«UZIMEI byurokratik va noqulay tizim» — Jahon banki iqtisodchisi
Jahon banki iqtisodchisi Vinayak Nagaraj O‘zbekistonda UZIMEI mobil qurilmalarini ro‘yxatdan o‘tkazish tizimini «byurokratik, noqulay va fuqarolar uchun foydasiz», deb atab, u «O‘zbekistonni orqaga tortayotganini» ta’kidladi. Huquqshunos Xushnudbek Xudayberdiyev esa davlat organlari o‘z vazifasini bajara olmagani uchun ushbu tizimni «ikki karra telefon solig‘i» deb hisoblaydi. Bloger Shahnoza Soatova esa tizimning «beti qattiq» ekanligini aytdi. UZIMEI operatori tanqidlarga javob berishga harakat qilib ko‘rdi.
Denov va Qiziriq tumanlari hamda Angren shahriga yangi hokimlar tayinlandi
Surxondaryo viloyatining Denov va Qiziriq tumanlari hamda Toshkent viloyatining Angren shahriga yangi hokimlar tayinlandi.
Toshkent hokimligi binolar yoshini ko‘rsatuvchi interfaol xaritani ishga tushirdi
Toshkent shahar hokimligi huzuridagi Raqamli rivojlanish departamenti poytaxt binolari yoshini aniqlashga yordam beruvchi Age Tashkent portalini ishga tushirdi. Sayt orqali shahardagi binolar qurilgan sana, ularning turi va boshqa ma’lumotlarni olish mumkin.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting