Arxiv
IHTga turizm yo‘nalishi bo‘yicha raislik O‘zbekistonga o‘tkazildi
Islom hamkorlik tashkiloti (IHT)ning turizm yo‘nalishi bo‘yicha raisligi Ozarbayjondan O‘zbekistonga o‘tkazildi. Ta’kidlanishicha, mamlakat o‘z raisligi davomida IHT hududida “kelajak turizmi”ni shakllantirishga alohida e’tibor qaratadi.
Hafta davomida havo isib boradi
Iyunning birinchi ish haftasida ob-havo O‘zbekiston bo‘yicha quruq bo‘lishi kutilmoqda. Faqat 4−5-iyun kunlari Farg‘ona vodiysi viloyatlarida qisqa muddatli yomg‘ir yog‘ishi mumkin. Harorat hafta boshida 32, keyinroq 35 darajagacha isiydi.
O‘tkir diareyadan qanday saqlanish mumkin? SSV tavsiyalari
SSV yozda aholi, ayniqsa, bolalar o‘rtasida avj oladigan o‘tkir diareya belgilarini sanab, qanday qilib kasallikning oldini olish mumkinligi bo‘yicha tavsiyalar berdi. Gigiyenaga rioya qilish, qaynatilgan suv ichish, shifokor maslahatisiz antibiotiklarni qo‘llamaslik shular jumlasidan. Batafsil.
Prezidentning tadbirkorlar bilan muloqoti bu yil Qoraqalpog‘istonda bo‘lib o‘tadi
Prezident va tadbirkorlarning yillik muloqoti bu yil Qoraqalpog‘istonda bo‘lib o‘tadi. U yerda xalqaro biznes-forum ham o‘tkaziladi. Ochiq muloqotni tashkil etish bo‘yicha komissiya tuzildi. “Qoraqalpog‘istonda biznes yuriting” dasturi doirasida yirik brendlarni respublikaga jalb etish rejalashtirilmoqda.
“Baxti Tashkentskiy” va yana 36 kishiga nisbatan sud boshlanadi
“Baxti Tashkentskiy” nomi bilan tanilgan Baxtiyor Qudratullayev, uning o‘g‘li, akasi — jami 37 kishiga nisbatan 3-iyundan ochiq sud boshlanadi. Sudlanuvchilar tovlamachilik, jinoiy uyushma tashkil etish, firibgarlik, qasddan badanga shikast yetkazish, bezorilik va JKning boshqa moddalari bo‘yicha ayblanmoqda.
Toshkentda otlar paradi bo‘lib o‘tdi — fotoreportaj
1-iyun — Xalqaro bolalarni himoya qilish kuni munosabati bilan poytaxtdagi Amir Temur xiyoboni atrofida otlar paradi bo‘lib o‘tdi (100 boshga yaqin zotdor ot qatnashdi). Milliy gvardiya va ichki ishlar organlari otliq kavaleriya bo‘linmalari ishtirokidagi paraddan “Gazeta.uz” fotoreportaj tayyorladi.
Toshkentdagi “Ashxobod” bog‘i rahbarlari 15 sutkaga qamaldi
Toshkentdagi “Ashxobod” ko‘ngilochar bog‘i direktori, uning o‘rinbosari va reklama bo‘limi boshlig‘i ommaviy tadbirlar o‘tkazish qoidalarini buzgani va boshqa huquqbuzarliklar uchun 15 sutkaga qamaldi. Ularning “tekinga narsa tarqatish” aksiyalari bog‘da 40 mingga yaqin odam to‘planishi va xavf tug‘dirishga sabab bo‘ldi.
Foto: Qatar Airways Doha-Toshkent yo‘nalishida muntazam aviaqatnovlarni boshladi
Yakshanba kuni Qatar Airways aviakompaniyasining Doha-Toshkent yo‘nalishi bo‘yicha birinchi reysi uchib keldi. Muntazam parvozlar haftasiga to‘rt marta, Airbus A320 samolyotlarida amalga oshiriladi. Toshkent kompaniya uchun Markaziy Osiyoga qatnov yo‘lga qo‘ygan Olmaotadan keyin ikkinchi shahar hisoblanadi. Foto.
Sirdaryodagi lak-bo‘yoq ishlab chiqarish omborida yong‘in sodir bo‘ldi
Guliston shahridagi lak-bo‘yoq mahsulotlari ishlab chiqarish omborida yong‘in sodir bo‘ldi. Yong‘in tunda kelib chiqdi va ikki soatda o‘chirildi. Hodisa oqibatida bino tom qismi va 2 ta yuk mashinasi qisman zararlandi.
“Xalq puli davlat budjetiga o‘tdimi, u davlatning puliga aylanadi” — Qashqadaryo adliya boshqarmasi boshlig‘i
Qashqadaryo viloyati adliya boshqarmasi boshlig‘i Salohiddin Nuriyev OAV vakillari bilan suhbatda “xalq puli, xalq mulki davlat budjetiga o‘tsa, o‘z-o‘zidan u davlatning puliga aylanishini” ta’kidladi. Adliya vazirligi davlat organlari xalq oldida hisobdor ekanini eslatib, holat o‘rganilayotganini bildirdi.
Tartibsizlik va tirbandliklar tufayli Toshkentdagi “tekinga narsa tarqatish” aksiyalari to‘xtatildi
Toshkentda Xalqaro bolalarni himoya qilish kunida tashkil etilishi rejalashtirilgan “tekinga narsa tarqatish” aksiyalari to‘xtatildi, deb xabar berdi IIV. O‘yinchoqlar, muzqaymoq va boshqalarning tekin tarqatilishi transport harakatidagi 10 balli tirbandlikka va bog‘larda odamlarning to‘planib qolishiga olib keldi.
“Bolalar ehtiyoji uchun xavfsiz cho‘milish havzalari kerak” — Surayyo Rahmonova
Bolalar ombudsmani Surayyo Rahmonovaning fikricha, bolalarni taqiqlangan joyda cho‘milmaslik haqida ogohlantirishning o‘zi yetarli emas. “Ularning ehtiyoji uchun muqobil xavfsiz cho‘milish havzalari kerak”, — dedi u. Ombudsman bu masala bo‘yicha viloyat xokimlariga so‘rov kiritilganini ma’lum qildi.
Tailand va Filippinning yangi elchilaridan ishonch yorliqlari qabul qilindi
O‘zbekiston Tashqi ishlar vazirligida Tailand va Filippinning yangi elchilaridan ishonch yorliqlari qabul qilib olindi. TIV rahbari Baxtiyor Saidov Filippin bilan “foydalanilmagan ulkan salohiyatlar” borligini ta’kidladi.
Sug‘orish tizimi mavjud bo‘lmagan joylarga bahorda 600 ming tupdan ortiq ko‘chat ekildi
Bahorda “Yashil makon” umummilliy loyihasi doirasida sug‘orish tizimi mavjud bo‘lmagan joylarga 600 ming tupdan ortiq ko‘chat ekildi. Bu haqda Senatdagi muhokamada so‘z bordi. Bu masala avvalgi yillarda ham bir necha bor ko‘tarilgan.
Akmal Saidov BMT Inson huquqlari qo‘mitasi a’zosi bo‘ldi
Inson huquqlari bo‘yicha milliy markaz direktori, akademik Akmal Saidov 2025—2028-yillarga mo‘ljallangan BMT Inson huquqlari qo‘mitasiga a’zo bo‘ldi. BMTning mazkur organiga O‘zbekistondan birinchi marta vakil saylandi.
Poytaxtni egallagan Olot kutubxonasi. Turkmaniston bilan chegara yaqinida kutubxona ochish uchun Turkiyadan qaytgan Shahnoza Navro‘zova hikoyasi
Olot somsasi Toshkentni “egallagani”ga ko‘p bo‘ldi. Ammo poytaxtga “yurish” faqat somsa bilan kifoyalanayotgani yo‘q. Uning yoniga endi kutubxona ham qo‘shildi. Ha, aynan Olotdagi kutubxona tajribasi 2024-yilda Toshkentdagi 100 mahallaga yoyildi. “Gazeta.uz” poytaxtga ibrat bo‘lgan Olotdagi kutubxonada bo‘ldi.
31-may kuni e’lon qilingan eng muhim yangiliklar dayjesti
Prezidentning Buxoroga tashrifi, yangi tariflar sabab gaz va elektr iste’moli kamayganini aytgan vazir, ketma-ket yettinchi sessiyada pastlagan dollar kursi, gazni subsidiyalash uchun sarflangan 8,1 trln so‘m va boshqalar — “Gazeta.uz"ning kunlik dayjestida.
Toshkent aeroportining uchib kelish zalida yo‘lovchi ayol hushidan ketdi
Istanbul-Toshkent yo‘nalishi bo‘yicha poytaxt aeroportiga qo‘ngan yo‘lovchi ayol bojxona nazorati paytida sog‘lig‘idagi muammolar sabab hushidan ketdi. Unga birinchi yordam ko‘rsatildi.
Samarqandda 50 ming dollar evaziga AQShga yuborishni va’da qilgan shaxs qo‘lga olindi
Samarqandda hudud aholisiga 50 ming dollar evaziga AQShga borishga yordam berishni va’da qilgan shaxs avans olayotgan vaqtda qo‘lga olindi.
Davlat xaridlaridagi to‘g‘ridan to‘g‘ri shartnomalarda narxlarni majburiy ochiqlash tizimini joriy etish rejalashtirilmoqda
Davlat xaridlarida to‘g‘ridan to‘g‘ri shartnomani tuzishdan avval mazkur shartnomadagi narxlarni oldindan majburiy tarzda jamoatchilikka ochiqlash tizimini yo‘lga qo‘yish taklif etilmoqda. Iqtisodiyot va moliya vazirligi bu bo‘yicha prezident farmoni loyihasini ishlab chiqdi.
Eng ko‘p o‘qilgan xabarlar | So‘nggi yangiliklar
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- O‘zbekistonda chorva hayvonlarini identifikatsiya qilish rejalashtirilmoqda
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting