Arxiv
Jahon yangiliklari dayjesti
Chexiyada mamlakat prezidentiga qarshi norozilik namoyishlari, Xitoyda umumiy ovqatlanish joylarida yeb-ichilmagan ovqat uchun jarima solinishi, AQSHda mentollik tamaki mahsulotlariga taqiq qo‘yish rejalashtirayotgani va boshqa yangiliklar — «Gazeta.uz»ning jahon yangiliklari dayjestida.
I chorakda 211,2 mlrd so‘mlik byudjet kamomadi va asossiz xarajatlar aniqlandi
Moliya vazirligining Davlat moliyaviy nazorati departamenti I chorakda 211,2 mlrd so‘m miqdorida byudjet kamomadi va asossiz xarajatlarni aniqladi. Qonunbuzilish holatlari XTVda 4,6 barobarga, SSVda 2,9 barobarga, MTVda 7,6 barobarga oshgan.
«Men Mamarizo Nurmuratovga ishonaman, lekin uning tizimiga ishonmayman» — prezident
Prezident videoselektorda «O‘zsanoatqurilishbank» xodimlaridan biri katta miqdordagi talon-tarojda ayblanib, hibsga olinganini ma’lum qildi. Har bir bank rahbariga «nimada ayblanayotganini ko‘rish, farzandalrini ko‘z oldigi keltirishi uchun» sud jarayonida ishtirok etish taklif qilindi. «Men Mamarizo Nurmuratovga ishonaman, lekin uning tizimiga ishonmayman», — dedi prezident.
Birorta viloyat rahbari mahalliy sanoat salohiyatidan foydalanishni puxta o‘ylab ko‘rgani yo‘q — prezident
Prezident sanoatni rivojlantirishga bag‘ishlangan videoselektorda birorta tuman, shahar yoki viloyat rahbari mahalliy sanoat salohiyatidan foydalanishni chuqur va puxta o‘ylab ko‘rmaganini ta’kidladi. So‘nggi 3 yilda qurilish materiallarini ishlab chiqarish 1,5 baravarga oshga, biroq bu ehtiyojni qoplamayotgani aytildi.
AstraZeneca vaksinasining keyingi partiyasi iyun oyida olib kelinadi
AstraZeneca vaksinasining keyingi partiyasi iyun oyida olib kelinadi. Buni juma kuni COVID-19`ga qarshi emlangan YUNISEFning O‘zbekistondagi vakolatxonasi rahbari Munir Mamedzade ma’lum qildi. COVAX dasturi doirasida 2 mln 256 ming doza AstraZeneca`dan faqat 660 ming doza vaksina keltirilgan edi.
Fransiya bilan hamkorlikda fuqaro aviatsiyasi uchuvchilari maktabi ochiladi
Toshkentda Fransiya Fuqaro aviatsiyasi milliy maktabi bilan hamkorlikda Fuqaro aviatsiyasi uchuvchilarini tayyorlash maktabi tashkil etiladi.
Dollarning rasmiy kursi ko‘tarildi
Dollarning rasmiy kursi 14 so‘mga qimmatladi va jami 10 523 so‘m etib belgilandi. Yevro va rubl kurslari esa biroz arzonladi.
O‘zbekistonga o‘simlik yog‘i importi QQSdan ozod qilindi, eskport cheklandi
Prezident o‘simlik yog‘i, kungaboqar va zig‘ir urug‘i, shuningdek soya danaginining importini QQSdan ozod qilish to‘g‘risidagi qonunni imzoladi. Shu bilan birga, ayrim turdagi oziq-ovqat mahsulotlariga nisbatan eksport bojxona bojlari kiritilmoqda.
Bayroq ustuniga ajratilgan 1,35 mlrd so‘mga xaroba yotoqxona ta’mirlanadi — Zoyir Mirzayev
Qashqadaryo hokimi Zoyir Mirzayev viloyatda o‘rnatilishi rejalashtirilgan bayroq va uning ustuniga davlat byudjetidan mablag‘ sarflanmasligini aytdi. Ustunga ajratilgan 1,35 mlrd so‘m mablag‘ Qarshi shahridagi xaroba ahvoldagi 136-sonli oilaviy yotoqxonani ta’mirlash ishlariga yo‘naltiriladi. Hokim ustun faqat homiy topilsagina qurilishini ta’kidladi.
101 yoshli urush qatnashchisi koronavirusdan sog‘aydi
Zangiotadagi kasalxonaga og‘ir ahvolda olib kelingan 101 yoshli urush va mehnat faxriysi koronavirusdan butkul sog‘aydi.
Aeroport va vokzallarga kirib-chiqish soddalashtiriladi
O‘zbekistonda yaqin oylarda aeroport va vokzallar binolariga erkin kirib-chiqishga ruxsat beriladi. Bu prezidentning yangi qarorida ko‘zda tutilgan.
O‘zbekistonda kamida ikkita yangi aviakompaniya paydo bo‘ladi — transport vaziri
Yil oxiriga qadar O‘zbekistonda kamida ikkita yangi aviakompaniya tashkil etilishi kutilmoqda, deya ma’lum qildi transport vaziri va Uzbekistan Airways rahbari Ilxom Maxkamov. Uning so‘zlariga ko‘ra, kompaniyalar allaqachon fuqarolik aviatsiyasi agentligiga ariza topshirishgan va lizing asosida samolyotlarni sotib olish ustida ish olib borishmoqda. Aviakompaniyalardan biri Air Marakanda bo‘lishi mumkin.
Olmaliqda ayollar yo‘lning qatnov qismini to‘sib qo‘ydi
Olmaliq shahrida ayollar tomonidan yo‘lning qatnov qismi to‘sib qo‘yildi. Olmaliq kon metallurgiya kombinati mazkur fuqarolar bandlikka ko‘maklashish markazi tomonidan kvota olishganini ma’lum qildi.
Qirg‘iz-tojik chegarasidagi otishma butunlay to‘xtatildi. Vaziyat barqarorlashmoqda
Qirg‘iziston va Tojikiston chegarasidagi otishma butunlay to‘xtatildi. Tojikiston otishma sodir bo‘lgan Laylak viloyatidan hozirda buldozerlari olib tashlamoqda.
Sardoba fojiasining sabablari haqida rasmiy ma’lumot berildi
Sardoba suv ombori to‘g‘onining yorilishi sabablari haqida rasmiy ma’lumot berildi. Suv omborini loyihalashtirish, qurish va to‘g‘onning ekspluatatsiyasi jarayonida xato va kamchiliklarga yo‘l qo‘yilganligi uchun 17 kishi jinoiy javobgarlikka tortilgan.
Dam olish kunlari o‘rtacha iliq ob-havo bo‘lishi kutilmoqda
Bugun va ertaga ba’zi joylarda shamol 15−20 m/s gacha kuchayishi mumkin. Yakshanba kuni kam bulutli va quruq ob-havo bo‘lishi kutilmoqda. Havo harorati 29−32 darajagacha, janubda 34−37 darajagacha ko‘tariladi.
Yana 3 ta OTM vaqtinchalik masofaviy ta’limga o‘tkazildi
Talabalar orasida COVID-19 infeksiyasi aniqlangani sababli, Toshkent davlat texnika universiteti, Samarqand shahridagi «Ipak yo‘li» turizm xalqaro universiteti hamda Andijon qishloq xo‘jaligi va agrotexnologiyalar instituti masofaviy ta’lim tizimiga o‘tdi.
Mirza Azizovni davolashda xorijlik shifokorlar ham ishtirok etgan — SSV
Publitsist Shuhrat Rizayev O‘zbekiston xalq artisti Mirza Azizovning sakkiz kishilik xonada yotgani, yaxshiroq shifoxonaga o‘tkazish bo‘yicha undan yordam so‘raganini ma’lum qilgan edi. SSV vaziyatga oydinlik kiritish maqsadida artistni davolagan shifokorlar va uning turmush o‘rtog‘i fikr-mulohazalarini e’lon qildi. Ta’kidlanishicha, Mirza Azizovni xorijlik, jumladan, oxirgi marta rossiyalik professor-reanimatolog tibbiy ko‘rikdan o‘tkazgan va shu asosda muolajalar qilingan.
Shavkat Mirziyoyev va Sadir Japarov muloqotni mustahkamlash yo‘llarini ko‘rib chiqishdi
O‘zbekiston va Qirg‘iziston prezidentlari telefon orqali muloqotda mintaqaviy hamkorlikning muhim masalalari hamda Qirg‘iziston-Tojikiston chegarasida yuzaga kelgan vaziyatni tez fursatda hal qilish masalalarini muhokama qilishdi.
Shavkat Mirziyoyev va Emomali Rahmon tojik-qirg‘iz chegarasidagi vaziyatni muhokama qildi
O‘zbekiston va Tojikiston prezidentlari telefon orqali tojik-qirg‘iz chegarasidagi vaziyatni muhokama qilishdi. Shavkat Mirziyoyev yuzaga kelgan vaziyatni tez fursatda hal qilish va uning keskinlashuviga yo‘l qo‘ymaslik bo‘yicha Tojikiston va Qirg‘iziston tomonlari erishgan kelishuvlarni qo‘llab-quvvatladi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting