Arxiv
Dunyodagi maktab o‘quvchilarining uchdan ikki qismi internetga ega emas — YUNISEF
Dunyo bo‘ylab taxminan 1,3 mlrd bola internetga ega emas. COVID -19 tufayli maktablarning yopiqligi bolalarning ta’lim olish imkoniyatidan mahrum bo‘lishiga olib keladi, deyiladi YUNISEF hisobotida.
2021 yildan boshlab 22 sentyabr kuni «Avtomobilsiz kun» sifatida e’lon qilindi
Hukumat qaroriga ko‘ra,1 dekabrdan boshlab rahbarlarga ishga kelib-ketishda avtomobillardan foydalanmaslik tavsiya etildi. Bundan tashqari, 2021 yildan boshlab 22 sentyabr kuni «Avtomobilsiz kun» sifatida e’lon qilindi.
Koronavirusning yengil shakli ham qarishni tezlashtirishi mumkin
Koronavirus infeksiyasining xatto yengil shakli ham erta qarishni tezlashtirishi mumkinligi aytildi. Bundan tashqari, koronavirusdan tez va oson tuzalganlarning 70 foizida ba’zi ichki organlarning patologiyasi kuzatilgan.
Buyuk Britaniyada keyingi haftadan koronavirusga qarshi emlash boshlanadi
Buyuk Britaniyada Pfizer/BioNTech vaksinasidan foydalanish uchun ruxsat berildi. Yuqori risk guruhidagilar keyingi haftadan boshlab koronavirusga qarshi emlanadi.
Navoiy viloyatida ko‘rsatkichi past bo‘lgan 26 ta maktab direktorlari lavozimidan ozod etildi
Ta’lim sifati past bo‘lganligi sababli Navoiy viloyatida 26 nafar maktab direktorlari o‘z lavozimlaridan chetlatilgan. OTMga kirish ko‘rsatkichi yuqori bo‘lgan 106 nafar maktab direktorlari esa 10 mln so‘mdan pul mukofoti bilan taqdirlangan.
Farg‘onada futbol o‘yinidan keyingi tartibsizliklarda qatnashgan 11 nafar shaxs ushlandi
1 dekabr kuni «Neftchi» — «Turon» o‘rtasidagi futbol o‘yinidan so‘ng kelib chiqqan tartibsizlikda qatnashgan 11 nafar shaxs ushlandi. Ulardan 6 nafariga nisbatan jinoiy ish ochilib, 5 nafar shaxs mayda bezorilikda ayblanmoqda.
O‘zbekistonda 43,5 mingdan ortiq kishi OIV infeksiyasi bilan yashaydi
1 noyabr holatiga ko‘ra O‘zbekistonda OIV bilan kasallangan 43 581 kishi ro‘yxatga olingan. Yil davomida bu ko‘rsatkich 1483 ga oshdi, bu o‘tgan yilga nisbatan sezilarli darajada kam.
To‘rtta hududda qo‘g‘irchoq va musiqali drama teatrlari ochiladi
To‘rtta viloyatda qo‘g‘irchoq va musiqali drama teatrlari ochiladi. Ushbu teatr jamoalariga xorijiy mutaxassislar jalb qilinib, maxsus darslar tashkil etiladi.
O‘zbekistonliklarni Suriyadagi terrorchilik tashkilotiga qo‘shilish uchun jo‘natishda ayblanayotgan shaxs qo‘lga olindi
O‘zbekiston fuqarolarini Suriyadagi «Tavhid va jihod katibasi» xalqaro terrorchilik tashkilotiga qo‘shilish uchun jo‘natishda gumon qilinayotgan shaxs qo‘lga olindi. Unga nisbatan jinoyat ishi qo‘zg‘atilib, tergov-tezkor harakatlari olib borilmoqda.
Gaz bosimi pasayishi sababli ikkita zavodda sement ishlab chiqarilishi to‘xtatildi
«Quvasoysement» va «Ohangaronsement» korxonalari gaz bosimi pasayishi tufayli sement ishlab chiqarishni to‘xtatib qo‘ydi. Shu sababli, ishlab chiqaruvchilarning mahsuloti fond birja ro‘yxatiga olinmadi, bu esa narxlarning 5 foiz o‘sishiga olib keldi.
Surxondaryoda 52 ming tonna paxta qo‘shib yozilgani haqidagi xabarlar bo‘yicha bayonot berildi
Surxondaryoda paxta topshirish rejasiga amalda mavjud bo‘lmagan 21,3 foiz, ya’ni 52 ming tonna paxta qo‘shib yozilgan bo‘lishi mumkin. Viloyat prokuraturasi topshiriq profilaktik chora bo‘lgani, paxta mavsumi yakuni bo‘yicha qo‘shib yozish holatlari aniqlanmaganini ma’lum qildi
Noyabr oyida narxlar o‘rtacha 1,5 foizga o‘sdi
Noyabr oyida inflyatsiya darajasi 1,5 foizni tashkil qildi. Oziq-ovqat mahsulotlari 2,4 foiz, nooziq-ovqat mahsulotlar 0,9 foiz va xizmatlar 0,9 foizga qimmatlashdi.
YPX xodimini kaltaklagan ikki sudya ishdan bo‘shatildi, ularning sherigiga xayfsan berildi
Oktyabrda Jinoyat ishlari bo‘yicha Toshkent viloyati sudining uch nafar sudyasi poytaxtda mast holda YPX xodimini kaltaklagan edi. Ularning ikki nafari ishdan bo‘shatildi, yana bir nafariga xayfsan berildi. Oliy sud o‘tgan 11 oyda o‘zini munosib tutmagan 8 nafar sudyaning bo‘shatilgani, yana 27 nafariga intizomiy chora qo‘llanilganini ma’lum qildi.
Qozon shahridagi qurilish obyektida o‘zbekistonlik fuqaro yiqilib, vafot etdi — TIV
Qozon shahridagi qurilish obyektlaridan birida ishlagan o‘zbekistonlik erkak, ikkinchi qavatdan yiqilib vafot etgan. Bosh konsulxona tomonidan jasadni O‘zbekistonga yuborish bilan bog‘liq masalalarni hal qilishda yordam ko‘rsatilmoqda.
Jahon yangiliklari dayjesti
Turkiyada karantin choralari kuchaytirilgani, Eron parlamenti uranni boyitish to‘g‘risidagi qonunni qabul qilgani, dunyoda ehtiyojmand aholi soni 40 foizga ko‘paygani va boshqa yangiliklar — «Gazeta.uz»ning jahon yangiliklari dayjestida.
Samarqandda xotiniga «pampers» yedirgan erkak ishi bo‘yicha sud hukmi o‘qildi
Xotinini kaltaklab, unga «pampers» yedirgan fuqaroga nisbatan 6 yil muddatga ozodlikdan mahrum qilish jazosi tayinlandi.
«O‘zbekistondagi AES uchun eng xavfsiz reaktor tanlangan» — energetika vaziri
Energetika vaziri Alisher Sultonov O‘zbekistonda quriladigan AES uchun tanlangan reaktor bugungi kun uchun eng xavfsiz ekanini ta’kidladi. U Chernobil va Fukusima atom stansiyalaridagi avariyalarni hisobga olgan holda ishlab chiqilgan hamda «eritmani ushlab turuvchi» qurilmasi mavjud yagona reaktor hisoblanadi.
Toshkent shahar ma’muriy sud sudyalari va xodimlari 8 mlrd so‘mni talon-taroj qilishdi
Toshkent shahar ma’muriy sudi sudyalari va xodimlari shahar YHXB xodimlari bilan 5 mingga yaqin soxta qaror chiqarib, 8 mlrd so‘m pul mablag‘larni talon-toroj qilishgan. Ularga nisbatan jinoiy ish qo‘zg‘atildi.
So‘nggi uch oyda birinchi marta COVID-19 holatlari pasaydi — JSST
Jahon sog‘liqni saqlash tashkiloti cyentyabr oyidan beri birinchi marta COVID-19 bilan kasallanganlar soni kamayganini qayd etdi. Tashkilot rahbari hushyorlikni yo‘qotmaslikka va kelayotgan bayramlarni tor doirada nishonlashga chaqirdi.
O‘zbekistondan Qozog‘istonga ilk marotaba eTIR orqali yuk jo‘natildi
O‘zbekiston va Qozog‘iston o‘rtasida eTIR (raqamli TIR) jarayoni asosida yuk tashishga oid tajriba amalga oshirildi. Toshkentdan maishiy elektr jihozlari ortilgan yuk mashinalari chegarani kesib o‘tdi, davlatlarning bojxona organlari esa tranzit kafolatlarini ko‘rib chiqdilar.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting