Arxiv
12-mart kuni e’lon qilingan eng muhim yangiliklar dayjesti
Rossiya san’atkorlarining O‘zbekistondagi konsertlari haqida gapirgan vazir, avtomashinalar narxini oshirayotgan UzAuto Motors, yangi tashkil etilayotgan Savdoni rivojlantirish kompaniyasi, “Bir million dasturchi” loyihasida talon-toroj qilingan mablag‘lar va boshqalar — “Gazeta.uz"ning kunlik dayjestida.
O‘zbekistonda “Tashabbusli budjet”ga ovoz berish boshlanmoqda
13-mart kuni “Tashabbusli budjet” loyihalariga ovoz berish boshlanadi. Fuqarolar mahalliy budjetning umumiy qiymati 3,02 trln so‘m bo‘lgan qismini taqsimlashda yo‘llar qurish, maktablarni ta’mirlash hamda jihozlash va boshqa loyihalar bo‘yicha 28 919 ta loyihadan biriga ovoz berish orqali ishtirok etishi mumkin.
Namanganda O‘zbekistondan Hindistonga 1,5 kg oltin olib o‘tishga uringan ikki shaxsga hukm o‘qildi
Namanganda O‘zbekistondan Hindistonga sotish uchun noqonuniy ravishda oltin olib chiqishni rejalashtirgan ikki shaxsga nisbatan sud hukmi o‘qildi. Musodara qilingan 30 dona tillaning og‘irligi 1 kilogramm 516 gramm, qiymati esa 1 milliard 400 million so‘mni tashkil etadi.
Farg‘onada gaz portlashi oqibatida uch nafar Hindiston fuqarosi jarohatlandi
Farg‘ona shahridagi yashash xonadonida gaz portlashi sodir bo‘ldi, oqibatda uch nafar Hindiston fuqarosi — Farg‘ona tibbiyot instituti talabalari jarohatlandi.
O‘zbekiston qora slanetsli uran konlarini o‘zlashtirishga China Nuclear Uran kompaniyasini jalb qilmoqchi
“Navoiyuran” Xitoyning China Nuclear Uran kompaniyasi bilan birgalikda qora slanetsdan uran qazib olish niyatida. Xorijiy delegatsiya O‘zbekistondagi bir qancha uran konlarida o‘zlashtirish jarayonlari bilan tanishdi, konlardan namunalar olindi.
Angor tumani hokimi “Ayollar daftari” mablag‘laridan Captiva sotib oldi
Surxondaryo viloyatining Angor tumani hokimi “Ayollar daftari” mablag‘lari hisobidan Captiva 5 mashinasini sotib olgani aytilmoqda. Korrupsiyaga qarshi kurashish agentligi holat o‘rganilayotganini ma’lum qildi.
Narxlarni oshirish bo‘yicha yakuniy qaror qabul qilinmagan — UzAuto Motors
UzAuto Motors Damas, Labo va Cobalt narxlarni oshirish bo‘yicha yakuniy qaror hali qabul qilinmaganini ta’kidladi. “Kontraktatsiya jarayoni olib borilmayotganini inobatga olib, chevrolet.uz saytidagi narxlar 2024-yilning 4-choragi uchun prognoz ko‘rsatkichlari asosida hisoblab chiqilgan”, — deyiladi xabarda.
Reklamali tanaffus. Toshkent tashqi reklama bosqiniga qarshi qanday kurashmoqchi?
Raqamli rivojlanish departamenti Toshkentdagi tashqi reklamani nazoratga olmoqchi. Minglab reklama konstruksiyalarining egalari to‘lov qilmayapti. Muammo nimada, reklama dizayn-kodi qanday bo‘lishi va Toshkentni qay tariqa ko‘zni quvontiruvchi shaharga aylantirish mumkin — “Gazeta.uz” shu savollarga javob izladi.
O‘zbekistonda Savdoni rivojlantirish kompaniyasi tashkil etiladi
O‘zbekistonda tadbirkorlik sohasidagi agentlik va jamg‘armalar o‘rniga Savdoni rivojlantirish kompaniyasi tashkil etiladi. U chet eldan mutaxassislar jalb etib, eksportchilar yangi bozorlarga chiqishiga ko‘maklashish, milliy brendlarni xorijda targ‘ib qilish bilan shug‘ullanadi.
Dohadagi Dizayn biyennalesi. U nima va unda nimalarni tomosha qilish mumkin?
Yaqin Sharq, Shimoliy Afrika va boshqa xorijiy davlatlarning 100 dan ortiq dizaynerlarini birlashtirgan Design Dohaʼning asosiy ko‘rgazmalari bo‘yicha yo‘riqnoma.
UzAuto Motors Cobalt, Damas va Labo narxini oshirdi
UzAuto Motors kompaniyasi Chevrolet Cobalt, Damas va Labo avtomobillari narxini 3,5−6,7 foiz oralig‘ida oshirdi. Kompaniya, shuningdek, bosqichma-bosqich dilerlarga keyinchalik sotish uchun avtomobil sotib olish imkonini beradigan “rivojlangan mamlakatlarda qabul qilingan sotuv tizimi”ni joriy qiladi.
O‘zbekistonda Google, Netflix, Amazon va boshqa internet kompaniyalari qancha soliq to‘ladi?
Elektron xizmatlar ko‘rsatuvchi xorijiy kompaniyalar, jumladan, Meta, Google, Apple, Netflix O‘zbekistondagi daromadlarini ikki barobarga oshirib, 635 mlrd so‘mga yetkazdi. 2023-yilda ular 2022-yilga nisbatan 1,5 barobar ko‘p soliq to‘ladi.
Toshkent viloyatida 31 yoshli erkak poyezd urib yuborishi oqibatida vafot etdi
O‘rta Chirchiq tumanida temiryo‘lning belgilanmagan qismidan o‘tayotgan 31 yoshli erkakni poyezd urib yubordi. Oqibatda u voqea joyida halok bo‘ldi. Marhum farzandli bo‘lgani uchun ayolini tug‘ruqxonadan olib chiqishga tayyorgarlik ko‘rgani ketayotgan bo‘lgan.
“Mualliflik huquqi ishlamasligi sabab san’atkorlar to‘y uchun ijod qilyapti” — Ozodbek Nazarbekov
Madaniyat vaziri Ozodbek Nazarbekov O‘zbekistonda mualliflik huquqi ishlamasligi tufayli san’atkorlar to‘ydan manfaatdor bo‘layotgani va to‘y uchun ijod qilayotganini aytdi. “Mualliflar o‘z huquqini tanishi — eng katta yechim, bu sohani tezroq ishlashiga sabab bo‘ladi”, dedi u.
Navro‘z munosabati bilan Toshkentdan 5 ta shaharga qo‘shimcha aviaqatnovlar yo‘lga qo‘yiladi
Navro‘z bayrami munosabati bilan Toshkentdan Nukus, Buxoro, Urganch, Farg‘ona va Namanganga qo‘shimcha aviaqatnovlar yo‘lga qo‘yiladi.
Andijonda maktab yonidagi oshxonada yong‘in sodir bo‘ldi
Oltinko‘l tumanida maktab yonidagi oshxonada yong‘in sodir bo‘ldi. Uni o‘chirishga 6 ta yong‘in-qutqaruv ekipaji jalb etildi. Hodisa oqibatida binoning 85 kvadrat metr tom qismi zararlangan, tan jarohati olganlar bo‘lmagan.
“Bir million dasturchi” loyihasi doirasida 919 mln so‘m pul talon-toroj qilingani aniqlandi
Maktabgacha va maktab ta’limi vazirligi huzuridagi “O‘quv ta’lim-ta’minot” muassasasining “Bir million dasturchi” loyihasida budjet puli o‘zlashtirilgan bo‘lishi mumkin. Tashkilot bilan shartnoma tuzgan korxona kerakli elektron qurilmalarni yetkazib bermay, 919 mln so‘mni talon-toroj qilganlikda gumonlanmoqda.
Sirdaryo o‘zanida noruda materiallarni qazib olishga 1-maydan muddatsiz moratoriy joriy qilinadi
1-maydan Sirdaryo daryosi o‘zanidagi noruda materiallarni qazib olishga muddatsiz moratoriy joriy qilinadi. Bundan tashqari, noqonuniy qazib olish ishlari natijasida tabiatga yetkazilgan zarar uchun javobgarlik kuchaytiriladi.
“Rossiya san’atkorlari uchun dunyoda maydonlar qisqarib ketdi” — Ozodbek Nazarbekov
Madaniyat vaziri Ozodbek Nazarbekov xorijlik xonandalarning O‘zbekistondagi konserti tadbirkorlar tomonidan tashkil etilishini aytdi. U rossiyalik qo‘shiqchilarning O‘zbekistonda konsert berishi haqida gapirarkan, “ular uchun dunyoda maydonlar qisqarib ketdi, shu sabab bo‘sh maydon qidirishga mahkum”, dedi u.
Senat raisi BMT Ayollar holati bo‘yicha komissiyasining sessiyasida qatnashmoqda
Nyu-York shahrida Tanzila Narbayeva boshchiligidagi O‘zbekiston delegatsiyasi BMT Ayollar holati bo‘yicha komissiyasining sessiyasida qatnashmoqda. Tashrif davomida tashkilot tuzilmalari rahbarlari, prezidentlar va hukumat rahbarlari bilan uchrashuvlar o‘tkazilishi ham reja qilingan.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting