Arxiv
“Ota-onalarning dardini ko‘rib yig‘ladim. Ulardan biri mening ham farzandim bo‘lishi mumkin edi”. Doniyor G‘aniyev — “Dok-1 Maks” haqida
Deputat Doniyor G‘aniyev “Dok-1 Maks” ishi bo‘yicha sudda ota-onalarning dardini ko‘rib yig‘laganini aytdi. Shundan kelib chiqib, u SSV rahbari Amrillo Inoyatovdan “qanday hulosa chiqardinglar, siyosiy javobgarlik bo‘ladimi, bunday qo‘pol xato qayta takrorlanmaydi deb va’da berolasizlarmi?” deya so‘radi. Video.
Chery Uzbekistan ishga tushirilganining bir yilligini nishonladi
Chery Uzbekistan ishga tushirilganining bir yilligi munosabati bilan tantanali kecha tashkil etdi. Marosimda brendning asosiy namoyandalari va mehmonlarga qiziqarli shou namoyish etildi, tanlov va yutuqli o‘yinlar o‘tkazildi.
$500 mlnlik bug‘-gaz elektr stansiyasi qurilishi loyihasi bo‘yicha davlat va Cengiz Enerji majburiyatlari belgilab olindi
Prezident Jizzax viloyatida 550 MVtlik bug‘-gaz elektr stansiyasini qurish to‘g‘risidagi qarorni imzoladi. Investor va loyiha kompaniyasi 500 mln dollarlik investitsiya jalb etish majburiyatini oladi, davlat kompaniyalari esa 25 yil davomida elektr energiyasi sotib olish, gaz va suv yetkazib berishni kafolatlaydi.
Nepal hukumati “ijtimoiy uyg‘unlikni” buzgani uchun TikTok`ni blokladi
Nepal hukumati mamlakatda TikTok faoliyatini cheklashga qaror qildi. Platforma kontenti “ijtimoiy uyg‘unlikni buzuvchi, oilaviy hamda ijtimoiy munosabatlarga putur yetkazuvchi” deb topildi.
O‘zbekiston banklariga hujum bo‘lgani va Humo kartalaridan yirik miqdorda pul o‘g‘irlangani rad etildi
Humo to‘lov tizimi xakerlar O‘zbekiston banklariga hujum qilgani va Humo kartalaridan yirik miqdorda pul o‘g‘irlagani haqidagi xabarlarni rad etdi. Markaziy bank ham banklar va to‘lov tizimlariga hech qanday kiberhujum bo‘lmaganini bildirdi.
Deputatlar Achilbay Ramatovning parlament so‘roviga javobidan qoniqmadi
Qonunchilik palatasi deputatlari bosh vazir o‘rinbosari Achilbay Ramatovning yo‘l harakati xavfsizligi bo‘yicha yuborilgan parlament so‘roviga javobidan qoniqmaganini qayd etdi. “Yetarlicha ma’lumotlar taqdim etilmagani uchun” Ramatov 1-dekabrgacha qo‘shimcha javob berishi kerak.
Toshkentda nogironligi bo‘lgan yoshlar uchun Media Plus loyihasi tashkil etildi
Toshkent shahrida 18 yoshga to‘lgan, nogironligi bo‘lgan yoshlar uchun mediasavodxonlikni o‘rgatuvchi Media Plus loyihasi tashkil etildi va bu kursda 20 kishi 2 oy davomida tahsil oldi. “Gazeta.uz” ushbu ijtimoiy loyihani qo‘llab-quvvatladi.
Surxondaryoda hokim yordamchisi firibgarlikda ayblanmoqda. U fuqarolar nomiga kredit olgan bo‘lishi mumkin
Qumqo‘rg‘on tumanida hokim yordamchisi fuqarolarning nomiga issiqxona tashkil etish uchun 4 marta (jami 132 mln so‘m) kredit olib, pullarni o‘ziga qarashli MCHJga o‘tkazgani aytilmoqda. Unga nisbatan jinoyat ishi qo‘zg‘atildi va lavozimidan ozod etildi.
“Snos”lar bo‘yicha qarzdorligi bor hokimliklarga budjetning oshirib bajarilgan qismidan mablag‘ sarflash taqiqlanadi
Hokimliklarga aholi va biznesdan “snos” yoki mulkni olib qo‘yish bo‘yicha qarzi bo‘lgan holatda, budjet daromadlarining prognozdan oshirib bajarilgan qismidan mablag‘ sarflash taqiqlanadi. O‘zbekiston hukumati qonun hujjatlariga bu bo‘yicha tegishli o‘zgartirishlar kiritadi.
Rossiyaning Ozon marketpleysi O‘zbekistonda sotuvlarni yo‘lga qo‘ydi
Rossiyaning Ozon marketpleysi O‘zbekiston hududida faoliyat boshladi. Kompaniya 2024-yilda mamlakatda o‘zining logistika infratuzilmasini, jumladan, ombor majmualari va yetkazib berish xizmatlarini, shuningdek, brendlangan topshirish punktlarining franshiza tarmog‘ini rivojlantirish niyatidaligini ma’lum qildi.
Toshkentda daraxt mashina ustiga qulashi oqibatida yo‘lovchi vafot etdi
Yangihayot tumanida harakatlanib ketayotgan Nexia-3 ustiga daraxt qulab tushdi. Oqibatda 26 yoshli yo‘lovchi qiz bosh miya ochiq jarohati bilan vafot etdi. Ekologiya bo‘limi daraxt sog‘lom bo‘lgani, yomg‘ir sababli tagi bo‘shab qolganini bildirdi.
2024-yilda xususiy sektorda “dekret puli” hajmi qisqarayotganiga izoh berildi
Iqtisodiyot va moliya vazirligi 2024-yilgi davlat budjeti loyihasida “dekret puli” prognozi qisqarganini izohlarkan, 2023-yilda xususiy sektorda ishlayotgan 130 ming ayolga 300 mlrd so‘m ajratish rejalashtirilgani, biroq 9 oyda atigi 12 ming ayolga 24,6 mlrd so‘m nafaqa berilganini qayd etdi.
Toshkent viloyatida qalbaki 250 mln so‘m musodara qilindi
DXX Bekobod tumanida 250 mln 800 ming so‘m miqdoridagi 100 ming so‘mlik qalbaki kupyuralar sotilishining oldini oldi.
Markaziy bank Oson`ning litsenziyasini tikladi
Markaziy bank Brio Group MCHJning (Oson brendi) to‘lov tashkiloti faoliyatini amalga oshirish uchun litsenziyasini tikladi. Kompaniya litsenziyasining amal qilish muddati 17-oktabrda to‘xtatib qo‘yilgandi. Undan avval esa Oson`ga qonun talablarini buzgani uchun jarima sanksiyasi qo‘llangan.
Xitoydagi Osiyo liboslari ko‘rgazmasiga 86 mingdan ortiq kishi tashrif buyurdi
Xitoyning Xanchjou shahrida XIX Osiyo o‘yinlariga bag‘ishlab o‘tkazilgan “Rang-barang Osiyo: Osiyo liboslari ko‘rgazmasi”ni 86 mingdan ortiq kishi tomosha qildi. Unda O‘zbekistonning 20 ta muzey eksponati, jumladan, an’anaviy o‘zbek so‘zanasi, chopon va zargarlik buyumlari namoyish etildi.
Vazirlik, idora va hokimliklar e’lon qilinishi lozim bo‘lgan ma’lumotlarning faqat yarmini ochiqlayapti
Antikorrupsiya agentligi 93 ta vazirlik, idora va hokimlikda e’lon qilinishi lozim bo‘lgan ma’lumotlarning faqat 52 foizi ochiqlanayotganini aniqladi. Aksariyat hollarda budjet va budjetdan tashqari mablag‘lar xarajatlariga oid ma’lumotlar bo‘yicha jiddiy kamchiliklarga yo‘l qo‘yilgan.
Rossiya bilan urushda 70 ming Ukraina askari halok bo‘ldi — The Economist
AQSh hisob-kitoblariga ko‘ra, Rossiya bilan urushda 70 ming Ukraina askari halok bo‘lgan, yana 120 ming nafari yaralangan. The Economist maqolasida Ukrainada ishsizlik urushdan oldingi darajadan yuqoriligicha qolayotgani, qurilish, tog‘-kon sanoatida ko‘proq xotin-qizlarning mehnatga kirib kelayotgani qayd etilgan.
Xotin-qizlarni ish bilan ta’minlagan tadbirkorlarga davlat granti ajratiladi
Mahallalarda xotin-qizlar bandligini ta’minlash markazlarini ochgan tadbirkorlarga davlat granti ajratilib, 1 nafar ayol uchun 3 mln so‘mdan oshmagan miqdorda pul to‘lanadi. Mablag‘lar Oila va xotin-qizlar jamg‘armasi hisobidan moliyalashtiriladi.
Butunjahon shoping kunida o‘zbekistonliklar Uzum Market`da 130 mingdan ortiq onlayn buyurtma berishdi
Uzum Market`da 11.11 aksiyasining birinchi kunlari natijalariga ko‘ra, foydalanuvchilar 130 mingdan ortiq buyurtma rasmiylashtirishgan. Buyurtmalar ko‘proq Toshkent, Samarqand, Farg‘ona va Buxoro aholisi tomonidan berilgan.
Buyuk Britaniyaning sobiq bosh vaziri Devid Kemeron Qirollik tashqi ishlar vaziri bo‘ldi
Buyuk Britaniyaning sobiq bosh vaziri Devid Kemeron Birlashgan Qirollikning yangi tashqi ishlar vaziri etib tayinlandi. U 2010−2016-yillarda Britaniya hukumatini boshqargan va Brexit to‘g‘risidagi referendumdan so‘ng iste’foga chiqqan edi.
Eng ko‘p o‘qilgan xabarlar | So‘nggi yangiliklar
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- O‘zbekistonda chorva hayvonlarini identifikatsiya qilish rejalashtirilmoqda
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting