Arxiv
Bloger Olimjon Haydarov 8 yilga ozodlikdan mahrum qilindi
Jinoyat ishlari bo‘yicha Farg‘ona tuman sudi bloger Olimjon Haydarovga 8 yil muddatga ozodlikdan mahrum qilish jazosi tayinladi. U tuhmat, haqorat qilish va tovlamachilik jinoyatlarini sodir etganlikda aybdor deb topildi. Tayinlangan jazoni umumiy tartibli koloniyalarda o‘tash belgilandi.
Toshkentda o‘zini 6-qavatdan tashlagan 17 yoshli qiz vafot etdi
Yangihayot tumanida 17 yoshli qiz o‘zini ko‘p qavatli uyning 6-qavatidan tashladi. U olgan jarohatlari oqibatida shifoxonada vafot etdi. Holat sababi aniq emas, tekshirish olib borilmoqda.
MB shubhali operatsiyalarda kartalar va hisobvaraqlarni vaqtincha bloklashni talab qilish vakolatini oladi
Markaziy bank o‘g‘irlik va firibgarlikning oldini olish uchun shubhali operatsiyalar vaqtida bank kartalari va hisobvaraqlarni bloklash to‘g‘risida majburiy ko‘rsatma berishi mumkin bo‘ladi. Banklar va to‘lov tashkilotlari firibgarlikka qarshi tizimlarni joriy etadi va yirik o‘tkazmalarni nazorat qiladi.
Toshkentda BRMni amalga oshirishda parlamentlararo hamkorlik bo‘yicha II global forum bo‘lib o‘tdi
O‘zbekitsonda Barqaror rivojlanish maqsadlarini amalga oshirishda parlamentlararo hamkorlik bo‘yicha II global forumi o‘tkazildi. Unda Toshkent kommyunikesi qabul qilindi va BMT Bosh Assambleyasining rezolyutsiyasi loyihasini BMTda ilgari surish taklifi qo‘llab-quvvatlandi.
Asialuxe Travel Maldiv orollarida dam olishni istovchilar uchun qo‘llanma taqdim etdi
Asialuxe Travel milliy turoperatori Maldiv orollaridagi ta’til haqida tez-tez so‘raladigan savollarga javob berdi va sayohatlar narxlari bilan o‘rtoqlashdi.
To‘lov tizimi operatorlari va tashkilotlari aksiyadorlik jamiyatlariga aylantiriladi
2024-yil 1-iyuldan boshlab to‘lov tizimi operatorlari va tashkilotlari faqat aksiyadorlik jamiyati shaklida tuziladi va faoliyat yuritadi. Ular uchun ustav kapitalining eng kam miqdori ham oshiriladi.
“Dok-1 Maks” ishi bo‘yicha sud jarayoni 1 oyga to‘xtatildi
Jinoyat ishiga aloqador yangi shaxslar ayblanayotgani va boshqa asoslarga ko‘ra “Dok-1 Maks” ishini ko‘rish 1-dekabrdan 1 oylik muddatga to‘xtatildi.
Humo to‘lov tizimining ustav kapitalidagi davlat ulushi to‘liq Davaktiv agentligiga o‘tkaziladi
Humo to‘lov tizimidagi davlat ulushi to‘liq Davlat aktivlarini boshqarish agentligiga o‘tkaziladi. Uzcard`ga raqobatchi sifatida tashkil etilgan milliy protsessing markazining bunday o‘zgarishi tushuntirilmagan.
Dam olish kunlari yog‘ingarchilik kutilmaydi
O‘zbekistonda 2−3-dekabr kunlari havo o‘zgarib turadi, yog‘ingarchilik kutilmaydi. Harorat asta-sekin ko‘tarilib, kunduzi +18 darajagacha, kechasi +7 darajagacha iliq bo‘ladi.
DXX hududlarda fuqarolarni AQShga noqonuniy yuborish bilan bog‘liq holatlarga chek qo‘ydi
DXX Qo‘qon, Samarqand shaharlari va Pastdarg‘om tumanida AQShga noqonuniy yuborish bilan bog‘liq holatlarga chek qo‘ydi. Xususan, bir holatda 25 ming dollar evaziga Meksika orqali Amerikaga yuborishni va’da qilgan shaxs puldan 15 ming dollar olgan vaqtida qo‘lga tushdi.
Isroil G‘azoda jangovar harakatlarni qayta boshladi
Olti kun davom etgan sulhdan so‘ng Isroil G‘azo sektoriga zarba berdi, oqibatda bir necha kishi halok bo‘ldi. Jangovar harakatlarni qayta boshlashga HAMAS birinchi bo‘lib raketa hujumi uyushtirgani, bu esa sulhga zid ekani sabab sifatida ko‘rsatildi.
Dubayda COP28 sammiti boshlandi
Dubayda (BAA) BMT xalqaro iqlim sammiti — COP28 ochildi. 2023-yilda unda 190 dan ortiq davlatdan 70 mingdan ortiq kishi ishtirok etishi rejalashtirilgan. Konferensiyaning asosiy maqsadi insoniyatning Parij kelishuvi maqsadlariga erishish yo‘lidagi progressini tahlil qilishdan iborat.
Perfectum yangi yil sovg‘alarini taklif qilmoqda
Perfectum mobil operatori yangi abonentlar uchun Max Voice yangi cheksiz ovozli tarifi, shuningdek, yarim yillik Qulay New tariflari raqamlari uchun 90% chegirma va “2024 Yangi yil paketlari” haqida e’lon qildi.
Buxoroga 20 ta yangi avtobus olib kelindi
Buxoro shahriga Xitoyning 20 ta yangi Zhang Tong avtobusi keltirildi, ular 5-dekabrdan yo‘nalishlarga chiqariladi. 2024-yil iyuligacha yana 80 ta shunday avtobus yetkazib berish bo‘yicha muzokaralar olib borilmoqda.
Toshkentda o‘quvchi elektr toki urishi oqibatida vafot etgani yuzasidan jinoyat ishi qo‘zg‘atildi
Mirzo Ulug‘bek tumanidagi 99-maktabning 8-sinf o‘quvchisi elektr toki urishi oqibatida vafot etgani yuzasidan Jinoyat kodeksining ikki moddasi bo‘yicha jinoyat ishi qo‘zg‘atildi.
Toshkentda tadbirkor soat 22:30 dan keyin kafesiga ayollarni kiritmagani uchun jarimaga tortildi
Toshkentdagi kafe menejeri va uning xodimi soat 22:30 dan keyin ayollarni muassasaga kiritmagani uchun bazaviy hisoblash miqdorining 20 barobari (har biri 6,6 million so‘mdan) miqdorida jarimaga tortildi. Ular jins bo‘yicha kamsitishni targ‘ib qilish moddasi bo‘yicha javobgarlikka tortilgan.
O‘zbekistonlik kurashchilar Turkmanistonda o‘tgan JCHda 9 ta medalni qo‘lga kiritdi
Turkmanistonda kurash bo‘yicha o‘tgan XIV jahon chempionatida o‘zbekistonliklar 9 ta medalni qo‘lga kiritib, umumjamoa hisobida 1-o‘rinni egalladi.
Yandex Go xizmati O‘zbekiston hududidagi soliq rezidenti sifatida ishlay boshladi
Davlat soliq qo‘mitasi 1-dekabrdan boshlab Yandex Go xizmati O‘zbekiston hududida soliq rezidenti — “YandexGo UB” MCHJ tomonidan taqdim etilishini ma’lum qildi. Avvalroq qo‘mita Yandex Go`dan soliq rezidenti sifatida ro‘yxatdan o‘tib, soliqlarni to‘lash va mijozlarga fiskal chek taqdim etishni talab qilgandi.
Jahon banki O‘zbekistonga 50 mln dollar miqdorida imtiyozli kredit ajratadi
Jahon banki Ijrochi direktorlari kengashi “O‘zbekistonda raqamli inklyuzivlik” loyihasini amalga oshirish uchun 50 mln dollar imtiyozli kredit ajratishni ma’qulladi. Loyiha orqali 9000 ga yaqin yoshlar, shu jumladan, 360 nafar nogironligi bo‘lgan shaxslarni ITES kompaniyalarida ish bilan ta’minlash rejalashtirilgan.
Sentobga sayohat: Jahondagi eng yaxshi turizm qishloqlaridan birida nimalar hayratga soladi?
O‘zbekistonda hozirda beshta turizm qishlog‘i bor: Konigil va Bog‘i Baland, Ovjazsoy va Ertoshsoy, Sentob. 2023-yil oktabrida Sentob jahondagi eng yaxshi turizm qishloqlaridan biri deb e’lon qilindi. “Gazeta.uz” jurnalistlari Nurotada bo‘lib, bu qishloq nimalari bilan hayratga solishini o‘rganib qaytdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting