Arxiv
«Bunyodkor» stadionida drenaj tizimi shu vaqtgacha umuman ishlamagan — Diyor Imomxo‘jayev
O‘zPFL bosh direktori Diyor Imomxo‘jayev «Bunyodkor» stadionidagi yashil maydonda drenaj tizimi shu vaqtgacha umuman ishlamaganini ma’lum qildi. Ta’kidlanishicha, suv qumda qolib, maysani chiritib borgan. Endi tizim qayta ishlab chiqiladi va uning usti standart bo‘yicha qoplab boriladi, deyiladi xabarda.
Shavkat Mirziyoyev shu hafta Szinpin, Raisiy hamda Putin bilan muzokaralar o‘tkazadi
O‘zbekiston prezidenti shu hafta SHHT sammiti doirasida Samarqandda XXR raisi Si Szinpin, Eron prezidenti Ibrohim Raisiy hamda Rossiya prezidenti Vladimir Putin bilan muzokaralar o‘tkazadi. Ular o‘zaro hamkorlikdan tashqari, xalqaro va mintaqaviy ahamiyatga ega dolzarb masalalar yuzasidan fikr almashadi.
SHHT sammitida 30 dan ortiq hujjat imzolanishi kutilmoqda — Sherzod Asadov
Shu hafta Samarqandda o‘tadigan SHHT sammitida 30 dan ortiq hujjat imzolanishi kutilmoqda, dedi prezident matbuot kotibi Sherzod Asadov. Ular qatoridan Eronni tashkilotga kiritish uchun majburiyatlari, SHHTning kuzatuvchi va muloqot bo‘yicha hamkorlari a’zoligini kengaytirishga oid hujjatlar o‘rin olgan.
O‘zbekiston prezidenti Buyuk Britaniya qirolini taxtga o‘tirgani bilan tabrikladi
Shavkat Mirziyoyev Buyuk Britaniya qiroli Charlz III`ga taxtga o‘tirgani munosabati bilan tabrik yo‘llab, do‘st Birlashgan Qirollik xalqiga tinchlik-osoyishtalik, davomiy ravnaq tiladi.
Elektromobillarni yuqori tezlikda zaryadlovchi qurilma yaratildi
Qayta tiklanuvchi energiya manbalari milliy ilmiy-tadqiqot institutida quyosh energiyasidan foydalangan holda elektromobillarni yuqori tezlikda zaryadlovchi qurilma yaratildi. Tizim yiliga 32 ming kVt soat elektr energiyasi ishlab chiqarib, 950 ta elektromobilni quvvatlash imkonini beradi.
O‘zbekistonda aholiga dehqonchilik uchun yerlar 30 yilga ijaraga beriladi
Prezident qarori bilan aholiga dehqonchilik uchun ekin maydonlari 30 yilga ijaraga beriladi. Ijaraga berish ochiq elektron tanlov orqali o‘tkaziladi. Unda bir nafar talabgor ishtirok etsa ham, tanlov o‘tkazilgan hisoblanadi.
Hafta davomida havo iliq va quruq bo‘ladi
O‘zbekistonda hafta davomida ob-havo iliq va quruq bo‘ladi. 13 sentabr kunidan sovuq havo respublika hududidan chekinishi boshlaydi va havo +28…+30 gacha isiydi. Respublikaning tog‘li hududlarida esa biroz yomg‘ir yog‘adi.
Toshkentdagi 142-maktab o‘quvchilariga «bepul, lekin xunuk» soch kaltalash taklif qilindi
Toshkentdagi 142-maktabda IIB xodimlari o‘quvchilarga soch turmagi uchun tanbeh berdi. Qonunchilikka ko‘ra, soch uzunligi 2−3 sm bo‘lishi lozim. Poytaxt IIBB o‘quvchilar bilan profilaktik suhbat o‘tkazilgani, qolaversa, bolalardan birining yonidan qaychi topilganini qayd etdi.
Fitch Ratings 2022-yilda O‘zbekistonning iqtisodiy o‘sish kutilmalarini 5,1 foizga oshirdi
Fitch Ratings 2022-yilda O‘zbekistonning real iqtisodiy o‘sish sur’ati kutilmasini 5,1 foizga oshirdi. Prognozlarga ko‘ra, joriy yilda inflyatsiya darajasi o‘rtacha 11,7% ni tashkil qiladi va 2024 yilga kelib 9,2% ga pasayadi. O‘zbekiston suveren kredit reytingi esa VV- (barqaror kutilma) darajada baholandi.
“Afg‘oniston ShHT makonining ajralmas qismi” — Shavkat Mirziyoyev
O‘zbekiston prezidenti Afg‘onistonni “ShHT makonining ajralmas qismi” deb atadi. “Unga birgalikda yordam qo‘lini cho‘zish, mintaqaviy va global taraqqiyot jarayonlariga integratsiyalashuviga ko‘maklashish va shu orqali ko‘p yillik inqirozdan chiqishi uchun qulay sharoit yaratish — bizning ma’naviy burchimizdir”, — dedi u.
Parkwood’da foydali aksiyaning so‘nggi haftasi boshlandi
NovaStroy kompaniyasi Parkwood turar-joy majmuasida katta chegirmali so‘nggi haftani o‘tkazmoqda.
Shavkat Mirziyoyev: ShHT — “ayirmachilik unsuridan xoli bo‘lgan jozibador makon”
O‘zbekiston prezidenti ShHTni “madaniy-sivilizatsion qarashlari turlicha, o‘z tashqi siyosiy yo‘nalishlari va milliy taraqqiyot modellariga ega mamlakatlarni birlashtira olgan o‘ziga xos davlatlararo tuzilma”, deb atadi. Shu sababli tashkilotga qo‘shilish istagidagi davlatlar soni ortib bormoqda, dedi u.
Qashqadaryoda xususiy bog‘chadan qochib ketgan bolani poyezd urib ketdi
Qashqadaryoning Koson tumanida xususiy bog‘chadan chiqib ketgan to‘rt yoshli bolani «Afrosiyob» tezyurar poyezdi urib ketdi. Olingan jarohatlar oqibatida bola vafot etgan. Viloyat maktabgacha ta’lim boshqarmasi holat yuzasidan surishtiruv harakatlari boshlanganini ma’lum qildi.
Prezident — jahondagi «global ishonch inqirozi» haqida
Shavkat Mirziyoyev SHHTning Samarqanddagi sammiti arafasida e’lon qilingan maqolasida xalqaro hamkorlikning universal prinsip va normalarga asoslangan tizimi izdan chiqib borayotganini ta’kidladi. U «global darajada ishonchning chuqur tanazzulga yuz tutayotganini» — asosiy sabablardan biri sifatida qayd etdi.
Xiva shahri va tumanida gaz 10 soatga o‘chiriladi
Xiva shahrining barcha mahalla va Xiva tumanining ba’zi hududlarida ta’mirlash ishlari sabab gaz ta’minoti soat 08:00 dan 18:00 gacha to‘xtatiladi.
Qirg‘izistonda otib o‘ldirilgan jurnalist Alisher Soipov ishi bo‘yicha tergov yana to‘xtatildi
Qirg‘izistonlik jurnalist Alisher Soipov 2007 yili O‘shda otib ketilgandi. 2010 yilda qotillikda ayblangan shaxs ham oradan 2 yil o‘tib ozodlikka chiqarilgan. 15 yildirki jurnalistning qotili topilmayapti. Marhumning ukasi «Gazeta.uz»ga ish 2019 yilda qayta ochilib, 2022 yilda yana yopilganini ma’lum qildi.
Toshkent xalqaro aeroportida yong‘in chiqdi, uchta reys kechiktirildi
Toshkent xalqaro aeroportidagi uchib ketish terminali yerto‘lasida kichik yong‘in chiqdi. Bunga transformator podstansiyasida joylashgan uzluksiz elektr ta’minoti manbasidagi qisqa tutashuv sabab bo‘lgan. Terminal vaqtincha chiroqsiz qoldi. Uchta reys kechiktirildi.
Toshkent shahar Ekologiya boshqarmasi boshlig‘i ozod etildi
Poytaxtda daraxtlar nobud bo‘lishiga sharoit yaratib berganlikda ayblanib hibsga olingan Toshkent Ekologiya boshqarmasi boshlig‘i Farhod Dehqonov ozod etildi, biroq jinoiy ishda gumonlanuvchi sifatida qolmoqda. Deputat Rasul Kusherbayev uning ozodlikka chiqishiga O‘zbekiston bosh prokurori hissa qo‘shganini aytdi.
O‘zJOKUda rektorga salom bermagani uchun talabani kaltaklagan xodim ishdan bo‘shatildi
O‘zJOKU talabasi universitetda rektorga salom bermagani uchun xodim tomonidan kaltaklangandi. Universitet Odob-axloq komissiyasi yig‘ilishida xodim vakolati doirasidan tashqariga chiqqani sababli ishdan bo‘shatildi. Boshqa xodimlarga nisbatan hayfsan intizomiy chorasi qo‘llanildi.
Navoiyda bog‘cha bolalari ovqatdan ommaviy zaharlangani aytilmoqda
Tarmoqlarda Karmana tumanidagi 6-sonli MTTda bolalar ommaviy zaharlangani aytilmoqda. 10 nafar tarbiyachi tuman tibbiyot birlashmasi yuqumli kasalliklar bo‘limiga yotqizilgan. Viloyat prokuraturasi holat bo‘yicha tergovga qadar tekshirish boshlangani ma’lum qildi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting