Arxiv
O‘zbekiston shaxmat tarixida ilk bor dunyo reytingida TOP-20 ga kirdi
Jahon shaxmat reytingida o‘zbekiston ilk bor kuchli yigirmatalikka kirdi. Birinchi uchta o‘rinni AQSh, Rossiya, Xitoy egallab turibdi. Markaziy Osiyo davlatlaridan Qozog‘iston — 37, Qirg‘iziston — 76, Tojikiston — 85, Turkmaniston — 116 — o‘rinda bormoqda.
Nurmat Otabekov «omikron» shtammining «kentavr» turi kirib kelishini istisno qilmadi
SES rahbari o‘rinbosari Nurmat Otabekov O‘zbekistonga koronavirus «omikron» shtammining yangi kichik turi kirib kelishi mumkinligini inkor etmadi. U kasallik omikronning boshqa kichik turlari bilan bir xil tarzda kechishi hamda mavjud vaksinalar kovidning barcha turlari asoratlaridan himoya qilishini ta’kidladi.
Karate federatsiyasining sobiq rahbarlariga nisbatan ish ochildi
Bosh prokuratura Karate federatsiyasining sobiq rahbarlari va boshqa mansabdor shaxslariga nisbatan jinoiy ish qo‘zg‘atdi. Ular hujjatlarni qalbakilashtirish va o‘ta yirik miqdorda budjet mablag‘larini o‘zlashtirishda ayblanmoqda.
Rossiya bilan muntazam avtobus qatnovi tiklanmoqda
Moskva, Qozon va Sankt-Peterburg shaharlariga muntazam avtobus qatnovlari 18 iyuldan haftasiga ikki marta amalga oshiriladi.
Qoraqalpog‘istonlik tadbirkorlar hisobotni o‘z vaqtida topshirmaganlari uchun javobgarlikka tortilmaydi
Favqulodda holat rejimida Qoraqalpog‘istonda tadbirkorlar soliq deklaratsiyasini o‘z vaqtida taqdim etmaganliklari uchun javobgarlikka tortilmaydi, deb xabar qildi Davlat soliq qo‘mitasi.
Davlat organi xizmat mashinasini davlat raqamisiz boshqargan haydovchi jarimaga tortildi
Qashqadaryoda davlat organiga tegishli xizmat mashinasini davlat raqamisiz boshqargan haydovchi jarimaga tortildi. Avtomobil jarima maydonchasiga qo‘yildi.
Iyun oyida pul o‘tkazmalari rekordni yana yangiladi
O‘zbekistonda iyun oyidagi xorijdan pul o‘tkazmalari miqdori rekordni yangilab, 2,34 mlrd dollarni tashkil qildi. Mazkur ko‘rsatkich o‘tgan yilning mos davriga nisbatan qariyb 3,25 martaga ko‘p.
Qorako‘l maktabi o‘quvchisi Xalqaro matematika olimpiadasi sovrindori bo‘ldi
Norvegiyada bo‘lib o‘tgan 63-Xalqaro matematika olimpiadasida o‘zbekistonlik o‘quvchi Lazizbek Rajabboyev bronza medalini qo‘lga kiritdi.
«Tashabbusli budjet» jarayonining ikkinchi mavsumi boshlandi
15 iyuldan «Tashabbusli budjet» jarayonining ikkinchi mavsumiga start berildi. Bu safar qariyb 900 mlrd so‘m mablag‘ ajratilishi kutilmoqda. Navbatdagi mavsumda har bir bosqichga 20 kundan — jami 60 kun muddat beriladi. Qoraqalpog‘istonda esa tashabbusli budjet jarayoni bir oy farq bilan o‘tkaziladi.
Qozog‘istondagi YTHda ikki o‘zbekistonlik halok bo‘lgani rad etildi
FVVning yangilangan ma’lumotlariga ko‘ra, Qozog‘istonda sodir bo‘lgan YTHda halok bo‘lganlar orasida O‘zbekiston fuqarolari yo‘q. Hozirda Oqsuv-Ayuli kasalxonasida jarohatlangan besh nafar o‘zbekistonlik davolanmoqda.
Jamshid Xodjayev bosh vazir o‘rinbosari — investitsiyalar va tashqi savdo vaziri lavozimiga ma’qullandi
Bosh vazirning investitsiyalar va tashqi iqtisodiy masalalari bo‘yicha o‘rinbosari — investitsiyalar va tashqi savdo vaziri lavozimiga Jamshid Xodjayev nomzodi ma’qullandi. Bungacha u qishloq xo‘jaligi vaziri lavozimida ishlab kelayotgandi.
Sardor Umurzakov prezident Administratsiyasiga rahbar bo‘ldi
Sardor Umurzakov prezident Administratsiyasi rahbari lavomiziga tayinlandi, shu munosabat bilan u bosh vazirning investitsiyalar va tashqi iqtisodiy aloqalar masalalari bo‘yicha o‘rinbosari — investitsiyalar va tashqi savdo vaziri lavozimidan ozod etildi.
Toshkent xalqaro zamonaviy san’at biyennalesi kuzda bo‘lib o‘tadi
IX Toshkent xalqaro zamonaviy san’at biyennalesi 24−28 oktabr kunlari bo‘lib o‘tadi. Forum mavzusi: «Rassom va jamiyat: kelajak san’ati konsepsiyasi». 2020 yilda koronavirus pandemiyasi tufayli biyennale o‘tkazilmagandi.
“CSI”: riteylerlar qanday qilib kassirlar yetishmovchiligini o‘ziga o‘zi xizmat ko‘rsatish kassalari orqali hal qiladilar
“CSI” kompaniyasining self service mahsulotlari menedjeri Igor Chechulin riteylerlar nima uchun o‘ziga o‘zi xizmat ko‘rsatish kassalarini o‘rnatishi kerakligi haqidagi fikrlari bilan o‘rtoqlashdi.
Rossiyada tadbirkor o‘zbekistonlik migrantlarga zo‘ravonlik qilgani va hujjatlarini olib qo‘ygani aniqlandi
Volgograd viloyatida tadbirkor o‘zbekistonlik mehnat migrantlariga kuch ishlatib, ularning hujjatlarini olib qo‘ygani va oylik maoshini ham to‘lmagani aniqlandi. O‘zbekiston Tashqi mehnat migratsiyasi agentligi Rossiya huquq-tartibot organlari bilan ish beruvchini jinoiy javobgarlikka tortishga erishdi.
Sirdaryoda FVV xodimlari cho‘kayotgan bolani qutqarib qoldi
Yangiyer shahridan oqib o‘tuvchi Janubiy Mirzacho‘l kanaliga tushib ketgan 13 yoshli o‘smir FVV xodimlari tomonidan qutqarib qolindi. Aprel oyida mazkur kanalda cho‘milgan 17 yoshli bola cho‘kib ketgandi.
Maksim Shatskix «Paxtakor» bosh murabbiyi bo‘ldi
«Paxtakor» futbol klubiga taniqli futbolchi Maksim Shatskix bosh murabbiy etib tayinlandi. Klub bilan tuzilgan shartnoma 3 yilga mo‘ljallangan.
Qozog‘istonda sodir bo‘lgan YTHda ikki o‘zbekistonlik vafot etdi, uch nafari jarohatlandi
Qozog‘istonning Qarag‘anda viloyatida O‘zbekiston fuqarolari bo‘lgan mikroavtobus YTHga uchradi. Ikki nafari vafot etgan, uch nafari shifoxonada. O‘zbekiston FVV jabrlanganlarga yordam ko‘rsatish uchun Qozog‘iston rasmiylari bilan aloqada.
Parlament komissiyasi Qoraqalpog‘istonda tekshiruvlarni boshladi
Qoraqalpog‘istondagi voqealar bo‘yicha parlament komissiyasi shanba kuni tekshiruvlarni boshladi. Uning tarkibidan senatorlar, deputatlar, NNT va Qoraqalpog‘iston vakillari joy olgan. Komissiya inson huquqlari va erkinliklari buzilishi holatlarini atroflicha o‘rganadi.
Toshkent investitsiya forumini o‘tkazishga 15 mlrd so‘m sarflandi
Mart oyida Toshkent xalqaro investitsiya forumini o‘tkazish uchun 15 mlrd so‘m sarflangan. Tadbirlar va ovqatlanishni tashkil etish uchun Sky Events`ga 7,2 mlrd so‘m, Mercedes va Malibu avtomobillari ijarasi uchun Lyuks Taxi`ga 2 mlrd so‘m, Akfa Dream World`ga ovqatlanish uchun 2,5 mlrd so‘m xarajat qilingan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting