Arxiv
O‘zbekiston Koreyaning infratuzilma va shaharsozlik sohasidagi ilg‘or tajribasini o‘rganishdan manfaatdor — Shavkat Mirziyoyev
O‘zbekiston-Koreya biznes forumida Shavkat Mirziyoyev “yuqori texnologik va innovatsion hamkorlikning yangi davri” boshlanayotganini aytdi. Infratuzilma va shaharsozlik, transport, mashina butlovchi qismlarini mahalliylashtirish, xomashyoni qayta ishlash sohasida hamkorlikni rivojlantirishga kelishib olindi.
Uchqo‘rg‘on tumani hokimi o‘zgardi
Fevral oyida Namangan viloyati Uchqo‘rg‘on tumani hokimi etib tayinlangan Muhammad Haydarov “yo‘l qo‘yilgan xato va kamchiliklar” sabab lavozimidan ozod etilib, uning o‘rnini Dilshod Mirxanov egalladi.
Toshkentda ikkita “garmoshka” avtobus to‘qnashdi, 4 kishi jabrlandi
Toshkentda 131 va 58-yo‘nalishdagi ikkita “garmoshka” avtobus to‘qnashuvi oqibatida to‘rt kishi jabrlandi. YTH sababi — oraliq masofani saqlamaslik.
“Bizga qamalganining foydasi yo‘q”. Sudda “Dok-1 Maks” jabrlanuvchilari Munira Kariyevaning tovon puli to‘lashiga rozi ekanini aytmoqda
“Dok-1 Maks” ishiga oid apellyatsiya sudida Sardor Kariyevning onasi Munira Kariyeva o‘g‘lini uy qamog‘iga o‘tkazish evaziga 75,6 mlrd so‘mlik tovon pulini to‘lashni boshlashni so‘radi. Jabrlanuvchilarning otalari moliyaviy ahvoli sababli buni qabul qilmoqchi. Ajrim hali chiqmadi. Batafsil — “Gazeta.uz” reportajida.
IndiGo 17-avgustdan Dehli va Toshkent o‘rtasida parvozlarni har kuni amalga oshiradi
Hindistonning IndiGo aviakompaniyasi 17-avgustdan Dehli va Toshkent o‘rtasidagi parvozlar sonini haftasiga to‘rt martadan yetti martagacha oshiradi.
“Markaziy Osiyo — Koreya” formatidagi birinchi sammit Seulda 2025-yil o‘tkaziladi
O‘zbekiston prezidenti 2025-yil Seulda “Markaziy Osiyo — Koreya” formatidagi birinchi sammitni o‘tkazish taklifini ma’qulladi. Shuningdek, davlat rahbarlari ikki mamlakat hududlari o‘rtasidagi hamkorlikni kengaytirish muhimligini ta’kidladi.
“Ayollar tadbirkorligida raqamlashtirish va rivojlanish istiqbollari” seminari bo‘lib o‘tdi
“Ipoteka-bank”, YTTB hamda “Tadbirkor ayol” assotsiatsiyasi hamkorlikda “Ayollar tadbirkorligida raqamlashtirish va rivojlanish istiqbollari” mavzusida seminar tashkillashtirdi.
O‘zbekiston va Janubiy Koreya o‘rtasida 17 ta hujjat imzolandi
O‘zbekiston va Janubiy Koreya prezidentlari alohida strategik sheriklikni kengaytirish to‘g‘risidagi bayonotni imzoladi. Shuningdek, 17 ta hujjat imzolandi: Hyundai Rotem poyezdlari xaridi, maktablarni jihozlar bilan ta’minlash, innovatsion farmatsevtika klasterini yaratish, JST doirasida hamkorlik va boshqalar.
O‘zbekiston va Koreya 7 ta yo‘nalishda strategik hamkorlik qilmoqchi
O‘zbekiston va Janubiy Koreya kelgusi 3 yilda o‘ta muhim minerallar, yarimo‘tkazgichlar, kimyo sanoati, qishloq xo‘jaligi, mashinasozlik, shaharsozlik, xavfsiz energetika — jami 7 ta yo‘nalishda hamkorlik qilmoqchi. 2025-yilni “O‘zbekiston va Koreya o‘rtasidagi o‘zaro almashinuvlar yili” deb nomlash ham taklif etildi.
O‘zbekiston va Koreya hamkorlikning yangi modelini shakllantiradi
O‘zbekiston va Janubiy Koreya prezidentlari hamkorlik salohiyatidan samarali foydalanish, yirik yuqori texnologik loyihalarni aniqlash va yangi sheriklik modelini shakllantirish yuzasidan kelishuvga erishdi.
Yangi Alfraganus SKMda O‘zbekistondagi 24-KFC restorani ochilishi bo‘lib o‘tdi
Alfraganus SKMda KFC`ning O‘zbekistondagi 24-restorani ochildi. Shu munosabat bilan hozirda yangi filialda 25 ming so‘m evaziga o‘z basketini yig‘ish imkoniyatini beruvchi My Bucket nomli aksiya amal qilmoqda.
Tamaraxonim uy-muzeyidagi raqqosaning liboslari restavratsiya qilindi (foto)
Toshkent shahridagi Tamaraxonim uy-muzeyida taniqli raqqosaning sahna liboslarini restavratsiya va konservatsiya qilish ishlari olib borildi. Ishlar muzeyni kapital ta’mirlash va qayta tiklash dasturi doirasida amalga oshirildi. Foto.
Bayram kunlari havo 39 darajagacha isiydi
Shanba kuni O‘zbekiston bo‘yicha yog‘ingarchilik kutilmaydi, 32−35 daraja issiq atrofidagi qulay harorat kuzatiladi. 16−18-iyun — Qurbon hayiti bayrami kunlarida esa harorat ko‘tarilib, 36−39 darajagacha, ayrim joylarda +41 darajagacha bo‘ladi. Kechki vaqtlarda qisqa muddatli yomg‘ir yog‘ishi ham mumkin.
Foto: Ko‘ksaroyda Koreya prezidentini kutib olish marosimi bo‘lib o‘tdi
Ko‘ksaroy qarorgohida O‘zbekistonga davlat tashrifini amalga oshirayotgan Koreya prezidenti Yun Sok Yolni tantanali kutib olish marosimi bo‘lib o‘tdi.
2024−2025 o‘quv yilida oliy ta’lim bilan qamrov darajasi 43 foizdan oshadi — oliy ta’lim vaziri
Oliy ta’lim, fan va innovatsiyalar vaziri Kongratbay Sharipov kelgusi o‘quv yilida bakalavriatga umumiy qabul kvotalari 200 mingdan ortiq bo‘lishini ma’lum qildi. Bu esa oliy ta’lim bilan qamrov darajasi 43 foizdan oshishini ta’minlaydi, dedi u.
Qurbon hayiti kunlari So‘qoq, Qiziltog‘ va Chimyonga boruvchi yo‘llarda bir tomonlama harakat tashkil etiladi
16−17−18-iyun kunlari Parkent tumanining So‘qoq va Qiziltog‘ qishloqlariga va Bo‘stonliq tumanining Chimyon qishlog‘iga olib boruvchi yo‘llarda avtomobil harakati bir tomonlama tashkil etiladi.
Indoneziyaning O‘zbekistondagi elchisi Toshkentda vafot etdi
2019-yildan beri Indoneziyaning O‘zbekistondagi favqulodda va muxtor elchisi sifatida ishlab kelgan Sunario Kartadinata 74 yoshida Toshkentda vafot etdi. U bir vaqtning o‘zida Qirg‘izistondagi elchi ham edi.
M Cosmetic yuzinchi do‘koni ochilishini e’lon qildi
M Cosmetic kompaniyasi 31-may kuni 100-do‘konining ochilishi haqida xabar berdi. Bugungi kunda do‘konlar Toshkent shahri, Toshkent, Samarqand, Farg‘ona vodiysi viloyatlari va boshqa hududlarda joylashgan.
Yevro-2024: Superkompyuter guruh favoritlarini aniqlab berdi
Yevro-2024 boshlanishiga oz qoldi. Turnirda qaysi jamoa favorit ekanini ko‘pchilik muhokama qilmoqda. “Taktika” jamoasi Opta tahlillariga asoslanib, Yevropa chempionatining guruh bosqichi natijalari bo‘yicha taxminlarni ko‘rib chiqdi.
Qoraqalpog‘istonda IIB boshlig‘i o‘rinbosari pora olishda gumonlanmoqda
Qo‘ng‘irot tumani IIB boshlig‘i o‘rinbosari fuqarodan iPhone 15 Pro Max telefonini olayotganda qo‘lga olingani aytilmoqda. Mansabdor so‘ralgan telefonni olib kelmasa, fuqaroning shaxsiy sirini fosh qilib, uni javobgar qilmoqchi bo‘lgan.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Paxta sotib olish bo‘yicha shartnoma shartlari fermerlar zarariga qayta ko‘rib chiqilishi mumkin. Tafsilotlar
- Futzal JCH: O‘zbekiston Paragvayga yirik hisobda mag‘lub bo‘ldi
- Germaniyaning Deutsche Bahn kompaniyasi o‘zbekistonliklarni ishga jalb qila boshlaydi
Qo‘shimcha imkoniyatlarga ega bulish uchun saytda ro‘yxatdan o‘ting