Iqtisodiyot
Dollar o‘zbek so‘miga nisbatan arzonlashishda davom etmoqda
Markaziy bank tomonidan belgilangan AQSh dollarining so‘mga nisbatan kursi ketma-ket oltinchi savdo kuni pasayib, 12 555 so‘mga yetdi. Bu mart oyi o‘rtalaridan beri eng minimal ko‘rsatkich.
“Mening bog‘im” loyihasining 1-mavsumi uchun ovoz berish boshlandi
“Mening bog‘im” loyihasining 2024-yil 1-mavsumi uchun ovoz berish jarayoniga start berildi. Loyiha doirasida aholi tashabbusi bilan “yashil bog‘lar” va “yashil jamoat parklari”ni tashkil qilish bo‘yicha qiymati 250 mln so‘mdan oshmagan tashabbuslar moliyalashtiriladi. Ovoz berish 6-iyul 10:00 gacha davom etadi.
O‘zbekistonda kam quvvatli AES qurilishi shartnomasining kuchga kirishi to‘g‘risida bayonnoma imzolandi
O‘zbekistonda kam quvvatli AES qurilishi bo‘yicha birinchi shtab ish boshladi, unda qurilish maydoni va zarur infratuzilmani yaratish masalalari muhokama qilindi. “Rosatom” rahbari birinchi o‘rinbosarining tashrifi chog‘ida AES qurilishi shartnomasining kuchga kirish tartibi to‘g‘risidagi bayonnoma imzolandi.
“Bugungi kunda O‘zbekistonda elektr energiyasi ishlab chiqarish bilan bog‘liq muammolar yo‘q” — Energetika vazirligi
Energetika vazirligi Statistika agentligining may oyida elektr ishlab chiqarish kamayishi bo‘yicha ma’lumotlarini izohlab, quyosh va shamol elektrostansiyalari hisobiga elektr ishlab chiqarishning o‘sishi 5,8 foizni tashkil etganini bildirdi. Ta’minot kamayishi tariflar oshganidan keyingi “tejamkorlik” bilan bog‘liq.
Jizzax viloyatidagi BYD zavodi ilk avtomobillarini ishlab chiqardi
Prezident Jizzaxdagi BYD Uzbekistan Factory avtomobil zavodiga tashrif buyurdi. Hozir u yerda 2 modeldagi avtomobil ishlab chiqarilmoqda. 1-bosqichda ishlab chiqarish quvvati yiliga 50 ming dona, 3-bosqichga yetib 500 ming donani tashkil etadi. Mahalliylashtirish darajasi ham bosqichma-bosqich ortishi kutilmoqda.
May oyida gaz ishlab chiqarish yangi minimal darajaga yetdi, elektr energiyasi hajmi ham keskin kamaydi
O‘zbekistonda may oyida elektr energiyasi ishlab chiqarish keskin pasaydi (-58%). Gaz qazib olish hajmi ham 2020-yil avgustidan beri yangi minimal darajaga yetdi — 3,52 milliard kub metr.
O‘zbekiston parranda go‘shti eksportini yo‘lga qo‘ymoqchi
Prezidentga chorvachilikni rivojlantirishga doir takliflar berildi. AQSh hamkorligida parrandachilikka genetik texnologiyalarni joriy etish, parrandachilik korxonalarini 5 yilga yer solig‘idan ozod qilish, parranda go‘shti eksportiga ruxsat berish, aholini qorako‘l qo‘yi va echkilar bilan ta’minlash rejalashtirilgan.
JSTga qo‘shilish o‘zimizdan o‘zimizni himoya qilishimizga yordam beradi — Doniyor G‘aniyev
Deputat Doniyor G‘aniyev O‘zbekistonning Jahon savdo tashkilotiga a’zo bo‘lishi, birinchi navbatda, mamlakat o‘zini o‘z ichidagi turli lobbi guruhlaridan himoya qilishi uchun kerakligini aytdi. “Erkin savdodan yutadiganlar doim yutqazadiganlardan ko‘p bo‘ladi”, — deya qo‘shimcha qildi u.
Hamster Kombat kabi o‘yinlar O‘zbekistonda qonuniymi? ILMA tushuntirishi
O‘zbekiston fuqarolari Hamster Kombat va shunga o‘xshash o‘yinlarda tangalarni qonuniy ravishda sotib olishlari va sotishlari mumkinmi, bunday o‘yinlar O‘zbekistonda qonuniymi, to‘plangan tangalar kriptoaktiv sanaladimi? ILMA mazkur savollarga javob berdi.
“Poytaxt bank” 10 mln dollarga sotiladi
Davaktiv BAAning Bond Investments limited LLC kompaniyasi bilan “Poytaxt bank” ustav kapitalidagi 100 foiz aksiyalar paketini 10 mln dollarga sotish bo‘yicha kelishuvga erishdi. To‘lov biryo‘la amalga oshiriladi.
O‘zbekiston va Mo‘g‘uliston o‘zaro savdo hajmini 5−10 barobarga oshirmoqchi
O‘zbekiston va Mo‘g‘uliston prezidentlari imtiyozli savdo va bozorlarga kirish sharoitlarini o‘zaro yengillashtirish bo‘yicha takliflar tayyorlashga kelishib oldi. Mo‘g‘uliston O‘zbekistonga go‘sht yetkazib beradi va chorvachilik klasterlari yaratadi. Yaqin yillarda o‘zaro savdo hajmini 5−10 barobarga oshirish reja qilinmoqda.
O‘zbekiston karbonat angidrid emissiyasini kamaytirganlik uchun Jahon banki to‘lovini olgan dunyodagi birinchi davlat bo‘ldi
O‘zbekiston uglerod emissiyalarini 500 ming tonnaga kamaytirishga muvaffaq bo‘ldi. Buning uchun Jahon banki mamlakatga 7,5 mln dollar grant ajratdi. Mablag‘ning bir qismi elektr energiyasi va gaz tariflari oshishidan eng ko‘p zarar ko‘rgan oilalarga moddiy yordam ko‘rsatishga yo‘naltiriladi.
Zominga yirik samolyotlar qatnay boshlaydi
O‘tgan yili ochilgan Zomin aeroportiga magistral samolyotlar ucha boshlaydi. Shanba kuni Uzbekistan Airways bu yo‘nalishda Airbus A320neo samolyotida texnik parvozni amalga oshirdi.
Javlonbek Umarxodjayev Uzbekistan Airports rahbarligiga tasdiqlandi
Javlonbek Umarxodjayev Uzbekistan Airports boshqaruvi raisi etib tasdiqlandi. U o‘tgan yilning avgust oyidan buyon kompaniyaning vaqtinchalik rahbari sifatida ishlab kelayotgandi.
Uzbekistan Airways logotipini yangilaydi, biroq an’anaviy livreyasini saqlab qoladi
Uzbekistan Airways yangilangan logotipini namoyish etdi. Kompaniya uni tubdan o‘zgartirmadi, balki zamonaviy tendensiyalarga muvofiq yangiladi. Tashuvchi, shuningdek, livreyasi — samolyotlar tashqi ko‘rinishini ham saqlab qolishga qaror qildi. Bundan tashqari, yangi shior — “Markaziy Osiyo qanotlari” taqdim etildi.
Senat banklar kiberxavfsizligini ta’minlashga doir qonunlarga tuzatishlarni ma’qulladi
Senatorlar bank sohasidagi bir qator qonunlarga kiberxavfsizlikni kuchaytirishga doir tuzatishlarni ma’qulladi. Ushbu tuzatishlar, xususan, Markaziy bankka kredit va to‘lov tashkilotlari, to‘lov tizimlari operatorlari va valyuta birjalari tomonidan kiberxavfsizlik tahdidlarini aniqlash vakolatini beradi.
O‘zbekistonda 6 ta korxona turli tovar va xizmatlar bo‘yicha ustun mavqega ega deb topildi
Raqobat qo‘mitasi 6 ta korxona turli tovar va xizmatlar bo‘yicha ustun mavqega ega deb e’tirof etilganini ma’lum qildi. Ular orasida “Farg‘onaazot” (superfosfat bo‘yicha), Gazli Gas Storage (tabiiy gazni yer ostiga quyish, saqlash va tortib olish bo‘yicha) va boshqalar bor.
Ayni vaqtda O‘zbekistonda notkoin bilan qonuniy savdo qilish imkonsiz — ILMA
Istiqbolli loyihalar milliy agentligi O‘zbekistonda ayni vaqtda notkoin kriptoaktivi bilan qonuniy tarzda savdo qilish imkoniyati yo‘qligini ma’lum qildi. Agentlik litsenziyaga ega xizmat provayderlariga o‘z savdo savatlariga yangi chiqqan, ommalashayotgan kriptoaktivlarni ham qo‘shish bo‘yicha taklif bergan.
O‘zbekistonning tez rivojlanayotgan 38 ta tumanida uy-joy, ijtimoiy obyektlar va istirohat bog‘lari yetarli emas
O‘zbekistonning tez rivojlanayotgan 38 ta tumanida yetarli miqdorda uy-joy, ijtimoiy muassasalar, istirohat bog‘lari qurish zarur. Prezident 14 ta tuman va shahar bosh rejalari taqdimotida buni alohida ta’kidladi. Davlat rahbari qulay infratuzilma yaratishni jadallashtirish zarurligini ta’kidladi.
O‘zbekistonda zargarlik sanoati uskunalariga bojxona boji va QQSning nol stavkasi belgilanishi mumkin
Prezidentga O‘zbekiston zargarlik sanoatini rivojlantirish, jumladan, hunarmandlar uchun imtiyozlarni YATTlarga ham qo‘llash, asbob-uskunalar uchun bojxona bojini nol qiymatda belgilash, shuningdek, zargarlik buyumlarini AQShga GSP tizimi asosida eksport qilish bo‘yicha takliflar taqdim etildi.
Eng ko‘p o‘qilgan xabarlar | So‘nggi yangiliklar
- So‘m beshinchi sessiyadirki dollarga nisbatan mustahkamlanmoqda. Sababi nima? (1)
- Nima uchun banklar nomingizdagi kartalar haqida SMS jo‘natmoqda?
- O‘zbekiston banklaridagi kafolatlangan omonatlar summasi 200 mln so‘mgacha pasaytirildi
- “200 mln so‘mlik kafolat summasi bankka undan ko‘proq pul qo‘yish mumkinmasligini anglatmaydi” — MB
Qo‘shimcha imkoniyatlardan foydalanish uchun saytda ro‘yxatdan o‘ting