Iqtisodiyot
O‘zbekistonga Chexiyadan birinchi LET L-410 samolyoti keltirildi
Toshkent xalqaro aeroportida Chexiyadan sotib olingan birinchi LET L-410 samolyoti kutib olindi. U mahalliy aviaqatnovlar uchun mo‘ljallangan bo‘lib, 19 nafar yo‘lovchini sig‘dira oladi. Ilk reys kelasi hafta Samarqand shahriga amalga oshiriladi.
Sirdaryoda hokim va hokim o‘rinbosarlariga 16 ta Tracker xarid qilish rejalashtirilmoqda
Sirdaryo viloyati hokimi o‘rinbosarlariga, shuningdek, tuman va shahar hokimlariga 16 ta Tracker avtomobilini xarid qilish rejalashtirilmoqda. Buning uchun 4 mlrd so‘m ajratish bo‘yicha qaror loyihasi muhokamalar portaliga qo‘yildi.
“Tashabbusli budjet”ning 2-mavsumi 17-iyuldan boshlanadi
“Tashabbusli budjet” jarayonining joriy yilgi 2-mavsumi 17-iyuldan boshlanadi. Bu mavsum uchun tuman (shahar) budjetlari hisobidan 1 trln so‘mdan ortiq mablag‘ yo‘naltirilishi kutilmoqda.
Oltin-valyuta zaxiralari minimal talab ko‘rsatkichidan qariyb 4 barobar ko‘p — Markaziy bank
Markaziy bank O‘zbekiston xalqaro zaxiralari bo‘yicha tarqalayotgan xabarlarga bergan munosabatida zaxiralar 11,3 oylik importni qoplashga yetishini bildirdi. Bu minimal talabdan qariyb 4 barobarga ko‘p. Ko‘rsatkich yil boshidan buyon 2 mlrd dollarga kamaygan.
“O‘zsuvta’minot”ga yangi rahbar tayinlandi
Dilshod Azimov “O‘zsuvta’minot” aksiyadorlik jamiyati boshqaruvi raisi v.b. etib tayinlandi. Avvalgi rahbar Sohib Saifnazarov prezident topshirig‘i bilan ishdan bo‘shatilgandi.
“Biokimyo” va “Andijon biokimyo zavodi” AJlardagi davlat ulushini xususiylashtirish boshlandi
Davaktiv “Biokimyo” AJ ustav kapitalidagi 51 foiz va “Andijon biokimyo zavodi” AJdagi 76 foiz davlat ulushini xususiylashtirish jarayoni boshlanganini e’lon qildi. Korxonalarning ustav fondi 9,6 mlrd va 24 mlrd so‘m, ikkala zavodning ham ishlab chiqarish quvvati yiliga 1,83 mln dekalitrni tashkil etadi.
Vazirlar Mahkamasi ish haqini natura shaklida to‘lash tartibini belgiladi
Hukumat ish haqini natura shaklida to‘lash tartibi bo‘yicha qaror qabul qildi. Unga ko‘ra, xodimning yozma roziligi bilan o‘zi yoki oilasi iste’moli uchun oziq-ovqat mahsulotlari berish, uy xizmatchilari bilan esa oziq-ovqat va vaqtincha yashash uchun uy-joy bilan ta’minlash shaklida hisob-kitob qilish mumkin bo‘ladi.
OTB O‘zbekistondagi vakolatxonasiga yangi direktor tayinladi
Kanokpan Lao-Araya Osiyo taraqqiyot bankining O‘zbekistondagi vakolatxonasi direktori bo‘ldi. Bungacha u bankning Qirg‘izistondagi vakolatxonasini boshqargan.
Banklarda dollar kursi biroz pasaydi
Tijorat banklari 14-iyul kuni aholidan 1 AQSh dollarini 11 525−11 590 so‘mdan sotib olmoqda, sotuv kursi esa 11 630−11 640 so‘m.
UzAuto Motors 17-iyuldan Asakadagi zavodni to‘liq qayta ishga tushiradi
UzAuto Motors`ning Asakadagi zavodi 17-iyuldan to‘liq qayta ishga tushadi. Kompaniya matbuot xizmati hozirda liniyalar bosqichma-bosqich ishga tushirilayotganini ma’lum qildi. Oy boshida zavod faoliyati modernizatsiya ishlari sabab vaqtincha to‘xtatilgandi.
O‘zbekiston avtomobil bozorida iyun oyida keskin pasayish kuzatildi
Iyun oyida O‘zbekiston avtomobil bozorida 123 ming dona avtomobil sotildi, bu may oyiga nisbatan 21 foizga kam. Sotuvlar birlamchi bozorda ham, ikkilamchi bozorda ham pasaydi. Shu bilan birga, xorij avtomobillari va elektromobillarga talab ortdi.
Eksklyuziv huquqlarga ega kompaniyalar reyestrga kiritiladi
2023-yil oktabridan O‘zbekistonda eksklyuziv huquqlar berilgan kompaniyalar reyestrini joriy etish rejalashtirilmoqda. Bu reyestrni yuritish va kamsitmaslik shartlariga rioya etilishini nazorat qilishga Raqobat qo‘mitasi javobgar bo‘ladi. Qo‘mita “Biz sizni tinglaymiz” loyihasini ham amalga oshiradi.
Inflyatsion kutilmalar pasayishda davom etmoqda, ammo valyuta kursi o‘zgarishi bo‘yicha xavotirlar ortdi
O‘zbekistonda kutilayotgan inflyatsiya ketma-ket beshinchi oy pasaymoqda. Markaziy bankning inflyatsion kutilmalar bo‘yicha iyun oyida o‘tkazilgan so‘rovida biznes va uy xo‘jaliklari kelgusi 12 oy ichida narxlarning oshishiga asosan valyuta kursining o‘zgarishi ta’sir qilishini qayd etgan.
Banklarda dollarning sotuv kursi 11 650 so‘mga chiqdi. Bu — tarixiy maksimum
Tijorat banklari 13-iyul kuni aholidan 1 AQSh dollarini 11 535−11 590 so‘mdan sotib olmoqda, sotuv kursi esa 11 650 so‘m.
O‘zbekistonning JSTga a’zo bo‘lishi bo‘yicha navbatdagi yig‘ilish kuzda o‘tkazilishi mumkin
O‘zbekistonning JSTga a’zo bo‘lish bo‘yicha delegatsiyasi mamlakatning tashkilotga a’zo bo‘lishi bo‘yicha ishchi guruhining 7-yig‘ilishini o‘tkazish uchun barcha fundamental hujjatlar to‘plamini tayyorladi. Yig‘ilish sentabr-oktabr oylarida o‘tkazilishi mumkin.
Energetika vaziri O‘zbekiston Rossiya gazi uchun qancha to‘lashini ochiqlay olmasligini bildirdi
Energetika vaziri Jo‘rabek Mirzamahmudov O‘zbekiston Rossiyaga gaz uchun qancha to‘lashini ochiqlay olmasligi, lekin milliy manfaatlar, bozor kon’yunkturasidan kelib chiqib, raqobatbardosh narxlar belgilanganini ta’kidladi.
Gaz va elektr energiyasi tariflarini tartibga solish mustaqil tuzilmalarga o‘tkaziladi
O‘zbekistonda tabiiy monopoliyalar, jumladan, elektr energiyasi, gaz, aloqa, yo‘llar va aviatsiya bilan bog‘liq sohalarda bosqichma-bosqich mustaqil bozor regulyatorlari instituti joriy etiladi. Raqobat qo‘mitasi 2025-yilgacha bu bozorlardagi tariflarni tartibga solishni ularga topshirishi kerak bo‘ladi.
Eksporti cheklovi bekor qilingach, O‘zbekiston rekord darajada ko‘p piyoz sotdi
Eksportga qo‘yilgan cheklov bekor qilingach, O‘zbekiston chetga rekord darajada ko‘p piyoz yubordi. Mart oyi o‘rtalaridan iyun oxirigacha tashqi bozorlarga 222,8 ming tonna piyoz jo‘natilgan, bu o‘tgan yilgi ko‘rsatkichga nisbatan 53 foizga ko‘p. Mahsulotning 90 foizi Rossiya va Qozog‘istonga sotilgan.
Raqobat qo‘mitasi endi prezident va Senatga hisobdor bo‘ladi
Raqobatni rivojlantirish va iste’molchilar huquqlarini himoya qilish qo‘mitasi o‘z faoliyatida bevosita prezidentga va Senatga hisobdor etib belgilandi. Qo‘mita har yili iqtisodiyotda raqobat muhiti va iste’molchilar huquqlarining himoya qilinishi holati to‘g‘risida hisobot berib boradi.
Banklarda dollarning sotuv kursi 11 635 so‘mgacha ko‘tarildi
Tijorat banklari 12-iyul kuni aholidan 1 AQSh dollarini 11 515−11 570 so‘mdan sotib olmoqda, sotuv kursi esa 11 620−11 635 so‘m.
Eng ko‘p o‘qilgan xabarlar | So‘nggi yangiliklar
- So‘m beshinchi sessiyadirki dollarga nisbatan mustahkamlanmoqda. Sababi nima? (1)
- Nima uchun banklar nomingizdagi kartalar haqida SMS jo‘natmoqda?
- O‘zbekiston banklaridagi kafolatlangan omonatlar summasi 200 mln so‘mgacha pasaytirildi
- “200 mln so‘mlik kafolat summasi bankka undan ko‘proq pul qo‘yish mumkinmasligini anglatmaydi” — MB
Qo‘shimcha imkoniyatlardan foydalanish uchun saytda ro‘yxatdan o‘ting