Toshkentda ikkita Yutong avtobusi to‘qnashdi
Yangihayot tumanida 117- va 55-sonli yo‘nalish avtobuslari ishtirokida YTH sodir bo‘ldi. Hodisa oqibatida tan jarohati olganlar yo‘q, avtobuslar texnik shikastlangan.
Shavkat Mirziyoyev Osiyo infratuzilmaviy investitsiyalar bankining Samarqanddagi yig‘ilishida ishtirok etadi
Prezidenti Shavkat Mirziyoyev Osiyo infratuzilmaviy investitsiyalar banki (OIIB) Boshqaruvchilar kengashining Samarqanddagi yillik yig‘ilishida ishtirok etadi. U yig‘ilishning yalpi sessiyasida nutq so‘zlaydi hamda tadbir doirasida bir qator uchrashuvlar o‘tkazadi.
Bobir Abubakirov Shayxontohur tumani hokimi bo‘ldi
Markaziy bank raisi o‘rinbosari Bobir Abubakirov Shayxontohur tumani hokimi etib tayinlandi. Tumanning avvalgi hokimi bandlik vaziri bo‘lgandi.
Isroildagi elchixona o‘zbekistonliklarga murojaat bilan chiqdi
O‘zbekistonning Isroildagi elchixonasi mamlakatning shimoliy hududlarida yuzaga kelayotgan murakkab vaziyat sababli fuqarolarga qator tavsiyalar berdi. Elchixona xavfsizlik choralarini ko‘rishga va raketa otishmalari paytida boshpanalarni tark etmaslikka chaqirdi, rasmiy xabarlarini kuzatib borish so‘raldi.
Futzal JCH: Ukraina va Braziliya chorak finalga chiqdi (foto)
O‘zbekistonda o‘tayotgan futzal mundialida 24-sentabr kuni nimchorak finalning ilk o‘yinlari bo‘lib o‘tdi. Braziliya Buxoroda Kosta-Rikani tor-mor keltirgan bo‘lsa, Ukraina Toshkentda Niderlandiyani mag‘lub etdi. 25-sentabrda pley-offning Ispaniya — Venesuela va Paragvay — Afg‘oniston uchrashuvlari bo‘lib o‘tadi.
Toshkentda sinov muddatidagi o‘qituvchi o‘quvchini urdi. Uning ustidan surishtiruv ketmoqda
Chilonzor tumanidagi maktabda sinov muddatida bo‘lgan rus tili fani o‘qituvchisi birinchi ish kunida 6-sinf o‘quvchisini unga gap qaytargani uchun urdi. Bolaning ota-onasi holat bo‘yicha huquq-tartibot idoralariga murojaat qildi. Ayni paytda surishtiruv ishlari ketmoqda.
O‘zbekistonda tibbiy va sog‘lomlashtirish turizmi rivojlantiriladi
O‘zbekistonda Tibbiy xizmatlar mehmondo‘stligi dasturi amalga oshiriladi. “Avitsenna” nomi ostida tibbiy va sog‘lomlashtirish turizmi brendi ishlab chiqiladi. Davlat tili va xorijiy tillarda tibbiyot hamda sog‘lomlashtirish muassasalarining yagona reyestri shakllantiriladi.
Sirdaryoda mashinasini qasddan odamlar ustiga haydab borgan haydovchiga hukm o‘qildi
Sayxunobod tumanida mashinasini qasddan bir guruh odamlar orasida keskin boshqarib, ularni bosib ketishga harakat qilgan Captiva haydovchisi 4 yil 6 oyga qamaldi. Oldin ham sudlangan shaxs jazoni qattiq tartibli koloniyada o‘taydi.
Saidikrom Niyozxo‘jayev O‘zbekistonning Qirg‘izistondagi elchisi etib tayinlandi
Saidikrom Niyozxo‘jayev O‘zbekistonning Qirg‘izistondagi favqulodda va muxtor elchisi etib tayinlandi. U bungacha O‘zbekistonning Qozog‘istondagi elchisi lavozimida ishlab kelayotgan edi.
Mangistau-Nukus yo‘lovchi poyezdida yong‘in chiqdi (video)
Mangistau-Nukus yo‘lovchi poyezdida yong‘in chiqdi. Hodisa oqibatida fuqarolar va vagonlarga shikast yetmagan. “O‘zbekiston temir yo‘llari”ga ko‘ra, mas’ul shaxslarga nisbatan intizomiy choralar ko‘rildi.
Farg‘onada poyezd ustida selfi tushmoqchi bo‘lgan o‘quvchilarni tok urdi
Uchko‘prik tumanida poyezd vagonlari ustida selfi tushmoqchi bo‘lgan uch o‘quvchidan ikki nafarini 27 ming voltli tok urdi. Ulardan birining tanasi 65 foiz kuygani, yana birining o‘ng oyoq suyagi singani aytilmoqda.
3,1 mlrd so‘mlik 11 ta davlat xaridi qonunchilikka zid tarzda o‘tkazilgani aniqlandi
Antikorrupsiya agentligi avgust-sentabr oylarida 3,1 mlrd so‘mlik 11 ta davlat xaridida qonun buzilishi holatlarini aniqladi. Xususan, 1,5 milliard so‘mlik tenderda affillangan shaxslar ishtirok etgan. Ushbu xaridlar natijalari bekor qilindi.
Toshkentda Lacetti va Malibu to‘qnashuvida uch kishi jarohatlandi
Toshkent shahri Yakkasaroy tumanida Malibu-2 va Lacetti mashinalari to‘qnashdi. YTH oqibatida haydovchilar va yana bir nafar yo‘lovchi jarohatlandi.
“Ular juda-juda uzoq vaqt top darajada qoladi”. Vladimir Kramnik — Abdusattorov va boshqa shaxmatchilar haqida
O‘zbekiston terma jamoasi murabbiyi Vladimir Kramnik terma jamoa uchinchi o‘rinni egallagan shaxmat olimpiadasi natijalaridan mamnun. Shuningdek, u Nodirbek Abdusattorov boshqa yosh shaxmatchilar bilan birga “juda-juda uzoq vaqt top darajada qolishini” aytdi.
“Hamma fermer imzo qo‘yib berishi kerak”. Paxta yetishtiruvchilar narxni tushirishga majburlanmoqda
Kun.uz Surxondaryo qishloq xo‘jaligi boshqarmasi boshlig‘ining tuman hokimi bilan suhbatda barcha fermerlarni yig‘ib, paxta narxini 6800 so‘mgacha pasaytirish bo‘yicha qo‘shimcha shartnomalar imzolash zarurligini bildirgan audioyozuvini e’lon qildi. Qishloq xo‘jaligi vazirligi va hokimlik holatga izoh berdi.
Kasb-hunar maktablari va kollejlar negizida 600 ta texnikum tashkil etiladi, ularning 14 tasida Britaniyaning BTEC dasturi joriy etiladi
O‘zbekistonda barcha kollej va kasb-hunar maktablari texnikumlarga aylantiriladi, binolarning bir qismi maktablar uchun beriladi. Texnikumlar qisman akademik mustaqillikka ega bo‘ladi va pullik xizmatlar ko‘rsata oladi. Ulardan 14 tasida Britaniyaning BTEC dasturi joriy etiladi.
BMT Bosh assambleyasi Kelajak uchun paktni qabul qildi
BMT Bosh assambleyasi davlatlar kelgusi avlodlar va sayyora uchun yaxshiroq kelajakni ta’minlash bo‘yicha bir qator harakatlarni o‘z zimmalariga oladigan Kelajak uchun paktni ma’qulladi.
Xalqaro grossmeyster Gulruhbegim Tohirjonova O‘zbekiston terma jamoasiga qaytarilishi mumkin
Shaxmat federatsiyasi raisi Alisher Sa’dullayev 2021-yildan beri AQSh terma jamoasida dona surib kelayotgan Gulruhbegim Tohirjonovani O‘zbekiston terma jamoasiga qaytarish niyati borligini aytdi. “Gulruhbegim baribir O‘zbekistonga kerak, u yaxshi va salohiyatli shaxmatchi”, — dedi Sa’dullayev.
Tabiiy boyliklardan samarali foydalanish: iqtisodiyot va atrof-muhit uchun muhim ahamiyat
“Adolat” partiyasi tabiiy resurslarni samarali boshqarish uchun qonunlarni takomillashtirish, ekologik baholash va jamoatchilikning ishtirokini ta’minlash tashabbusini ilgari surmoqda.
Samarqandda 3 kishini noqonuniy tarzda Isroilga ishga yuborishni va’da qilgan 2 shaxs qo‘lga olindi
Samarqandda muqaddam sudlangan 2 shaxs 3 nafar fuqaroni 52,7 ming dollarga Isroilga ishga yuborishni va’da qilgani aniqlandi. Prokuratura departamenti ularga nisbatan firibgarlik bo‘yicha jinoyat ishi qo‘zg‘atilganini ma’lum qildi.
Qo‘shimcha imkoniyatlardan foydalanish uchun saytda ro‘yxatdan o‘ting