ANORBANK “Markaziy Osiyo HR brendi 2023” mukofotini qo‘lga kiritdi
ANORBANK “Markaziy Osiyo HR brendi 2023” mukofotining “Mintaqa” nominatsiyasida ikkinchi o‘rinni egalladi. Bank vakillari mukofotga sazovor bo‘lgan loyiha va uning afzalliklari haqida so‘zlab berdi.
Mahalliy ishlab chiqaruvchilarga davlat xaridlari bo‘yicha imtiyozlar qisman bekor qilinadi
Prezident farmoni bilan, 2026-yil iyuldan davlat xaridlarida mahalliy ishlab chiqaruvchilarga beriladigan imtiyozlar, shuningdek, mahalliy elektr jihozlari uchun narx preferensiyalari qisman bekor qilinadi. obyektni parallel loyihalash va qurish jarayonida xarajatlarni budjetdan moliyalashtirish taqiqlanadi.
O‘zmilliybank biznesni qo‘llab-quvvatlash uchun MIGA tomonidan qoplanadigan 100 mln yevro miqdorida kredit oldi
O‘zbekiston milliy banki Standard Chartered Bank va LBBW bilan kichik va o‘rta biznes sektorini qo‘llab-quvvatlash maqsadida MIGA tomonidan qoplanadigan 100 mln yevro miqdoridagi sindikatlangan kredit liniyasini jalb qilish bo‘yicha shartnoma imzoladi.
O‘zbekistonlik merganlar Turkiyadagi xalqaro musobaqada birinchi o‘rinni oldi
Turkiyada o‘tkazilgan xalqaro musobaqada O‘zbekiston merganlari besh marta rekord natija qayd etib, birinchi o‘rinni egalladi. Musobaqada 11 ta davlatdan jami 36 ta jamoa ishtirok etdi. Video.
O‘zbekistonlik harbiy taekvondochilar JCHda 12 medalni qo‘lga kiritdi
Mungyong (Janubiy Koreya) shahrida o‘tkazilgan harbiylar o‘rtasidagi jahon chempionatida o‘zbekistonlik taekvondochilar 6 oltin, 2 kumush va 4 bronza medalni qo‘lga kiritdi. Bu natija tufayli erkaklar ham, ayollar ham jamoaviy bahslarda birinchi bo‘ldi.
O‘zbekistonda 2025-yildan tashqi internet kanali monopoliyasi bekor qilinadi
Prezident farmoni bilan, 2025-yil 1-yanvardan xususiy provayderlarga sinov tariqasida xalqaro Internet tarmoqlariga to‘g‘ridan-to‘g‘ri ulanish huquqi beriladi. “O‘zbektelekom”ning tashqi internet kanali bo‘yicha monopoliyasini 2020-yildayoq bekor qilish rejalashtirilgandi.
Toshkentda Cobalt yo‘lning belgilanmagan qismidan o‘tayotgan qizni urib yubordi (video)
Mirzo Ulug‘bek tumanida Cobalt yo‘lning belgilanmagan qismidan o‘tayotgan piyodalardan birini urib yubordi. Qiz jarohat olib, shifoxonaga yotqizildi. Videolavhada YTH ro‘y bergan joy yaqinida svetofor borligini ko‘rish mumkin.
UzGasTrade va “O‘zenergosotish”ning gaz va elektroenergiya tashqi savdosi bo‘yicha eksklyuziv huquqlari bekor qilinadi
Prezident farmoni bilan, 2026-yildan UzGasTrade`ning tabiiy gaz eksport va importi bo‘yicha yagona operator sifatidagi huquqi, shuningdek, “O‘zenergosotish”ning ham elektr energiyasi bo‘yicha shunday huquqi bekor qilinadi. Yana bir qator kompaniyalarning maxsus huquqlari bekor qilinmoqda.
10-iyundan Toshkentdan Issiqko‘lga mavsumiy avtobus qatnovlari boshlanadi
10-iyundan Toshkentdan Qirg‘izistondagi Issiqko‘lgacha mavsumiy avtobus qatnovlari boshlanadi. Avtobus oyning juft kunlarida Toshkent avtovokzalidan jo‘naydi. Chipta narxi — 300 ming so‘m.
Surxondaryoda futbol musobaqasi payti IIB xodimlariga tosh otib, qarshilik ko‘rsatgan 13 nafar shaxs jazolandi
Surxondaryo viloyati Oltinsoy tumanida yoshlar o‘rtasidagi futbol musobaqasi payti jamoat tartibini buzib, IIB xodimlariga faol qarshilik ko‘rsatgan 13 nafar fuqaroga 15 sutka qamoq jazosi tayinlandi.
Surxondaryoda 3 ta mashina to‘qnashuvida Nexia-3 yonib ketdi (+video)
Surxondaryo viloyati Termiz shahrida 3 ta mashina to‘qnashdi. Oqibatda Nexia-3 mashinasi yonib ketdi. Hech kim jarohatlanmagan.
Toshkentda viloyatliklarni haqoratlagan qiz 15 sutkaga qamaldi
Instagram orqali Toshkentga kelgan viloyatliklarni haqoratlagan 21 yoshli qiz 15 sutkaga qamaldi. U “jahl ustida ortiqcha gapirib yuborganini” aytib, uzr so‘radi. Video.
Toshkentda sobiq MXX binosi yaqinidagi daraxtlar noqonuniy ko‘chirilgani yuzasidan jinoyat ishi qo‘zg‘atildi
Bosh prokuratura Muna Mug kompaniyasi Toshkentdagi sobiq MXX majmuasi hududidan 53 tup sog‘lom daraxtni noqonuniy ravishda ko‘chirib o‘tkazganini ma’lum qildi. Daraxtlarni ko‘chirishga ruxsat bergan kompaniya vakillari va mansabdor shaxslarga nisbatan jinoyat ishi qo‘zg‘atildi.
Qozog‘iston “Tolibon"ni terrorchilar ro‘yxatidan chiqardi
Qozog‘iston prezidenti Qosim-Jomart Toqayev mamlakat “zamonaviy Afg‘oniston bilan savdo-iqtisodiy hamkorlikni rivojlantirish muhimligi va bu rejim uzoq muddatli omil ekanini anglagan holda” “Tolibon"ni terrorchilar ro‘yxatidan chiqarganini aytdi.
Turizmni rivojlantirish bo‘yicha jamoatchilik kengashi tuziladi
Turizm sohasiga doir yig‘ilishda tadbirkorlar bir qator takliflar ilgari surdi. Soha bo‘yicha dual ta’lim, keksa xorijliklar uchun 6 oylik vizasiz rejim joriy qilish, milliy mehmonxona brendlarini yaratish — shular jumlasidan. Prezident turizmni rivojlantirish bo‘yicha jamoatchilik kengashi tuzishni taklif qildi.
O‘zbekistonda “Tibbiy xizmatlar mehmondo‘stligi” dasturi yo‘lga qo‘yiladi
O‘zbekiston shifoxonalarida o‘tgan yili 60 mingdan ziyod xorijlik davolangan. Prezident ko‘rsatkichni oshirish uchun “Tibbiy xizmatlar mehmondo‘stligi” dasturi boshlanishini e’lon qildi. Endi xususiy klinikalarning xalqaro standart olish xarajatlari qoplanadi, ularda davolangan chet elliklar uchun QQS qaytariladi.
Prezident temiryo‘l va aviachiptalarni safardan kamida olti oy oldin savdoga chiqarish bo‘yicha topshiriq berdi
Turizm masalalariga bag‘ishlangan yig‘ilishda prezident temiryo‘l va aviachiptalarni kamida olti oy oldin sotuvga chiqarishni topshirdi. Shuningdek, chet ellik ijrochilar konsertlarini o‘tkazishga qo‘yiladigan talablarni qayta ko‘rib chiqish va qo‘shni davlatlar bilan chegaradan o‘tish jarayonini osonlashtirish buyurildi.
Toshkent shahri hokimi o‘rinbosari Faxriddin Davrukov ishdan olindi
Prezident o‘tkazgan yig‘ilishda Toshkent shahri hokimining turizm bo‘yicha o‘rinbosari Faxriddin Davrukov lavozimidan ozod etildi. Poytaxt hokimligi turizm masalasida tashabbus bilan chiqmayotgani tanqid qilindi. Bosh vazirga turizm bo‘yicha har bir hokim o‘rinbosari ishiga baho berish topshirildi.
Deputat hukumatdan gazsiz aholi uchun elektr bo‘yicha ijtimoiy normani oshirishni so‘radi
Qator hududlar aholisi gaz bilan ta’minlanmagan va qishda elektrdan isitish uchun foydalanishga majbur bo‘lmoqda, dedi deputat Doniyor G‘aniyev. U hukumatdan qishki davr uchun ijtimoiy normani (hozir oyiga 200 kVt/soat) oshirishni so‘radi. Bosh vazir o‘rinbosari Jamshid Qo‘chqorov masalani o‘rganishga va’da berdi.
Musulmonlar idorasining Fatvo markazi kriptovalyuta savdosidan voz kechishni tavsiya qilgan xabarini o‘chirib tashladi
O‘zbekiston musulmonlari idorasi qoshidagi Fatvo markazi Islomda kriptovalyuta savdosi shariat qonunlari bo‘yicha tovar va pul shartlariga to‘g‘ri kelmasligi sababli taqiqlanganini ma’lum qildi. Keyinroq markaz ushbu postni o‘chirib tashladi va muammo o‘rganish va izlanishni talab qilayotganini aytib, uzr so‘radi.
Qo‘shimcha imkoniyatlardan foydalanish uchun saytda ro‘yxatdan o‘ting