“Yuzlab qalbaki chiptalar aniqlandi”. iTicket.uz — Jah Khalib konsertiga kirishdagi tiqilinch sababi haqida
ITicket.uz Toshkentdagi Humo Arena`da bo‘lib o‘tgan san’atkor Jah Khalib`ning konsertiga ko‘pchilik uchinchi shaxs yoki saytlardan qalbaki chiptalar sotib olgani uchun kira olmaganini ma’lum qildi. Chiptalarni rasmiy manbalar orqali sotib olganlarga pul qaytariladi, dedi kompaniya.
Andijonda erkak konda tosh bosib qolishi oqibatida vafot etdi
Buloqboshi tumanidagi konda 46 yoshli erkakning ustiga tosh yumalab, bosib qoldi. Oqibatda u voqea joyida vafot etdi.
Termiz shahri hokimi tadbirkorni qamatishga uringani aytildi. Hokimlik unga faqat jarima qo‘llanganini bildirdi
Termiz shahri hokimi O‘ktam To‘rayev chiqindi tashish bilan shug‘ullanuvchi korxona rahbarini 15 sutkaga qamatishga uringani xabar qilindi. Hokimlik esa buni rad etib, tadbirkorga chiqindilar o‘z vaqtida yig‘ishtirib olinmagani va shaharni obodonlashtirish qoidalari buzilgani uchun jarima qo‘llanganini bildirdi.
O‘zbekiston 2023-yil Grin kard orqali viza olishda dunyoda 7-o‘rinni egalladi
AQShning Toshkentdagi elchixonasi DV-2023 (Grin kard) dasturi orqali immigratsion vizalarni taqdim etish bo‘yicha dunyoda 7-o‘rinni egalladi. Bu mavsumda lotoreya yutug‘ining 5,5 mingdan ziyodrog‘i o‘zbekistonliklarga chiqqan, berilgan vizalar soni esa 3100 dan ko‘proqni tashkil etgan.
Samarqandda profilaktika inspektorini urib, mashinasi oynalarini sindirgan fuqarolar qamoqqa olindi
Samarqand shahrida janjal bo‘layotgani yuzasidan kelib tushgan chaqiriqqa ko‘ra xonadonga borgan profilaktika inspektori uy egalari tomonidan kaltaklandi. Shuningdek, unga tegishli mashina oynalari sindirildi. Holat yuzasidan jinoyat ishi qo‘zg‘atilib, 2 fuqaro qamoqqa olindi.
Shavkat Mirziyoyev ACWA Power bilan amalga oshirilayotgan 2 ta loyihaga start berdi
Saudiya Arabistonining ACWA Power kompaniyasi bilan Sirdaryo viloyatida 1500 megavatt quvvatli bug‘-gaz elektr stansiyasini tarmoqqa ulash hamda Toshkent viloyatida “yashil vodorod”ni “pilot” tarzda ishlab chiqarish quvvatlarini barpo etish loyihalariga start berildi.
Humo Arena`dagi tartibsizliklarda fuqaro vafot etgani haqida xabar kelib tushmagan — IIBB
Qo‘shiqchi Jah Khalib konserti vaqti Humo Arena majmuasidagi tartibsizliklar vaqtida fuqarolar jarohatlangani va vafot etgani haqida xabarlar tarqaldi. Toshkent shahar IIBB ushbu holatlar bo‘yicha xabar kelib tushmaganini ma’lum qildi va tekshirilmagan ma’lumotlarni tarqatmaslikni so‘radi.
O‘zbekiston va Saudiya o‘rtasida 12 mlrd dollarlik kelishuvlar imzolandi
Saudiya Arabistoni investitsiyalar vaziri Holid al-Falih boshchiligidagi delegatsiya tashrifi doirasida ikki davlat o‘rtasida 12 mlrd dollarlik kelishuvlar imzolandi. Shuningdek, yana 11 mlrd dollarlik loyiha va dasturlarni ilgari surishga kelishildi. Shavkat Mirziyoyev vazirni “Do‘stlik” ordeni bilan taqdirladi.
Hafta o‘rtasida harorat pasaya boshlaydi
O‘zbekistonda 29-noyabr kuni ba’zi joylarda yomg‘ir yog‘adi, shamol kuchayadi. Havo harorati pasayishni boshlaydi va ish haftasining ikkinchi yarmida kechasi +7, kunduzi +15 darajagacha iliq, shimolda kechasi -5 darajagacha sovuq, kunduzi +10 darajagacha iliqni tashkil etadi.
Tadbirkorlar o‘rtasida yong‘in xavfsizligi tanlovi o‘tkaziladi. G‘olib 100 mln so‘m bilan taqdirlanib, 2 yil tekshirilmaydi
2024-yildan tadbirkorlar o‘rtasida “Yong‘in xavfsizligi a’lochisi” tanlovi o‘tkaziladi. G‘olib 100 mln so‘m pul mukofoti bilan taqdirlanadi va uning faoliyati 2 yil davomida davlat yong‘in nazorati organlari tomonidan tekshirilmaydi.
Qashqadaryoda 14 yoshli qizni jinsiy qullikda saqlashda ayblanayotgan ayol qamoqqa olindi
Shahrisabz tumanida 14 yoshli qizni 7 oy davomida jinsiy qullikda saqlab kelgani aytilgan ayol qamoqqa olindi. Ijtimoiy himoya agentligi qiz otasining qaramog‘ida bo‘lgani, onasi esa chet elda ekanini bildirdi. “Inson” ijtimoiy xizmatlar markazi qizning salomatligini tiklash ishlarini olib bormoqda.
O‘zbekistonning Nyu-Yorkdagi yangi bosh konsuli vazifasini bajarishga kirishdi
Jamil Sharapov O‘zbekistonning Nyu-Yorkda bosh konsuli vazifasini bajarishga kirishdi. U shu paytga qadar TIVning Konsullik-huquqiy departamenti direktori o‘rinbosari lavozimida ishlab kelayotgandi.
O‘zbekistonda avtotransport sotuvi bir yil ichida 1,6 baravarga ko‘paydi
O‘zbekistonda oktabr oyi yakuni bo‘yicha barcha avtotransport vositalarining sotuvi 24 foizga o‘sib, 183 mingtani tashkil etdi va o‘tgan yilning oktabr oyiga nisbatan 62 foizga ko‘paydi. Oy davomida qariyb 40 mingta yangi mahalliy avtomobil sotildi, elektromobillar sotuvi esa 26 foizga kamaydi.
Senat tuproqni muhofaza qilish va uning unumdorligini oshirish to‘g‘risidagi qonunni ma’qulladi
Senatorlar ma’qullagan qonunga ko‘ra, tuproqni muhofaza qilish va uning unumdorligini oshirish doir prinsiplar mustahkamlanmoqda. Shuningdek, jismoniy va yuridik shaxslar tomonidan tuproqqa yetkazilgan zararning o‘rni qoplanishini talab qilish huquqi belgilanmoqda.
Namangan viloyatida tez yordam mashinasi YTHga uchrashi oqibatida haydovchi vafot etdi
Chortoq tumani tez tibbiy yordam xizmatining Damas avtomobili qarama-qarshi yo‘nalishdagi Cobalt bilan to‘qnashdi. YTH oqibatida 103 xizmati haydovchisi vafot etdi, uning hamrohi jarohat olib, shifoxonaga yotqizildi.
Milliy gvardiya Toshkentda Jah Khalib konsertiga kirishda yuz bergan tiqilinch va tartibsizliklarga izoh berdi
Toshkentda qozog‘istonlik qo‘shiqchi Jah Khalib konserti bo‘lib o‘tgan Humo Arena majmuasiga kirishda tiqilinch va tartibsizliklar yuz berdi. Milliy gvardiya ma’lumotlariga ko‘ra, mingdan ortiq fuqaro skanerlangan chiptalarni takroran taqdim etgani uchun kiritilmagan. Hozirda tergov harakatlari olib borilmoqda.
Shaxmatchi Afruza Hamdamova 100 mln so‘m bilan mukofotlandi
Italiyada shaxmat bo‘yicha o‘tkazilgan 14 yoshgacha qizlar o‘rtasidagi JCHda g‘alaba qozongan Afruza Hamdamovaga 100 mln so‘m, uning murabbiyiga esa 50 mln so‘m pul mukofoti berildi. Shaxmatchi O‘zbekiston tarixida qizlar orasidagi ilk jahon chempioni hisoblanadi.
Toshkentda aholiga noqulaylik tug‘dirgani aytilayotgan restoran faoliyati vaqtincha to‘xtatildi
Toshkent shahri hokimligi aholi Yakkasaroy tumanidagi “Yalpiz” restoranining dudbo‘ronlari, shovqin va hid bo‘yicha shikoyat qilgani uchun oshxona ishi vaqtincha to‘xtatilganini bildirdi. Restoran vakillarining “Gazeta.uz”ga ma’lum qilishicha, muassasa 3−4 kunga “ta’mirlash ishlari uchun” yopilgan.
Andijonda hokim yordamchisi mahalla faolidan 600 dollar pora so‘ragani aytilmoqda
Jalaquduq tumanida hokim yordamchisi xonadonlarga 38,1 tonna ko‘mir ajratib berish uchun mahalla faolidan 600 dollar pora talab qilgani aytilmoqda. U 7 mln so‘mni olayotganda qo‘lga tushgan.
Toshkentda elektrobus va avtobus to‘qnashdi
Yunusobod tumanidagi bekatlarning birida 51-sonli elektrobus va 2M-sonli King Long avtobusi to‘qnashdi. Yo‘lovchilar orasida jarohat olganlar yo‘qligi va hodisa yuzasidan xizmat tekshiruvi tayinlangani xabar qilindi.
Qo‘shimcha imkoniyatlarga ega bulish uchun saytda ro‘yxatdan o‘ting