MB so‘rovida qatnashganlarning aksariyati sentabrda non va un narxi sezilarli oshganini qayd etdi
Sentabrda O‘zbekistonda sezilgan inflyatsiya darajasi 13,3 foizgacha pasaydi. Daromadi 10 mln so‘mgacha bo‘lgan respondentlarning aksariyati non va un, 10−15 mln so‘m bo‘lganlar benzin va yoqilg‘i, 15 mln so‘mdan yuqori bo‘lganlar esa meva va sabzavotlar narxi sezilarli darajada oshganini qayd etdi.
Toshkentda Braziliya elchixonasi ochilishi mumkin
O‘zbekistonning AQShdagi elchisi Furqat Sidiqov va Braziliyaning AQShdagi elchisi Mariya Viotti uchrashuvida Braziliya hukumati Toshkentda elchixona ochish masalasini o‘rganib chiqayotgani ma’lum qilindi.
Endi tezyurar poyezdlarning chipta narxlari bozor tamoyillari asosida belgilanadi
O‘zbekistonda 2024-yil 1-yanvardan yuqori tezlikda harakatlanadigan va tezyurar poyezdlarda yo‘lovchilarni tashish xizmatlari tariflarini davlat tomonidan tartibga solish amaliyotidan voz kechiladi va ularni bozor tamoyillari asosida tartibga solish mexanizmiga o‘tiladi.
“Ayritom” chegara postida vagon ostiga 2,14 kg opiy yashirilgani aniqlandi
Termizdagi “Ayritom” chegara bojxona postida Afg‘onistondan kirib kelgan yuk poyezdining ostida 2,14 kg opiy yashirilgani aniqlandi.
Ekologiya vazirligi Botanika bog‘ini madaniyat va istirohat bog‘iga aylantirishga qarshi
O‘zbekiston Ekologiya vazirligi Fanlar akademiyasi bilan birgalikda Toshkent botanika bog‘i faoliyatini takomillashtirish bo‘yicha hujjat loyihasini tayyorlaganini ma’lum qildi. Vazirlik uning madaniyat va istirohat bog‘iga aylantirilishini tasdiqlamaydi, deyiladi bayonotda.
10-oktabr kuni O‘zbekistonda sodir bo‘lgan eng muhim voqealar dayjesti
Bolalarga nisbatan zo‘ravonlikka qarshi qonun loyihasi, zilziladan so‘ng Afg‘onistonga yuborilgan insonparvarlik yordami, elektroskuter va samokatlarni davlat ro‘yxatiga olish rejasi, ishdan olingan “Afrosiyob” poyezdi boshlig‘i, Yandex Go atrofidagi yangiliklar va boshqalar — “Gazeta.uz"ning kun dayjestida.
Surxondaryo hokimiga yangi o‘rinbosar tayinlandi
Alisher Amirov Surxondaryo viloyati hokimning qurilish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari bo‘ldi. Bunga qadar u Avtomobil yo‘llari qo‘mitasida boshqarma boshlig‘i lavozimida faoliyat yuritgan.
“Zarafshon” milliy bog‘ida 11 ta noqonuniy bino buzib tashlandi (foto)
Sud qarorlari bilan “Zarafshon” milliy tabiat bog‘i hududidagi 11 noqonuniy bino buzib tashlandi. Ushbu hududdan 39,8 gektar yer ijaraga va qurilish uchun noqonuniy ravishda berilgani haqida avvalroq yozgan edik. Ayni paytda buzilgan binolar o‘rniga daraxtlar ekilmoqda.
Toshkentdagi 14 va 89-sonli avtobuslarning yo‘nalishlari o‘zgaradi
Poytaxtda harakatlanuvchi 14 va 89-sonli avtobuslarning yo‘nalishlariga o‘zgartirish kiritilmoqda.
Olmaliq shahridagi bir nechta xonadonda jo‘mrakdan qon aralash suv keldi
Toshkent viloyati Olmaliq shahrida uy egalari jo‘mrakdan qonli suv kelayotgani, bolalar kasal bo‘lib qolganidan shikoyat qildi. Hokimlikka ko‘ra, holat kushxonadagi oqova suv va ichimlik suvi quvuri teshilgani uchun qo‘shilib ketishi sababli kuzatilgan. Ichimlik suvi quvuri yangilanmoqda, deyiladi xabarda.
O‘zbekiston zilziladan jabr ko‘rgan Afg‘onistonga qariyb 100 tonna insonparvarlik yordami yubordi
7-oktabrdagi kuchli zilzilalardan jabr ko‘rgan Afg‘onistonga O‘zbekistondan qariyb 100 tonna insonparvarlik yordami yetkazildi. Jo‘natma tarkibida oziq-ovqat va birlamchi tibbiy yordam vositalari bor.
“YI O‘zbekiston uchun ezgulik kuchi bo‘lishda davom etadi”. Yevroparlament O‘zbekiston bo‘yicha rezolyutsiya qabul qildi
Yevroparlament O‘zbekiston bo‘yicha rezolyutsiyani qabul qildi, unda mamlakatning yutuq va kamchiliklari, YI tavsiyalari keltirilgan. “YI O‘zbekiston uchun ezgulik kuchi bo‘lishda davom etadi… Shu bilan birga, do‘stlar singari kamchiliklar haqida ochiq gapiramiz”, — dedi Yevroparlament deputatlaridan biri.
Rasmiylar elektroskuter va samokatlar harakatini tartibga solmoqchi. Bu qanday bo‘ladi?
IIV yo‘l harakati qoidalariga elektrosamokat va skuterlar harakatini tartibga soluvchi o‘zgartirishlarni kiritmoqchi. 14 yoshga to‘lmaganlarga ularni boshqarishni taqiqlash taklif qilinmoqda. Ularda piyodalar yo‘laklarida 6 km/soat, yo‘llarda esa 20 km/soat tezlikda harakatlanish mumkin bo‘ladi.
Deputatlar Surayyo Rahmonovani bolalar ombudsmani etib tasdiqladi
Qonunchilik palatasi Surayyo Rahmonovani Oliy Majlisning bola huquqlari bo‘yicha vakili etib tasdiqladi. U avval Bosh prokuratura, AOKA va Senatda ishlagan. Nomzod endi Senat tomonidan tasdiqlanishi kerak.
O‘zgidromet juma kuni ayrim hududlarda kuchli yomg‘ir yog‘ishidan ogohlantirdi
O‘zgidromet juma kuni Toshkent, Samarqand, Jizzax, Sirdaryo viloyatlari va tog‘li hududlarda kuchli yomg‘ir yog‘ishidan ogohlantirdi. Harorat kunduzi +10, kechasi +2 darajagacha pasayishi mumkin.
Aholi va biznesning inflyatsion kutilmalari pasaydi
Sentabr oyida O‘zbekistonda aholi va biznesning inflyatsion kutilmalari pasaydi. Aholi va tadbirkorlarning valyuta kursi o‘zgarishidan xavfsirashi biroz pasaygan, lekin yoqilg‘i va energiya narxi oshishini qayd etgan respondentlar ulushi ketma-ket beshinchi oy oshmoqda.
Sayyohning joyini qo‘shimcha pul evaziga vip klassga o‘zgartirib bergan “Afrosiyob” poyezdi boshlig‘i ishdan olingan
Tarmoqlarda xorijlik sayyohning “Afrosiyob” poyezdidagi joyini ekonom klassdan vip klassga o‘zgartirish uchun poyezd boshlig‘iga qo‘shimcha pul bergani aks etgan video tarqaldi. “O‘ztemiryo‘lyo‘lovchi” kompaniyasi holat iyul oyida sodir bo‘lgani va boshliq ishdan olinganini bildirdi.
“Soliq rezidenti sifatida ro‘yxatdan o‘tmagani bozordagi ustun mavqeini aniqlashga ta’sir etmaydi”. Antimonopoliya qo‘mitasi — Yandex Go haqida
Antimonopoliya qo‘mitasi Yandex Go O‘zbekistonda soliq rezidenti sifatida ro‘yxatdan o‘tmaganiga izoh berib, bu uning bozordagi ustun mavqeini aniqlashga ta’sir etmasligini ma’lum qildi. Qo‘mita tez kunlarda raqamli platforma bo‘lgan agregatorlar xizmatlari bozorining tahlili natijalarini e’lon qilmoqchi.
Farg‘onada 6 ta archani quritib qo‘ygan mahalla raisi jarimaga tortildi
Buvayda tumanidagi “Bumozor” MFY raisi tegishli choralar ko‘rmasdan 5 yoshli 6 ta archa ko‘chatlarini qurib qolishiga olib kelgani uchun 330 ming so‘m miqdorida jarimaga tortildi.
Isroil — Falastin mojarosi. Asosiy yangiliklar
Isroil HAMAS guruhining harakatlariga javoban G‘azo sektorini “to‘liq blokada” qilishga buyruq berdi. Falastin SSV bemorlar ko‘payib ketgan kasalxonalarga shoshilinch tibbiy yordam ta’minotini yetkazib berish uchun xavfsiz yo‘lak ochishga chaqirmoqda.
Qo‘shimcha imkoniyatlardan foydalanish uchun saytda ro‘yxatdan o‘ting