Siyosat
Qashqadaryo va Surxondaryo viloyati hokimlariga o‘rinbosarlar tayinlandi
Toshkent shahar davlat soliq boshqarmasi boshlig‘ining birinchi o‘rinbosari vazifasida ishlab kelayotgan Nodir Erkayev Qashqadaryo viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari lavozimiga tayinlandi. Shuningdek, Surxondaryo viloyati hokimining turizm va sport masalalari bo‘yicha maslahatchisi lavozimida faoliyat yuritayotgan Jo‘rabek To‘rayev viloyat hokimining turizm, sport, madaniyat va ommaviy kommunikatsiyalar masalalari bo‘yicha o‘rinbosari etib tayinlandi.
O‘zbekiston prezidenti amaliy tashrif bilan Turkmanistonda bo‘ladi
O‘zbekiston prezidenti Shavkat Mirziyoyev 29 aprel kuni amaliy tashrif bilan Turkmanistonda bo‘ladi. Davlat rahbarining Turkmaniston prezidentining otasi Malikguli Berdimuhamedov xotirasiga bag‘ishlangan tadbirlarda ishtirok etadi.
Pullar xalqqa borishi kerak, amaldorlarning cho‘ntagiga emas — Tanzila Norboyeva
«Byudjet puli, bu — xalqning puli. Bu xalqqa borishi kerak, qandaydir amaldorlarning cho‘ntagiga borishiga mutlaqo yo‘l qo‘ymaslik kerak. Agar shunday bo‘layotgan bo‘lsa, ularga ayovsiz qonuniy chora ko‘rishni ta’minlashimiz kerak», — dedi Senat raisi Tanzila Norboyeva
O‘zbekiston va Rossiya mudofaa vazirlari strategik hamkorlik dasturini imzoladilar
O‘zbekiston mudofaa vaziri Bahodir Qurbonov va Rossiya mudofaa vaziri Sergey Shoygu Buxoroda 2021−2025 yillarda harbiy sohada strategik hamkorlik dasturini imzoladilar. RF mudofaa vaziri O‘zbekistonga fashizm ustidan erishilgan g‘alabada o‘zbek xalqining hissasi to‘g‘risidagi arxiv hujjatlarini tortiq qildi.
Senat to‘xtash yoki to‘xtab turish qoidalarini buzganlik uchun jarimani kamaytirishni ma’qulladi
Senatorlar haydovchilar tomonidan to‘xtash yoki to‘xtab turish qoidalarini buzganlik uchun jarimalarni kamaytirishni hamda boshqa yo‘l harakati qoidalarini buzishni nazarda tutuvchi qonunni ma’qullashdi.
Erkin iqtisodiy va kichik sanoat zonalari infratuzilmasini yaxshilashga 1,6 trln so‘m ajratiladi
Prezident raisligida o‘tgan yig‘ilishda erkin iqtisodiy va kichik sanoat zonalarida asosiy e’tiborni importni qisqartirib, raqobatdosh mahsulotlarni ishlab chiqarishga qaratish lozimligi ta’kidlandi. Qolaversa, tadbirkorlarni qiynab kelayotgan mauammo — infratuzilma masalalarini hal etish kerakligi aytildi. Buning uchun esa 1,6 trln so‘m mablag‘ ajratilayotgani ma’lum qilindi.
Turizm va sport vaziriga yangi o‘rinbosar tayinlandi
Turizm va sport vazirining ma’naviy-ma’rifiy masalalar va davlat tili bo‘yicha maslahatchisi bo‘lib ishlab kelayotgan O‘tkir Saidov Turizm va sport vazirining ziyorat turizmi bo‘yicha o‘rinbosari etib tayinlandi.
Sadir Japarov — Kampir-Obod suv omborining bir qismi O‘zbekistonga berilishiga qarshi mitinglar to‘g‘risida
«Hozirda faqat muzokaralar boshlangan. Hech qanday hujjat imzolangani yo‘q. To‘rt bosqich o‘tadi, o‘shandan keyingina imzolanadi», — dedi Qirg‘iziston prezideni Sadir Japarov Kampir-Obod suv omborining bir qismi O‘zbekistonga berilishiga qarshi namoyishlar haqida. Uning so‘zlariga ko‘ra, chegaralarni delimitatsiya va demarkatsiya qilish komissiyasi tarkibiga mahalliy aholidan ham kiritish rejalashtirilmoqda.
Yusup Kabuljanov Tashqi ishlar vazirligining rasmiy vakili etib tayinlandi
O‘zbekistoninng Novosibirskdagi bosh konsuli bo‘lib ishlagan Yusup Kabuljanov Tashqi ishlar vazirligining matbuot kotibi va rasmiy vakili etib tayinlandi.
Innovatsion rivojlanish vazirligida o‘zgarishlar amalga oshirildi
Shaxloxon Turdikulova innovatsion rivojlanish vazirining birinchi o‘rinbosari lavozimidan ozod etilib, innovatsion rivojlanish vazirining o‘rinbosari etib tayinlandi. Shuningdek, Olimjon To‘ychiyev innovatsion rivojlanish vazirining o‘rinbosari lavozimidan ozod etildi.
Prezident shu hafta qurilish materiallari sanoatini rivojlantirishga bag‘ishlangan videoselektor o‘tkazadi
Prezident aprel oyining so‘nggi haftasida qurilish materiallari sanoatini rivojlantirishga bag‘ishlangan kengaytirilgan yig‘ilish o‘tkazadi. Uning matbuot kotibi ma’lum qilishicha, yana 3 ta taqdimot o‘tkazilishi hamda Xitoy Raisi Si Szinpin va Turkmaniston prezidenti Gurbanguli Berdimuhamedov bilan muloqoti ham reja qilingan.
«Toshkent namuna bo‘lishi kerak». Prezidentning poytaxtdagi ob’ektlarga tashrifidan fotoreportaj
Prezident Shavkat Mirziyoyev 23 aprel kuni xorijiy mamlakatlar elchilarini qabul qilgach, Toshkentdagi bir qator ob’ektlar, jumladan, Elektr energiyasini hisobga olishni avtomatlashtirish markazi va Texnoparkdagi yangi korxonalarni borib ko‘rdi. Undan keyin esa Yashnobod tumanidagi Parvoz mahallasi aholisi bilan suhbatlashdi. «Toshkent namuna bo‘lishi kerak», — dedi prezident. «Gazeta.uz» fotoreportaji.
Prezident yetti nafar elchining ishonch yorliqlarini qabul qildi
Shavkat Mirziyoyev Bangladesh, Chexiya, Misr, Iordaniya, Turkiya, Rossiyaning yangi elchilari va Yevropa Ittifoqi delegatsiyasi rahbarining ishonch yorliqlarini qabul qilib oldi.
«Rahbarlar korrupsiyaga berilib ketgan». Prezident rahbarlarni oxirgi marta ogohlantirdi
Shavkat Mirziyoyev «juda katta korrupsiyaga berilib ketgan» rahbarlarni oxirgi marta ogohlantirdi. Prezident Samarqand va Andijon misolida mutasaddilarni korrupsiyaga qarshi yetarlicha kurash olib borilmayotgani uchun tanqid qildi.
Iyun oyida O‘zbekiston prezidentining Tojikistonga tashrif buyurishi kutilmoqda
O‘zbekiston prezidenti Shavkat Mirziyoyevning Tojikistonga rasmiy tashrif buyurishi rejalashtirilmoqda. Tashrif iyun oyi o‘rtasida amalga oshirilishi kutilmoqda.
«O‘zbekistonda 12 ta yangi kodeksni ishlab chiqish ustida ishlar ketmoqda» — Akmal Saidov
Xalqaro yuridik forumda Akmal Saidov nutq so‘zlab, yangi O‘zbekistonda yangi huquqiy asoslar yaratila boshlanganini aytdi. Uning fikricha, ilgari nomi aytilmagan tashkilotlarga tegishli qonunlar ham ishlab chiqilgan. U shuningdek, ayni vaqt mamlakatda 18 ta kodeks mavjudligi, yana 12 ta yangi kodeks ishlab chiqish jarayonida ekanligini qo‘shimcha qildi.
«Amaldorlarning ko‘chmas mulklari va mashinalari to‘g‘risidagi ma’lumotlar ochiqlanishi kerak» — adliya vaziri
Ruslanbek Davletov xalqaro yuridik forum ochilishida eskicha ishlashga o‘rgangan ayrim mansabdorlar va tashkilotlar hanuz raqamlashtirishga qarshi ekanini qayd etdi. Ularga qarshi kurashish uchun esa sohalarda ochiqlikni ta’minlash standartlarini yaratish kerakligi aytildi. «Amaldorlarning ko‘chmas mulklari va mashinalari to‘g‘risidagi ma’lumotlar ochiqlanishi kerak», — deya qo‘shimcha qildi vazir.
Ichki ishlar vaziriga yangi o‘rinbosarlar tayinlandi
Azizbek Ikramov Ichki ishlar vazirining o‘rinbosari — kadrlar bilan ishlash departamenti boshlig‘i lavozimiga tayinlandi. Milliy gvardiya qo‘mondonining birinchi o‘rinbosari B.Abdullayev IIV jamoat xavfsizligi departamenti boshlig‘i, vazir o‘rinbosari etib tayinlandi.
Qirg‘iziston aholisi O‘zbekiston bilan yer almashish bo‘yicha kelishuvlardan norozi
Qirg‘izistonning O‘sh viloyati aholisi rasmiylarning Kampir-Obod suv ombori yaqinidagi 50 gektar maydonni O‘zbekistonga berish rejalariga qarshi chiqishmoqda. Ular bilan uchrashgan Milliy xavfsizlik davlat qo‘mitasi rahbari Qamchibek Tashiyev yana muzokaralar uchun Toshkentga borishga va’da berdi.
Deputatlar uchastka nozirlari vakolatlarini kengaytirish to‘g‘risidagi qonun loyihasini ma’qullashmadi
Qonunchilik palatasi profilaktika inspektorlariga elektr energiyasi, issiqlik va gazdan foydalanish qoidalarini buzganlik uchun jarima solish huquqini beruvchi qonun loyihasini rad etdi. Deputatlarning fikriga ko‘ra, bu uchastka nozirlari asosiy ishidan tashqari ularning ish ko‘lami ortishiga, manfaatlar to‘qnashuvi, korrupsion holatlar ko‘payishiga sabab bo‘lishi mumkin.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting