Siyosat
Prezident yil oxirigacha raqamli iqtisodiyot sohasida keskin o‘zgarish qilish topshirig‘ini berdi
Prezident yil yakuni bo‘yicha har bir tarmoq va hudud rahbari raqamli iqtisodiyot sohasida keskin o‘zgarish qilishi zarurligini aytdi. Bu yangilanishlar odamlarning hayoti, byurokratiya va korrupsiyaning kamaygani va davlat xizmatlarini ko‘rsatish tezlashganida sezilishi lozimligi ta’kidlandi.
G‘olibsher Ziyayev O‘zkomnazorat boshlig‘i bo‘ldi
Bosh vazir qabulxonalari kotibiyati mudiri bo‘lib ishlagan G‘olibsher Ziyayev Axborotlashtirish va telekommunikatsiyalar sohasida nazorat bo‘yicha davlat inspeksiyasi boshlig‘i etib tayinlandi.
MSK Jo‘qorg‘i Kengesga o‘tkazilgan saylov yakunlarini e’lon qildi
Qoraqalpog‘istonda Jo‘qorg‘i Kengesning bo‘shab qolgan o‘rinlarga o‘tkazilgan deputatlar saylovi yakuniga yetdi. Qoraqalpoq parlamentidagi beshta vakant o‘rinni har bir partiyadan bir nafardan nomzod band qildi.
Prezident O‘ktam Barnoyevning oilasiga hamdardlik bildirdi
«O‘ktamjon olijanob, zabardast, fidoyi, vatanparvar, o‘rnak olishga arzigulik inson edi». Shavkat Mirziyoyev yaqinda vafot etgan bosh vazir o‘rinbosari O‘ktam Barnoyevning xonadoniga tashrif buyurib, uning oilasiga hamdardlik bildirdi.
Parkent tumani hokimligi Captiva sotib olgani yuzasidan Bosh prokuraturaga so‘rovnoma yuborildi
Parkent tumani hokimligi hokimning o‘g‘li tasischi bo‘lgan kompaniyadan Captiva avtomobili xarid qilgan. Toshkent viloyati matbuot xizmatining tushuntirishicha, kompaniya mashina hokimlikka 2019 yilda topshirgan, lekin hokimiyatda yetarli mablag‘ bo‘lmaganligi bois pul o‘tkazmalarini keyinroq amalga oshirishga rozilik bergan. Korrupsiyaga qarshi kurashish agentligi holat yuzasidan Bosh prokuraturaga so‘rovnoma yubordi.
Toshkent shahar IIBB boshlig‘ining birinchi o‘rinbosari o‘zgardi
Toshkent shahar IIBB boshlig‘ining birinchi o‘rinbosari Ulug‘bek Tursunov o‘z lavozimidan ozod etildi. Uning o‘rniga Qo‘qon shahar IIO FMB boshlig‘i Muhiddin Jo‘rayev tayinlandi. Jo‘rayev oldinroq ichki ishlar vazirining o‘rinbosari sifatida faoliyat yuritgan.
Bosh vazir o‘rinbosari O‘ktam Barnoyev vafot etdi
Bosh vazir o‘rinbosari O‘ktam Barnoyev vafot etdi. Avvalroq unga koronavirus tashhisi qo‘yilgan edi. Siyosatchi oxirgi vaqtlarda Germaniyada davolanayotgan bo‘lgan.
Sherzod Xabibullayev O‘zgidromet rahbari bo‘ldi
«Yergeodezkadastr» davlat qo‘mitasi raisi o‘rinbosari bo‘lib ishlagan Sherzod Xabibullayev O‘zgidrometning yangi rahbari bo‘ldi.
Abdulla Aripov va Ochilboy Ramatov kuz-qish mavsumiga tayyorgarlik uchun mas’ul etib biriktirildi
Prezident kuz-qish mavsumiga tayyorgarlik uchun bosh vazir Abdulla Aripovni Toshkent tumanlariga, bosh vazirning birinchi o‘rinbosari Ochilboy Ramatovni esa viloyatlarga mas’ul etib biriktirdi. Tayyorgarlik ishlarini, eng avvalo, bu borada ahvol og‘ir bo‘lgan 56 ta tuman va shahardan boshlash kerakligi ta’kidlandi.
Ayrim tumanlar hokimi va birinchi o‘rinbosarlari pul mukofoti, ayrimlari esa hayfsan oldi
2020 yilning birinchi yarmida sanoat mahsulotlarini ishlab chiqarishda o‘sishni ta’minlagani uchun ayrim tumanlar hokimlari va ularning birinchi o‘rinbosarlariga 10 mln va 8 mln so‘mdan mukofot tayinlandi. O‘sishni ta’minlay olmagan rahbarlarga esa hayfsan e’lon qilindi.
Hisob palatasi raisi o‘rinbosarlari tayinlandi
Bahodir Turobov Hisob palatasi raisining birinchi o‘rinbosari, bosh prokuror o‘rinbosari bo‘lib ishlagan Saidlaziz Saidkarimov esa rais o‘rinbosari etib tayinlandi.
«Biz O‘zbekiston uchun tahdid paydo bo‘lishiga yo‘l qo‘ymaymiz» — «Tolibon» idorasi rahbari
«Kelgusida Afg‘oniston tomonidan O‘zbekiston yoki Markaziy Osiyodagi boshqa mamlakatlarga xavf, tahdid paydo bo‘lishiga yo‘l qo‘ymaymiz», — deya ma’lum qildi «Tolibon» harakatining Doxadagi siyosiy idorasi rahbari Mulla Abdul G‘ani Baradar. Afg‘onlararo muzokaralarning navbatdagi raundlaridan birini Samarqandda o‘tkazish taklif qilindi.
Uchta hududda suv tejovchi uskunalar ishlab chiqaradigan korxonalar tashkil etiladi
Prezident Samarqand, Toshkent va Namangan viloyatlarida suv tejovchi texnologiyalar uchun uskunalar ishlab chiqaradigan korxonalar tashkil etish vazifasini qo‘ydi. Shuningdek, suv sarfini kamaytirish maqsadida dalalarni lazer yordamida tekislash texnologiyasi joriy etiladi. Buning uchun 250 mlrd so‘m miqdorida kredit mablag‘lari ajratiladi.
Arnasoy tumani hokimi o‘zgardi
Sharof Rashidov tumani prokurori lavozimida ishlab kelayotgan Xurshid Alimardonov Arnasoy tumani hokimi etib tayinlandi.
Qishloq xo‘jaligi vaziriga yangi o‘rinbosarlar tayinlandi
Geodezkadastr davlat qo‘mitasi rahbari o‘rinbosari bo‘lib ishlagan Maqsud Ro‘zmetov, «Agrobank» boshqaruvi raisi o‘rinbosari Shuhrat Mirzayev va Agrar universitet rektori Botirjon Sulaymonov qishloq xo‘jaligi vaziri o‘rinbosarlari etib tayinlandi. Amaldagi vazir o‘rinbosari Saidkamol Xodjayev bir vaqtning o‘zida Oziq-ovqat sanoatini rivojlantirish bosh boshqarmasini boshqaradi. Majlisni Prezident Administratsiyasi rahbari Zaynilobiddin Nizomiddinov olib bordi.
Elektr va gaz iste’moli hisobini yuritish va nazorat qilish bo‘yicha onlayn tizim yaratiladi
O‘zbekistonda elektr energiyasi va tabiiy gazni hisobga olish va nazorat qilish bo‘yicha yaxlit onlayn tizim yaratiladi. Bu maqsadlar uchun qariyb 1,2 milliard dollar mablag‘ yo‘naltirilmoqda. «Bu mablag‘larning natijadorligi va qaytimi faqatgina hisoblagichlarni o‘rnatish bilan hal bo‘lib qolmaydi. Iste’molchi sarf qilgan energiya resursi hajmini bilish bilan tizimdagi yo‘qotishlar va o‘g‘irliklarga chek qo‘yib bo‘lmaydi», — deya ta’kidladi prezident Shavkat Mirziyoyev.
O‘zbekiston va Shveysariya Gulnora Karimova mablag‘larini qaytarish shartlarini kelishishdi
O‘zbekiston va Shveysariya Gulnora Karimova hisoblaridan musodara qilingan pul mablag‘larini qaytarish shartlari bo‘yicha kelishuvga erishishdi. Mablag‘lar «xalq hayotini yaxshilashga sarflanishi», jarayon esa shaffoflik va hisobdorlik tamoyillari asosida tashkil etilishi lozim.
Bir qator hududlarning chegaralari o‘zgartirildi
Toshkent shahri tarkibida Yangihayot, Namangan shahri tarkibida Davlatobod tumanlarini tashkil etish to‘g‘risidagi Oliy Majlis Senati qarorlari tasdiqlandi.
Sug‘urta polisi yonida bo‘lmagan haydovchilarning transport vositalarini ushlab turish tartibi bekor qilinadi
Senat Ma’muriy javobgarlik to‘g‘risidagi Kodeksining 291-moddasiga kiritilayotgan o‘zgartishni ma’qulladi. Unga ko‘ra, qonun kuchga kirgach, transport vositalari egalarining fuqarolik javobgarligini majburiy sug‘urta qilish bo‘yicha sug‘urta polisi yonida bo‘lmagan haydovchilar transport vositalarini boshqarganda ularning avtotransport vositalarini ushlab turish tartibi bekor qilinadi.
Nogironligi bo‘lgan shaxslar uchun «to‘siqsiz muhit»ni shakllantirishimiz lozim — Senat raisi
Senat «Nogironligi bo‘lgan shaxslarning huquqlari to‘g‘risida"gi Qonunni ma’qulladi. Parlament yuqori palatasi raisi Tanzila Narbayeva mazkur yo‘nalishda amalga oshirilishi zarur bo‘lgan jihatlarga urg‘u berdi.
Qo‘shimcha imkoniyatlardan foydalanish uchun saytda ro‘yxatdan o‘ting