Siyosat
Hokimlar 2024-yildan boshlab mahalliy kengashlarga rais bo‘lolmaydi
Hokimlarga mahalliy kengash raisi lavozimini egallashi taqiqlanmoqda. Toshkent shahri va viloyatlar miqyosida bu jarayon 2024-yildan, tuman va shaharlarda esa 2026-yildan boshlanadi. Bunda vazifalar takrorlanishining oldi olinishi, hokimlar ustidan ta’sirchan nazorat o‘rnatilishi ko‘zda tutilgan.
Mirziyoyev Erdog‘anga prezidentlik saylovida muvaffaqiyat tiladi
Shavkat Mirziyoyev Turkiya prezidenti Rejep Tayyip Erdog‘an bilan telefon orqali muloqotda unga bo‘lajak saylovda muvaffaqiyat tiladi. Erdog‘an ham O‘zbekiston rahbarini umumxalq referendumi muvaffaqiyatli o‘tgani bilan tabrikladi.
Shavkat Mirziyoyev Olaf Shols bilan muzokaralar o‘tkazdi
O‘zbekiston prezidenti Berlinda Germaniya federal kansleri Olaf Shols bilan muzokaralar o‘tkazdi. Tashrif davomida turli sohalarga oid 16 ta hukumatlararo va idoralararo hujjat imzolandi.
“Yaxshi tayyorgarlik ko‘rilgan, lekin plyuralizm bo‘lmadi”. YeXHT DIIHB — referendum jarayoni haqida
O‘zbekistonda referendumga puxta tayyorgarlik ko‘rilgan, biroq kampaniyada plyuralizm bo‘lmadi, deya ma’lum qildi YeXHT DIIHB monitoring missiyasi. Missiyaning dastlabki hisobotida aytilishicha, OAV saylovchilarga “xolis, muvozanatli va tanqidiy ma’lumot” yetkazib bera olmagan.
Favqulodda vaziyatlar vaziriga o‘rinbosarlar tayinlandi
O‘zbekiston prezidentining tegishli qarorlari bilan Sanjar Zuparov (suratda) favqulodda vaziyatlar vazirining birinchi o‘rinbosari, Muxtar Muxitdinov va Xurshid Alibayev esa o‘rinbosarlari etib tayinlandi.
Navoiy viloyati hokimiga o‘rinbosar tayinlandi
Investitsiyalar va tashqi savdo vazirligi boshqarmasida ishlab kelgan Islomiddin Norimov Navoiy viloyati hokimiga o‘rinbosar etib tayinlandi.
Namangan viloyati hokimiga birinchi o‘rinbosar tayinlandi
Akramjon Abduxamidov Namangan viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari etib tayinlandi.
Furqat Sidiqov AQSh prezidentiga ishonch yorliqlarini topshirdi
O‘zbekistonning AQShdagi elchisi Furqat Sidiqov prezident Jo Baydenga ishonch yorliqlarini topshirdi. “Xalqlarimiz o‘rtasidagi do‘stlik va hamkorlikni mustahkamlash, strategik sherikligimizni yanada mustahkamlashga intilaman”, — deydi diplomat.
Yangi tahrirdagi Konstitutsiya 1-maydan kuchga kirdi
O‘zbekiston Konstitutsiyasining yangi tahriri 1-maydan kuchga kirdi. U 6 bo‘lim, 27 bob va 155 ta moddadan iborat bo‘ladi.
Senatning qirqinchi yalpi majlisi 3-may kuni chaqiriladi
Oliy Majlis Senatining qirqinchi yalpi majlisi 3-may kuni chaqiriladi. Unda tadbirkorlarning pul mablag‘lari daxlsizligini ta’minlash, xodimlarni kasbiy xavf-xatardan himoya qilish hamda Tojikiston bilan havo hududi va aerodromlardan foydalanish bitimi to‘g‘risidagi qonunlar ko‘rib chiqiladi.
O‘zbekiston BMTning Rossiya tajovuzkorligi qayd etilgan rezolyutsiyasiga ovoz berishda betaraf qoldi
BMT Bosh assambleyasining Yevropa kengashi bilan hamkorligi to‘g‘risidagi rezolyutsiya 122 ta ovoz bilan qabul qilindi, unda Rossiyaning Ukrainaga qarshi tajovuzkorligi tilga olingan. Qozog‘iston, Xitoy va Turkiya rezolyutsiyani qo‘llab-quvvatladi, O‘zbekiston, Qirg‘iziston va Tojikiston betaraf qoldi.
Referendumda qatnashganlarning 90,21 foizi yangi tahrirdagi Konstitutsiyani yoqlab ovoz berdi
Dastlabki ma’lumotlarga ko‘ra, yakshanba kuni bo‘lib o‘tgan referendumda saylovchilarning 84,54 foizi ishtirok etdi, dedi MSK raisi Zayniddin Nizomxo‘jayev. Konstitutsiyaga o‘zgartirish kiritishni yoqlab saylovchilarning 90,21 foizi ovoz berdi, 9,35 foizi qarshi chiqdi.
MSK referendum urnasiga ko‘plab qog‘ozlar qo‘shilgani aks etgan videoga izoh berdi
Toshkent shahridagi 649-referendum uchastkasidan olingan videolarda urnaga ko‘plab qog‘ozlar qo‘shilgani e’tiborni tortdi. Markaziy saylov komissiyasi bu muddatidan oldin ovoz berishdan olingan byulletenlarni qo‘shishning standart tartibi ekanini ma’lum qildi.
Foto: Referendumga borgan keksalar, bolalar va kelin-kuyovlar
O‘zbekistonda 30-aprel kuni yangi tahrirdagi Konstitutsiyaga ovoz berish bo‘yicha umumxalq referendumi bo‘lib o‘tdi. “Gazeta.uz” ovoz berish jarayonida qatnashgan keksalar, bolalar va kelin-kuyovlar suratlarini jamladi.
Prezident ovoz bergan uchastkada ovozlarni sanash jarayoni qanday kechdi?
O‘zbekistonda 30-aprelda Konstitutsiyaning yangi tahriri bo‘yicha referendum bo‘lib o‘tdi. 8:00 da ochilgan referendum uchastkalari 20:00 ga qadar ovozlarni qabul qildi. “Gazeta.uz” ayrim uchastkalarda, xususan, prezident Shavkat Mirziyoyev ovoz bergan joyda byulletenlarni sanash jarayonini kuzatdi. Foto, video.
Oliy ta’lim vazirligi talabalarni saylov huquqlari buzilgani haqida xabar berishga chaqirdi
Oliy ta’lim vazirligi universitetlar ma’muriyatlari talabalarni referendumda ovoz berishga majburlayotgani haqidagi xabarlarga munosabat bildirdi. Vazirlik talabalarni huquqlari buzilgan taqdirda, huquq-tartibot idoralariga murojaat qilishga chaqirdi.
16 ta byulletenni to‘ldirgan ayol buni o‘zboshimchalik bilan amalga oshirgan — MSK
Markaziy saylov komissiyasi uchastka komissiyasi a’zosi ketma-ket bir nechta saylov byulletenining “Ha” katakchasiga belgi qo‘ygani aks etgan videoga munosabat bildirdi. MSKning ma’lum qilishicha, u o‘zboshimchalik bilan 16 ta byulletenni oila a’zolari nomidan to‘ldirgan. Tergovga prokuratura jalb qilingan.
Referendum: Soat 17:00 holatiga ovoz berganlar ulushi 81,39 foizga yetdi
Referendumda ovoz berganlar ulushi 17:00 holatiga 81,39 foizga yetdi, deya ma’lum qildi MSK vakili Bahrom Qo‘chqorov. U ovoz berish natijalariga ta’sir ko‘rsatmaydigan qonun buzilishi holatlari borligini tan oldi, ayni vaqtda qonunbuzarliklar haqidagi xabarlar orasida haqiqatga zidlari ham borligini aytdi.
Referendum uchun ro‘yxatga olingan o‘zbekistonliklarning 73,17 foizi ovoz berib bo‘ldi
Eng yuqori faollik Sirdaryo, Andijon va Farg‘ona viloyatlarida kuzatilmoqda — soat 15:00 holatiga qariyb 80 foiz fuqaro ovoz berib bo‘ldi. Vladivostok, Tokio, Seul, Kvangjuda ovoz berish yakuniga yetdi. MSK internetda berilayotgan qonun buzilishi holatlari haqidagi xabarlarga munosabat bildirdi.
Bosh prokuratura referendumdagi qonun buzilishi holatlari haqida xabar berishni so‘radi
O‘zbekiston bosh prokurori o‘rinbosari Shohrux Aminov jurnalistlar va kuzatuvchilarni ehtimoliy qonun buzilishi holatlari haqida xabar berishga chaqirib, aynan qanday holatlar qonun buzilishi deb hisoblanishini eslatib o‘tdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting