Sardoba hamda Mirzaobod tumanlari tajribasi asosida besh qavatli uylar loyihasi ishlab chiqildi. Xonadonlar joylashuvi va xonalar ichki maydonini maqbullashtirish, qurilish materiallarini loyihaga mos o‘lchamda ishlab chiqish hamda hovli va yo‘laklarga sensorli elektr chiroqlari o‘rnatilishi hisobiga uylarning narxi 30 foizgacha arzonlashishi ta’kidlandi.
O‘zbekistonda 2021 yil 1 martga qadar Milliy o‘quv dasturini ishlab chiqish rejalashtirilmoqda. Tegishli prezident farmoni loyihasida o‘quv rejasini takomillashtirish, umumiy haftalik o‘quv yuklamasini kamaytirish va o‘zaro uzviy bog‘liq fanlarni birlashtirish ko‘zda tutilgan. OTMga kirish testlariga abituriyentlarning mantiqiy fikrlashi va talabalikka tayyor ekanini baholovchi kompetensiyaviy testlar kiritilishi mumkin.
Shavkat Mirziyoyev orqada qolayotgan korxonalar faoliyatini tanqid qildi va yaratilgan imkoniyatlardan foydalanmayotgan tarmoqlar va hududlar rahbarlari ishdan bo‘shatilishi va sudga tortilishi haqida ogohlantirdi. Uning so‘zlariga ko‘ra, «Korrupsiya bilan oldingi tizim ko‘plarga ma’qul. Bo‘lmaydi boshqa». Prezident, shuningdek, davlat korxonalari bilan O‘zbekiston o‘z maqsadlariga erisha olmaydi, deb hisoblaydi.
Davlat bojxona qo‘mitasining xabar berishicha, bank sirlari to‘g‘risidagi qonunga qo‘shimcha kiritishdan maqsad tashqi iqtisodiy faoliyat ishtirokchilariga nisbatan bojxona nazoratining soddalashtirilgan shakllarini qo‘llash va yashirin iqtisodiyot ulushini kamaytirishdir.
Kuzda Bishkekda o‘tkazilishi rejalashtirilgan Markaziy Osiyo davlatlari rahbarlarining uchinchi maslahat uchrashuvi koronavirus pandemiyasi sababli 2021 yilga qoldirildi. Uchrashuv Turkmanistonda o‘tkazilishi mumkin.
Fanlar akademiyasi vitse-prezidenti Bahrom Abduhalimov «Adolat» sotsial-demokratik partiyasi siyosiy Kengashi raisi etib saylandi.
Samarqanddagi ikkita ko‘chaga turli yillarda Samarqand viloyati hokimi bo‘lgan Azamxon Bahromov va O‘ktam Barnoyev nomlarini berish taklif qilindi.
«Kiberxavfsizlik markazi» DUK direktori o‘rinbosari bo‘lib ishlagan Olimjon Mirzayev madaniyat vaziri o‘rinbosari etib tayinlandi.
Mart oyidan beri O‘zbekiston prezidenti Davlat xavfsizlik xizmati raisi sifatida ishlab kelayotgan Bahodir Toshmatov prezident huzuridagi Xavfsizlik Kengashi kotibi o‘rinbosari etib tayinlandi.
Markaziy bank asosiy stavkani yillik 14 foiz, inflyatsiyaning yil yakuni bo‘yicha prognozini yillik 11−12,5 foiz darajasida o‘zgarishsiz qoldirdi.
Mash’al Tojiboyev Xonobod shahar hokimi lavozimiga tasdiqlandi
9 oyda 55 ta hududiy loyiha ijrosi kechikkan, 144 ta loyihada ishlab chiqarish hajmi ta’minlanmagan. Oqibatda 720 mlrd so‘mlik mahsulot tayyorlash imkoniyati yo‘qotilgan. Davlat rahbari qolgan 3 oyda $7 mlrdlik 80 ta tarmoq va 44 ta hududiy loyihani ishga tushirish muhimligini ta’kidladi.
IIV YHXBB 16 yoshdan mashina boshqarishga ruxsat berish taklifi bo‘yicha bayonot berdi. YHXBB yoshlar bu vaqtda o‘qishini davom ettirishi, boshqa ishlar bilan chalg‘imasligi kerakligini ma’lum qildi. Boshqarma ma’lumotlariga ko‘ra, 9 oy davomida haydovchilik guvohnomasini olganiga 2 yil bo‘lmagan haydovchilar tomonidan 612 ta YTH sodir etilgan, ularning oqibatida 191 kishi vafot etgan, yana 571 nafari tan jarohatlari olishgan.
Covuq qurol sifatida foydalanilishi mumkin bo‘lgan ashyolarni g‘ilofsiz olib yurgan fuqarolar jarimaga tortiladi. Jarima miqdori BHMning bir baravarigacha etib belgilanadi.
Senat raisi Tanzila Narbayeva mutasaddilarda byudjetga qo‘shimcha manbalar aniqlash borasida tashabbuskorlik, izlanish yo‘qligi, ayrim hollarda ularning moliyaviy savodxonligi yetishmasligini tanqid qildi. Shuningdek, muhim ko‘rsatkichlarni qo‘shib yozish illatiga to‘liq barham berilmaganiga e’tibor qaratdi.
Senatorlar «Qimmatbaho metallar va qimmatbaho toshlar to‘g‘risida"gi qonunni uning ayrim moddalari talablarga mos kelmasligi sababli rad etishdi.
«Davlat tilining obro‘-e’tibori — butun xalq, butun jamiyatning obro‘-e’tiboridir». Prezident Shavkat Mirziyoyev O‘zbekiston xalqini bu yil birinchi marta nishonlanayotgan O‘zbek tili bayrami bilan tabrikladi.
Senatning sakkizinchi yalpi majlisida Boriy Alixonov Orolbo‘yi mintaqasini rivojlantirish masalalari qo‘mitasiga, Narimon Umarov esa Sud-huquq va korrupsiyaga qarshi kurashish qo‘mitasiga rais bo‘ldi.
Qoraqalpog‘iston Respublikasi Jo‘qorg‘i Kengesi raisi Murat Kamalov prezident taqdimnomasiga ko‘ra Oliy Majlis Senati raisi o‘rinbosarligiga saylandi.
Boriy Alixonov va Narimon Umarovning deputatlik vakolatlari tugatilib, prezident farmoniga asosan Senat a’zolari ro‘yxatiga kiritildi.
Qo‘shimcha imkoniyatlardan foydalanish uchun saytda ro‘yxatdan o‘ting