Samarqandda ilk bor restavratorlar uchun seminar o‘tkazilmoqda.Tadbirda bosh vazir o‘rinbosari Aziz Abduhakimov O‘rta Osiyo restavratorlari qurultoyini tashkil etishni taklif qildi. Shuningdek, «Madaniy meros obyektlari direksiyasi»ning mintaqaviy restavratsiya markazlari tashkil etilayotgani qayd etildi.
Yaponiyaning «All Nippon Airlines» aviakompaniyasi O‘zbekistonning turistik shaharlari (Samarqand, Buxoro, Urganch) ga parvozlarni yo‘lga qo‘yishni taklif etdi. Shuningdek, tomonlar Tokio va Osaka shaharlaridan Samarqand shahriga charter dasturlarini amalga oshirishga kelishib oldi.
5 oktabr kuni ta’mirlash ishlari sabab poytaxtda Mirobod, Bektemir, Chilonzor tumanlarining turli ijtimoiy obyektlari va ishlab chiqarish korxonalari tabiiy gazdan uziladi. Toshkent viloyatining ayrim tumanlarida 45 mingga yaqin aholi xonadonlariga vaqtincha tabiiy gaz yetkazib berilmaydi.
Til haqidagi qonunga ko‘ra, avvaliga ko‘pgina idoralar chindan ham davlat tilida ish yurita boshladi. Biroq nazorat susaygach, tashkilotlar buni yig‘ishtirib qo‘ydi. Oqibatda bugungi kunda ham ko‘p farmoyishlar, buyruqlar, ko‘rsatmalar rus tilida tayyorlanyapti. Ozod Sharofiddinovning 2004 yildagi maqolasidan parcha.
Xalq deputatlari Toshkent shahar Kengashi 2022/2023 yillar isitish mavsumi uchun issiqlik ta’minoti xizmatlari tariflarini tasdiqladi. Unga ko‘ra, aholi va tadbirkorlar uchun tariflar 2019 yilda belgilangan tarifda o‘zgarishsiz qoladi.
Hukumat qarori bilan respublikadagi barcha tibbiyot oliygohlari bitiruvchilariga to‘liq stavkagacha ishlashga ruxsat beriladi. SSV shifokorlarga bo‘lgan ehtiyojni aniqlaydi va 1 oktabrdan Surxondaryo viloyatida, 1 noyabrdan esa barcha hududlarda talabalarni vakant o‘rinlarga ishga joylashtiradi.
Chorshanba kuni O‘zbekistonning sharqida shamol tezligi 7−12 m/s, shimol, janub va cho‘l hududlarida esa 15−18 m/s gacha kuchayadi. Ayrim joylarda chang to‘zonlari kuzatilishi mumkin. O‘zgidromet mamlakat bo‘ylab yog‘ingarchilik kutilmayotganini ma’lum qildi.
Vengriya prezidenti bilan muzokara o‘tkazgan Shavkat Mirziyoyev, Chirchiqdagi zavodda yuz bergan portlash, yagona maktab formasi majburiy bo‘lmasligiga oid hukumat qarori, OTMlarda masofaviy ta’lim tartibi, yaqin qarindoshlar o‘rtasidagi nikohni taqiqlash taklifi va boshqalar — «Gazeta.uz»ning kun dayjestida.
OTMlarda masofaviy ta’lim orqali o‘qish tartibi belgilandi. Bunda bir bakalavriat ta’lim yo‘nalishida talabalar soni 300, bir magistratura mutaxassisligida esa 30 nafardan oshmaydi. Talabalar LMS platformasida ro‘yxatdan o‘tishi va har semestr yakunida imtihon uchun OTMga borishi shart.
Talabalarga dekabrning oxirgi 10 kunligi va yanvarning birinchi 10 kunligi oralig‘ida har yilgi 2 haftalik qishki ta’til beriladi. Ta’til shu paytgacha 1992 yildagi prezident farmoni bilan berilgan. 2022 yil 31 avgustda u o‘z quchini yo‘qotgandan so‘ng, bu borada Vazirlar Mahkamasi qarori qabul qilindi.
Hukumat qarori bilan 2022/2023 o‘quv yilidan boshlab maktablarda o‘quvchilar uchun yagona maktab formasini joriy etish rasman bekor qilindi. O‘zbekistonda yagona majburiy maktab formasini joriy etish besh yildan buyon keng jamoatchilik noroziliklari tufayli amalga oshmay kelmoqda.
Oila va xotin-qizlar ilmiy-tadqiqot instituti O‘zbekistonda oilalarning baxtlilik indikatorini ishlab chiqmoqda. Unda o‘zbek millatining xarakteri va turmush darajasi inobatga olindi. Qolaversa, Fransiya, Indoneziya, Butan kabi davlatlarda joriy qilingan indekslar tahlil qilindi.
Toshkentdagi avtobuslarning 54% yo‘lovchilari yo‘lkirani naqd shaklda to‘lashda davom etmoqda. Metroda esa bu raqam 61%ni tashkil qilmoqda. «Gazeta.uz» nima uchun odamlar naqd pulsiz to‘lov shakliga o‘tishni istamasligi va muammoni qanday hal etish mumkinligini o‘rganishga harakat qildi.
17 oktabrdan Toshkent-Samarqand-Toshkent yo‘nalishida qatnovchi «Afrosiyob» tezyurar poyezdi Dashtobod bekatida ham to‘xtab o‘tadi. Shu maqsadda, poyezd bekatida chiptaxona va kutish zali tashkillashtiriladi. Ushbu stansiya turistlar uchun jozibali bo‘lgan Zomin tumanida joylashgan.
«Gazeta.uz» «O‘zbek tili oyligi» doirasida 1990 yillarda turli nashrlarda chop etilgan maqolalarni berishda davom etadi. O‘sha yillari Zoir Ziyoning «o‘zbek tili to‘la mustaqillikka erishishi lozim», degan gapi bugun ham o‘z dolzarb. «Bu ishda tilshunoslarimiz faollik ko‘rsatishi kerak», — degandi u.
2022 yilda maktabni bitirgan 295 393 nafar o‘quvchi OTMga hujjat torshirdi. Ularning 85 869 nafari (23%) talaba bo‘ldi. Bu ko‘rsatkich 2021 yilga nisbatan 4 foizga, 2020 yilga nisbatan 12 foizga oshgan. O‘quvchilari o‘tish balini to‘play olmagan 519 ta umumta’lim maktabi alohida nazoratga olindi.
9 oyda O‘zbekistonda xotin-qizlarga tazyiq va zo‘ravonlik holatlarining 27 mingdan ortig‘i — oilada, 3 mingdan ortig‘i — ko‘chada, 1 mingdan ortig‘i — jamoat joyida sodir etildi, deya ma’lum qildi Oila va xotin-qizlar qo‘mitasi. Jami 32 mingdan ortiq xotin-qizlarga himoya orderlari berildi.
«O‘zkimyosanoat» kompaniyasi «Maxam Chirchiq» zavodida avval portlash bo‘lgani, keyin buning natijasida yong‘in yuzaga kelgani, atrof-muhitga zararli gazlar tarqalmaganini ma’lum qildi. Voqea joyiga energetika vaziri yetib bordi. Portlash oqibatida zavodning ikki xodimi jarohatlangani aytilmoqda.
Oila kodeksida yon shajara bo‘yicha qarindoshlar o‘rtasidagi nikohni taqiqlash taklif etilmoqda. 2021 yilning ikkinchi yarmida respublika bo‘yicha jami 1210 ta yaqin qarindoshlar (529 ta — xolavachcha, 307 ta — tog‘avachcha, 178 ta — amakivachcha, 196 ta — ammavachcha) o‘rtasida nikoh holatlari qayd qilingan.
Seshanba tongida Chirchiq shahridagi «Maxam Chirchiq» kimyo mahsulotlari ishlab chiqaruvchi zavodda yong‘in yuzaga keldi va portlash sodir bo‘ldi. Viloyat hokimligi ayni vaqtda FVV va huquq-tartibot idoralari yong‘inni o‘chirish choralarini ko‘rayotganini ma’lum qildi.
Qo‘shimcha imkoniyatlarga ega bulish uchun saytda ro‘yxatdan o‘ting