Jahon
Tehronda talaba qiz norozilik sifatida ko‘chaga ichki kiyimda chiqdi
Eron poytaxtida talaba qiz norozilik namoyishi sifatida universitet hovlisiga ichki kiyimda chiqqach, qo‘lga olindi. Jarayonda unga kuch ishlatilgani aytilmoqda. Qiz avvalroq hijobni noto‘g‘ri o‘ragani uchun (yoki umuman o‘ramagani uchun) hujumga uchragan. Huquq himoyachilari qizni ozod etishni talab qilmoqda.
Mayya Sandu Moldovadagi prezidentlik saylovida g‘alaba qozondi
Ovozlarning 99,82 foizi sanab chiqilgach, Moldovada amaldagi prezident Mayya Sandu saylovning ikkinchi bosqichida g‘alaba qozondi. Sandu 55,40 foiz, uning raqibi Aleksandr Stoyanoglo 44,60 foiz ovoz oldi. Prezident chet elda yashovchi fuqarolar ovozi hisobiga ustunlikka erishdi.
Turkiya “xorijiy agentlar to‘g‘risida”gi qonunni qabul qilishni rejalashtirmoqda — Bloomberg
Turkiya hukumati “xorijiy agentlar to‘g‘risida”gi qonunni qabul qilmoqchi, uni buzganlik uchun yetti yilgacha qamoq jazosi nazarda tutiladi. Fuqarolik jamiyati, OAV va muxolifat qonunning o‘zgacha fikrlarni bostirish uchun foydalanilishidan xavotirda.
Rossiyada migrantlarning rus tilini bilmaydigan farzandlarini maktabga olmaslik taklif qilindi
Rossiya Xavfsizlik kengashi raisi o‘rinbosari Dmitriy Medvedev migrantlarning rus tilini bilmaydigan bolalarini maktabga qabul qilmaslikka chaqirdi. Hozir bundan umumiy ta’lim darajasi aziyat chekmoqda, dedi u.
Ispaniyada toshqin qurbonlari soni 150 kishidan oshdi
Ispaniya sharqida kuzatilgan suv toshqinlari qurbonlari soni 150 kishidan oshdi. Valensiyadagi kuchli yomg‘irlar avtomobillar, ko‘priklar, yo‘llar va temiryo‘llarni yuvib ketdi.
Germaniya Eronning mamlakat hududidagi barcha bosh konsulxonalarini yopmoqda
Germaniya hukumati Eronning Frankfurt, Gamburg va Myunxendagi konsulliklarini yopishga qaror qildi. Bu Eron va Germaniya fuqaroligiga ega Jamshid Sharmahdning Eronda qatl etilishiga javoban amalga oshirilmoqda.
Rossiya aviabombasi oqibatida Xarkovda 34 kishi yaralandi, 2 kishi halok bo‘ldi
Tunda Rossiya qo‘shinlari Xarkovga aviabomba tashladi. To‘qqiz qavatli binoning ikki qavati vayron bo‘ldi. Hozirgacha 34 kishi yaralangani, ikki kishi, jumladan, 12 yoshli bola halok bo‘lgani ma’lum.
Ispaniyada kuchli suv toshqinlari oqibatida 60 dan ortiq kishi halok bo‘ldi
Ispaniyaning Valensiya provinsiyasida kuchli yomg‘ir tufayli yuzaga kelgan suv toshqinlari 60 dan ortiq odamning hayotiga zomin bo‘ldi. Hukumat uch kunlik motam e’lon qildi.
Ukraina va Rossiya energoinshootlarga hujumlarni to‘xtatishni muhokama qilmoqda — FT
Ukraina va Rossiya bir-birining energetika obyektlariga zarbalarni to‘xtatish bo‘yicha “dastlabki muzokaralar”ni boshladi. Qatar mamlakatlar o‘rtasida vositachi vazifasini bajaradi, deb yozmoqda Financial Times.
Gaz plitalari har yili Yevropada 40 mingga yaqin erta o‘limga olib kelishi mumkin — tadqiqot
YI va Buyuk Britaniyada deyarli 40 mingta erta o‘lim holati gaz plitalarini yopiq joylarda ishlatganda ajralib chiqadigan azot dioksidi ta’siri bilan bog‘liq bo‘lishi mumkin, deyiladi Ispaniyaning Xayme I universiteti tadqiqotida. Avval AQShda ham shu mavzuda tadqiqotlar o‘tkazilgandi.
Naim Qosim “Hizbulloh”ning yangi yetakchisi bo‘ldi
Naim Qosim “Hizbulloh” guruhining yangi bosh kotibi etib saylandi. 71 yoshli rahbar 30 yildan ortiq harakat yetakchisining o‘rinbosari bo‘lib ishlab kelayotgandi.
Gruziyada parlament saylovlariga qarshi norozilik aksiyasi bo‘ldi
Gruziyada parlament saylovi natijalariga qarshi bir necha yuzlab kishilar norozilik namoyishini o‘tkazdi. Unda prezident ham qatnashib, xalqaro yetakchilar bilan gaplashgani va suhbatdoshlari ham natijalarni tan olmaganini aytdi. Aksiyada asosiy talab xalqaro tashkilotlar kuzatuvida yangi saylov o‘tkazish bo‘ldi.
Isroilda BMTning falastinlik qochqinlar bo‘yicha agentligi faoliyatini taqiqlovchi qonun ma’qullandi
Isroil parlamenti 90 kun ichida mamlakatda BMTning falastinlik qochqinlar bo‘yicha agentligi (UNRWA) faoliyatini taqiqlash to‘g‘risidagi qonunni ma’qulladi. Agentlik hamda xalqaro tashkilotlar bu harakat “xavfli pretsedent yaratishi” va “BMT nizomiga zidligi”ni bildirmoqda.
Moskvada migrantlar uchun elektron guvohnomalar joriy etiladi
2025-yildan Moskvada xorijiy fuqarolarga tajriba tariqasida elektron guvohnomalar berila boshlaydi. Unda fuqaro haqidagi barcha dolzarb ma’lumotlar aks etgan bo‘ladi. Bu, jumladan, jinoyatlarni ochishning yangi bosqichiga chiqishga imkon beradi, deydi poytaxt meri.
“Turkmangaz” Rossiyaga gaz yetkazib berish to‘xtatilishi sababini tushuntirdi
“Turkmangaz” va “Gazprom” Turkmaniston gazini yetkazib berish bo‘yicha shartnomani uzaytirmadi, chunki tomonlar narx masalasida kelisha olmagan. “Gazprom” 2019-yilda “Turkmangaz” bilan besh yil muddatga — 2024-yil 30-iyungacha shartnoma tuzgandi.
AQSh va YeI Gruziya saylovlaridagi qoidabuzarliklarni tekshirishga chaqirdi
AQSh va Yevropa Ittifoqi Gruziyada o‘tgan parlament saylovlarida yo‘l qo‘yilgan barcha qoidabuzarliklarni tekshirishga chaqirmoqda. Gruziya prezidenti esa saylov natijalarini tan olishdan bosh tortdi va fuqarolarni norozilik namoyishlari o‘tkazishga chorladi.
Isroilda yuk mashinasi bekatga kelib urildi. O‘nlab odamlar jarohatlandi
Isroilning Tel-Aviv shahri yaqinidagi harbiy baza oldida yuk mashinasi avtobus bekatiga urildi. Oqibatda o‘nlab odamlar yaralandi. Politsiya buni terakt deb taxmin qilmoqda. Haydovchi otib tashlandi.
Gruziyada parlament saylovlarida hukmron partiya g‘alaba qozondi
Hukmron “Gruzin orzusi” Gruziyadagi parlament saylovlarida 52,2 foiz ovoz oldi, to‘rtta muxolifat bloki jami 37,3 foiz ovozni qo‘lga kiritdi. Muxolifat saylov natijalarini tan olmasligini va norozilik namoyishlarini boshlash niyatida ekanini ma’lum qilib ulgurdi.
Ekzit-pol: “Gruzin orzusi” parlament saylovlarida yetakchilik qilyapti. Muxolifat ham o‘z g‘alabasi haqida gapirmoqda
Ekzit-pol natijalariga ko‘ra, hukmron “Gruzin orzusi” partiyasi Gruziyadagi parlament saylovlarida shartli ravishda 56,1% ovoz oldi. Ammo hukmron partiya ham, muxolifat ham o‘z g‘alabasini e’lon qildi. MSK yaqin soatlarda natijalar bo‘yicha dastlabki ma’lumotlarni taqdim etadi.
Rossiyadagi axloq tuzatish koloniyasidan 6 nafar mahbus lahim qazib, qochib ketdi
Rossiyaning Lipetsk viloyatidagi axloq tuzatish koloniyasidan 6 nafar mahbus yer ostida 65 metrlik lahim kovlab, qochib ketdi. Mahalliy Telegram kanallari mahbuslar orasida O‘zbekiston fuqarolari borligini aytmoqda.
Eng ko‘p o‘qilgan xabarlar | So‘nggi yangiliklar
- Yevropa Ittifoqi Rossiyaga qarshi sanksiyalarning 16-paketi bo‘yicha kelishib oldi
- Qirg‘iziston va Tojikiston umumiy chegarani delimitatsiya qilish bo‘yicha kelishuvga erishdi
- Tramp tahdidlari fonida Kanadaning siyosiy kun tartibi o‘zgarib ketdi — Reuters
- Tramp Rossiya dezinformatsiyasi pufagida qolib ketdi — Zelenskiy
Qo‘shimcha imkoniyatlardan foydalanish uchun saytda ro‘yxatdan o‘ting