Jahon
Rossiya benzin eksportiga qo‘yilgan taqiqni muddatidan oldin bekor qilmoqchi
Rossiya yil oxirigacha benzin eksportiga qo‘yilgan taqiqni muddatidan oldin bekor qilishni rejalashtirmoqda. Yaqinda Energetika vazirligi eksport cheklovlarini olib tashlash mumkinligi, chunki narxlar va bozordagi vaziyat barqaror ekanini bildirgandi.
Braziliyaning sobiq prezidenti davlat to‘ntarishiga urinishda ayblanmoqda
Braziliyaning sobiq prezidenti Jair Bolsonaru 2022-yilgi saylovlarda mag‘lubiyatga uchragach, davlat to‘ntarishiga uringanlikda gumon qilinmoqda. Yana 36 nafar shaxsga, jumladan, sobiq vazirlar va iste’fodagi generallarga ayblov e’lon qilindi. Ular hozirgi prezidentni o‘ldirishni reja qilgan bo‘lishi mumkin.
Germaniya kansleri Olaf Shols ikkinchi muddatga saylanmoqchi, uning potensial raqibi nomzodini qo‘yishdan bosh tortdi
Germaniya mudofaa vaziri Boris Pistorius bo‘lajak saylovlarda Sotsial-demokratik partiyadan kanslerlikka nomzodini ko‘rsatishdan bosh tortdi va amaldagi kansler Olaf Sholsni qo‘llab-quvvatladi. Partiya a’zolari avvalroq Pistoriusni o‘z nomzodini ko‘rsatishga chaqirgandi.
Gaaga sudi Netanyahuni hibsga olishga order berdi
Gaagadagi xalqaro jinoiy sud Isroil bosh vaziri Binyamin Netanyahu va sobiq mudofaa vaziri Yoav Gallantni hibsga olish uchun order berdi. Ular G‘azo sektorida insoniyatga qarshi jinoyatlar va harbiy jinoyatlar sodir qilishda ayblanmoqda.
Rossiya Ukrainaga o‘rta masofali ballistik raketa bilan hujum qildi
Ukraina havo kuchlari 21-noyabr kuni ertalab Rossiya Dnepr shahriga turli xil raketalar, jumladan, ballistik raketa bilan hujum qilganini bildirdi. Vladimir Putin zarbani tasdiqladi va Rossiya eng yangi o‘rta masofali ballistik raketani ishlatganini aytdi.
AQSh Ukrainaning 4,65 mlrd dollarlik qarzidan kechmoqchi
Bayden ma’muriyati Ukrainaning 4,65 mlrd dollarlik qarzini hisobdan chiqarishni rejalashtirmoqda. Bu Tramp lavozimga kirishgunga qadar “Kiyevni qo‘llab-quvvatlashni kuchaytirishga qaratilgan qadamlarning oxirgisi” bo‘ladi, deb yozdi Bloomberg. Reja respublikachilar e’tiroziga sabab bo‘ldi.
Nyu Yorkda 22 yil ichida ilk bor qurg‘oqchilik haqida ogohlantirish e’lon qilindi
AQShning Nyu York shahrida 22 yil ichida birinchi marta qurg‘oqchilik haqida ogohlantirish e’lon qilindi, shahar hukumati aholi va korxonalarni suvni ko‘ngilli ravishda tejashga chaqirdi.
AQSh Ukrainaga piyodalarga qarshi minalar jo‘natishni ma’qulladi
AQShda Donetsk viloyatida rus qo‘shinlarining oldinga siljishini to‘xtatish va Kiyev mudofaasini mustahkamlash uchun Ukrainaga piyodalarga qarshi minalar yetkazib berishga ruxsat berildi.
AQSh, Ispaniya, Italiya va Gretsiyaning Kiyevdagi elchixonalari “ehtimoliy havo hujumi” tufayli yopildi
AQShning Kiyevdagi elchixonasi “ehtimoliy havo hujumi” haqida ma’lumot olgach, ishini vaqtincha to‘xtatdi. Kiyevdagi Ispaniya, Italiya va Gretsiya elchixonalari ham “havo hujumlari xavfi yuqoriligi” sababli yopildi. Aytilishicha, bu Rossiyaning dron va raketa zarbalari tahdidi bilan bog‘liq.
Varshava 10 yil ichida YTHdan o‘limlarni ikki baravarga qisqartirdi. Qanday qilib?
So‘nggi o‘n yil ichida Polsha poytaxti Varshava yo‘l-transport hodisalaridan o‘limni ikki baravar qisqartirishga erishdi. U bir vaqtlar haydovchilar va piyodalar uchun eng xavfli shaharlardan biri edi. “Gazeta.uz” bunga qanday erishish mumkinligi haqidagi Bloomberg materialini qayta hikoya qiladi.
Zelenskiy Ukraina uchun “matonat rejasi”ning mohiyatini tushuntirdi
Ukraina prezidenti Vladimir Zelenskiy Rossiya bilan urushning 1000-kunida mamlakat uchun “matonat rejasi”ni taqdim etdi. U front, qurol-yarog‘, energetika, inson kapitali va madaniyat kabi yo‘nalishlarni qamrab olgan 10 banddan iborat.
Dehlini zaharli smog qopladi, havo ifloslanishi rekord darajaga yetdi
Hindiston poytaxti Dehlida havoning ifloslanishi yuqori darajaga yetdi, shaharni zaharli smog qopladi. Zararli moddalar konsentratsiyasi JSST tavsiyalaridan 50 baravar oshdi. Megapolisda maktablar va qurilish maydonlari yopildi, yuk mashinalarining kirishi taqiqlandi va aholi ko‘chaga kamroq chiqishga chaqirildi.
Tramp AQShdagi ommaviy deportatsiyalarda harbiylardan foydalanmoqchi
Donald Tramp AQShda favqulodda holat joriy etish va migratsiyaga qarshi kurashish uchun harbiylardan foydalanish imkoniyatini ko‘rib chiqmoqda. U “deportatsiya qilishda eng yirik operatsiyani o‘tkazish uchun federal va shtat darajasidagi barcha vakolatlardan foydalanmoqchi” ekani aytiladi.
“Hizbulloh” Tel-Avivga raketa uchirdi, Isroil Livan poytaxtiga zarba berdi
“Hizbulloh”ning Isroil poytaxti Tel-Avivga yo‘llagan raketa zarbasi oqibatida besh kishi jarohatlandi. Shfaram shahrida uch qavatli turar joy binosiga raketa tushib, 41 yoshli ayol halok bo‘ldi, 10 kishi jarohatlandi. O‘z navbatida, Isroilning Livan poytaxtiga bergan zarbalari tufayli 5 kishi halok bo‘ldi.
Abxaziya prezidenti muxolifat bosimi ostida iste’foga chiqdi
Rossiya bilan investitsiya bitimiga qarshi namoyishlardan so‘ng Abxaziya prezidenti Aslan Bjaniya “barqarorlik va konstitutsiyaviy tartibni saqlash maqsadida” iste’foga chiqdi. Shuningdek, hukumat rahbari ham lavozimidan ketadi. Endi prezident vazifasini vitse-prezident Badra Gunba bajarib turadi.
Odessada Rossiya raketa zarbasi oqibatida 10 kishi halok bo‘ldi, 43 kishi jarohatlandi
Rossiya Ukrainaning Odessa shahriga bergan raketa zarbasi oqibatida kamida 10 kishi halok bo‘ldi, yana 43 kishi jarohatlandi. Shaharda turar joy binolari va fuqarolik infratuzilmasi zararlandi.
Bloomberg: Erdog‘an Rossiya-Ukraina urushini muzlatish rejasini tayyorladi
Turkiya prezidenti Braziliyadagi G20 sammitida Rossiya-Ukraina urushini muzlatish bo‘yicha o‘z taklifini taqdim etadi, deb yozdi Bloomberg. Erdog‘anning takliflari orasida Ukrainaning NATOga a’zolik masalasini 10 yilga kechiktirish va bosib olingan hududlar bo‘yicha munozaralarni keyinga qoldirish bor.
Bayden Ukrainaga Rossiyaga zarba berishda ATACMS qurollaridan foydalanishga ruxsat berdi — NYT
Jo Bayden Ukrainaga Rossiyaga zarba berishda uzoq masofaga uchuvchi ATACMS raketalarini ishlatishga ruxsat berdi. Bu Rossiyaning Shimoliy Koreya qo‘shinlarini jangovar harakatlarga jalb qilganiga javobdir, deb yozmoqda NYT. Reuters Kiyev yaqin kunlarda bu qurollar bilan Rossiyaga zarba bermoqchiligini ta’kidladi.
Hindiston o‘zining ilk gipertovushli raketasini muvaffaqiyatli uchirganini e’lon qildi
Hindiston o‘zining birinchi gipertovushli raketasini muvaffaqiyatli sinovdan o‘tkazdi. “Bu bizni ilg‘or harbiy texnologiyalarga ega davlatlar guruhiga olib chiqdi”, — dedi mamlakat mudofaa vaziri. So‘nggi yillarda Nyu-Dehli mudofaa sohasini AQSh, Yaponiya va Avstraliya bilan ittifoqchilikda mustahkamlamoqda.
Rossiya Ukrainaning energetika tizimlarini nishonga oldi
Rossiya Ukrainaning Kiyev, Odessa, Krivoy Rog, Dnepr va Rovno shaharlariga raketa va dronlar bilan hujum qildi. Bir necha kishi halok bo‘ldi, turar joylarga zarar yetdi. Ukraina energetika vaziri raketa hujumlaridan maqsad mamlakat energetika tizimi bo‘lganini bildirdi. Ko‘plab hududlar elektrsiz qoldi.
Eng ko‘p o‘qilgan xabarlar | So‘nggi yangiliklar
- Yevropa Ittifoqi Rossiyaga qarshi sanksiyalarning 16-paketi bo‘yicha kelishib oldi
- Qirg‘iziston va Tojikiston umumiy chegarani delimitatsiya qilish bo‘yicha kelishuvga erishdi
- Tramp tahdidlari fonida Kanadaning siyosiy kun tartibi o‘zgarib ketdi — Reuters
- Tramp Rossiya dezinformatsiyasi pufagida qolib ketdi — Zelenskiy
Qo‘shimcha imkoniyatlardan foydalanish uchun saytda ro‘yxatdan o‘ting