Jahon
Abxaziyada Rossiya bilan bitimga qarshi noroziliklar bo‘lmoqda. Asosiy ma’lumotlar
Abxaziyada Rossiya bilan “investitsiya bitimi” ratifikatsiya qilinishiga qarshi namoyishchilar hukumat binolarini egalladi. Buning fonida prezident Aslan Bjaniya iste’foga chiqishga tayyorligini bildirdi. Ammo namoyishchilar uning shartlarini qabul qilmayapti. To‘qnashuvlarda o‘ndan ortiq kishi jarohatlangan.
Tramp 27 yoshli Kerolayn Livittni Oq uy matbuot kotibi etib tayinladi
Donald Tramp 27 yoshli Kerolayn Livittga Oq uy matbuot kotibi lavozimini berdi. U mazkur xizmat tarixidagi eng yosh rahbar bo‘ladi.
Shols va Putin salkam ikki yildan beri ilk marta telefon orqali gaplashdi. Tafsilotlar
Rossiya prezidenti Vladimir Putin va Germaniya kansleri Olaf Shols 2022-yil dekabrdan buyon ilk bor telefon orqali gaplashdi. Shols Putinni urushni to‘xtatishga va qo‘shinlarni olib chiqishga chaqirdi. Kansler suhbat haqida Ukraina prezidentini ogohlantirgan, Zelenskiy esa Sholsni muloqot qilmaslikka chaqirgan.
Isroil Erondagi yadroviy qurolni o‘rganish maxfiy laboratoriyasini yo‘q qilgan — Axios
Oktabr oxirida Isroilning Eronga hujumi Tehron yaqinidagi yadroviy qurol ishlab chiqish bo‘yicha maxfiy markazni vayron qildi va Eronning yadroviy tadqiqotlarni qayta boshlash borasidagi sa’y-harakatlariga “sezilarli darajada putur yetkazdi”, deb yozmoqda Axios.
Estoniya aholi orasida pul yetishmasligi tufayli jinoyatchilik ko‘payganini e’lon qildi
Estoniya adliya va raqamli texnologiyalar vaziri mamlakatda ijtimoiy-iqtisodiy vaziyat, jumladan, pul yetishmovchiligi tufayli jinoyatchilik 4 foizga ortganini ma’lum qildi. Bunda oziq-ovqat va velosiped o‘g‘irlash soni eng ko‘p o‘sgan. Mamlakat inflyatsiya bo‘yicha Yevrohududda uchinchi o‘rinni egallab turibdi.
Ukraina hukumati mamlakat uchun “matonat rejasi”ni e’lon qildi
Ukraina prezidenti Vladimir Zelenskiy kelgusi haftada mamlakat uchun urush davridagi “matonat rejasi”ni taqdim etishini bildirdi. U o‘nta bandni, jumladan, Ukrainaning “madaniy suvereniteti”, xavfsizlik, energetika va qurol-yarog‘ va boshqalarni o‘z ichiga oladi.
“O‘zini hamprezidentdek tutyapti”. Trampning atrofidagilar Maskdan charchay boshladi — NBC
Milliarder Ilon Mask saylangan prezident Donald Trampga deyarli doim yaqin bo‘lib, qarorlariga ta’sir o‘tkazishga harakat qilmoqda. Bu siyosatchi atrofidagilarni g‘azablantira boshlagan, ularga ko‘ra, Mask “o‘zini hamprezidentdek tutyapti”, Trampni “o‘zidan qarzdor his qildirish”ga harakat qilyapti, deb yozdi NBC.
Boy mamlakatlarga migratsiya rekord darajaga yetdi — FT
Dunyoning eng rivojlangan mamlakatlariga qonuniy migratsiya 2023-yilda rekord darajaga yetdi. Migrantlar oqimi ularga inflyatsiya inqirozidan chiqishga yordam bermoqda, ammo saylovchilarning noroziligini ham keltirib chiqarmoqda, bu esa saylov natijalariga ta’sir qilmoqda, deb yozdi Financial Times.
“Xush kelibsiz”. Bayden Oq uyda Tramp bilan uchrashdi
AQShning amaldagi prezidenti Jo Bayden Oq uydagi Oval kabinetda saylangan prezident Donald Tramp bilan uchrashdi. Bayden, avval ham aytilganidek, hokimiyatni topshirish silliq kechishiga ishontirdi.
Inflyatsiya fonida rivojlangan mamlakatlar aholisining hukumatga ishonchi yo‘qolishda davom etmoqda — FT
Inflyatsiyaning o‘sishi rivojlangan mamlakatlar aholisining noroziligini keltirib chiqarib, hukumatga bo‘lgan ishonchga putur yetkazmoqda. Saylovchilarning iqtisodiy vaziyatdan hafsalasi pir bo‘lishi Trampning AQShdagi g‘alabasi hamda Britaniya va Yaponiya hukmron partiyalarining mag‘lubiyatiga olib keldi, deb yozadi FT.
Ukrainada prezidentlik saylovi 2025-yil may oyida bo‘lib o‘tishi mumkin — Economist
Ukrainada prezident saylovi uchun “ma’lum tayyorgarliklar” boshlandi, muhokama qilinayotgan sana — 2025-yil 25-may, deb yozmoqda Economist nashri. Ukraina prezidenti ofisi buni rad etmoqda.
Tramp o‘z ma’muriyatini shakllantira boshladi. Unda asosiy lavozimlarni kimlar egallamoqda?
AQShning yangi prezidenti Donald Tramp o‘zining yangi ma’muriyatini shakllantirmoqda. Davlat kotibi lavozimini Trampning ishonchli vakili Marko Rubio egallashi kutilmoqda. Saylovoldi kampaniyasini de-fakto boshqargan Syuzan Uayls esa Oq uy ma’muriyati rahbari bo‘ladi. Tafsilotlar.
Tramp Ilon Maskni hukumat samaradorligi departamenti rahbari lavozimiga qo‘yadi
Donald Tramp uni saylov chog‘ida qo‘llab-quvvatlagan Ilon Maskni hukumatning samaradorlik departamenti yangi rahbari etib tayinladi. Tramp, shuningdek, Pentagon rahbari lavozimiga Fox News boshlovchisi nomzodini ilgari surdi.
Qirg‘izistonda hokimiyatni egallashga tayyorlangan 7 gumonlanuvchi hibsga olindi
Qirg‘izistonda hokimiyatni egallash maqsadida ommaviy tartibsizliklar uyushtirmoqchi bo‘lgan 7 kishi qo‘lga olindi. Ular orasida Qirg‘izistonda tug‘ilganlar va chet elliklar bor.
Xitoyda avtomobil odamlar ustiga bostirib bordi, 35 kishi halok bo‘ldi
Xitoyning Chjuxay shahrida avtomobil odamlar orasiga kirib bordi. Oqibatda 35 kishi halok bo‘ldi, 43 kishi jarohatlandi. Avtomobilni boshqargan 62 yoshli erkak ushlandi, u oilaviy muammo sababli shunday qilgani aytilmoqda.
FT: Ukraina o‘z “g‘alaba rejasi”ning ikkita bandini Tramp uchun maxsus ishlab chiqqan
Ukraina taklif etgan “g‘alaba rejasi”ning ikkita bandi Donald Tramp uchun maxsus ishlab chiqilgan, deb yozadi Financial Times. Ukraina resurslaridan birgalikda foydalanish va Yevropadagi AQSh qo‘shinlarini ukrainlarga almashtirish bandlari shular jumlasidan.
PM2,5 zarralarini uzoq vaqt qabul qilish astmaga olib keladi — tadqiqot
PM2,5 dispersli zarrachalarining uzoq muddatli ingalyatsiyasi astmaning rivojlanish xavfini oshiradi, buning bolalarga ta’siri ancha kuchliroq, deyiladi xalqaro tadqiqot guruhi tahlilida.
Shigeru Ishiba Yaponiya bosh vaziri bo‘ldi
Yaponiya Liberal-demokratik partiyasi rahbari Shigeru Ishiba ikkinchi bosqichda ovoz berish natijalariga ko‘ra bosh vazir etib saylandi. 1-oktabrda Ishiba siyosatga “jamoatchilikning ishonchi pastligi” tufayli Fumio Kishidaning o‘rniga bosh vazir lavozimiga kelgandi va o‘shanda saylov o‘tkazish niyatini e’lon qilgandi.
Qozog‘istonda yana 1 mlrd dollar noqonuniy aktivlar davlat daromadiga qaytarildi
Qozog‘istonda yana 1 mlrd dollarlik aktivlar davlat daromadiga o‘tdi, ularning egalari boylikning qonuniyligini isbotlay olmagan. Rasmiylar mablag‘ning sport obyektlari qurilishiga sarflanishini ma’lum qildi.
G‘arb OAV Trampning Putin bilan suhbati haqida xabar berdi. Kreml buni inkor etmoqda
AQShning yangi prezidenti Donald Tramp Rossiya prezidenti Vladimir Putin bilan telefon orqali muloqot qildi va uni Ukrainadagi eskalatsiyadan qochishga chaqirdi, deb yozmoqda Washington Post. Kreml suhbat bo‘lganini rad etmoqda.
Eng ko‘p o‘qilgan xabarlar | So‘nggi yangiliklar
- Yevropa Ittifoqi Rossiyaga qarshi sanksiyalarning 16-paketi bo‘yicha kelishib oldi
- Qirg‘iziston va Tojikiston umumiy chegarani delimitatsiya qilish bo‘yicha kelishuvga erishdi
- Tramp tahdidlari fonida Kanadaning siyosiy kun tartibi o‘zgarib ketdi — Reuters
- Tramp Rossiya dezinformatsiyasi pufagida qolib ketdi — Zelenskiy
Qo‘shimcha imkoniyatlardan foydalanish uchun saytda ro‘yxatdan o‘ting