Jahon
Qozog‘istonda korrupsionerlardan tortib olingan mablag‘lar hisobidan 62 ta maktab qurildi
Qozog‘istonda 76 ming o‘rinli 62 maktab qurilishi korrupsiya ishlari bo‘yicha qo‘lga kiritilgan va maxsus jamg‘armaga tushadigan mablag‘lar hisobidan moliyalashtirildi. Bugungi kunda jamg‘arma hisobida 328 million dollarga yaqin mablag‘ mavjud.
AQSh KXDR va Rossiya o‘rtasida qurol savdosi bilan shug‘ullanuvchi Qozog‘iston kompaniyasiga qarshi sanksiyalar joriy qildi
Qozog‘istonda ro‘yxatdan o‘tgan kompaniya, shuningdek, Rossiya va Slovakiyaning yana ikkita firmasi Shimoliy Koreya va RF o‘rtasida qurol-yarog‘ bitimlarida qatnashgani uchun AQSh sanksiyalariga duchor bo‘ldi.
AQSh Eronga Rossiyaga dronlar yetkazib bermaslik evaziga sanksiyalarni yumshatishni taklif qildi
AQSh Eronni Rossiyaga Ukraina shaharlarini o‘qqa tutishda foydalanayotgan hujum dronlarini yetkazib berishni to‘xtatishga undamoqda, deb yozdi FT. Buning evaziga Vashington Tehronga qarshi yangi sanksiyalar kiritmaslikka va allaqachon kiritilgan cheklovlarga “qat’iy amal qilmaslikka” va’da bermoqda.
Xitoy yoshlar ishsizligi bo‘yicha ma’lumotlarni e’lon qilishni to‘xtatdi
Xitoy iyun oyida yoshlar o‘rtasidagi ishsizlik darajasi rekord darajaga yetganidan so‘ng bu haqdagi ma’lumotlarni e’lon qilishni to‘xtatdi. Hukumat o‘z qarorini statistik ko‘rsatkichlarni hisoblash usulini takomillashtirish zarurati bilan izohladi.
Qirg‘izistonda bolalarga zarar yetkazuvchi axborotni taqiqlovchi qonun qabul qilindi
Qirg‘iziston prezidenti qonunchilikka OAVda “bolalar salomatligi yoki rivojlanishiga zarar yetkazuvchi” ma’lumotlarni tarqatishni taqiqlovchi tuzatishlarni imzoladi. Huquq himoyachilari qonunning qabul qilinishiga qarshi chiqib, uni “senzura uchun yana bir vosita” deb atadi.
Rossiya Markaziy banki asosiy stavkani birdaniga 12 foizgacha ko‘tardi
Rossiya Markaziy banki rublning zaiflashishi fonida asosiy stavkani 8,5 foizdan 12 foizga oshirdi. Qaror narx barqarorligini ta’minlash uchun risklarni cheklash maqsadida qabul qilindi, deydi regulyator.
Dog‘istonda “zapravka”dagi portlash oqibatida 35 kishi halok bo‘ldi. Respublikada motam e’lon qilindi
Dog‘iston poytaxti Maxachqal’a shahrida yonilg‘i quyish shoxobchasi portlab, 35 kishi halok bo‘ldi, 75 kishi jarohatlandi. Portlashga shoxobcha yonidagi avtomobillarga texnik xizmat ko‘rsatish markazida yuz bergan yong‘in sabab bo‘lgan. 15-avgust respublikada motam kuni deb e’lon qilindi.
Tramp 2020-yilgi saylov natijalarini bekor qilishga urinishda ayblanmoqda
AQShning sobiq prezidenti Donald Trampga to‘rtinchi bor jinoyat ishi qo‘zg‘atildi. Siyosatchi Jorjiya shtatida 2020-yilgi prezidentlik saylovi natijalarini bekor qilishga urinishda ayblanmoqda. U jinoiy javobgarlik bilan qo‘rqitgan holda shtat hokimiyatidan unga qo‘shimcha ovozlarni “topish”ni talab qilgan.
100 ga yaqin Tojikiston fuqarosi Rossiya qamoqxonalaridan Ukrainaga urushga jo‘natilgan — Tojikiston IIV
Tojikiston Ichki ishlar vazirligi rahbarining aytishicha, Rossiya qamoqxonalarida jazo o‘tayotgan 100 ga yaqin davlat fuqarolari Rossiya armiyasiga jalb qilinib, Ukrainadagi urushga yuborilgan.
Na Rossiya, na O‘zbekistondan rasmiy takliflar kelib tushgani yo‘q — Qozog‘iston uch tomonlama gaz ittifoqi haqida
Qozog‘iston Energetika vazirligi uch tomonlama gaz ittifoqi tuzilayotgani haqidagi xabarlar yuzasidan bergan izohida na Rossiya, na O‘zbekiston tomonidan rasmiy takliflar bo‘lmaganini ma’lum qildi. Avvalroq Turkmaniston bu boradagi xavotirlarini bildirgan edi.
Qirg‘iziston Qozog‘istonga sug‘orma suv yetkazib berishni to‘xtatdi
Qirg‘iziston suv kamayishi fonida Qozog‘istonning Jambil viloyatiga sug‘orma suvni yetkazib berishni to‘xtatdi. Qozog‘iston Ekologiya vazirligi hudud dalalarida suv taqchilligi sababli “noqulay vaziyat” yuzaga kelgani, mamlakatda sug‘oriladigan yerlar inventarizatsiyadan o‘tkazilishi haqida xabar berdi.
Turkmaniston Rossiyaning O‘zbekiston va Qozog‘iston bilan “gaz ittifoqi” bo‘yicha bayonotlardan xavotir bildirdi
Turkmaniston Rossiyaning O‘zbekiston va Qozog‘iston bilan “gaz ittifoqi” bo‘yicha bayonotlardan xavotirda. Ularda ittifoq kengayishi mumkinligi aytilgan, ammo kimlar hisobiga ekani tushunarsiz, Turkmaniston quvurlari orqali esa boshqa davlat gazi tranziti rejalashtirilmagan, dedi “Turkmangaz” rasmiysi.
BMT maxsus elchisi Gaaga sudini “Tolibon”ning ayollarga qarshi jinoyatlarini tergov qilishga chaqirdi
BMTning global ta’lim bo‘yicha maxsus elchisi Gordon Braun Gaagadagi Xalqaro jinoiy sudni Afg‘onistonda ayollar va qizlarga nisbatan diskriminatsiya uchun “Tolibon”ni javobgarlikka tortishga chaqirdi.
Qirg‘izistonda 2027-yildan plastik paketlar ishlab chiqarish va sotish taqiqlanadi
Qirg‘izistonda 2027-yildan boshlab polimer plyonkadan tayyorlangan paketlar va plastmassa buyumlarni ishlab chiqarish, sotish hamda bepul tarqatish taqiqlanadi. Issiqko‘l kurort hududida taqiq avgust oyi oxiridanoq kuchga kiradi.
Qozog‘iston hukumati yandex.kz saytiga kirishni chekladi
Qozog‘iston hukumati yandex.kz saytini yopib qo‘ydi va “Yandeks”dan uning “maxsus organlar bilan o‘zaro aloqasi” haqida ma’lumot talab qildi. Kompaniya Rossiya maxsus xizmatlari Rossiyadan tashqarida foydalanuvchi ma’lumotlariga kirish imkoniga ega emasligiga ishontirdi. Keyinroq sayt qayta ishga tushirildi.
Qirg‘izistonning O‘sh viloyatida 60 ta masjid va madrasa yopildi
Qirg‘iziston Milliy xavfsizlik davlat qo‘mitasi O‘sh viloyatidagi 39 ta masjid va 21 ta diniy maktab qurilish qoidalarini buzgani va ta’limning yagona standartlari yo‘qligi sababli yopilganini ma’lum qildi. Mamlakatdagi diniy obyektlarda keng ko‘lamli tekshiruv o‘tkazilmoqda.
O‘zbekiston va YI Afg‘oniston bo‘yicha maslahatlashuvlarni davom ettirish niyatida
O‘zbekiston va Yevropa Ittifoqi Afg‘oniston masalasi bo‘yicha maslahatlashuvlarni davom ettirishdan o‘zaro manfaatdor ekanini bildirdi.
Bishkekda jamoat transporti to‘liq naqd pulsiz hisob-kitoblarga o‘tkaziladi
Avgust oyi oxiridan boshlab Bishkekda jamoat transporti (avtobus va trolleybuslar) faqat naqd pulsiz hisob-kitoblarga o‘tadi. Shahar hokimiyati bu to‘lov tizimini shaffoflashtirishi va budjet daromadlarini oshirishiga yordam beradi, deb umid qilmoqda.
Iroqda Telegram fuqarolarning shaxsiy ma’lumotlarini himoya qilish uchun bloklandi
Iroq rasmiylari Telegram`ni milliy xavfsizlik va “fuqarolarning shaxsiy ma’lumotlarini saqlash” maqsadida blokladi. Ularning so‘zlariga ko‘ra, messenjer ma’lumotlar sizib chiqayotgan kanallarni yopish haqidagi so‘rovlarni e’tiborsiz qoldirgan.
Qozog‘istonda kelin o‘g‘irlaganlik uchun jinoiy jazo joriy etish taklif qilinmoqda
Qozog‘iston Jinoyat kodeksiga nikoh uchun odam o‘g‘irlaganlik bo‘yicha alohida modda kiritish taklif qilinmoqda. Ombudsman idorasi ushbu qaror ayollarga nisbatan jinoyatlar sonini kamaytirishga yordam beradi, deya umid qilmoqda.
Eng ko‘p o‘qilgan xabarlar | So‘nggi yangiliklar
- Qozog‘iston regulyatori Toncoin kriptovalyutasi bilan savdo qilishni ma’qulladi
- AQSh Oliy sudi Trampning jinoiy ta’qibdan qisman daxlsizligini tan oldi
- Isroil harbiy rahbarlari o‘q-dori taqchilligi fonida G‘azoda sulh tuzish tarafdori — NYT
- AQSh ishchilarni issiqdan asrash standartlarini qabul qilishni rejalashtirmoqda
Qo‘shimcha imkoniyatlarga ega bulish uchun saytda ro‘yxatdan o‘ting