Jahon
Janubiy Koreya prezidenti ikkinchi urinishda hibsga olindi
Tergovchilar ikkinchi urinishda Janubiy Koreyaning hokimiyatdan chetlatilgan prezidenti Yun Sok Yolni isyonchilikda ayblab hibsga oldi. Bu amaldagi, lekin hokimiyatdan chetlatilgan davlat rahbarining qo‘lga olinishidagi ilk holatdir.
Isroil va HAMAS kelishuvi bo‘yicha muzokaralar “yakuniy bosqichda” — Qatar TIV
Isroil va HAMAS o‘rtasida G‘azo sektorida sulh tuzish va isroillik garovga olinganlarni ozod qilish bo‘yicha muzokaralar “yakuniy bosqichda”, dedi kelishuvga vositachilik qilayotgan Qatar TIV.
Agar saylovda g‘alaba qozonmaganida, Trampni hokimiyatni ushlab qolishga urinishda ayblashlari mumkin edi — maxsus prokuror
2020-yilda hokimiyatni ushlab qolishga urinish bo‘yicha AQSh saylangan prezidenti Donald Trampga qarshi dalillar sudda ayblov hukmi chiqarish uchun yetarli bo‘lardi, deyiladi tergovni olib borgan maxsus prokuror hisobotida. U, shuningdek, Kapitoliyga bostirib kirish uchun javobgarlikni Trampga yukladi.
“AQSh global raqobatda g‘alaba qozonmoqda”. Bayden o‘z tashqi siyosatining yakunlarini sarhisob qildi
So‘nggi to‘rt yil ichida AQSh va uning ittifoqchilari kuchliroq bo‘ldi, mamlakat raqiblari esa zaiflashdi, dedi prezident Jo Bayden o‘z ma’muriyatining tashqi siyosatini sarhisob qilar ekan. “Ayni paytda Qo‘shma Shtatlar global raqobatda g‘olib kelmoqda”, — dedi u.
Moskvada rossiyalik generalning o‘ldirilishi ishida 2 yangi figurant paydo bo‘ldi (asosiy ayblanuvchi — o‘zbekistonlik)
Rossiyalik general Igor Kirillovni o‘ldirish ishi bo‘yicha ikki kishi qo‘lga olindi, ular Ingushetiyada tug‘ilgan. Hibsga olinganlar asosiy ayblanuvchi — o‘zbekistonlik Ahmad Qurbonov uchun Moskva viloyatida uy ijaraga olganlikda gumonlanmoqda.
Qatar Isroil va HAMASga sulh bitimi loyihasini taqdim etdi
Qatar bir yildan ortiq davom etayotgan muzokaralardan so‘ng Isroil va HAMASga G‘azo sektori bo‘yicha sulh bitimi loyihasini taqdim etdi, deb yozmoqda Reuters. Qatar tomonlarga o‘t ochishni to‘xtatish va garovga olinganlarni ozod qilish to‘g‘risidagi bitim matnini yetkazgan.
Janubiy Koreya aeroportlarida radiomayoqli konstruksiyalar almashtiriladi
Janubiy Koreya hukumati mamlakat aeroportlaridagi radiomayoqli konstruksiyalarni almashtirmoqchi. Bunday qarorga Boeing 737−800 Jeju Air samolyoti halokatga uchragach, uchish-qo‘nish yo‘lagidan chiqib, bunday to‘siqqa urilgani sabab bo‘ldi. Hodisada bortdagi 181 kishidan 179 nafari halok bo‘lgan.
Los-Anjelesda o‘rmon yong‘inlari davom etmoqda, halok bo‘lganlar soni 24 taga yetdi
Olti kundan beri Los-Anjeles bo‘ylab keng ko‘lamli o‘rmon yong‘inlari kuzatilmoqda. Tabiiy ofat oqibatida halok bo‘lganlar soni 24 kishiga yetdi, 12 mingdan ortiq bino, jumladan, turar joy binolari, maktablar va cherkovlar vayron bo‘ldi yoki zarar ko‘rdi.
Koreya prezidenti impichment bo‘yicha ilk sud majlisida ishtirok etmaydi
Janubiy Koreya prezidenti Yun Sok Yol o‘z xavfsizligidan xavotirlanib, impichment ishi bo‘yicha seshanba kuni o‘tadigan birinchi rasmiy sud majlisida qatnashmaydi. Uning advokati prezidentning sudga borishi uchun shaxsiy himoya va xavfsizlik masalasi hal qilinishi kerakligini aytdi.
Kaliforniyadagi o‘rmon yong‘inlari: halok bo‘lganlar soni 16 kishiga yetdi
Kaliforniya shtatida o‘rmon yong‘inlari oqibatida kamida 16 kishi halok bo‘ldi. 180 mingga yaqin odam o‘z uylarini tark etdi. Aholi punktlari va 12 mingdan ortiq bino yonib ketdi. Yong‘inlardan ko‘rilgan zarar 135−150 mlrd dollarga yetdi. Tabiiy ofatga oid suratlar va yangilangan ma’lumotlar.
Pokiston bosh vaziri fevralda O‘zbekistonga kelishi kutilmoqda
Pokiston bosh vaziri Shahboz Sharifning fevral oxirida O‘zbekistonga kelishi kutilmoqda. U tranzit savdosi uchun Karachi portidan foydalanishni taklif qilishi va muhim savdo kelishuvlariga imzo chekishi rejalashtirilgani xabar qilindi.
Sud Trampga to‘lovlar ishi bo‘yicha shartlarsiz ozodlikni tayinladi
Sud Donald Trampga pornoaktrisaga qilgan to‘lovlarini yashirish uchun hujjatlarni qalbakilashtirgani bo‘yicha hukm chiqardi va unga hech qanday shartlarsiz ozodlikni tayinladi. Ya’ni u qamoq yoki jarima kabi jazolarni olmaydi.
Daniya Trampning Grenlandiya bilan bog‘liq niyatlari jiddiyligi haqida ogohlantirildi — CNN
Donald Trampning jamoasi Daniyani bo‘lajak prezidentning Grenlandiya bilan bog‘liq niyatlari jiddiyligidan ogohlantirdi. Tramp orolni sotib olish haqida 2019-yilda o‘ylagan edi, biroq hozirda, Daniya rasmiylarining fikriga ko‘ra, vaziyat “mutlaqo boshqacha”.
2024-yil kuzatuvlar tarixidagi eng issiq yil bo‘ldi
2024-yil ob-havo kuzatuvlari tarixidagi eng issiq yil bo‘ldi — global o‘rtacha harorat birinchi marta sanoatgacha bo‘lgan davrga nisbatan 1,5 darajadan ko‘proqqa ko‘tarildi.
“Meksika Amerikasi — yomon eshitilmayapti”. Meksika prezidenti Trampga uning uslubida javob qaytardi
Tramp Meksika ko‘rfazi nomini Amerika ko‘rfazi deya o‘zgartirish kerakligini aytgach, Meksika prezidenti Klaudiya Sheynbaum unga javob qaytardi. “Meksika Amerikasi — yomon eshitilmayapti”, — degan prezident hozirgi AQSh hududining bir qismi Meksika bilan birlashtirilgan 1607-yilgi eski xaritaga ishora qildi.
Armiya qo‘mondoni Jozef Aun Livan prezidenti bo‘ldi
Armiya bosh qo‘mondoni Jozef Aun ikkinchi turda mamlakat prezidenti lavozimiga saylandi. Uni AQSh va Saudiya Arabistoni qo‘llab-quvvatlaydi, deb yozdi CNN. Reuters bo‘lsa Aunning saylanishi Saudiya Arabistoni ta’sirining mamlakatda qayta tiklanishi va Eron ta’sirining zaiflashishini ko‘rsatishini ta’kidladi.
Rossiyaning Zaporojega bergan zarbasi oqibatida 13 kishi halok bo‘ldi, 100 dan ortiq kishi jarohatlandi
Zaporojega Rossiya qo‘shinlari tomonidan qilingan havo hujumi oqibatida 10 dan ortiq odam halok bo‘ldi, 113 kishi jarohat oldi. Ukraina rasmiylariga ko‘ra, shaharga ikkita aviabomba tashlangan.
Armaniston hukumati YeIga a’zo bo‘lish to‘g‘risidagi qonun loyihasini ma’qulladi
Armaniston hukumati Yevropa Ittifoqiga a’zo bo‘lish jarayonini boshlash to‘g‘risidagi qonun loyihasini ma’qulladi. Endi hujjat parlamentga yuboriladi. Bosh vazir Nikol Pashinyan bunday qaror faqat umumxalq referendumi orqali qabul qilinishi mumkinligini aytdi.
Los-Anjelesdagi o‘rmon yong‘inlari tufayli kamida 5 kishi halok bo‘ldi
AQShning Los-Anjeles shahrida o‘rmon yong‘inlari tufayli kamida 5 kishi halok bo‘ldi, 100 mingdan ortiq kishini evakuatsiya qilish rejalashtirilgan. Kaliforniya hukumati favqulodda holat e’lon qilgan. Dastlabki zarar miqdori 50 mlrd dollardan ortiqqa baholanmoqda.
Facebook va Instagram faktchekerlardan voz kechmoqda. Sukerberg qilmoqchi bo‘lgan asosiy o‘zgarishlar
Meta faktchekerlardan voz kechadi, “senzura miqdorini keskin kamaytiradi”, Facebook, Instagram va Threads kabi platformalarida ko‘proq siyosiy kontentni tavsiya qiladi, deya ma’lum qildi Mark Sukerberg. Ayrim tanqidchilar hamda OAV bu o‘zgarishlarni “shunchaki Trampga xushomad va ortga qadam” deb baholamoqda.
Eng ko‘p o‘qilgan xabarlar | So‘nggi yangiliklar
- Qirg‘iziston va Tojikiston umumiy chegarani delimitatsiya qilish bo‘yicha kelishuvga erishdi
- Tramp tahdidlari fonida Kanadaning siyosiy kun tartibi o‘zgarib ketdi — Reuters
- Tramp Rossiya dezinformatsiyasi pufagida qolib ketdi — Zelenskiy
- Armaniston bosh vaziri yangi konstitutsiya bo‘yicha referendum o‘tkazishga chaqirdi
Qo‘shimcha imkoniyatlardan foydalanish uchun saytda ro‘yxatdan o‘ting