Архив
Нукусда талаба ис газидан заҳарланиб, вафот этди
Нукусда ижарада яшовчи талаба хонадондаги иситиш қозони оташхонасидан чиққан ис газидан заҳарланиб, вафот этганлиги аниқланди.
ХТВ раҳбари: «Ота-оналар ҳамда болаларнинг келажакка ишончини уйғотиш — бизнинг қўлимизда»
Янги Халқ таълими вазири Бахтиёр Саидов ўқитувчилар ва ота-оналарга мурожаатини эълон қилди. Унда у бутун халқ келажагига дахлдор соҳанинг улкан масъулиятини таъкидлади. «Бугун ечими кечикаётган ҳар бир муаммо эртага фалокатга айланишига шак-шубҳа йўқ», — деди вазир ва барчани таклиф ва мулоҳазаларни юборишга чақирди.
IMEI кодларини рўйхатдан ўтказиш жараёнини осонлаштириш керак — Шерзод Шерматов
АКТ вазири Шерзод Шерматов таъкидлашича, IMEI кодларини рўйхатдан ўтказиш жараёнини истеъмолчилар учун янада осонлаштириш йўлларини топиш керак. «Бунинг учун барча чораларни кўриш зарур», — деди у.
Ўзбекистон МДҲ мамлакатлари орасида электрон чиқиндилар бўйича етакчилардан бири — БМТ
БМТ экспертлари МДҲнинг 11 давлати ва Грузиядаги электрон чиқиндилар билан боғлиқ вазиятни ўрганиб чиқдилар. Унга кўра, ушбу ҳудудларда сўнгги ўн йил ичида полигонларга тушадиган электрон чиқиндилар миқдори 1,5 баравар ошган. Уларнинг аксарияти Россия, Украина, Қозоғистон ва Ўзбекистонда. Бу ерда электрон чиқиндиларнинг атиги 3,2 фоизи қайта ишланган.
Ўн ойда 57,1 млрд кВт соат электр энергияси ишлаб чиқарилган
Январь-октябрь ойларида йирик корхоналар томонидан 57,1 млрд кВт соат электр энергияси ишлаб чиқарилди. Электр энергияси ишлаб чиқариш ҳажми 2020 йилнинг мос даврига нисбатан 4,9 млрд кВт соатга ёки 9,4% га ўсган. Аввалроқ Энергетика вазирлиги сув танқислиги туфайли мамлакат ГЭСларида электр энергияси ишлаб чиқариш ҳажми қарийб 23 фоизга камайганлигини маълум қилган эди.
Ўзбекистон ва Тожикистон Миллий гвардияси ўртасида ҳамкорлик режаси имзоланди
Тожикистон Миллий гвардияси қўмондони генерал-лейтенант Бобожон Жамолзода бошчилигидаги делегация илк бора Ўзбекистонга ташриф буюрди. Унинг доирасида 2022 йилга мўлжалланган икки томонлама амалий ҳамкорлик режаси имзоланди.
2022 йилда Ўзбекистоннинг умумий ташқи қарзи 33,5 млрд долларни ташкил этиши кутилмоқда
2022 йил якунига умумий давлат қарзи 33,5 млрд доллар ёки ЯИМга нисбатан 45,2 фоизни ташкил этиши прогноз қилинмоқда. Шундан, давлат ташқи қарзи 30,4 млрд долларни ёки ЯИМга нисбатан 41 фоизни ташкил этади. 2022 йилда кутилаётган бюджет тақчиллигининг 66 фоизи ташқи манбалар ҳисобидан қопланиши мўлжалланмоқда.
24 ноябрь куни Ўзбекистонда содир бўлган энг муҳим хабарлар дайжести
Вазирликларнинг ҳудудий бўлинмалари битта бинога жойлаштирилиши, ХДП барча аёлларга ҳомиладорлик ва туғиш бўйича кафолатланган нафақа тўлашни таклиф этиши, 1 декабрдан Тошкент метросида жетонлар қабул қилинмаслиги — «Газета.uz»нинг 24 ноябрдаги энг муҳим хабарлари дайжестида.
Деҳқончилик учун 1 гектаргача ер ва имтиёзли кредит ажратилади
Президент қарори асосида пахта ва ғалладан қисқартирилган 200 минг гектар ер деҳқончилик учун ажратилади. Бунда электрон танлов орқали 1 гектаргача бўлган ер майдонлари ижарага берилади. Қолаверса, фермер ва деҳқонлар 100 млн сўмгача имтиёзли кредит ҳам олиши мумкин.
Тошкентда Пиза университети филиали ташкил этилди
Ҳукумат қарори билан Тошкентда Италиянинг X асрлик тарихга Пиза университетининг филиали ташкил этилди. Филиалда таълим 2022/2023 ўқув йилидан кундузги шаклда контракт асосида амалга оширилади. Битирувчиларга эса университет дипломи берилади.
1 декабрдан Тошкент метросида жетонлар қабул қилинмайди
1 декабрдан бошлаб Тошкент метрополитенида аҳолида қолиб кетган жетонларни тўлов сифатида қабул қилиш тўхтатилади.
«Тошкент ҳокими мени 450 млрд сўмга туширди». Президент пойтахтдаги жарликлардан қутилиш ҳақида
Шавкат Мирзиёев Шайхонтоҳур туманига ташрифи чоғида жарлар уни кўпдан бери қийнаб келаётган муаммо эканлигини маълум қилди. Жаҳонгир Ортиқхўжаев эса буни ҳал этиш учун унга 450 млрд сўм зарур эканлигини айтган. «Мен бу пулни эртагаёқ беришимни билдирдим», — деди президент. У шунингдек, жарликларни ёпиб, унинг ўрнига дарахт экиш ва йўл очиш бўйича топшириқ берган.
Долларнинг расмий курси пасайди
Долларнинг сўмга нисбатан расмий курси 19,72 сўмга пасайиб, 10 745,40 сўм этиб белгиланди. Шунингдек, евро курси ҳам пасайди, рубль курси эса кўтарилди.
Фарғона вилоятида содир бўлган иккита йўл-транспорт ҳодисасида 3 киши ҳалок бўлди
Фарғона вилоятида Nexia-3 ва Lacetti автомобиллари иштирокида содир бўлган иккита ЙТҲ натижасида 3 киши ҳалок бўлди. Улардан бири автоҳалокатдан кейин ёниб кетган машинада вафот этди.
Хорижий IT-компаниялар Россияда ўз филиалларини очиши мажбурий бўлди
Роскомнадзор Google, Apple, Tiktok, Telegram, Meta ва бошқа хорижий IT-компанияларига 1 январга қадар Россияда офисларини очишни мажбурий этиб қўйди. Қонун талабларини бажаришдан бош тортган компаниялар Россияда реклама қилиш ва тўловларни қабул қилишни тақиқлаш билан таҳдид қилинмоқда. Роскомнадзор шунингдек, ресурсга киришни секинлаштириш ёки уни мамлакат ҳудудида бутунлай блокировка қилиш ҳуқуқига эга бўлади.
ХДП барча аёлларга ҳомиладорлик ва туғиш бўйича кафолатланган нафақа тўлашни таклиф этди
ЎзХДП ҳукуматга ҳомиладорлик ва туғиш бўйича давлат томонидан кафолатланган нафақа тўлашни жорий этиш таклифини киритди. Партия нодавлат сектордаги иш берувчилар ҳар доим ҳам бундай мажбуриятни бажармаслигини, ишсиз аёллар эса умуман олмаслигини таъкидлади. Буни халқаро ташкилотлар ҳам қайд этган.
Норвегиянинг Ўзбекистондаги янги элчиси тайинланди
Норвегиянинг Ўзбекистондаги элчиси этиб тайинланган Жон Микал Квистад Ташқи ишлар вазири Абдулазиз Камиловга ишонч ёрлиқларини топширди. Ўзаро суҳбат чоғида сиёсий, савдо-иқтисодий, Афғонистондаги вазият юзасидан фикр алмашилди.
Тошкент вилоятида ўқувчилар мажбурий меҳнатга жалб қилинди
Давлат меҳнат инспекцияси Юқори Чирчиқ тумани 23-мактабда ўқувчиларнинг дарс машғулотларида мажбурий меҳнатга жалб этилганини маълум қилди. Шунингдек, бу каби ҳолат ҳафтасига кўп маротаба такрорланиб келаётганлиги айтилди.
Қорақалпоғистон ва Хоразм тадбиркорларига қатор имтиёзлар берилди
Президент қарори билан Қорақалпоғистоннинг айрим туманлари ва Хоразм вилояти тадбиркорларига қатор имтиёз ва преференциялар берилди. Мазкур ҳудудларда 85 та янги кичик саноат зонаси ташкил этиш режалаштирилган.
Соғлиқни сақлаш вазирлиги «Янги Ўзбекистон шифокорлари» платформасини ишга туширди
Соғлиқни сақлаш вазирлиги ёш (45 ёшгача) шифокорларнинг таклифлари учун ғояларни тўплаш мақсадида «Янги Ўзбекистон шифокорлари» платформасини яратди. Янги платформа дунёнинг исталган ҳудудида яшаб, меҳнат қилаётган ўзбекистонлик шифокорлар учун мўлжалланган.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг