Архив
Энди ҳоким кенгаш раҳбари бўлмайди — президент
Президент халқ депутатлари Кенгашлари ва ҳокимларнинг ваколатларини аниқ белгилаб берувчи қонунчилик базасини яратиш вақти келганини айтди. Унга кўра, «энди кенгаш раҳбари ижроия органи раҳбари бўла олмайди».
Magic City қўриқчилари ва шар сотувчи шахслар ўртасида жанжал содир бўлди
Magic City мажмуаси қўриқчилари ҳамда газ тўлдирилган шарларни сотувчи шахслар ўртасида можаро содир бўлди. Ҳолат юзасидан жиноят иши қўзғатилди. Жиноят иши доирасида 4 нафар гумонланувчи ушланган, қолганларини ушлаш чоралари кўрилмоқда.
Ўзбекистон ҳудудларидаги маҳаллаларда 1164 та спорт майдончаси қурилади
2021−2025 йиллар давомида бутун мамлакатда бадминтон, стритбол ва «Workоut» спорт турлари бўйича 1164 та спорт майдончаси қурилади. Ҳар йили ушбу спорт турлари ҳамда юриш, югуриш ва мини-футбол бўйича 18 та мусобақа ўтказиш режалаштирилмоқда. Қарордаги дастур ва параметрлар тўлиқ бажарилгунга қадар бюджетдан ҳар йили 104 млрд сўмдан ажратилади.
Олимпия ва паралимпия захиралари коллежлари ташкил этилади
Президент қарори билан Олимпия захиралари коллежлари негизида Олимпия ва паралимпия захиралари коллежлари ташкил этилади. Ундаги контингент фақат олимпия ва паралимпия спорт турлари бўйича шакллантирилади. Қолаверса, 3 йиллик «специалитет» дастурни амалга оширадиган Олий спорт маҳорати институти ҳам очилади.
Долларнинг расмий курси пасайди
Долларнинг сўмга нисбатан расмий курси 12,26 сўмга пасайиб, 10 693 сўм этиб белгиланди. Евро ва рубль курслари эса кўтарилди.
«Келишилмаган харакатлар». Ижтимоий тармоқларнинг блокланиши бошқа кўплаб саволларни келтириб чиқарди
«Ўзкомназорат» қонунда белгиланган талабни бажарди, шунга қарамасдан, регулятор раҳбари ишдан бўшатилди, қонунбузарлар рўйхатидан эса барча ижтимоий тармоқлар ҳам чиқариб ташлангани йўқ. Мисол учун, «ВКонтакте», Twitter, WeChat, TikTok ва Skype ҳануз қора рўйхатда. «Келишилмаган ҳаракатлар» ортидан ижтимоий тармоқларнинг блокланиши ва жавобсиз қолаётган саволлар ҳақида мутахассислар фикри.
Ўзбекистон ва Австрия ТИВлари ўртасида ҳамкорлик дастури имзоланди
Ўзбекистон ташқи ишлар вазири Абдулазиз Камилов Австриянинг Европа ва ташқи ишлар федерал вазири Михаэл Линхарт билан учрашди. Музокараларда 2022−2023 йилларга мўлжалланган ҳамкорлик дастури имзоланди.
Нормат Турсунов Навоий вилояти ҳокими вазифасини бажарувчи этиб тайинланди (янгиланди)
Навоий вилояти ҳокими Қобул Турсунов соғлиги даволаниш талаб этилганлиги сабабли, ўз аризасига мувофиқ вазифасидан озод этилди. Тошкент шаҳар давлат солиқ бошқармаси бошлиғи сифатида фаолият юритиб келган Нормат Турсунов вилоят ҳокими вазифасини бажарувчи этиб тайинланди.
Нурафшонда 34,4 млрд сўмга ёдгорлик мажмуаси ва кутубхона қурилади
Нурафшонда Зулфия Зокирова ёдгорлик мажмуасини қуриш ва атрофини ободонлаштириш, шунингдек, кутубхона қуриш учун 34,4 млрд сўм (3,2 млн доллардан ортиқ) маблағ йўналтирилди. Лойиҳа Қаршидаги «Qashqadaryo Maks Servis Qurilish корхонаси томонидан амалга оширилмоқда. Ҳокимлик харажатлар юзасидан изоҳ берди.
Тошкент ҳавосидаги чанг миқдори нормал кўрсаткичга қайтди
8 ноябрь соат 11:00 ҳолатига кўра, Тошкент шаҳрида ҳавонинг чанг билан ифлосланиши рухсат этилган максимал қийматдан ошмади, деб хабар берди «Ўзгидромет».
Балки, етар энди?
Ўзбекистон шаҳар ва қишлоқларини чанг-тўзонли туман қоплади. Бундай пайтда очиқ ҳавода бўлиш соғлиқ учун хатарлидир. Айни пайтда мамлакатдаги дарахтлар ва яшил боғлар, далалар, кўл ва дарёлар нажот сўраб илтижо қилмоқда. Агар уларнинг гапиришга забони бўлганида, бизга нима деган бўлишарди? Ботир Қобилов рукнида шу ҳақда ҳикоя қилинади.
Навоий вилояти ҳокими ишдан олиниши кутилмоқда
Навоий вилояти ҳокими Қобул Турсунов вазифасидан озод этилиши кутилмоқда. Апрель ойида президент видеоселектор йиғилишида Қашқадарё ва Навоий вилоятлари ҳокимларига ҳайфсан берган эди.
Якшанба куни 349 киши нафас сиқиши муаммоси билан мурожаат қилган — ССВ
7 ноябрь куни республика бўйлаб 3768 киши «Тез ёрдам» хизматига мурожаат қилган. Шундан 349 таси чанг-қумли бўрон натижасида нафас етишмовчилиги билан боғлиқ чақириқ бўлган.
ДХХ террористик ташкилот тарафдори сифатида айбланган шахсни Ўзбекистонга олиб келди
ДХХ томонидан «Тавҳид ва жиҳод катибаси» террористик ташкилоти таъсирига тушиб қолган шахс Ўзбекистонга олиб келинди. У Суриядаги жангарилар сафига қўшилиш мақсадида қўшни давлатларнинг бирига ўтганида қўлга олингани айтилмоқда.
Ҳафта давомида айрим ҳудудларда ёмғир ёғиши кутилмоқда
Бугун ва эртага Ўзбекистоннинг жанубий ҳудудларида нам ҳаво массалари айланиб туради. Самарқанд, Қашқадарё, Сурхондарё вилоятларида ёмғир ёғиши кутилмоқда. Пайшанба куни мамлакатга илиқ ҳаво массалари кириб келади. Ҳаво ҳарорати кечалари +3…+8 даража илиқ, кундуз кунлари +15…+18 даража илиқгача исийди.
Фарғонадаги меҳрибонлик уйларида тарбияланувчи қолмади ва муассасалар фаолияти тўхтатилди
Фарғона вилоятидаги меҳрибонлик уйларида тарбияланувчи қолмади ва муассасалар фаолияти тўхтатилди. Данғара туманида яшовчи Бердиевлар оиласи 6 нафар тарбияланувчини асраб олиб, «Болалар бахти» номли оилавий болалар уйини ташкил қилди. Шунингдек, Қўқон шаҳрининг Ўзбекистон ва Тошлоқ туманларида ҳам оилавий меҳрибонлик уйлари ташкил этилган. Муассасанинг 80 нафар собиқ ишчи-ходимлари мутахассислиги бўйича яшаш манзилларига яқин бўлган жойларда иш билан таъминланмоқда.
Тошкентда 7 киши ўртасида содир бўлган жанжал юзасидан жиноят иши қўзғатилган
31 октябрь куни пойтахтнинг Юнусобод туманида 7 киши ўртасидаги келишмовчилик оқибатида жанжал келиб чиқди. Видеоларда биринчи томон автомобилда қочмоқчи бўлганида иккинчи томон унинг балонига пичоқ тиққанини кўриш мумкин. Ҳолат юзасидан безорилик моддаси билан жиноят иши қўзғатилди.
Иқтисодиёт соҳасида ишлаётганлар ОТМларга суҳбат асосида қабул қилиниши мумкин
Иқтисодиёт тармоғида 5 йил иш стажига эга фуқаролар суҳбат асосида ОТМларга ўқишга қабул қилиниши тўғрисидаги низом тасдиқланди. Талабгорлар вазирлик, идора ва йирик хўжалик бирлашмалари томонидан берилган тавсияномалар асосида суҳбатга киритилади.
Ўзбекистон Британиянинг Умумий имтиёзлар тизими бўйича бенефициар мамлакат мақомини олди
Буюк Британия Ўзбекистонга «UK GSP Enhanced Framework» Умумий имтиёзлар тизими бўйича бенефициар мамлакат мақомини тақдим қилди. Ушбу мақом кенг турдаги ўзбек маҳсулотларининг Британия бозорига киришини осонлаштириши ва уларнинг рақобатбардошлигини ошириши кутилмоқда.
Эмлаш бошланганидан бери қанча аҳоли қайси вакцина билан эмлангани маълум қилинди
Соғлиқни сақлаш вазирлиги маълумотларига кўра, 10 млн нафардан ортиқ аҳоли ZF-UZ-VAC2001 билан турли босқичларда эмланди. Бундан ташқари, аҳоли «Спутник V» (274 мингдан ортиқ киши), AstraZeneca (1,448 млн), Moderna (1,371 млн), Pfizer (1 млн) ва Sinovac (1030 киши) вакциналари билан турли босқичларда эмланди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг