Архив
Давлат геология қўмитасининг собиқ раҳбари Тулкун Шаякубов вафот этди
Собиқ Ўзбекистон ССР геология вазири ва Давлат геология қўмитасининг собиқ раиси (1991−1999) Тулкун Шаякубов 88 ёшида вафот этди.
Мансабдорлар 2019 йилда 1 трлн сўм зарар етказди
Ўзбекистонда мансабдорлар 2019 йилда 1 трлн сўм, 2020 йилнинг 11 ойида 346 млрд сўм зарар етказгани маълум қилинди. Қолаверса, коррупция ҳолатлари бўйича хабар берганларни рағбатлантиришга тахминан қанча маблағ сарфланиши очиқланди.
АҚШ, Ўзбекистон ва Козоғистон Марказий Осиё лойиҳаларига 1 млрд доллар йўналтиради
АҚШ, Ўзбекистон ва Қозоғистон «Марказий Осиё инвестициявий шериклиги» ташаббусини эълон қилишди. Беш йил ичида камида хусусий лойиҳаларни қўллаб-қувватлаш учун 1 млрд доллар маблағларни жалб этиш кутилмоқда.
Ўзбекистонда Winrock International филиали қайта очилади
Адлия вазирлиги Америка нодавлат нотижорат ташкилоти Winrock International`нинг Ўзбекистондаги филиалини рўйхатдан ўтказди. Ташкилот ваколатхонаси 2006 йилда ёпилган эди.
Халқ банкига янги раис ўринбосари тайинланди
АТ Халқ банкининг Тошкент вилояти Чирчиқ филиали бошқарувчиси лавозимида фаолият юритиб келган Гулзода Рашидова акциядорлик тижорат Халқ банки Бошқаруви Раисининг аёллар тадбиркорлигини қўллаб-қувватлаш бўйича ўринбосари этиб тайинланди.
Наманганда спиртли ичимликдан вафот этганлар сони 6 кишига етди
Бош прокуратура Тўрақўрғон туманида спиртли ичимликдан захарланган 6-бемор вафот этганини маълум қилди. Бир нафар бемор реанимацияда қолмоқда. Сотувчи ва етказиб берувчига нисбатан жиноий иш очилди.
Битирувчиси ОТМга кирмаган мактаб директорини ишдан олиш фойда берди — Шерзод Шерматов
Битирувчисининг биронтаси ҳам ОТМга кирмаган мактабларда узоқ вақт ишлаган раҳбарларни лавозимдан олиш бўйича чоралар туфайли, бир йил ичида бундай мактаблар сони 3 баробарга камайган. 2020 йилда Қашқадарё вилоятида 16,4% мактабнинг бирорта битирувчиси ОТМга кирмаган. Бу бўйича энг яхши натижа Тошкент шаҳрида (0,3% мактабда) кузатилган.
Навоийда тендер буюртмачиси раҳбари оиласига тегишли корхона бир неча миллиардлик давлат буюртмаларини олганлиги айтилмоқда
Навоий вилоят ҳокимлиги «Ягона буюртмачи хизмати» инжиниринг компанияси раҳбари Баҳодир Мансуров оиласига тегишли қурилиш корхонаси бир неча миллиардлик давлат буюртмаларини олган, тендер ва танлов комиссиялари фаолиятида унинг ўзи фаол иштирок этган. Бунга блогер Davletovuz эътибор қаратди.
Чақалоқ савдосига сабаб бўлаётган асосий омиллар эълон қилинди
Сўнгги уч йил мобайнида Ўзбекистонда чақалоқ савдоси бўйича 185 ҳолат аниқланди. Ушбу жиноятларнинг асосий сабаблари оналарнинг ижтимоий-моддий жиҳатдан ҳимоясизлиги ва никоҳсиз болалар туғилишини яшириш истаги эканлиги маълум қилинди.
29 йил деганда илк бор маданиятга оид қонун ишлаб чиқилди
Сенаторлар маданият соҳасига оид қонунни маъқуллади. Маданият вазири Озодбек Назарбековнинг таъкидлашича, «Авваллари бу соҳада якдил, унинг ҳамма йўналишларини қамраб олувчи қонун даражасидаги ҳужжат бўлмаган».
Лондон суди Жулиан Ассанжни гаров эвазига озод қилишдан бош тортди
Лондон суди WikiLeaks асосчиси Жулиан Ассанжни гаров эвазига озодни қилишдан бош тортди. Судья у озод қилинган тақдирда, қочишга уриниши мумкин деб ҳисобламоқда.
Тошкент шаҳар ИИББ совуқда қолган бошпанасиз шахслар ҳақида хабар беришни сўради
Пойтахт кўчаларида совуқда қолган бошпанасиз фуқароларни кўриб, Тошкент шаҳар ИИББнинг 71−281−90−32 рақамига мурожаат қилиш мумкин. Муҳтожлар Тошкент шаҳар ИИББ ҳузуридаги Муайян яшаш жойига эга бўлмаган шахсларни реабилитация қилиш марказида ташкил этилган «Меҳр саховат» бошпанасига олиб борилади.
Токиода фавқулодда ҳолат жорий этилди
COVID-19 нинг тарқалаши сабабли Япония пойтахти Токиода 8 январдан бошлаб фавқулодда ҳолат эълон қилинди. Овқатланиш жойларига чекловлар белгилаш, ходимларни масовафий иш тартибига ўтказиш ва оммавий тадбирларни бекор қилиш режалаштирилмоқда.
Конгресс Жо Байденни АҚШ президенти сифатида тасдиқлади
АҚШ Конгресси Жо Байденни қўшма штатлар президенти этиб сайланганини расман тасдиқлади. Тарафдорлари АҚШ Конгресси биносига бостириб кирган Дональд Трапм ҳокимиятни «батартиб» ҳолда топширишни ваъда берди.
«Жартепа» чегара божхона пости экспорт-импорт юклари ҳаракати учун очилди
Ургут туманида Тожикистон Республикаси билан чегарада жойлашган «Жартепа» чегара божхона пости яна ўз фаолиятини бошлади. Пост орқали ҳозирча фақат халқаро юк ташувчиларнинг юк автотранспорт воситалари ҳаракатланиши белгиланган.
Жоржиядаги Сенат сайловларида демократлар ғалаба қозонмоқда
АҚШнинг Жоржия штатида демократлар вакиллари Жон Оссофф ва Рафаэл Уорнок Сенатдаги ўринлар учун сайловда устун келишмоқда. Ушбу ғалаба демократлар партиясига вице-президент ҳисобига Сенатда назорат ўрнатиш имкониятини беради.
Визасиз саёҳат қилиш рейтингида Ўзбекистон паспорти 86-ўринни эгаллади
Визасиз саёҳат қила олиш халқаро рейтингида Ўзбекистон паспорти 86-ўринни эгаллади. Ўзбекистонликлар 57 та давлатга визасиз кириши ёки боргандан кейин виза олиши мумкин. Биринчи ўриндаги Япония фуқаролари 191 та давлатга ва Сингапурликлар 190 та мамлакатга визасиз киришлари мумкин.
Қашқадарёда электр узилишлари сабабли сув таъминоти тўхтади
Қашқадарё вилоятида Талимаржон ИЭСга етарли миқдорда газ бормаганлиги учун, иккита энергоблок тўхтаб, электр энергия тизимида узилишлар кузатилди. Бунинг натижасида бир неча туманларда сув таъминоти ҳам тўхтаган.
Қозоғистон ва Қирғизистон электр узилишларини Ўзбекистон электр тизимидаги муаммолар билан изоҳлади
Қозоғистон жанубида ва Қирғизистоннинг айрим ҳудудларида электр энергиясидан узилишлар кузатилди. Иккала мамлакат ҳам Ўзбекистондаги энергия тизимидаги муаммоларга ишора қилмоқда. Аввалроқ Ўзбекистон Энергетика вазирлиги минтақанинг ягона энергия тизимидаги электр узатиш линияларидаги узилишлар ҳақида хабар берган эди.
Трамп тарафдорлари АҚШ Конгресси биносига бостириб киришди — асосий воқеалар
Жо Байденнинг АҚШ Конгрессидаги ғалабасини тасдиқлаш йиғилишида Трамп тарафдорлари бинога бостириб киришди. Тартибсизлик ва отишма натижасида бир киши вафот этди, бир неча полиция ходими жароҳатланди. Шаҳарда пайшанба эрталабигача комендантлик соати эълон қилинди.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг