2025 йил Парламентлараро иттифоқнинг 150-юбилей ассамблеяси Ўзбекистонда ўтказилади. Сенати раиси Танзила Нарбаева иттифоқ раиси Тулия Эксон билан учрашувда ассамблея ҳамда унинг тегишли мажлисларини ташкил этиш ва ўтказиш билан боғлиқ масалаларни кўриб чиқди.
Президент Намангандаги заргарлик корхонасига ташрифи чоғида Ўзбекистонда йилига 100 тонна олтин қазиб олинаётгани, бироқ унинг атиги 6 фоизи қайта ишланаётганини айтди. Унга кўра, соҳа учун қўшимча шароитлар яратилмоқда. «Бу — бошланиши. Соҳани ҳали яна ривожлантирамиз», — дея ишонтирди у.
Ўртача суткалик ҳарорат +10 даражадан юқори бўлаётгани сабабли 26 мартдан Тошкент шаҳрида иситиш мавсуми якунланади.
Душанба, сешанба кунлари юқори ҳарорат сақланиб туради, сўнг Ўзбекистонга Ўрта денгиздан нам ҳавонинг бир қисми кириб кела бошлайди. Жойларда шамол тезлиги кучайиб, вақти-вақти билан ёмғир ёғади. Ҳарорат иш ҳафтасининг охирига келиб кундузи +13…+18 даража илиқни ташкил этади.
Ўзгидромет 26−31 март кунлари Ўзбекистоннинг тоғолди ва тоғли ҳудудларида сел-сув тошқин ҳодисалари юзага келишидан огоҳлантирди. Ёмғир сувлари тўпланиши сув босишига олиб келиши мумкин.
Ўзбекистон бош вазири Россиянинг Тошкентдаги элчихонасига бориб, Москва вилоятида юз берган теракт муносабати билан Россия халқига ҳамдардлик билдирди. Бир қатор вазирлар ва парламент палаталари раҳбарияти вакиллари ҳам ҳамдардлик китобига ўз ёзувларини қолдирди.
Грузияда ўтган дзюдо бўйича «Катта дубулға» турнирида Ўзбекистондан борган 18 нафар спортчининг 2 нафари — Сардор Нуриллаев ва Шарофиддин Болтабоев кумуш медаль олди. Тошкентда ўтган аввалги турнир ўзбекистонликларга омадлироқ келганди (6 та медаль).
Душанба куни Шавкат Мирзиёев Наманган вилоятига ташриф буюради. Давлат раҳбари иқтисодий лойиҳаларни кўздан кечиради ва йирик энергетика объектлари қурилишини бошлаб беради. Шунингдек, ифторлик дастурхони ёзилиши ҳам режа қилинмоқда.
Тошкентда кечаси Жаҳон тиллари университети яқинида тўртта автомобиль тўқнашиб кетди, оқибатда олти киши жароҳат олди. Кеча тунда, шунингдек, Бунёдкор шоҳ кўчасида олтита автомобиль тўқнашиб кетди.
Қумқўрғондаги сел талафотларини бартараф этишга Сурхондарёнинг бошқа туманларидан 10 минг киши, 350 дан ортиқ юк ва махсус транспорт воситалари жалб қилинди. Ички йўллар шағаллаштирилиб, аҳоли хонадонлари ва бошқа объектлар дезинфекцияланди, дарахт ва бута кўчатлари ўтқазилди. Фото.
«Ўзбекнефтгаз»нинг соф фойдаси 2023 йилда 611,6 млрд сўмни ташкил этиб, 2022 йилга нисбатан 52,6 фоизга қисқарди. Охирги уч йилда унинг даромадлари беш бараварга — 3,3 трлн сўмдан 611 млрд сўмгача камайди. Молиявий кўрсаткичларнинг пасайиши капитал, тақсимланмаган ва ялпи фойдада кузатилган.
Шарқда: «Халқнинг ҳаёт тарзини кўрмоқчимисан, бозорга бор», дейдилар. Шу боис «Газета.uz» Наврўзни кутиб олгани Тошкентнинг бош бозори Чорсуга борди. Байрам баҳона бу ерга бутун Ўзбекистондан сотувчилар тўпланган. Байрам қандай кутиб олинганини ва сотувчиларнинг байрамона фикрларини сизга етказамиз.
«Салимбой» номи билан танилган тадбиркор Салим Абдувалиев ўқотар қуролларнинг ноқонуний муомаласида айбланиб, 6 йилга озодликдан маҳрум қилинди. Жазони умумий тартибли колонияда ўташ белгиланди.
Ўзбекистоннинг турли ҳудудларида яшовчи уч болакай янги қўл протезларига эга бўлди. Протезлар хайрия фондлари ва ҳомийлар маблағи эвазига Россиянинг «Моторика» компанияси томонидан тайёрлаб, ўрнатилган. Ушбу ишлаб чиқарувчининг киберпротезлари 2022 йилдан бери 13 ўзбекистонликка берилди.
Ўзбекистон президенти Россия президенти билан телефон орқали мулоқотда ҳамдардлик билдирди ва зарур ёрдам кўрсатишга тайёрлигини таъкидлади. Давлат раҳбарлари икки мамлакат хавфсизлиги ва барқарорлигига таҳдид бўлган кучга қарши курашишга келишиб олди.
2018 йилнинг май ойидан бери Ўзбекистоннинг Саудия Арабистонидаги элчиси бўлиб ишлаб келган Улуғбек Мақсудов ўз дипломатик миссиясини якунлади.
Россия Тергов қўмитаси «Крокус Сити Ҳолл»га уюштирилган ҳужумда иштирок этган 4 киши ҳибсга олингани, шунингдек, теракт қурбонлари сони 93 кишига етганини маълум қилди. «Ўлганлар сони яна ортиши мумкин», — дейилади хабарда.
AstraZeneca фармацевтика компанияси вакили Алексей Тетерюк рақамли маркировкалаш билан биргаликда кўриладигна қўшимча чоралар фуқароларни қандай қилиб контрафакт ва қалбаки дори воситаларидан ҳимоя қилиши мумкинлиги ҳақида ўз фикр-мулоҳазалари билан ўртоқлашди.
Самарқанд шаҳрида туғилганига 4−5 кун бўлган 2 чақалоқ кўп қаватли уйнинг кириш йўлагида қолдириб кетилди. Сумкага солинган қиз чақалоқларни ҳудуд ҳамшираси топиб олди. Уларнинг аҳволи яхши экани айтилмоқда. Болаларни ким қолдириб кетгани ҳозирча номаълум.
Болаларнинг оммавий заҳарланишига сабаб бўлган, йод таркибли «Антиструмин» таблеткаларини ишлаб чиқарган Samo МЧЖ қўпол қонунбузилиш ҳолатига йўл қўйгани аниқланиб, унинг лицензияси вақтинча тўхтатилди.
Қўшимча имкониятларга эга булиш учун сайтда рўйхатдан ўтинг