Архив
Британия қироли Чарльз III саратон касаллигига чалинди
Буюк Британия қироли Чарльз III саратон касаллигига чалинди. Даволаниш даврида у оммавий тадбирларда камроқ қатнашади. Букингем саройининг таъкидлашича, қирол яхши кайфиятда ва тез орада давлат вазифаларига қайтишга умид қилмоқда.
Ўзбекистонлик зиёратчилар Умрадан қайтишда қийинчиликка учрагани юзасидан иш очилиши мумкин
Туризм қўмитаси Умра хизматларини лицензиясиз кўрсатган компанияларнинг маълумотлари ҳуқуқни муҳофаза қилувчи органларга тақдим этилаётганини билдирди. Шунингдек, хизматларни сифатсиз кўрсатилганидан жабр кўрган зиёратчиларга моддий ва маънавий зарар суд қарори билан ундириб берилишини эслатиб ўтди.
Ўзбекистон 2023 йилда дунёда энг кўп олтин сотган иккинчи мамлакат бўлди
2023 йил якуни бўйича Ўзбекистон дунёда иккинчи энг кўп олтин сотган мамлакат бўлди. Олтин бўйича соф савдо 25 тоннадан ортиқни ташкил этиб, биринчиликни эгаллаган Қозоғистондан икки баробар кам кўрсаткични қайд этди. Шунингдек, мамлакат декабрь ойида 9 тонна олтин харид қилди.
Рамазон Ашрапов ИИВ раҳбари ўринбосари — Тергов департаменти бошлиғи бўлди
Рамазон Ашрапов Ички ишлар вазирининг ўринбосари — Тергов департаменти бошлиғи бўлди. У шу пайтга қадар Тошкент вилояти ИИБ бошлиғи ўринбосари сифатида ишлаб келаётганди.
Навоийдаги мактабда ўқитувчи 2 ўқувчини калтаклади
Навоий шаҳридаги 18-сонли мактабда рус тили ўқитувчиси (эркак) 2 нафар ўқувчини калтаклади. Ҳозирда ҳолат болалар омбудсмани кузатувида ва терговга қадар текширув олиб борилмоқда.
Наманганда қалбаки дори воситаларини тайёрлаш ва сотиш билан шуғулланган тиббиёт ходими ушланди
Наманганда «Зодак», «Анаферон», «Хилак Форте» ва «Витамин В6» номли қалбаки дори воситаларини тайёрлаш ҳамда сотиш билан шуғулланган тиббиёт ходими қўлга олинди. Яширин цех шароитида тайёрланган дори воситалари асосан Андижон, Фарғона ва Тошкент шаҳарларидаги дорихоналарда сотувга чиқарилган.
Оҳангарон ҳокими истеъфосини эълон қилиб, аҳолига миннатдорлик билдирди ва кимнидир хафа қилган бўлса, улардан узр сўради
2020 йилнинг июнидан бери Тошкент вилояти Оҳангарон шаҳрига ҳокимлик қилиб келган Акром Эшонқулов лавозимини тарк этгани ҳақида эълон берди. «Иш жараёнида биронтангизни ранжитган бўлсам, барчаларингиздан узр сўрайман. Хайр жонажон шаҳрим», — деб ёзди у.
Президент дориларни электрон рецепт асосида бериш ва 300 та клиник протоколни янгилаш бўйича топшириқ берди
Президент мутасаддиларга 300 та клиник протокол ва стандартларни халқаро мезонларга мослаштириш бўйича топшириқ берди. Шунингдек, «Электрон поликлиника», «Электрон шифохона» ва «Электрон тиббий карта» тизимини ишга тушириш, дориларни электрон рецепт асосида беришни йўлга қўйиш вазифасини топширди.
Хоразмда 81 туп дарахт кесган фермер хўжалиги раҳбарига жиноят иши қўзғатилди
Гурлан туманида фермер хўжалиги раҳбари 81 туп биологик соғлом туронғил дарахтини ноқонуний кесгани аниқланди. Бунинг оқибатида табиатга 618,1 млн сўмлик зарар этказилган. Хўжалик раҳбарига жиноят иши очилди.
Аюбхон Юнусов Ўзбекистоннинг Кувайтдаги элчиси бўлди
Ўзбекистон ТИВнинг бошқарма бошлиғи лавозимида ишлаб келган Аюбхон Юнусов мамлакатнинг Кувайтдаги элчиси этиб тайинланди. 50 ёшли дипломат 2016−2022 йилларда элчи бўлиб ишлаган Баҳромжон Алоев ўрнини эгаллади.
Венгрияда Швециянинг НАТОга аъзо бўлиш ҳақидаги аризасига доир парламент йиғилиши тўхтатилди
Венгриянинг ҳукмрон партияси аъзолари Швециянинг НАТОга аъзо бўлиш аризаси бўйича овоз бериш жараёни ўтказилиши керак бўлган парламент йиғилишини бойкот қилди. Венгрия Европа Иттифоқидаги ҳали аризани маъқулламаган сўнгги давлат ҳисобланади.
Парижда йўлтанламас автомобиллар учун «парковка» тўловлари уч баравар оширилади
Парижликлар йўлтанламаслар учун автотураргоҳлар нархини уч баробар ошириш тартибини қўллаб-қувватлади. Франция пойтахти расмийлари шу йўл билан ушбу турдаги автомобилларнинг ҳавони ифлослантиришига қарши курашиб, йўл ҳаракати хавфсизлигини яхшилашни истамоқда.
«Биз „Док-1 Макс“ иши бўйича ҳамкорликка тайёрмиз». Болалар омбудсмани — жабрланган ва вафот этган болаларнинг ота-оналарига компенсация тўлаш ҳақида
Болалар омбудсмани Сурайё Раҳмонова «Док-1 Макс» сиропи ишида ота-оналар билан ҳамкорлик қилишга тайёрлигини билдирди. Ундан фойдаланиш оқибатида Ўзбекистонда камида 69 бола ҳалок бўлганди.
Жаҳонгир Ортиқхўжаев баъзи журналистларни «УЖЖ» деб атаб, «сал пастроққа тушишни» сўради
Собиқ ҳоким Жаҳонгир Ортиқхўжаев журналист ва блогерларни танқид қилиб, айримларини УЖЖ — «уюшган жиноий журналистлар» деб атади. У улардан «сал пастроққа тушишни» ва ўзларини «бутун жамоатчилик» деб ҳисобламасликни сўради. Унинг сўзларига кўра, улар хорижий ОАВ билан рақобатга дош бера олмайди.
5 февраль куни эълон қилинган энг муҳим янгиликлар дайжести
KPI бўйича ишлайдиган вазирлар, озодликка чиққан Отабек Сатторий, ўзбекистонлик мигрантларни ишга чақираётган Исроил, дорилар сотуви билан боғлиқ «ўйинлар» ҳақида гапирган президент ва бошқалар — «Газета.uz»нинг кунлик дайжестида.
Ўзбекистонлик теннисчи Денис Истомин фаолиятини якунлади
Теннисчи Денис Истомин Девис кубоги доирасидаги Ўзбекистон-Польша учрашувидан сўнг профессионал спортдаги фаолиятини якунлаганини маълум қилди. У уч марта Олимпия ўйинларида қатнашган, 2018 йилги Осиё ўйинларида олтин, Гуанжоу-2010 да 2 та кумуш ва Инчеон-2014 да бронза медалини қўлга киритган.
«Жинсий тарбиядан олабўжи ясамаслик керак» — болалар омбудсмани
Ўзбекистонда жинсий тарбия «боланинг тарбияси ва ахлоқий фазилатларига қандайдир тарзда таҳдид солади», деган фикр кенг тарқалган, деди болалар омбудсмани Сурайё Раҳмонова Alter Ego лойиҳасига берган интервьюсида. «Ундан олабўжи ясамаслик керак. Маърифат таҳдид солиши мумкин эмас», — деди у.
Исроил қурилиш ишларига Ўзбекистон фуқароларини ёлламоқчи
Исроил Ғазо секторидаги можаронинг кучайиши ортидан ишчи кучи танқислигига дуч келди. Расмийлар қурилиш соҳасидаги фаластинликлар ўрнини Ўзбекистон, Ҳиндистон ва Шри-Ланка мигрантлари ҳисобига тўлдиришни режалаштирмоқда. Учта давлатдан умумий ҳисобда 65 минг ишчи келиши кутилмоқда.
Шерзод Салихов Чиноз тумани ҳокими этиб тайинланди
Тошкент вилояти Чиноз туманига Шерзод Салихов ҳоким этиб тайинланди. Тайинловга қадар у Тошкент тумани ҳокимининг молия-иқтисод ва камбағалликни қисқартириш масалалари бўйича биринчи ўринбосари лавозимида фаолият юритаётган эди.
Президент Париждаги Олимпия ўйинларида якка курашдан бошқа спорт турларидан ҳам медаллар кутмоқда
Шавкат Мирзиёев Парижда бўладиган Олимпия ва Паралимпия ўйинларига қаттиқ тайёргарлик кўришни тайинлади. «Бу йилги ютуқларни Токиодаги каби фақат якка кураш спорт турлари ҳисобидан қўлга киритамиз, деган фикр мутлақо нотўғри. Натижа тарихда энг яхшиси бўлиши учун ҳозирдан чора кўриш керак», деди у.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг