Архив
Адлия вазири Акбар Тошқулов лавозимидан озод этилиши ҳақида огоҳлантирилди
Халқаро стандартларни жорий қилиш соҳасини тартибга солмаса, адлия вазири Акбар Тошқулов лавозимидан озод этилиб, Техник тартибга солиш агентлиги раҳбари этиб тайинланиши ҳақида огоҳлантирилди. Агентлик тўлиқ ислоҳ қилиниб, Ҳукумат таркибига ўтказилиши белгиланди.
2023 йилда Ўзбекистонда автомобиль савдоси 18 фоизга, хусусан, электромобилники 4,3 бараварга ошди
Ўзбекистонда 2023 йилда 1,69 млн дона автотранспорт воситаси сотилди, бу 2022 йилга нисбатан 18 фоизга кўп. Электромобиллар савдоси 4,3 борабарга ошиб, 25,7 мингта электрокарни ташкил этди. Электромобилларнинг 71 фоизи пойтахтда сотилди.
Ўзбекистонда икки йилда бир марта мукофот жамғармаси 2 млн доллар бўлган халқаро мода ҳафталиги ўтказилади
Ўзбекистонда 2024 йилдан ҳар икки йилда бир марта мукофот жамғармаси 2 млн доллар бўлган халқаро «Ўзбекистон ипак матолари» мода ҳафталиги ўтказилади. Шунингдек, «Зомин», «Чимён» ва «Амирсой»да бож олинмайдиган («duty free») йирик савдо комплекслари қурилади.
Тўртта вилоят ҳокимларининг инвестиция бўйича ўринбосарлари ва 10 та туман, шаҳар ҳокимларига интизомий чора кўрилади
Абдулла Ариповга экспорт ҳажмлари камайгани учун Андижон, Бухоро, Қашқадарё, Навоий вилоятлари ҳокимларининг инвестиция бўйича ўринбосарлари ҳамда 10 та туман ва шаҳар ҳокимига нисбатан интизомий чора кўриш топширилди.
Инвестициялар вазири ўринбосари ва Техник тартибга солиш агентлиги раҳбари ишдан олинди
Ўз тизимидаги камчилик ва сусткашлик бўлгани учун инвестициялар, саноат ва савдо вазири ўринбосари Бадриддин Абидов ва Техник тартибга солиш агентлиги раҳбари Дилшод Сатторовни лавозимидан озод қилинди.
Бош вазир ўринбосари Жамшид Ходжаевнинг лавозимига лойиқлиги кўриб чиқилади
Президент раислигидаги видеоселекторда инвестициялар соҳасида чорак якунигача ўзгариш қилмаса, комплекс учун масъул бош вазир ўринбосари Жамшид Ходжаевнинг лавозимига лойиқлиги кўриб чиқилиши маълум қилинди.
19−21 январь кунлари тоғли ҳудудларда қор кўчиши хавфи эълон қилинди
Ёғингарчилик ҳамда ҳаво ҳароратининг кескин ўзгариши сабабли 19−21 январь кунлари Тошкент ва Наманган вилоятларининг тоғли ҳудудларида қор кўчиш хавфи мавжуд.
Тошкент аэропорти фаолияти қалин туман сабаб вақтинча чекланди
Пайшанба тонгидаги қалин туман Тошкент аэропорти фаолиятини чеклаб қўйди. Бир қанча рейслар Самарқанд, Фарғона, Намангандаги муқобил аэродромларга йўналтирилди. Uzbekistan Airways авиакомпанияси парвозлар кечикиб амалга оширилишини маълум қилди.
«Маҳалланинг қурби етмайдиган ишнинг ўзи йўқ». Маҳаллалар уюшмаси фаолларга мурожаат қилди
Ўзбекистон маҳаллалари уюшмаси таъсис конференциясида маҳалла фаолларига мурожаат қилинди. Унда маҳалла «одамларга энг яқин халқчил тузилмага, чинакам халқ виждони»га айланиб бораётгани таъкидланиб, фаолиятни «сифат жиҳатдан янги босқичга» кўтариш зарурлиги қайд этилди.
Apple Samsung компаниясини ортда қолдириб, дунёдаги энг йирик смартфон сотувчисига айланди
Apple 2023 йилда смартфон етказиб бериш бўйича Samsung`дан ўзиб кетди ва биринчи марта жаҳон бозорида етакчилик қилди. Мутахассислар буни премиум гаджетларнинг ўсиб бораётган тенденцияси билан боғлашади. Биринчи бешликка Хитойнинг Xiaomi, Oppo ва Transsion компаниялари ҳам кирди.
17 январь куни эълон қилинган энг муҳим янгиликлар дайжести
Тошкентдаги эковазиятни яхшилаш режалари, хусусийлаштирилаётган «Пахтакор», Хитой таклиф қилаётган ғилдиракли трамвайлар, бошқа ишга ўтган Қаҳрамон Қуронбоев ва бошқалар — «Газета.uz»нинг кунлик дайжестида.
«Ўйин қилмагин». Президент давлат активларини хусусийлаштиришни жадаллаштириш бўйича топшириқ берди
Президент 33 та дон корхоналарини хусусийлаштиришни тезлатиш бўйича топшириқ берди. У вазирлик ва ҳокимликлар активлари сотувининг сустлашиб бораётганини танқид қилди. Масалан, Тошкент шаҳрида 25 гектар ер аукционга қўйилиб, кейин қайтариб олингани сабабли бюджетга 600 млрд сўм келиб тушмаган.
Хитой аҳолиси кетма-кет иккинчи йил қисқаришда давом этмоқда
Хитой аҳолиси COVID-19 сабабли ортган ўлим даражаси ва паст туғилиш кўрсаткичи фонида кетма-кет иккинчи йил қисқармоқда. Расмийлар бу келажакда мамлакат иқтисодиётига қандай таъсир қилишидан хавфсирамоқда, аммо ҳозирча ёш оилаларни қўллаб-қувватлаш учун етарли маблағ йўқ.
«Бу — коррупцияга асос». Президент Ўзбекистон туманларининг мастер-режалари йўқлиги ҳақида гапирди
Президент бош вазир ўринбосарига йил охиригача 70 та, 2025 йилда эса Ўзбекистоннинг барча туманлари бўйича мастер-режалар ишлаб чиқиш топшириғини берди. Шунингдек, у баъзи ҳокимлар пахта майдонларини электрон платформага интеграция қилиш тўғрисидаги фармонига зид иш тутаётганини айтди.
Тошкентда ичида қурилиш материаллари бўлган контейнер ёниб кетди
Пойтахтнинг Бектемир туманида ичида қурилиш материаллари бўлган контейнерда ёнғин содир бўлди. Uzum Market маркетплейси компания омбори ёнаётгани ҳақидаги хабарларни рад этди — ёнғин қўшни ҳовлида содир бўлган.
«Гап бутун миллат саломатлиги ҳақида кетяпти». Депутатлар Тошкент ҳавоси ифлосланиши юзасидан экология вазирининг ахборотини эшитади
Депутатлар мамлакат ва Тошкент ҳавосининг ифлосланиши ҳақидаги саволларга жавоб бериши учун экология вазири Азиз Абдуҳакимовни парламентга таклиф қилади. Бу мавзу экологиядан бутун халқнинг хавфсизлиги ва саломатлиги билан боғлиқ ижтимоий аҳамиятга эга бўлган даражага кўтарилди, деди депутат.
Тошкент ҳокимлигига ғилдиракли трамвайлар таклиф этилди
Хитойнинг CRRC корпорацияси вакиллари Тошкент ҳокимлигига ғилдиракли трамвайларни намойиш этди. Уларни Шота Руставели кўчаси бўйлаб «яшил транспорт йўлаги» лойиҳаси доирасида пойтахт транспорт тизимига бирлаштириш таклиф қилинмоқда.
Санэпидқўмита «зарарли» ҳаводан ҳимояланиш бўйича тавсиялар берди
Санэпидқўмита Тошкент ҳавоси таркибида кўпайган PM2,5 заррачалари саломатликка қандай таъсир қилиши бўйича маълумот ҳамда ҳаво сифати ёмонлашганда нималар қилиш кераклиги ҳақида тавсиялар берди.
Тошкент аэропортига Fly Khiva`нинг биринчи самолёти келтирилди
2021 йилда ташкил топган Fly Khiva авиакомпанияси Тошкент аэропортига биринчи Boeing 767−304 юк самолётини қабул қилиб олди. Компания Дубай, Истанбул, Деҳли ва Гонконгга юк рейсларини амалга оширишни режалаштирмоқда.
Фарғонада 11 ёшли қиз зўрлаб, ўлдириб кетилгани юзасидан уч ўсмирга ҳукм ўқилди
Фарғона шаҳрида 11 ёшли қизнинг мурдаси зўрлаш аломатлари билан топилганди. Суд иш бўйича уч нафар гумонланувчига нисбатан ҳукм чиқарди. Уларнинг иккиси 13 ва 14 йилга озодликдан маҳрум қилинди. Бирига нисбатан эса 2 йилга озодликни чеклаш жазоси тайинланди.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг