Тошкент ҳокимлиги хорижлик экспертлар иштирокида шаҳардаги экологик вазиятни яхшилаш бўйича чоралар ишлаб чиқилаётганини маълум қилди. Баъзи чоралар «кескин» бўлиши ва улар тадқиқот ҳамда таҳлилларга асосланган бўлиши кераклиги айтилди. Ҳокимлик тез орада жамоатчиликка тақдимот берилишини қайд этди.
Президент боғчаларни текширишда «дежурний камчиликлар»ни аниқлайдиган Давлат молиявий назорати инспекцияси (КРУ) фаолиятини «мутлақо қониқарсиз» деб атади. «259 та боғчада аниқланган 10 млрд сўмлик камчилик аслида 100 млрд сўмлик бўлган». Давлат раҳбари тизимда коррупция юқорилигини таъкидлади.
Бош прокуратура Nuz.uz журналисти Михаил Довлатовни ушлаб, унинг фаолиятига тўсқинлик қилган ҳуқуқ-тартибот идоралари ходимларига нисбатан хизмат текшируви бошланганини маълум қилди.
Ўзбекистонда яширин иқтисодиётдан давлат бюджетига 30 трлн сўм, ялпи ички маҳсулотга 135 трлн сўм зарар етказилган. Деярли 11 мингта корхона (41 фоиз) ҳисоботларида фақат 1 кишини ишчи сифатида кўрсатган. «Яширин иқтисодиёт тўғри ишлаётган тадбиркорларга катта тўсиқ бўляпти», — деди президент.
Янги ташкил этилган Ўзбекистон маҳаллалари уюшмасига Қаҳрамон Қуронбоев раис этиб сайланди. Шу муносабат билан у Президент администрацияси Ёшлар сиёсати департаментининг раҳбари лавозимидан озод этилди. Шунингдек, уюшма раисига ўринбосарлар ҳам сайланди.
Ўзбекистонда энди фуқаролар ўз ҳуқуқ ва манфаатларини бузаётган мансабдор шахслар қарорлари устидан маъмурий судга мурожаат қилганда давлат божи тўламайди.
Давактив «Пахтакор футбол клуби» МЧЖнинг 100 фоиз давлат улуши савдога чиқарилганини маълум қилди. Клубнинг янги эгаси академия ва клуб фаолиятини давом эттириши, клуб балансидаги барча спорт объектларидан, жумладан, футбол майдонидан фақатгина спорт фаолияти йўналишларида фойдаланиши керак бўлади.
Қирғизистон милицияси Temirov Live ва «Айт Айт Десе» мустақил лойиҳалар журналистларининг устидан тинтув ўтказди ва бир неча кишини сўроққа олиб кетди. Бундан ташқари, 24.kg агентлиги таҳририятига ҳам хавфсизлик кучлари келган. «Газета.uz» вазиятга алоқадор маълумотларни тақдим этади.
Ўзбекистон пойтахтида эрталаб ҳаво яна «зарарли» даражага етди. Ўзгидромет маълумотларига кўра, РМ2,5 зарралари таркиби ЖССТ тавсияларидан 23,8 баробар ошди. IQAir рейтингида шаҳар 8-ўринга чиқди. Расмийлар бундай ҳолатлар бўйича огоҳлантиришлар ёки тавсияларни ҳанузгача эълон қилгани йўқ.
ЖССТ тамаки истеъмолининг глобал пасайишини қайд этди. Ташкилотга кўра, чекувчилар сони 1,25 млрд кишигача камайди, бу катталарнинг ҳар беш нафаридан бирига тўғри келади. Ўзбекистонда тамаки истеъмолчилари сони, экспертларнинг маълумотларига кўра, 3,83 млн кишини ташкил этади.
Суд Nuz.uz журналисти Михаил Довлатовга нисбатан қўзғатилган маъмурий ишни тугатди. Суд иши майда безорилик ва ички ишлар ходимларининг қонуний талабларини бажармаслик моддалари билан очилганди. Тошкент шаҳри ИИББ журналист жамоат жойида чеккани учун жаримага тортилганини маълум қилган.
Ўзбекистонликларга виза режимини бекор қилган БАА, ишдан олиниши мумкин бўлган ҳокимлар, президентнинг 2024 йилда иқтисодиётни ривожлантириш бўйича йиғилиши, ССВга тушган ёлғон чақириқлар ва бошқалар — «Газета.uz»нинг кунлик дайжестида.
Фавқулодда вазиятлар вазирлиги Россиянинг Самара вилоятида ЙТҲга учраган Lada Largus автомобилида етти нафар Ўзбекистон фуқароси бўлганини тасдиқлади. Уларнинг уч нафари вафот этган, тўрт нафари эса даволанмоқда. Тегишли ташкилотлар уларни ватанга қайтариш устида ишламоқда.
Валижон Адизов Навоий вилоятининг Кармана туманига раҳбар бўлди. Бу туманнинг аввалги ҳокими майнинг ферма билан боғлиқ можаро туфайли ишдан олинганди.
Бош прокуратура ҳузуридаги Иқтисодий жиноятларга қарши курашиш департаменти бошлиғи Шамсиддин Сохибназаров қўшимча равишда бош прокурор ўринбосари этиб тайинланди.
Президент ва Еврокомиссия вице-президенти Маргаритис Схинас Ўзбекистон ҳамда Европа Иттифоқи ўртасидаги шерикчиликни кенгайтириш масалаларини муҳокама қилди. Январь сўнггида Брюсселда ЕИ ва МО ўртасида транспорт-коммуникация алоқаларини мустаҳкамлаш бўйича инвесторлар форуми бўлиб ўтади.
Шаҳрисабзда 17 ёшли қиз турмушга чиқишга мажбурлангач, болалар омбудсманига мурожаат қилди. У омбудсмандан аввал ўқишини тугатмоқчи эканини айтиб, ёрдам сўради. Қизга ҳимоя ордери берилди, ота-онаси эса мажбурий никоҳ учун жавобгарлик борлигидан огоҳлантирилди.
БАА ҳукумати Ўзбекистон фуқаролари учун 30 кунгача визасиз режимини жорий қилди. Ҳужжат 16 февралдан кучга киради.
Бахтиёр Бегматов Бўка туман ҳокими этиб тайинланди. Тайинловга қадар у Тошкент вилояти Маҳаллабай ишлаш ва тадбиркорликни ривожлантириш бошқармаси бошлиғи сифатида ишлаб келаётганди.
Россиянинг Самара вилоятида Ўзбекистоннинг Қашқадарё вилоятига тегишли давлат рақам белгиси бўлган Lada Largus автомобили «Газель» юк машинаси билан тўқнашди. Largus автомашинасининг уч нафар йўловчиси ҳалок бўлди, яна тўрт нафари касалхонага ётқизилди.
Қўшимча имкониятларга эга булиш учун сайтда рўйхатдан ўтинг